影片
更多
2016-03-04
6551 瀏覽
已經第三次食，但每一次都係好好好多人！8點去到，等到10點左右先坐低，第一件事叫湯底（胡椒豬肚），一黎到就緊係試下湯底個味啦！口水都流埋 睇見都已經覺得好肚餓～睇落好似好清，一試就覺得個湯底味道好濃郁、好重胡椒香帶少許的胡椒辣味、而且仲有d酸菜調味 飲落辣辣地又酸酸地非常入味，當湯飲我都制～哈哈 雖然坐底時間係10點幾，但都仲有D比較搶手既食物，例如花蛤、花膠。而且都幾新鮮！不過鮮蝦就賣晒了 而其他基本食物都有~特別推薦既係墨魚滑同埋響鈴，d墨魚滑真係好滑好鮮好彈牙！不過就得好少，要畫幾次都夠食。響鈴就夠晒香脆可口！仲有d粟米好甜！其實我覺得呢到所有既食物用料都較為上等有質素 唔似係平價貨 除左火鍋之外佢仲有雪糕任食汽水任食，全自助式～想食幾多飲幾多都得～雖然每次都好多人，要等好耐，但次次食完都好滿足
胡椒豬肚湯底＋粟米及其他配料
152 瀏覽
0 讚好
0 留言
題外話/補充資料：
有興趣食既朋友建議最好打電話預先Book位 因為真係超多人 有排等。
同埋想講一講 因為見隔離枱一對情侶叫左好多野 開頭以為佢地好食得啦 點知到佢地埋單個時見到原來食剩好多野，全部係晒個鍋裡面 仲有d菜拎左好多但最後都食唔晒/_\ 即係我覺得都講明係任食既其實唔洗一次過叫咁多野食先啦 食完咪再叫過囉 好過你叫左仲要淥埋到最後都係唔食 好晒好浪費！電視都有話：食幾多點幾多啦！唔好眼闊肚窄嘛！
(以上食評乃用戶個人意見 , 並不代表OpenRice之觀點。)
張貼
