七福神和食亭

營業中

休息中

這一家雖然是樓上店，但人流絕對不少！之前嘗試過walk-in，但因為太full失敗了，所以今次我們預先book了位。這家食店就好像是日本的居酒屋，有各種不同的日式食品，我當然不放過機會每一樣食品都order嘗試一下！挺喜歡這店的下單方式，讓客人自己把食品編號/名稱和數量寫在紙上，客人可以一邊下單一邊檢視自己order了甚麼。menu上有不少刺身拼盤，但因為我始終最終愛的刺身是三文魚和吞拿魚，所以還是散叫吧！刺身用冰鎮上枱，保持著新鮮度！火炙三文魚壽司是即叫即做旳，上枱時還是熱熱的，要襯熱吃喔！蟹籽壽司亦很爽口！這個絕對是抵食之選，軟殻蟹夠脆口，讚這個串燒挺特別的，用煙肉包著帶子，一口吃下去，既有肉味，亦有帶子的鮮味，不錯！芝士再加上一些洋蔥碎粒，這個焗天火蠔真係一試難忘，推介！墨魚咀唐揚的炸粉不會很厚，吃起來很脆口，配上他他醬，非常可口這個鐵板非常夠熱，上枱後需要不停將牛柳粒反轉，不然會燒焦的！最後仍order了一道飽肚的稻庭烏冬，很少吃冷食的烏冬，味道很不錯呢！總括來說，這家食店的食品性價比都挺高的，是日本菜的不二之選！

一向少有蹅足佐敦區，於中午食飯時段，既不想飲中茶也不想吃快餐，想起了久違的七福神和食亭，便立即向南京街口直奔。一樣的居酒居環境、一樣的親切服務及一樣的食物水準，滿意！蟹籽沙律 $50青瓜絲和蟹籽很新鮮，份量多得有點出乎意料。露筍牛肉串 $55 露筍新鮮，牛肉雖有點乾身，但有牛味。芝麻雞翼 $62東京風茄子煮 $36 每次看見木魚在食物上飛舞，心情都會有點兒興奮，茄子香軟，不會太油膩。鹽燒青唐豆腐煮 $38豆腐滑滑，配合湯汁，滿分！香川燒青魚 $58 青魚肉質結實，有魚香。冬菇串 $28 冬菇新鮮，菇味濃。檸檬菊花蜜 $20 檸檬清香，有菊花香味，又甜又滋潤。

朋友生日，諗住同佢食日本大餐慶祝一下，之前食過呢間七福神覺得唔錯，就再黎幫襯一下。板燒溫泉蛋煙肉粟米 50溫泉蛋流心狀好吸引，加上粒粒粟米口感唔錯，煙肉也增添鹹香。泡菜牛肉芝士燒飯 68芝味濃郁惹味，比我想像中冇咁辣，唔食得辣既朋友岩哂。魷魚鬚唐 55魷魚鬚外脆內煙韌，炸粉唔厚唔膩令人一食想繼續食。芝麻雞翼 62牛油焗帶子 78帶子向來係我既最愛，口感彈牙亦富鮮味。甘蝦刺身（5本）58甘蝦大大隻，味道重好鮮甜添。

帶埋屋企人去七福神食日本野，先前都黎過，覺得好食得黎又唔算貴。晏晝會有set menu 有丼飯壽司跟飲品甜品，夜晚黎就要單點。先黎一個蟹籽沙律，一份細嘅已經可以夠3-4人食，好大份。燒物叫左雞泡魚乾，牛油帆立貝，串燒拼盤，汁燒鐵板牛舌。驚喜係帆立貝有燒得外皮脆脆地既焦糖牛油。汁燒牛舌好特別，似中式炆牛腩咁淰淰地，第二度食唔到。刺身叫左個拼盤，幾款刺身同生蠔都幾新鮮同肥美，呢個價錢算幾抵食。仲有蟹膏甲羅燒配飯團佢跟左幾塊紫菜夾住食，蟹膏份量都不少，又夠鮮甜，好味道😋

朋友喜歡吃日本菜, 佐敦道的七福神是不二之選因為這裏的魚生出名新鮮, 但常常滿座要預早訂位. 好不容易約好朋友安排好位置擠進了坐滿人的食堂,食物品評如下;魚生拼盤(168)魚生拼盤份量足夠,食材非常新鮮有光澤, 魚片厚切有口感更加有一板馬糞海膽, 海膽鮮甜不在話下.炸蝦天婦羅(75)炸蝦天婦羅脆漿金黃色內裏鮮蝦熱辣辣, 難得的是粉漿夠薄, 不油膩不黐牙.蟹肉味噌甲羅燒(58)這裏的名菜,用蟹肉混上蟹膏再加上味噌一同放在蟹蓋再燒烤至蕉香, 非常和味! 這個價錢你一定畀得起!芝士焗天火生蠔 (50蚊一隻)芝士在外面烤熟字金黃色已經非常誘人, 用筷子夾起半溶芝士拉著出煙的生蠔,生蠔肉脆身,蠔殼內還剩滿了蠔汁, 飲下去有鮮甜海水味.大蒜牛油煎銀鱈魚(168元)牛油香味帶出銀鱈魚的油香嫩滑.人均消費才468元如此高質素的壽司實在超值而且地點方便, 是與朋友吃晚飯的首選地點.

今晚和友人在佐敦找了間日本餐廳懷念日本旅行的味道。再次光顧這家餐廳，味道更上一層樓。刺身拼盤有厚厚的油甘魚、三文魚、和北寄貝。份量適中而且鮮甜。每次來都一定會每人一個蟹肉味噌甲羅燒，配上白飯，啖啖蟹肉蟹膏大大的滿足。芝士燒天婦羅蟹腳卷都非常美味，大大塊的芝士微烤一下包裹住蟹腳卷非常香脆。雞軟骨粒和炸魷魚鬚配上醬料，中和熱氣感之餘非常可口。燒肉帶子串的設計，用燒肉包裹住帶子再淋上檸檬汁，咬上去的時候非常清新軟綿綿的。炙五味的五種食材的壽司炙燒一下的味道，三文魚腩入口即溶，鰻魚大大條的，還有配上鴨胸和甜蝦，簡直是最佳的五種食材配合。

每次黎呢區行完街，想食日本嘢都必然之選，今晚又黎啦好彩早到都仲有位，餐牌不時加入新菜式，保持新鮮感，秋冬來到，加入季節限定涮涮鍋蟹籽沙律 ($50/小) - 每次黎呢度都必叫"名物"，蟹籽毫不留手咁舖面，入口脆卜卜; 中及底層分別係爽口青瓜及生菜絲，撈埋沙律醬一齊食，甚為開胃!六品刺身盛合 ($218) - 六款刺身包括三文魚，鱆紅魚，吞拿魚，北寄貝，帶子及甘蝦各三件，顏色靚仔，擺盤吸引款式大路，計埋有成18件刺身，性價比都算高，而且魚生類係厚切，滿足口感!見到餐牌推介，被其中兩個字吸引住......................."芝士"就叫左個芝士燒天婦羅蟹腳卷 ($36)，三件飯卷包住天婦羅蟹腳，再披上燒香左嘅芝士戰衣，加多三粒三文魚籽，增加可愛度!經過火燒，入口微暖，先有芝士嘅軟滑咸香，之後到飯粒及蟹腳，一啖一件夠豪氣!脆皮煎餃子 ($45) - 見到層薄脆係餃子底部，用筷子介開時已經感到嘅脆度個餃子汁擔當重要角色，點左黎食超好味，餃子外皮帶香脆，餡料內仍然保持濕度，調教味道適中，兩啖一隻，正!刺身帶子覺得幾鮮甜，黎多個醬油北海道帶子燒 ($68)，原隻北海道帶子都好大隻下喎

呢晚約左朋友食飯，朋友話佐敦有間日本料理唔錯，地點又方便，所以決定黎呢到食飯聚下。呢晚我地大約7點令到上到去已經好多人，爆場咁濟，好彩都唔洗等位啫😛種類好多選擇，我地三個女人都揀左好耐🤣呢個海膽手卷好鮮甜，完全食到嗰陣海水味但又唔腥，唔錯👍🏻我地係三文魚腩既忠實粉絲，刺身好肥美，食落口嗰陣油甘味正到食完舊三文魚d油味仲係個口裡面好新鮮。火灸三文魚腩壽司燒完感覺個油甘仲香，而且呢到既三文魚腩好厚，口感好好。好少餐廳會有椒鹽蘑菇，所以見到都叫左個黎試下。平時既日本餐廳都會有牛油粟米，呢到個粟米特別地係溫泉蛋煙肉粟米，咁樣撈埋一齊都幾夾，食落口我覺得仲有陣carbonara既味道🤣鰻魚炒飯甜甜地幾好味，而個豬頸肉韓式炒麵就辣辣地，豬頸肉炒到好爽口，呢個炒麵下次再黎食既話我都會再叫👍🏻

「七福神」這間日式料理，一直在觀察名單中，今晚終於有空，安排時間來吃一頓晚餐。可能食肆比較受歡迎，所以座無虛席。清酒煮海蜆$88，酒香味道香濃，帶點微辣，而蜆肉爽口鮮甜，而且彈牙，比正宗做法更加好。鹽燒油甘魚鮫$78，魚皮帶點焦香味，魚肉味道香甜，點些柚子醋和蘿蔔蓉，可以減少肥膩感，又可以增加層次。油甘魚四切$70，厚切的油甘魚味道濃郁，解凍得剛剛好，爽甜鮮味，值得推薦。蘆筍牛肉$55，蘆筍爽口，如果牛肉肉汁豐富一點更好。燒肉帶子串$68，帶子吸收了煙肉的醎味，變得更鮮甜。大蔥雞$38，雞肉味道適中，如果縮短燒烤時間更佳。

已經第三次來食，份量又足又抵食，軍艦大大件😋 刺身亦新鮮，唔比迴轉壽司店差～炸物亦唔會感覺太油同太乾，食落口感好好，兩個女仔叫左成枱野食，買單都係每人百幾二百炸😆😆

今晚去了佐敦永安附近的”七福神”日本料理，餐廳是樓上鋪，需要行上一條小樓梯才到用膳的地方，裝修用了大量木材和日式風格的飾物，幾有新宿歌舞伎町居酒屋的感覺，今次有得坐窗邊卡位，可望到彌敦道街景，很舒適寫意前菜我們點了青芥辣八爪魚沙律，沙律的柚子醋混合青芥辣調味，好fresh好開胃，青芥辣沒有搶掉所有味道，亦帶起八爪魚鮮味。刺身拼盤有幾個配搭，我們就選了有三文魚、帶子、甜蝦和生蠔的一款生蠔鮮嫩爽身，creamy程度一般，有海水味，不會過咸，夠凍唔會攤到暖，而其他三款刺身亦新鮮份量足，以$148的價錢可試幾款海鮮來說十分超值。小食點了椒鹽風味本菇，這道小食是今日亮點，食完一件就完全停不了，點沙律醬一流，炸得很好，夠乾身無油味，保持到本菇的鮮嫩，好食，配啤酒好正!海膽海鮮炒黃金飯應該可成為七福招牌菜，一上桌就被它金黃色的外表吸引，炒飯有鑊氣，食落暖笠笠，有海膽鋪在飯面自行拌飯，而其他海鮮配料亦多款足料，三文魚子、魚肉，蜆肉和魷魚，啖啖都有鮮味，炒飯的份量應該夠裝4~5個碗仔。是今日的大推介!另外，芝士燒天婦羅蟹腳卷都是好值得一試。唯一較失色的是串燒五品盛盒，串燒不夠熱，塊冬菇好乾好扁，可改善。

啲員工質素差到冇得再差，全部自己做野，唔會理間鋪啲客。想落單舉左成30秒都冇人過黎拎。啲員工係完全冇禮貌，好似啞左咁，放低啲野直接走。直接叫啲客做”條友”，又全程黑口黑面，唔明點解要比服務費呢間野。食物一般，唔明點解間野咁多好評。總結垃圾水準。

呢日約左朋友出來食飯, 冇見3個月了, 找個地方食飯聚聚。來到了-七福神和食亭。七福神和食亭地點都好方便好易搵,就係那間裕X國貨後面。呢晚我地都叫左好多野食,叫到成枱都係牛油果鮮奶沙冰 ($38)呢個真心大愛, 本身我都好中意食牛油果,呢杯野我真係勁中意!不過與其話佢係沙冰, 其實佢似奶昔多D。因為冇埋冰FEEL。口感好Smooth好滑,啖啖牛油果清新既味道, 超正KIRIN啤酒沙冰 ($68)呢個好新奇!都係第1次見!出奇地好味!中意飲啤酒真係應該試下!燒肉帶子串 ($68)呢個好惹味~煙肉腸仔串就食得多, 今次卷啖啖肉既帶子, 啖啖鮮味, 關西風玉子燒 ($56)玉子, 甜甜的, 平時食壽司都喜歡食~今次咁樣大大舊, 大大啖, 真係冇得頂!特別一提, 玉子燒真係整得好好,卷得好靚好實, 夾起來食都唔會散開, 讚焗肉醬茄子手打烏冬 ($58)肉醬同茄子, 真係絕配！如果只食肉醬, 難免會有D膩, 但加埋茄子, 成件事就balance好多~同埋焗烏冬, 原來會好食過焗意粉!芝士焗天火蠔 ($25/隻)蠔大大隻! 好鮮甜!芝士滿滿的, 好滿足芝士燒天婦羅蟹腳卷 ($36)首先, 賣相靚,

陪女兒去佐敦做美容，又係一等又2個多小時，肚餓啦！女兒知我喜歡食日本野，請咗我去七福食晚飯，我重記得七福的三文魚腩，超好味，立刻前往用餐！三文魚腩(5切)：新鮮肥美，魚油豐富，肉質細嫩鮮美，魚脂甘香。食左刺身，當然不可錯過三文魚腩壽司特長：同樣肥美，加長可以增加口感。火灸蟹棒壽司惹味！海老天婦羅：粉漿不會太厚，外層炸得金黃酥脆，蝦肉爽口。芝士焗天火蠔：用芝士加煙肉鋪在蠔面，焗至金黃色，蠔味濃郁，口感creamy又惹味！芝麻雞翼：即炸雞翼上枱熱騰騰，外脆肉嫩，加左芝麻更添香味。鰻魚飯：鰻魚份量不少，已經蓋滿飯面，鰻魚厚肉有口感，用鰻魚汁撈飯更好味！柚子咖喱豬扒飯：厚切豬扒炸至金黃色，飯炒得香口，配合埋濃郁的柚子咖哩汁，十分惹味！

上次同朋友食過，覺得 "七褔神 " 的出品都不錯， 所以今日人便帶家人來品嚐一下。餐廳推介 : 日本柚子系列之一；鍾情以酸酸甜甜的柚子入饌人士定會喜歡，除了大量沙律菜，原隻去殼蝦外，我覺得當中那片麵包脆脆提昇了沙律的口感層次。加上柚子的清香，感覺份外清新。因為愛食海膽，所以我根本不作他想，只會選第4項 ~ 海膽拼盤。海膽鮮甜軟滑，一點腥味也没有，連本來不太熱充於食海膽的家人都食到舐舐脷；鱆紅魚肉質爽口鮮美，有咬口，业蝦與三文魚都很新鮮，整個刺身拼盤都唔錯，新鮮味美是重點所在。蟹肉味噌甲羅燒 $58廚帥推介之一，由大量蟹膏、蟹肉、蟹子、味噌混和一起放在蟹蓋內燒，配以飯團、紫菜片倦起一同吃，不但口感豐富，亦突顯蟹肉的鮮味。剛剛焗好便送上檯，超熱辣 ，蠔身肉質肥美，芝士醬汁較得好好，沒有蓋過蠔的鮮味，用匙羹拂起來食，簡宜高級的享受。餐廳選用中型蜆 ，肉質非常鮮嫩 ，粒粒脹卜卜 肥美飽滿 ，浸泡在清酒湯中  ，令味道份外鮮甜 ，這清酒湯更混入少少辣的原素 ，有點刺激但又不過份辣 ，不知是否取材自中式胡椒湯的做法 ，真的好味到令人越呷越想呷。上次無貨 ，今日一定要點一客補償返 ，原條燒鰻魚燒到表