一鍋豐 (已結業)

星期日，朋友約去滾吓滾吓，有乜好介紹？？話試吓創興的一鍋豐，半任食，同話用料好，一於試吓，就知龍與鳳。餐廳提供三種餐俾你選，有限量的海鮮再配任食的火鍋料，彈性高。象拔蚌海鮮火鍋餐，朋友話一係唔好食，一係就一步到位，豪盡佢喎！限量的海鮮包括有象拔蚌仔、珊瑚蚌、桂花蚌、蟶子、蝦、鮑魚仔、有殼蠔和海星班。用料有份量又有質量，還很有Heart的把海鮮清潔好才上枱。火鍋醬料調味吧胡椒銀杏豬肚湯，豬肚煲得很腍，而且清潔得很仔細，份量也不少，吃了還有，再吃還是有。如果胡椒可以更重，就多好，可是不一定每個客人會喜歡了。288象拔蚌餐的任食選擇比其餘兩種餐是有區別的。手切安格斯牛小排、頂級肥牛料、黑豚腩片、日本帶子、白鱔片都是288餐獨有的，用料高級新鮮，尤其牛小排，我們ENCORE了X次才滿足。花膠、魚皮餃、韭菜餃、手打墨魚丸、芝士豆腐，質量味道也是高分之選。墨魚滑，蟹籽份量多，精彩之作。海蜆，好恐怖，有質素的蜆都可以任食！！雪糕，除了傳統的，還有自製軟雪糕，機會難得！！

創興18樓開左個新嘅火鍋店，上黎試吓，個場好大，好光猛。等位區都好舒適:叫左$288餐，一大枱野食，準備開動。刺身較少選擇，得五款，質素一般啦，不過中式火鍋有刺身任食，算係BONUS。有殼蠔，大大隻，豐滿潤澤，多汁。一次性海鮮，海星斑、珊瑚蚌、鮑魚仔、桂花蚌、象拔蚌仔……連象拔蚌肚（象拔蚌膽）都有，可以用黎熬湯，特別鮮甜架。手切安格斯牛小排每塊都算厚，而且油脂分佈都好均勻，食落軟腍，重點連安格斯咁高質都任食，出面啲火鍋店細細碟都一百幾十啦，抵！頂級肥牛粒有肥有瘦，食落除左肉香仲有油香，果然係靚肥牛。重點又係任食，可以同時放幾粒入口(已不顧儀態)，爽呀！日本帶子白滑有光澤，大粒厚肉，鮮甜爽口。必食係海蝦，三個餐都可以叫架。隻隻都又大隻又新鮮，爽口彈牙。放題嘅蝦好少咁高質，一定要encore多幾次！芝士雙響丸，第一次見呢種丸，成個黃色嘅嘴唇咁，味道有啲似粟米忌廉湯，甜甜地幾特別。海蜆算鮮甜，但仲有啲沙，要扣分。雪櫃有五個，飲品任揀。當中最特別嘅係「沙示」，兒時嘅味道，好耐冇見過，至於好唔好飲呢，真係見仁見智。粟米鬚茶，唔甜又解渴。適合打算長期作戰嘅食客。雪糕機都有，有朱古力味同雲呢嗱味。雪

今晚一家人經過創興廣場, 係樓下見到"一鍋豐"既廣告牌, 上面寫住"免加一, 2.5小時任飲任食", 爸爸見大家都肚餓, 建議大家入去一試!由於新開既關係, 店內非常整潔, 座位亦非常寬闊, 更設大量卡位, 坐得舒服。呢度有三種價錢選擇, 包唔同款既火鍋食材。而我地就揀左最貴既【象拔蚌海鮮火鍋餐】, 呢款仲可以揀佢地既馬來喇沙大頭蝦湯底鍋底: 馬來喇沙大頭蝦鍋非常足料, 入面有兩隻大頭蝦, 湯底帶點點微辣醬油方面可以自由混醬野飲任飲, 自行到雪櫃自取, 以罐裝韓式飲品、汽水、啤酒為主先送上一盤一次性既海鮮 (非任食, 計人頭份量)海星班、蠔、大頭蝦、珊湖蚌、鮑魚仔、桂花蚌、象拔蚌仔、聖子海鮮以冰墊底, 海星班較林身, 珊湖蚌同桂花蚌爽口非常大頭蝦大大隻, 去殼後蝦身完整飽滿, 不是死蝦, 入口仲幾爽之後我地就寫紙order一d可以無限任叫既火鍋食材Order既份量都以每檯既人頭數目而分配, 所有每次都細細碟, 如果想主攻某幾款, 落order既次數就要密d喇...幸好呢度既野食上得都幾快, 而且冇漏order....鵝腸: 沒有肥膏連住, 好薄, 爽口感較低白鱔: 呢d比較貴既魚, 好

雖然現在已是夏天，不過對我而言，打邊爐一向無分季節 XD前幾日就來到旺角創興廣場剛開張不久的一鍋豐，一嚐任飲任食的火鍋大餐！新裝修還是新簇簇，燈火通明，環境衛生，空間寬敞。卡位坐得十分舒服自在，一點也不覺得擠擁，加上枱面又夠大，可以放到大量食物。套餐有三款選擇，今次我就選了鮑魚海鮮火鍋餐，價錢 $238一位已包加一，再沒有額外隱藏收費，限時兩個半小時。餐單選擇繁多，鮑魚海鮮火鍋餐比起普通的刺身火鍋餐多了9款特色配料。湯底亦有十款選擇。除了火鍋生料，還有任食刺身可選，不過由於我的目標只是為了打邊爐，所以這次就沒有點 除了湯底之外，其實火鍋的醬料也決定了味覺，醬料自助櫃亦可方便人客自行混醬，混出最適合自己的口味。這次我就選了南瓜蘋果魚湯鍋，湯底清甜，不過就不太覺得有魚味。一次性海鮮包括海斑、珊瑚蚌、鮑魚仔、有殼蠔和桂花蚌，食材都相當新鮮。包仔豆腐、蕃茄、木耳、海帶打邊爐的其中一個好處就是蔬菜類選擇很多，我通常習慣反傳統從低熱量的食物入手，先吃蔬菜，之後才到肉類。手切肥牛肥牛就最適合我家食肉獸，肉眼所見，手切肥牛的油脂分佈不多。因油脂少，用來打邊爐肉質較韌，但卻滿口都是牛肉的真味。墨魚片墨魚

✿╮❤╭✿ ✿雜感女生 好味日記✿ ˚*•✰。一鍋豐．豐衣足食。✰•*˚ ✿✿舌尖上的旺角✿✿ ❤餓底飯聚．食勻全世界❤ ❤ 朋友準時下班，於是相約一起吃一次創興新店 一鍋豐做的是港式火鍋 來吃有2個重點：一是有養生湯底，二是韓式飲品選擇不少 為何要和朋友一起吃，憑著她的大肚皮，自然是放任回本 一定來個最強勁的——象拔蚌海鮮餐 食川弓天麻大魚頭鍋，你一定要有個識食魚頭的朋友 她主攻魚頭，我負責飲湯，無限量吃其他鮮味， 食到吮吮聲....人類稱這種高效率方式為「分工合作」， 呵呵，本小姐的確是智慧型吃貨！(好自大！) 怕骨的我，魚頭由朋友即場消滅(1個人食晒，好利害！) 她以口感直說魚頭夠新鮮，因為我愛養生湯，一飲就知無花假 我愛天麻與川弓的藥材香氣，還有大大粒的紅棗、枸杞、當歸 海鮮盤非常豐富：鮑魚、象拔蚌、蟶子、生蠔、海星斑、珊瑚蚌.... 應有盡有，而大蝦、青口、帶子和花膠都是無限量任點的！ 海星斑的肉質特別好，鮑魚、象拔蚌都很鮮美 其實要回本，真的很容易 就以手切頂級肥牛為例，點了3次 牛味香濃的頂級肥牛粒最得我心 朋友又在等邊邊之食，主動點了刺身，邊吃邊說甜

好耐冇一家人去食飯，今天是假日，專程約埋去旺角創興廣場18樓的一鍋豐食晚餐，之前經過見到一鍋豐新店廣告牌，是主打海鮮火鍋，又有任食火鍋配料和刺身，所以我們約好今天放假去試試！混醬區我們選擇了象拔蚌海鮮火鍋餐：馬來喇沙大頭蝦鍋一次性海鮮有：海星斑、大頭蝦、鮑魚仔、象拔蚌仔、有殼蠔、珊瑚蚌、桂花蚌、聖子，材料豐富又新鮮。還有多款火鍋配料任點任食。材料豐富又新鮮。多款新鮮刺身任食！多款飲品和甜品自助任食。

女朋友不嬲都好中意打邊爐，今日就去食一鍋豐。預先就訂好左位，一去就有得開餐！野飲櫃有成3個咁多！有沙士、可樂、忌廉汽水等等，連啤酒都有一個櫃咁多。除左甜品櫃嘅甜品，仲有雪糕機可以自己Diy，有朱古力同雲呢嗱，選擇比一般嘅火鍋店多。湯底揀左麻辣鍋，麻辣鍋湯底一開始唔太辣，到後期就愈食愈勁。湯底好足料，下面有好多大豆芽鋪底，上面就有d花椒乾。有剌身任食，都有三文魚、吞拿魚、北寄貝等等。滿心歡喜咁寫左每樣10份，上到黎點知。。。係跟人頭比。肥牛切得有較為散，入口油脂豐富分佈平均。切得比較厚身，所以好有咬口，淥完本身已經較細嘅肥牛就更縮左水，但依然好味。海蝦係跟人頭去比，幾多個人比幾多隻你。啲蝦一淥就熟，入口都算爽口，蝦身唔霉口，幾新鮮。花膠白雪雪，唔同平時係街見嘅淡黃色。依到嘅花膠幾算大片，入口係濃濃嘅黏感，無咩味，比較清淡。脆肉鯇魚片係打邊爐一定要叫嘅。魚片切得幾厚，食落好爽口，魚鮮味十足。牛栢葉白雪雪，掉落湯到一陣間就吸曬湯嘅辣味。入口又爽又辣，係世界級嘅野食！魚皮餃、冬瓜、蘿蔔、芝士腸個d就必叫嘅，冬瓜同蘿蔔都切得好厚，淥好耐都未熟。不過都好吸湯嘅味，都幾好味。餐廳環境幾好，好岩幾個朋

今日同屋企人黎試一鍋豐，一早就book好左位，所以去到就可以入座啦！地方都幾闊落，坐得好舒服。野飲、甜品、鼓油都係自己拎，選擇都算ok多，不過不失。湯底揀左清湯羅白牛腩鍋同麻辣鍋，麻辣鍋湯底一啲都唔辣，有小小失望。反而牛腩鍋就幾濃牛味，好有驚喜。鮮滑牛肉。牛肉都幾大片，都幾新鮮。食落好似牛扒咁，肉質好嫩，牛味都算濃郁，質素都可以。手切肥牛。肥牛切得有d碎，食落油脂比較豐富。同鮮滑牛肉比起，較為有咬口，但就小左啲牛味。花膠。近排愈黎愈多火鍋店有花膠食，但大多數都係花膠仔。但e到嘅花膠係大大片架，入口係濃濃嘅魚膠味，都幾黏，比相像中好。脆肉鯇魚片。打邊爐必備嘅係脆肉鯇魚片，e到嘅魚片切得比較厚身，剝完之後卷埋一舊。食落係爽口嘅，但就有小小泥味。蔬菜。冬瓜、蘿蔔都係一開煲就掉落去，食到一半就可以食啦。冬瓜清甜，蘿蔔都無渣，幾好味。娃娃菜索曬湯底嘅味，好好食。食物就不過不失，但全程侍應嘅服務態度好好，見我地食蝦剝完殻係碟到，好快咁幫我地換新碟。上菜同收空碟都好快速度，好好嘅服務。

今晚朋友飯局，特登約左去旺角創興打邊爐。老實講，去親旺角打邊爐，通常都係失望既，不過今晚朋友誓神劈願話今次一定唔會失望，好！講到咁巴閉就即管試下你係龍係鳳！上到去，咦！新裝修新舖頭喎！攞個餐牌睇睇先，先叫左個大魚頭湯底，再黎試試佢個象拔蚌餐，學啲世叔伯話齋，伏唔怕中，最緊要豪！川弓天麻大魚頭鍋！都幾濃味，香料十足，堅係成個大魚頭開邊放晒落個鍋。撈出黎一睇，哇塞！嗰對魚眼烱烱有神！氣勢十足！！個餐包海星斑片、即開生蠔、大頭蝦、鮑魚、珊瑚蚌、貴花蚌同聖子，雖然個海鮮拼盤唔係任食，但份量係夠既。之後上嘅任食料都幾新鮮，完全唔係hea 你，唔錯唔錯。牛肉、豬肉片，脆鯇同啲丸係好食既，加埋個任飲，總括黎講，呢餐抵食好滿意！

嘩，真係熱到傻，出街有種透不過氣來既感覺。不過打邊爐呢家野真係情來時沒法擋，對住冷氣食住出煙既食物都將爽架。行過創興廣場，見到成棟大廈都有好多火鍋店，世界做生意真難，不過我地唔想雞煲唔想麻辣唔想連鎖，所以就試試呢間一鍋豐，主打實惠親民價，海鮮刺身火鍋放題！餐廳間格都幾闊落，六點到都已經有幾檯客，有學生哥，有長者，有OL，似乎攻打唔同市場啵！主要有三個選擇，我地都係海鮮愛好者，當然選最貴既$288象拔妦海鮮餐啦選左餐左，店員就送上我地餐專屬既點菜紙啦，都好多款選擇呢！$288餐可二選一特別既湯底，我唔食魚頭，所以叫左個喇沙大頭蝦湯底。真係有兩隻超大大頭蝦o係入面架！不過就無咩其他料除左豆卜，但就好多香料見勁多香茅碎在底，聞落都超多，但多D椰奶仲正！刺身唔係好多選擇，但我最愛既都有，只差甜蝦但不得不讚佢真係好鮮好甜，特別八爪魚三文魚都夠曬厚同肥美啦呢個係個餐包既一次性海鮮拼盤，只食呢個都好滿足啦，不過佢他食材都係任食範圍內既，真係拓住個肚走呀要全部料都好鮮，最正梗係爽甜象拔妦！叫下叫下成檯都係野食啦手切肥牛，正，牛味都重架啵，同安格斯牛柳粒不相百仲土魷都有呀，打邊爐好正架其實，好似食魷魚蒸

彌敦道是那麼的繁華熱鬧，夜景燈火輝煌，人羣還是那樣的熙熙攘攘，車水馬龍的，可真是好不繁華的好地方呀！香港👍我愛你❤️我們悠閒地來到在彌敦道創興廣場10樓，此剛營業不久的新店叫 一一＂一鍋豐＂👍👍此館任飲任食可至2小時半的同時還可以包法国或意大利的紅、白酒及藍妹啤酒也可随意讓我們開怀地樂飲樂聚的呀！😁👍👏我們點了＂象拔蚌海鮮火鍋＂餐，芫荽皮蛋作湯底，此湯可給我們在夏曰解火的呀！👍😁東昇斑，象拔蚌，桂花蚌，鮑魚，越南大頭蝦，生蠔等⋯⋯東昇斑，肉質鮮甜，不用形容的呀！👍😁象拔蚌，桂花膀，此二蚌肉質爽口兼也甜👍鮑魚，口感極有的，是稍為硬了點嘀！😊越南大頭蝦及生蠔，前是很有肉感的，後是鮮美味的呀！👍总而言之，海鮮類都極之新鮮無比的好啊！👍😁😁脆魚腩，大魚頭，花膠，炸響鈴及蔬菜脆脘魚腩，此肉質是如此的爽爽丶脆脆的同時也更帶有那甘甘丶香香也有那油滋滋的香氣的啊！👍👍👍在很多地方真的是少嚐到有這般極美味可口的脆脘魚腩的啊！👍👍👍我們對此最為讚賞的啊！太好吃的啊！😁大魚頭，花膠，也好，可，還是比不上那脆脘魚腩那麼好吃的啊！😋餃子，云吞及魚皮餃品種多，各樣蔬菜同為頻多的選择，都是極為新鮮的好佳餚的啊！😁😁😁

話說我同另一個同事兼老死其實都有麻甩一面嘅，就係鍾意烚下烚下打邊爐，喺旺角行完街，咁岩收到張傳單，嘩有鮑魚食咁正？於是就決定去試試新野上到黎勁快入座，可能因為係平日卦！坐低左之後，店員勁好心機解釋三個價錢食嘅野有咩分別，如果鍾意暢飲紅白酒嘅話，最貴果個餐抵好多，因為紅白酒任飲。之但係我地兩個女人仔，要個中間價嘅已經好足夠，所以我地叫左個$238嘅鮑魚海鮮火鍋餐湯底方面都幾多選擇，我地就揀左鮮茄蜆鍋湯底嘅蕃茄味食得出係用真蕃茄而唔係落茄膏，相對無咁濃味，但味道真實，好有在家飲湯嘅感覺！另外，不同價格嘅餐都有張刺身紙，可以任點而鮑魚海鮮拼盤，就係一次性嘅，但勝在新鮮，同埋份量都幾多另外仲有張火鍋點菜紙，基本食材都有，仲有啲特色食材添而呢度飲品係任飲嘅，一般嘅氣水啤酒就唔少得啦，仲有C+、忌廉溝鮮奶、韓國雪碧等韓國飲品添而唔好凍飲嘅朋友，呢度仲有熱水，好貼心❤️除左飲品之外，呢度仲有雪糕同雪條供應，不過呢啲好多地方都有啦特別在，佢仲有乳酪雪糕呀！平時喺啲日式火鍋店先有架嘛揀好左湯底就輪到自選調味料啦！除左一般嘅蒜蓉、豉油等，仲有隻「秘製辣醬」，都幾惹味架！呢度嘅間隔同一般港式火鍋店唔同嘅地方係