一鍋堂 (大鴻輝(荃灣)中心) (已搬遷) 新店位置

因為肺炎關係，已經好耐冇去食火鍋啦，見呢排肺炎穩定咗，每日都冇確診記錄，咁就一於去食火鍋啦。一講到火鍋，我一直都好想試吓一鍋堂，因為睇報道見到有啲特別嘢飲，又有特別菜食，但佢哋實在太受歡迎，好難book位，所以一直都冇機會試，點知今次好好彩，竟然俾我book到位，所以對呢餐都好期待呀。 入到去要先到收銀處揀咗食咩先再入座，有好多湯底揀，咩湯底都想試，所以就決定加＄50揀鴛鴦鍋底，我哋揀咗套餐B：特選安格期牛配檳城喇沙湯同一鍋潮汕湯。 第一時間已經急不及待出咗去拎嘢飲，嚟前已經鎖定咗要飲自家製飲品，有養生洛神花茶，滋潤冰糖燉檸檬，提神烏龍薄荷茶同埋營養蝶豆花茶，今日我就試咗養生洛神花茶： 酸酸甜甜好開胃，啱晒食火鍋飲，同埋滋潤冰糖燉檸檬：我好鐘意呀，唔會太甜，真係好滋潤，飲得出好真材實料，唔會因為任飲已減料，所以我encore咗一次，如果有得買走，我絕對會俾錢買嚟飲。 出去拎嘢飲順便就拎埋菜啦，菜都有好多選擇，我就揀咗貴價菜羽衣甘藍，平時好少機會食㗎，好新鮮，好好食！ 先講個湯底先，檳城喇沙湯：湯底有菇、蕃茄同蝦，好鮮味再加少少辣，酸酸辣辣好正

疫情反覆，難得今天四個朋友有時間相聚，選擇了荃灣大鴻輝的一鍋堂。愛其選擇豐富，各適其適,每個人也可以找到自己喜歡的食物。不得不提這間食肆的服務實在超級讚，服務員都非常有禮貌及有效率。16款鍋底真是必定有一款合你口味，如果選擇鴛鴦鍋底雖要另加$50這晚選了個鴛鴦鍋底：清熱的蘿蔔粟米豬骨湯，材料新鮮，豬骨大大件的，不覺油膩。補肺止咳的杏汁豬肺湯，杏仁味濃，豬肺切成小件，沒有異味，喜歡這類湯底，不但有益身體，也不會蓋過火鍋食物的味道。美國安格斯牛板健和封門柳也不錯，牛味濃郁，沒有渣。牛脷心托爽中有點韌度，喜歡牛脷的可以一試。西班牙栗飼豬肉有豬肉的香甜味道，一個人吃三碟也嫌不夠。爽脆豬潤豬有光澤很新鮮。手切白鱔片新鮮，爽口有彈性。手打墨魚丸真材實料，滿意！蔬菜櫃內有唐生菜、西洋菜、羽衣甘藍和油麥菜等多種選擇。飲品櫃選擇豐富，有汽水、茶類和自家製清熱飲料等。自家製的洛神花茶，不甜有洛神花的酸香味。

之前都食過一鍋堂好幾次，不過食到第二、三次質素有點退步就無再幫襯了T.T 今次因為朋友未試過就再去幫襯，點知有新菜單^.^新驚喜‼️分左套餐A B C，我地就揀左$218既B餐，因為見有多啲不同部位既肉揀😋進步左唔少喎!! 肉既質素高左，特別欣賞牛脷心托、封門柳!! 原來牛脷心托係靠近喉嚨既位置，口感爽甜，富油香，極具咬口‼️而封門柳係控制橫膈膜的肌肉，每隻牛只有兩塊，肉味全牛最濃，香甜到極點‼️完全無諗過俾放題既價錢可以食到甘特別既部位~~之前係完全無依個level既肉，有進步👍其他食物都高質左，特別係餃類，韮菜餃超級好食❣️

在肺炎前曾經常常打邊爐，但經過這幾個月的肺炎陰霾下，都沒有再去打邊爐在肺炎比較回穩的情況下，選擇打邊爐＜一鍋堂＞必定是我的首選首先，今次派到的卡位有加高的背板，而姐卡位枱與枱之間的通道十分闊而且每位員工都戴了口罩，令我們食得非常安心。今次我們選擇了＜芫荽皮蛋湯＞和＜沙參肉竹鯊魚骨湯＞為鴛鴦湯底這２個湯底不會能夠提升食材的鮮味，又不會蓋過本身食材的原本味道而套餐Ｂ＜特選安格斯牛＞質素極高，牛板鍵和牛小排必點，但牛脷心托才是我今次的推介，牛脷本身的牛味跟其他牛肉一樣濃，但它的口感是比肉類更咬口。還有其他必點食材:

我本身其實好小過黎荃灣，為左就朋友收工時間同呢度都好多野食種類可以揀！朋友話想食任食打邊爐喎CP值高第一時間諗起一鍋堂。好彩有book枱，見到好多人排隊等位！安排緊張枱俾我地既同時，我地已揀定食套餐B同埋湯低(一鍋潮汕湯)效率好高！到我地有位坐低好快個鍋就已經到！我地坐窗邊位，環境好好個位又就寬躺。好貼心已經有樽湯底俾我地之後隨時自己加，仲有一個碗係我哋俾我哋裝垃圾。而點菜好方便，只要用電話scan個QR code就可以店員介紹個湯滾左可以飲左先再落野食，試下佢個原味個湯好重胡椒香味，小小辣辣地可以豉油都唔洗點都夠味食物方面我當然必嗌牛肉啦！牛肉好好食，唔會太瘦或太肥少少肥膏先係最靚。仲想介紹下佢d蝦！好大隻好新鮮！今晚真係食得好滿足

今日係荃灣行街，行到肚餓，又唔知有咩餐廳好食，行到大鴻輝，見到一鍋堂，寫住我最喜愛火鍋店，就想去試下，點知又真係幾高質。我地入到去，店員叫我地揀左咩套餐先，我地見套餐b貴40蚊就有多好多肉食，就揀左套餐b($188)，之後就揀左一鍋麻辣湯做湯底。入到去坐低，就見到有醬料吧，飲品吧，乳酪吧。令人驚喜嘅係，仲有一個大大嘅蔬菜吧俾我地自助用。啲菜嘅款式都唔少架。餐廳環境都闊落，又有大大嘅玻璃窗，坐得都幾舒服。坐低無耐，嗰鍋就黎到，我地就用電話s an QR code點餸，好方便。我地就點曬套餐入面啲野食，分別有美國安格斯牛板健，封門柳，牛利心托，紐西蘭羊卷肉，蟹子手打蝦滑，韓式BB八爪魚，西班牙栗飼豬肉，美國安格斯牛肉，自家製鮮蝦雲吞。唔同肉類嘅質感都非常之鮮明，食肉獸建議大家每款都試曬佢。海鮮方面，都唔可以錯過。有魚雲，帆立貝，硯。全部都鮮味無窮，唔似平時嗰啲火鍋店，食落會有雪藏味，就好似一啖將呢個大海吞落肚咁樣。2個鐘頭食火鍋嘅時候，服務員嘅態度都非常好，成日都會幫我哋拎走晒唔要嘅碟，令到張枱唔好咁亂，食都食得舒服。最後，真心建議大家去食呢間火鍋，cp值極高，拎我最喜愛火鍋店都係實至名歸

自從有疫情之後出少左好多街更加唔好提打邊爐啦不過最近又好似無咩事都係同一班朋友食餐勁先黎到一鍋堂打邊爐最大特色就係好多款湯底比你揀任君選擇 仲好多口味今次叫左喇沙/胡椒豬肚雙拼湯底非常惹味 喇沙更是濃香叫埋啲食材更加不得了餐廳用電子落單 係電話度按幾按就落到單一上枱已經高過個人款式仲好多添特別一讚就係啲牛肉係出面食任食火鍋啲牛肉經常都唔靚但依度塊塊都好靚 仲有牛味添另外值得一推既係特長蟹柳又長又香 浸上湯底吸哂啲味就不得了飲品就要自己出去拎有茶有汽水仲有自己整既特色飲品唔怕飲得唔健康菜都係自己出去拎就可以睇到最時令最靚既菜啦

太耐冇嚟過荃灣見一鍋堂，嚟到先至改咗點餐嘅方式。而家都係手機落單，然後專人送上嚟，衛生好多。一嚟到要揀餐，我同老公揀咗B餐試試之後就要揀湯底 我老公揀咗莞西皮蛋，我就揀咗一鍋潮汕湯 一鍋潮汕湯配料好充足，好香嘅胡椒味，絕對係推介黎。 涼茶都係獨立包裝，個人鍾意烏龍茶多啲。 之後配料就陸續送上，呢個美國安格斯牛小排好食過喺其他連鎖店一人一鍋嘅牛肉好多，脂肪極少而且口感很好，很香的牛肉味，我食咗幾碟，貪佢脂肪唔多，無咁肥勁長既蟹柳😍😍放入湯，一陣就可以碎到一絲絲咁，唔會好膠仲有唔同嘅海鮮，牛小品，手打丸，全部都好新鮮最後一杯乳酪雪糕結尾總結來講呢間火鍋店絕對會encore，食物非常高質，又好食，而且佢非常講究衛生，食得好放心。

同朋友2個人突然火鍋癮起🤣 就search吓食邊間。見到一鍋堂都有好多好評同有我喜歡既乳酪雪糕，就揀呢間啦😝💓！！但佢真係好多人排隊！！ 我打佢電話完全無人聽，原來因為有部電子拎飛機！ 仲有另一方法係download 佢地個app排隊真係要預早！ 我平日夜晚大概8點等到9點44分先有位。。餓死我。。等到有得食平20蚊。。都係用qr code 點餐既！因為太餓，原諒我呢張相😂😂 我地叫左潮汕湯底，有條大地魚加啲菇咁。我覺得都唔錯，不過我原本以為會好香魚味，但又唔多覺😂 除左火鍋料，仲有其他野食呢個係放出黎夾的，鹹蛋黃魚皮！ 幾香，但就淋啲既，建議淺嘗就可以😂呢個胡椒冷麵正！！！必點，細細碗唔怕飽！麵質好爽，好好味！！！我地點左a餐，所以只有3款肉，豬牛羊，但因為我地唔太食牛，所以就無所謂！我地試左牛同豬，兩者都好高質！ 特別encore左豬幾轉，欣賞佢app有寫埋建議煮幾耐既時間！另外，魚腐都好正！！ 好味之餘，又有唔同質感！2個都係墨魚滑，只係上面分別係蟹籽定黑松露，黑松露味係食得出既，但個人覺得有埋蟹籽既質感更好！仲又好多唔同丸類！最後，加多個胡椒麵，依舊好彈牙爽口！！以甜品作結，可

早左收工，又好肚餓，於是去打邊爐。見到荃灣大鴻輝中心，唔洗等升降機，於是上去食，上到去唔洗等位，即刻有位，我估因為我5點到，大家去食既話，如果可以早少少上去，一來唔洗等位，二來7點前賣單有9折。👍🏻👍🏻我叫個餐係$148，呢個餐最抵食，我覺得豬肉好食過牛肉，出面野飲有好多選擇，我拎左蝶豆花，都唔錯，幾好飲，同埋用QR code 落單，都算多選擇，好方便，落完單又好快黎，食完既吉碟都好快收走，服務都唔錯👍🏻👍🏻

每次喺荃灣想打邊爐，都一定會諗起大鴻輝，今次就黎到一鍋堂。一出電梯就見到勁多人排除，好在我地有book位。我地揀咗個B餐，有美國安格斯牛肉。有好多特色湯底可以選擇，有養生特藥膳湯，冬陰公湯，檳城喇沙湯等等，最後我地揀咗檳城喇沙湯同一鍋麻辣湯。火鍋配料好豐富，海鮮，各種丸子，蔬菜，一般打邊爐想食既火鍋配料，依到都有。依度既飲品好有特色，係自家制，包括有蝶豆花茶，洛神花茶，好健康。仲有自助沙律吧同甜品😋

今日同男朋友去左食火鍋火鍋夜題任叫任食超滿足，我放工已經超級肚餓食放題就岩哂啦！120分鐘任食火鍋，有16種湯底選擇，肉類選擇多，仲有外國入口高質素牛肉。我地先叫雙拼湯底！胡椒豬肚和星馬喇沙湯底。胡椒豬肚有濃郁胡椒口味，豬肚好爽姣架！喇沙比較合我口味，輕輕椰香唔會太膩，湯底味道比較濃厚。美國安格斯牛小排！牛肉好新鮮好鮮嫩，入口油香重牛肉味道非常濃厚突出！鮮紅嫩滑牛肉，質素非常好，任食都有咁既質素好驚喜我地瘋狂落單叫到成枱都係食物。總括黎講食物選擇多，新鮮無雪味！性價比非常高男朋友同我叫左幾次脆骨腩，魚肉好爽嫩，仲有魚肉鮮甜味呀

近排少出街食飯，今日終於忍唔住口痕想打邊爐，約埋朋友去荃灣一鍋堂開餐。而家出面啲食肆度度都要人手探熱，但一鍋堂門口竟然備有自動探熱，行近門口已經會自動慼應晒全部人體溫，唔洗逐個探熱半分鐘先入得場。一坐低餐廳就派左口罩套俾我地裝口罩，張枱仲有櫃桶提供濕紙巾，非常注重衛生。我地揀左B餐食安格斯牛，湯底揀左養生鍋加麻辣鍋。養生鍋好足藥材味，啱晒注意健康既朋友仔。麻辣鍋夠晒麻香惹味，又唔會太辣太多油。埋去雪櫃，除左汽水同紙包飲品，仲有一鍋堂自家出品既飲品，我地試左冰糖燉檸檬，酸酸甜甜開胃得黎又潤喉。第一輪我地肚餓就點左啲快熟既野先。佢個手打墨魚滑好好食，特別係黑松露墨魚滑，侍應阿姐教我地要撈好啲黑松露醬先落鍋，就算係麻辣鍋撈上黎都仲有好香既黑松露味，本身墨魚滑又夠新鮮。唔係普通肥牛level，食到停唔到口。第二輪就試下點啲特別啲既野平時多數係燒肉店先會食牛脷，反而未試過火鍋碌牛脷，但牛脷心托係心形既薄切牛脷，我地試過大約碌30秒左右上水就剛剛好，有牛脷既咬口但又唔會太韌。脆肉鯇好脆口，不論放落養生鍋定麻辣鍋都好夾。最後食飽去雪糕機整返杯乳酪雪糕，埋單走人~

荃灣大鴻輝一直是火鍋天堂，今次黎嘅一鍋堂算係當中數一數二的火鍋店。每次黎都要等位，好在朋友早到，去到就入座！佢地有3個套餐，個人認為b餐性價比最高。佢有美國安格斯牛肉，封門柳同牛脷，非常抵食！另一重點推介係佢地自家製作既飲品，個人最鐘意開胃醒神既洛神花茶，酸酸甜甜，打邊爐最消濟！ 朋友就試左蝶豆花茶，飲落非常清新。火鍋配料方面一鍋堂都好整全，海蝦，羊肉，響鈴，各類蔬菜，丸子一應具全基本上你想食既都會有，包括個人最鍾意既白鱔片！有機會大家真係要黎試下！

由於有預先book位, 所以只要準時到達便已經有位了。入座前要先選擇套戲和湯底。套餐分為A、B、C餐, 不同套餐可以選擇食材的數量不同, 如果想多一點食材選擇的話, 建議選B/C餐。除了有套餐選擇外, 更有多達16款湯底選擇, 應該沒有太多的火鍋店有提供如此多的湯底吧!這裏的環境很寬敞, 既有大圓枱for一大班朋友或一家人, 亦有很多2/4人卡座。由於疫情關係, 火鍋店有提供口罩套給食客, 每位一個。一般火鍋店都有很多飲料提供, 最特別的是這家火鍋店有自家製的支裝健康飲料, 既衛生, 又方便食客取回座位。自取食物吧方面, 熟食區竟然有麻辣鴨血, 讚!我們選擇鴛鴦湯底: 韓式泡菜湯 + 麻辣湯, 很喜歡它的泡菜湯, 不會太辣, 不太能吃辣的我都能夠接受; 麻辣湯保持一買水準, 既有辣味, 又有麻味。要點名讚一讚的是這家火鍋店的海鮮, 雖然可選擇的海鮮種類不算多, 但每款都很新鮮, 沙白蜆我們order了3次呢!另外值得一提的是蝦滑, 很多火鍋店的蝦滑都帶有一種膠味, 而且口感很”實”, 但這家的蝦滑既有鮮味, 口感更是非常彈牙呢!! (溫馨提示: 只有套餐B/C有蝦滑可選擇)這兩款牛是套