一鍋堂 (大鴻輝(荃灣)中心) (已搬遷) 新店位置

其實去嗰度都係為咗任食乳酪雪糕，因為大鴻輝中心嘅打邊爐選擇真係有好多。不過當日部機就壞壞哋，我真係好失望，幾個工作人員輪流去試過開返部機都唔得。但係好彩最後負責收銀嗰位靚仔，三兩下功夫就整返好部機，最後臨走都有得食，好開心好感動！佢服務態度真係好好，我同佢講冇得食點算好，佢態度好誠懇咁不停同我道歉，之後仲應承我話試吓整下部機，又真係整得返好，最後都真係多得佢，如果我係老闆，我會加人工都留住呢個人才。

櫃檯的阿姐態度極差，問多兩句黑你臉，同你講唔想食就走！見我斯文，就對住我爆情緒，冇禮貌，語氣差！整間餐廳質素給她拉下來，有骨氣就唔好去食！你不斷講不斷講，淨係識講唔明你講乜嘢！那位阿姐服務態度好差，冇禮，囂張囂l真係要改善！

今日朋友生日🎂想吃打邊爐，另一位朋友推介來尼間《一鍋堂》，我地打左好耐電話先打得通，網上預約都太遲了。所以一早開門時間就去walk in😛下午5時半左右到達，已經好多人店內都算大間，座位寬敞，7點半前離座仲有得減$10任食任飲兩個半小時火鍋我地三個人都有得坐好寬闊既卡位去到揀左個春日限定《西洋參蟲草美人鍋》岩晒我貧血個湯底好足料仲有烏雞好健康好夠火喉好好飲食物自助手機📱選單夠方便，不過要注冊左會員先飲品選擇都好多，除此以外仲有鮮製飲品同茶揀最欣賞店內蔬菜區，好新鮮盤盤靚菜任揀自助調味區好乾淨衛生，醬汁也不少選擇食物上菜速度也很快，而且係靚料蟹棒超長仲有好多丸揀，新鮮鮮製既丸亦有，仲有大大塊花膠岩晒女士們靚靚補骨膠碟碟牛都好新鮮同薄切佢既脆骨腩好正，叫左幾轉，推介元貝亦很新鮮但就好細粒食到飽飽介有甜品有軟雪糕🍦同乳酪雪糕🍦機揀自己雪糕自己製埋單減埋$10先每人百幾蚊有找高質抵食

不嬲都知一鍋堂要預早好多book位難得家人有時間book到終於有得試嗌咗個烏雞蟲草花藥材湯拼蕃茄牛腩湯黎到飲咗口湯 湯底真係好有味一次過咪是哂野食 樣樣都好新鮮 就連自取嘅𦹮籃都新鮮到震到齊就起筷喇食飽仲有得自己出去拎乳酪雪糕聽講時不時都有唔同當日除咗雲尼拿仲芒果同咖啡呢個價錢 呢個質素 好值

早幾日已經於facebook訂位, 早一日就收到SMS確認, 都好方便, 訂了六點半, 上到去已經有十幾人walkin等位, 我地大約等5分鐘就入座, 入座前, 服務員先介紹新落單方式(用電話利用QR Code落單), 已經再無落單紙供大家落單, 但心想, 有d人真係不太熟科技的話點好呢? 研究一大輪, 終於可以落單, 出菜都算快, 當想落第二輪時就唔成功, 原來第一輪的單未出哂的話, 佢就唔比落第二次, 睇返資料, 所以食物已經到齊, 於是搵人問問, 佢即時幫忙取消一d已到但話未出的食物, 我地先可以再落, 所以食物質素都好好, 特別推介: 牛腩, 夠軟又重牛味, 花膠: 大大件, 有口感, 唔會散哂, 海鮮: 新鮮, 尤其係蝦, 大大隻, 彈牙, 唔喜歡飲罐裝飲品的朋友. 可以選擇一些自製飲品, 有冰糖燉檸檬, 洛神花茶及木敦果茶, 食飽飽之後仲有軟雪糕同乳酪做甜品, 食到要托住個肚離開的一餐

呢間火鍋店真心推介身邊嘅朋友屋企人去食。雖然長期客滿，walkin都要等半小時以上 。但係都冇阻我同班同事黎食嘅決心環境位置地方都唔錯。呢度出名好多湯底，今次我哋嗌嘅係胡椒豬肚湯真心推介呢度嘅魚類！ 白鱔片必食超級新鮮嘅海蝦同埋大塊嘅花膠！手打黑松露墨魚滑、蟹子墨魚滑真心抵食一條毛都冇嘅豬皮、脆卜卜既魚皮總結來講價錢黃金時間嘅平日，180$一人不用！但係就可以食到咁高質素嘅火鍋！要等位都抵啦！推薦嘅原因係依度食物睇得出好乾淨新鮮！

聽朋友講呢度係百零蚊任食火鍋嘅好選擇，一直好想嚟試，今日終於約到朋友仔陪我食喇。細心嘅朋友仔知道呢度多人一早訂咗枱，我哋準時7：00到達，等咗大概15分鐘就坐低，我哋五人安排坐喺近門口嘅卡座。我好欣賞呢度係要顧客Download點餐嘅Apps自助下單，令點餐更清晰，更環保。因為我唔食得辣，朋友點咗潮汕湯做湯底，我覺得呢度嘢食唔係話好驚喜，但咁嘅價錢任食兩個半鐘，有咁多款火鍋配料，飲品選擇，而且服務唔錯，上菜又快，真係幾抵。是日時推介海鮮係福建蟶子，少少泥味，右下係又厚又大件又滑嘅花膠。呢度全部嘢食都細細份，唔驚浪費食唔晒，可以試多啲唔同嘅嘢食。午餐肉唔錯。魚腐一向係火鍋必點，又軟又滑。肉類一般。豬肺有啲韌，要多啲時間烚耐啲。海蝦好大隻，無咩蝦味但肉質都好爽。流心湯圓烚太軟但係都幾得意嘅，臭豆腐有啲怪唔太欣賞。墨汁牛軋糖，個樣就似足牛軋糖，入口有啲糕類，唔似丸類嗰啲彈牙感覺。田雞都好新鮮，豬頸肉好滑。芝士迷必食芝士獅子狗同灸燒芝心包。綠色菜類喺外面雪櫃自助。飲品有好多款，有自助杯裝雪糕同乳酪，雪糕似冰多啲。

一間公司做到咁，不如直接貼張紙唔做2位生意！19:10拎飛2位，有89張等緊3-4位49張5-6位5張10位1張等到1955，3-4位叫咗44個，5-6叫曬之餘連岩岩拎飛既都入埋，而2位只係叫咗10張。問吓叫飛果個d位點安排，佢話咩都叫d問佢岩岩拎5-6位幾乎係即入哦！佢既答案係「我地唔睇時間」而明明坐係到既幾乎係全2位（十張八張）但果位小姐依然係見張枱越大就即叫！岩既，賬面上大位張單銀碼係多d，咁既然係咁，點解唔直接話唔做2位呢？泥之前都有點期望，但係咁既坐位安排，事問作為2位既點樣等呢？最正係叫飛阿姐話你知「我知你因爲個5位即刻入到唔開心，我由5點幾已經入咗好多2位！」我果刻先知原來放題可以由5點幾食到8點咁耐既⋯真係好啦！

已經嚟過呢度食好幾次， 始終都係覺得呢度最抵， 五點鐘嚟食， 可以食兩個半鐘， 七點半前埋單減十蚊。而且呢度選擇多元化， 最好食嘅係雪糕 而員工嘅態度都好親切， 做會員生日嗰個月仲有優惠，食左咁多次都覺得抵。唯獨美中不足嘅係呢度好多人黎排隊， 要食嘅話最好早一個月上網book位， 又或者五點前過嚟排隊， 咁就包保有得食

其實呢間野係幾平幾好食但等位呢方面係差到極點不斷只叫2人台3-4, 5-6, 7, 8-9 呢d基本上要等2-3個鐘仲要明明好多4人台係可以坐到5-6人根本設計同編排都好有問題希望呢方面會有所改善

成年前已經想嚟食，但每一次諗到要排咁耐都會卻步今次終於都下定決心，早左一個月嚟book左今晚9點半唔敢遲到，所以9點3就嚟到，9點半可以即刻準時入座揀左沙嗲湯底味道好濃郁，好香沙嗲味個煲大過平時嗰啲好多😂😂所有嘢倒晒落去都夠位😂用手機落單，轉眼間就嗌到成枱嘢食好方便，上菜速度都好快啲丸仲擺得好有心機，唔會話係任食就hea上肉既質素都算唔錯額外加錢嗌左個蠔，但係係成餐最伏既一樣好腥反正其他任食既海鮮既質素就幾好每人只係百幾蚊，任食嚟講真係平靚正真係難怪咁多人排隊

每次去一鍋堂都好開心，因為服務好好，會用方法令客人盡快坐低，但今次我足足等咗成個鐘，見好多人走，兩個人，四個人，八個人，甚至十個人，但都只係叫兩個人嘅飛，問服務員都只係話啱啱有張枱埋咗單，咁係咪我見到有鬼走咗，所以四個人冇得入？到最後我同啲同事都忍唔住要走，因為唔知仲要等耐！我呢編係我第一個食評，唔係嬲到震我諗我都唔會打！（利申：我只係一個普通嘅顧客，不是任何一間餐廳嘅打手，如果大家真係覺得我係打手，歡迎起底！）

2個人係落雨天諗唔到食乜，就一定係話打邊爐！所以我地今次黎左位於荃灣既一鍋堂，門面既16種湯底已經令人花多眼亂，仲有時會有季節限定，所以大家記得留意下啦！我地6點黎到以為實有位，點知都要等到7點先有得入座，2.5鐘既任食邊爐，完全滿足香港人任飲任食既心態！我地今次簡左馬來喇沙湯底，配埋豆腐真係一流。餐廳比較特別既係用手機落單，所以對於比較年長一輩可能唔太方便啦。而用手落單之後基本2分鐘內，食物一定送到，超快手又無漏單，值得一讚。而食物亦都非常新鮮，不過種類就略微少左啲啲，但對於追求食物質素同新鮮程度既我，就十分滿意啦！

由剛剛鋪食到依家，放題都唔會打算有高質素，點知又真係有，次次都會叫櫻花蝦湯底，前菜送芽菜，泡菜同青瓜，全部都有醃過，以家落單就由寫紙轉電話落單，咁就有少少唔方便，每次都只可以落7樣野，退出左個apps又要掃個qr code好麻煩, 食物都仲保持到質素，手打墨魚丸每次都叫，食極都唔厭，朋友鐘意食肥牛，我就鐘意鮮牛肉，兩種牛都不高不失，上菜速度都算快，無咩溜單情況，唔怪得日日都爆場，排隊排到無位企門口，飲品凍櫃出現空箱情況，要改善一下

今晚同朋友5人去食一鍋堂。值得一讚用電話app 落單，可惜只可以綁定一部電話。。其他人想用app 就每次要scan 個barcode..有利有幣啦。。第二好。就係送餐速度同清野速度都好快。食物方面都保持到水準既。開頭都好好。。到最尾比人好似趕走咁。。我地19:32 坐低計單。。食2個半鐘。。22:00就開始比人執走d 碗。大佬未食完。。雖然係夠鐘。。食多陣都唔得！？ 22:00 已經無排隊。。有好多張吉枱。洗唔咁趕。。阿姐好有禮貌咁講係計時既食市。但唔係咁趕客。我地都算走緊。。仲有個食埋小小。。果陣22:05 果阿姐走左黎趕3次。。仲要比說話我地聽。。我都明白你鋪頭野好食同價錢合理。。但唔係咁既囉。。可能食野過程中我地有玩下啤牌。。咁同人地玩電話無分別嫁。都係邊食邊玩。又唔係賭錢。。你話夠鐘 我地又無嘈。又走緊。都唔明點解要比說話我地聽。。 咁優質既服務態度真係。。無得頂。。鬼叫人地日日咁多客。態度唔好吹咩。。