一鍋堂 (大鴻輝(荃灣)中心) (已搬遷) 新店位置

呢幾日落雨涼浸浸搞到好想打邊爐, 今晚一於call班朋友出黎烚下烚下~由於疫情關係,以往攞完飛閒閒地要等超過1粒鐘,今日竟然唔洗等位非常好常!為左加快速度,係門口職員已經問定你揀咩湯底,邊爐食物係掃二維碼QRcode選擇, 而醬料&飲品就係半自助形式.呢到既食品種類非常多, 除左打邊爐必點肥牛,嚮鈴,丸之外, 仲有較少見到既食物,花膠,鱔片鯇魚片,蝦膠滑,自家製餃子/三色丸等等值得一讚,用手機二維碼上網點菜,上菜速度非常快之餘仲無漏單情況!即使加單再點的食物質量也不錯呢.

今天，再次來到一鍋堂吃火鍋， 感覺和半年前有些少分別，可能受冠型肺炎影響，所以枱與枱之間有一定的距離。為確保衛生已沒有自取的冰櫃， 雖然如此但食物質素仍然保持很高的水準。首先湯底種類比以前增加了。飲品方面竟然有很大驚喜， 一鍋堂自製了一些樽裝的飲品， 我們揀選了 洛神花茶和烏龍薄荷茶 ，甜度適中 ，不會太甜。 另外，入座前會先揀選牛的種類，當然牛的質素 有價錢的差別，所謂一分錢一分貨， 這也是無可厚非的。我們今次揀選了價錢中等的，欣賞他們牛的種類有很多選擇，例如有美國安格斯牛小排、 封門柳 、牛脷心托，這些都給我們很大的驚喜， 特別要一試美國安格斯牛小排，非常美味。 除了牛之外， 當然還有種類繁多的食材供客人選擇，喜歡吃魚的有不同的選擇， 仍然有我最喜歡的新鮮魚雲， 這不是每所火鍋店都會提供的。還有自製 雲吞、蟹籽手打蝦滑都是非常美味的 。不喜歡吃牛的，還有豬和羊可供選擇。最後當然少不免來杯乳酪 ，實在是完美的句號，以這個價錢有以上的食材，實在是驚喜的一頓晚餐。

上星期已經book呢間火鍋店，所以今日返工就黎呢度食，入去攞位已經要選擇湯底，湯底有勁多款選擇而我地叫左胡椒豬肚，不會太辣，都夠味道。我地要用手機點餸，食物款式勁多，最特別是素食都有，例如素丸。其中最令我驚喜是有很多手打丸和雲吞水餃👍放題有咁多手打丸真係唔錯。我哋叫咗好多肉，牛肉一睇上去好新鮮，仲要脂肪分布平均都靚，令我最喜歡的是安格斯牛同牛脷，牛既味道夠濃，仲要一d都唔硬，完全不會是普通食材，👍。至於海鮮都有蝦蜆魚，樣樣都不錯，而脆肉鯇，真係爽脆，一d都無腥味👍。菜類，佢話用還原水洗菜，洗走濃藥,令人食得安心，種類都很多。佢有2個半小時食，最後半小時會cut單，不過都仲可以出去拎野食，亦有雪糕食。飲品有自家制碟豆花、薄荷烏龍茶，冰糖檸檬同時都有罐裝飲品和紙包飲品。總結，我會覺得價錢不貴，食完會想下次都想再來，同埋食物有挑選過。

有時人少打邊爐，怕難嗌嘢食(種類唔夠，叫得多又浪費)，食任食火鍋，就最好！肯定大家捧住個肚走。講明人氣，如果唔訂位，就要坐喺到睇。 多謝同事幫手訂枱，五點鐘才開門，但夥記備貨最少都要返三點啦！但一直打電話都係冇人聽，終於六點打通book咗6點45分，電話講明遲到張枱會比咗人。我們一行三人，早咗5分鐘，順利入閘。揀咗個鴛鴦鍋和B餐（ 店員話最多人嗌嘅）《養生藥膳湯& 沙參玉竹鯊魚骨》可能人流勁多，店員預先準備一樽湯底畀你自己加。「方便」飲品種類很多，連我新歡之一《雪碧plus》都有 ，另有不小自家製茶類飲品，有部朋友話分超甜，忘記名稱小心中伏，《薄荷烏龍茶》「推介」餐前小吃《鴨血及鹹蛋黃炸魚皮》 可滾湯可即吃鴨血爆開內有湯汁，有點兒像台灣吃的一樣。「必試」 掃QR code自己點餐-方便。 每個份量不多，自己決定碟數，上枱時有點像摩天大廈一樣。「震撼」總括嚟講，集中食三款。《 美國安格斯精選牛板腱、封門柳和牛脷心托》加一些自己喜愛的，其他配料一般般，但放心沒投訴，上述三款牛肉「精選」現在新興這類，不論日式、台式、大陸嘅任食火鍋放題，可以令一些以前在酒樓吃廉價任食火鍋的人改觀。PS.對於冇

同朋友行過荃灣,順便食埋晚餐先散場,今次就揀左一鍋堂一入埸職員已經問定要咩湯底, 我地揀左粟米蘿白豬骨湯+紫菜櫻花蝦湯底,豬骨湯有2舊大大舊既豬骨和蘿白,味道清淡得黎唔會好油,而櫻花蝦湯有大量紫菜和櫻花蝦,味道會較濃味.呢到係掃二維碼QRcode落單, 除左大眾必備食品肥牛響鈴丸類等之外,仲有海蝦蜆類花膠等熱門食品, 亦有自家製食品例如韭菜/芹菜餃子,蝦滑,黑松露墨魚滑,個人私心推介必點花膠,大大塊而且仲係任叫,花膠吸哂湯底精華, 好好味!封門牛柳係任食邊爐店較少見, 切得好薄, 碌10秒已經熟哂,牛味重!還有任食雪糕任飲汽水,非常抵食!

因為慶祝母親節，所以與家人去打邊爐，決定來了荃灣的一鍋堂試試。我們7點多來到，但已經十分多人。湯底分面，我們點了鴛鴦鍋，包括養生藥膳湯和一鍋麻辣湯。藥膳湯湯底香濃，一鍋麻辣燙辣度十足。先掃描QR Code就可點餐，十分方便。我們點了很多的食物，上菜的速度也很快。我們點了美國安格斯牛小排。牛小排肉質鮮嫩，而且不會韌。我和家人差不多點了十碟，大家搶住吃。而美國安格斯正選牛板腱，也十分新鮮。但我個人更喜歡美國安格斯牛小排。我們又點了炸魚皮，十分香脆。我們又點了海蝦。海蝦十分新鮮，肉質爽口。我們又點了豬粉腸。豬粉腸十分爽滑，很有口感。蝦滑也十分新鮮彈牙。菜櫃方面，有娃娃菜、冰菜、油麥菜、唐山菜等等。我選了娃娃菜，娃娃菜浸在鍋中吸收了湯味，十分滋味。甜品方面，有一部軟雪糕機，旁邊有醬和料可以添上。軟雪糕牛奶味香濃，而且滑身，十分喜歡。今天真的很滿足，下次會再來吃。

今日黎到荃灣大鴻輝中心的一鍋堂吃飯，慶祝母親節。平日人也很多，幸好可以手機拎飛。一鍋堂是任食形式，我和家人點了鴛鴦鍋。一邊是麻辣，一邊即藥膳。下單是用手機下單的。有好多不同種類的食物，有牛小排，海鮮，餃子，丸等等，碗上麻辣湯實在是正。麻辣湯底辣度剛剛好。首先點了大量牛，牛肉好好味，肉質很好，好多牛味。海鮮點了海蝦及蜆，兩樣也很新鮮鮮甜。魚也很鮮甜，一點也不腥。食物點滿了整桌，吃了兩小時，抵食也很飽。

這裡真是一個打邊爐嘅好地方，這裡地方大，座位闊落舒適，當然最方便就係用佢嘅QRcode 落單，又快速方便，還可以查看是否出單，不用煩主店員，而出火鍋料亦十分快，入座前選湯底，選了個一鍋麻辣湯，座下出去自助飲品櫃內取了自家製清熱飲品，個足料鍋底就已經上枱，未開始已經感覺到湯底陣陣麻辣味道！話口未完，食物就已經由店員送到枱上，整齊一盆盆疊好，當中有幾樣特別推介，黃金炸魚皮，香脆可口還充滿咸蛋黃，又大塊，喜歡新加坡口味，這個絕對不會輸！而泰式蝦餅同方形蝦多士亦唔錯，但記住火鍋才是主角，不要被餐前小吃填滿！😂朋友一次過點了不同嘅火鍋料，有肥美嘅美國安格斯牛小排，上面啲脂肪紋理分佈均勻，夾埋個麻辣口味湯底，入口味道濃郁嫩滑軟熟，醬汁都不用，另外蟹籽手打蝦滑，雖然分量不是太多，分兩至三粒放湯，但肉質十分彈牙爽口十分布口感，當然其他例牌嘅食物都有出現，啖啖肉嘅午餐肉，彈牙爽口嘅手打三寶丸，有牛有豬同埋墨魚，細細粒，剛好入口，多點亦不用擔心食唔到！潮州牛丸牛味濃郁入口彈牙爽口，十分有口感，另外台式三星蔥貢丸，咬開內有香蔥，感覺清新，外面彈裡面香軟，正！而個蟹棒亦十分長，可以圍個心心出來，入口都可以，唔

落黎荃灣整d野，然後食飯。今晚想打個邊爐，雖然都有好多選擇，但冇想試新野嘅衝動，反而想起之前黎過嘅一鍋堂，老公話都好，因為環境光猛又乾淨，最重要係冷氣夠大👍太好喇，老公都話正，咁就再黎喇😊紅外線探熱，方便快捷。由於都會出黎拎野，四周都貼左要帶返口罩嘅溫馨提示，所以大家出黎都好自律。提供埋信封裝口罩，抗疫措施做得唔錯。又係揀特色湯底嘅時候喇，16款湯底，多到都唔知點揀好。喇沙?冬陰公?🤔豬怕會太辣，雖然有無限飲品供應，解辣冇難度，但都係擔心食唔到。杏汁豬肺湯都唔錯，定係胡椒豬肚湯好呢？最後老公揀左養生藥膳湯，都係豬嘅口味☺️入面有紅棗、枸杞、當歸、黨參等 ，湯味香濃，只係試飲湯都裝左大半碗。大雪櫃放左好多新鮮嘅蔬菜，又有飲品，鍾意咩就拎咩，比起用紙剔菜又黎得嗰2條真係正好多。肉類必食嘅係封門柳，係牛橫隔膜肌肉，肉質較腍，油花少，味道重，非常岩鍾意肉味濃嘅人。另外牛小排同牛板鍵都唔錯，肉質夠嫩，有香濃嘅牛味，新鮮優質，簡單淥一淥已經好滋味，入口鬆化富油香。Order左好多款食物，有脆卜卜嘅魚皮同響鈴，一定要叫響鈴，索晒養生湯d味道，好正，我地encore左2次。花膠口感不錯重膠質；手打丸有咬

都有一段時間冇打邊爐。心癮難耐，今日終於的起心肝約埋朋友，去食過好多次嘅一鍋堂，竟然發現有個新嘅餐牌呢個餐牌分三種價錢，主要係牛肉同一啲特選嘅配料上有分別。想食高質素啲嘅肉類又要放題，又可以同時食埋海鮮等等嘅配料，終於可以一次過搞掂晒今日揀咗B餐，可以食埋美國安格斯牛小排同埋封門柳，梗係揀呢款套餐價格入座後見到幾貼心，每位顧客都會有一個防水口罩套，比大家食得安心美國安格斯牛小排賣相精美，切得厚薄適中均勻，放入湯底中輕輕灼幾秒就好了。牛小排油花均勻，入口嘅時候，會感覺肉質很嫩滑，係一種可以滿足口感嘅牛肉封門柳呢種肉為牛橫隔膜肌肉，最大嘅感覺係，牛肉味超濃郁，輕輕一片卻已滿口牛香。以B餐而言，配搭安格斯牛小排同埋封門柳，可以一次過品嘗肉質同肉味嘅精髓海鮮類除咗淨食肉類，呢度更有大量海鮮嘅選擇，質素好之餘最重要係任食呀嘛大大件嘅花膠，需要用多少少時間煮透，骨膠原感覺很重，口感軟棉又例如海蝦，煮熟之後隻隻都肉質彈牙，蝦肉爽口，蝦頭中仲帶有甘香嘅蝦膏另一個鍾意食嘅，就係白鱔片，自己買條鱔返屋企，其實都幾貴，呢度又係比我任食，一次過仲可以叫好多碟添白鱔片輕輕一灼，皮脆肉嫩，口感豐盈另外手打墨魚滑，

香港人一年四季都最鍾意打邊爐，我都唔例外，當人少少又想打邊爐食放題就最好不過，一鍋堂就係我心水嘅選擇，地方闊落，一入門口紅外線測體溫，食得安心又放心QR code 手機落單環保又方便,來個滋補嘅日月魚蟲草花響螺湯底蟲草花可以增強免疫力，健康又美味每次必點嘅海鮮，海蝦大大隻，一睇就知新鮮貨，食落彈牙爽口另一樣必點之選-沙白蜆，只需淥一會、蜆一開口，立即撈上來，脹卜卜的蜆肉，立即往咀裏送，鮮甜又美味，encore再encore白鱔和鯇魚腩各有特色，白鱔爽脆無比，鯇魚腩大大嚿啖啖肉好滋味打邊爐又點少得肉類，牛脂分佈平均，不肥不瘦，所以入口煙靱，有口感豚肉貌似肥美，但入口不油膩充滿香味羊肉味很濃，雖然有點羊羶味，但吃羊的人很喜歡湯底合晒肉類和海鮮的鮮味，又濃又甜得不得了，加入生根，長長的蟹棒，午餐肉和粟米，吸收哂湯的精華，真係超級好味尼度自家製的冰糖檸檬很出色，入口充滿檸檬香味，另外洛神花茶開胃，薄荷烏龍茶醒神最後幾飽都要食埋杯雪糕

而家呢個情況，呢間火鍋放題由7點至9點都一直有人等位食完之後，終於明白點解了就坐前，要先用搓手液，然後點埋個湯底...哇湯底既款式有好多兩個女仔去食，梗係要揀返個滋補湯底日月魚蟲草花響螺湯滾起左要先飲一碗湯，湯底都唔錯喎，好足料，仲有啲藥材料夠哂養生滋補自助區，有好多款蔬菜&飲料連台灣冰菜都有仲要係勁新鮮長腳蟹......柳都係夠哂長蟹籽墨魚丸都幾好食稻庭烏冬當然無得輸嘢海鮮都好正呀洗得好乾淨啲蜆無沙㗎仲要大大隻，脹卜卜水魷好爽又易咬開反而花膠就...硬左啲，煲極都唔夠淋肩胛肉眼呢個真係非常非常了得脂肪含量少，但不失肉質既軟滑，而且一啲都唔韌牛出色之外，連豬都同樣出色西班牙豬肉片，雖然目測脂肪比較多，但係一啲都唔油膩喎口感仲好爽滑炸魚皮係必點的，好夠脆，仲每塊都好大塊除左支裝飲品外，仲有好多款自家製飲品呢支冰糖燉檸檬好潤喉，甜度岩岩好，飲落有啲似金橘檸檬🍋

一早聽過一鍋堂嘅火鍋～好難 book 位，又話好好食～於是就早幾日用 apps 嚟 book 枱，今晚終于可以嚟試真身！一嚟到好多人等位，好彩有用 Apps 訂位，所以等左幾分鐘就可入座！我們一家四口就坐張大圓枱嘅一邊，疫情嘛，無所謂啦！入座時，店家話只可揀一個湯底……吓？！原來不是一人一鍋咖～都算了，咁如要鴛鴦湯底就要加$50, 都算了，鬼叫女兒話要麻辣湯底咩～所以就一邊係清湯一邊係麻辣湯底～跟住就用 Apps 點嘢食，都算幾方便！款式就一般般，無乜好特别！戲肉嚟了，我同侍應講想加湯加湯只得豬骨湯可加～啲麻辣湯就淡哂！有無搞錯，咁之前入嚟食前要講定，仲要加50蚊叫個鴛鴦喎！有無搞錯！我响樓下間馬辣～係跟湯底加湯咖！所以真係名過于實！

天氣雖然轉熱, 但打邊爐顆心亦無分季節同天氣。今晚同朋友去左荃灣一鍋堂食任食打邊爐, 呢間係妹妹食過之後讚口不絕, 極力推介我去一試。雖然政府就肺炎疫症實施限聚令, 特別係火鍋餐廳生意大減, 但似乎一鍋堂受歡迎程度不減。, 入座前先揀好湯底, 湯底款式吸引, 多以養身湯底為主, 我地揀左櫻花蝦湯底,湯底都幾足料, 大量櫻花蝦、紫菜浮面, 滾起後先試試湯底, 味道清甜, 之後再自行加湯, 無論選了什麼湯底, 之後所加的都是豬骨湯, 但味道還好, 起碼款式大路, 合大眾口味。醬料區自由混醬, 飲品、蔬菜、少量熟食設自助區, 飲品方面除罐裝、紙包外, 還有餐廳自家制健康飲品, 試左其中既碟豆花, 少少甜, 加左少少爆珠, 滿足到口感。火鍋配料以QR code落單, 上檯都幾快, 最緊要係全程冇漏單豬、牛、羊、雞肉都有, 肉類切得厚薄岩好, 稍為焯幾下食得, 肉類色澤鮮嫩, 個人幾中意豬肉, 有少少肥油層連帶, 入口幾滑海鮮就有蝦、蜆、脆鯇腩、鱔片、魷魚等等....蜆都幾大隻, 味道鮮甜, 而且無沙脆鯇腩有鮮甜味, 質地爽彈, 不過鱔片質地太林了~手打墨魚滑, 嫌唔多彈牙, 質地偏林是日海鮮,

一鍋堂已經幫襯左兩次，見有優惠券，而且又好耐冇打邊爐，所以一於再黎幫襯今次就試喇沙湯底，之前試過櫻花蝦同蕃茄牛粒湯，兩款都吾錯。受疫情影響，幫襯既人少左，之前有d係放出黎攞既食物都變成用apps落單。坐低即刻點個冷面食下先，果然無令人失望，面質好彈牙湯底同野食都上得好快，最鐘意呢到既蝦，好新鮮彈牙，仲有帆立貝，夠晒鮮味。丸類亦比較多元化，芝士丸依然係我的最愛。湯底都冇令我失望，吾會太辣亦好香，喇沙味好重。飲品方面選擇都多，冷熱都有，但蘋果綠茶依然係首選 食埋甜品雪糕真係十分滿足，仲有$100優惠券可以用，真係好抵。呢個高質打邊爐應該會不斷encore