一鍋堂 (大鴻輝(荃灣)中心) (已搬遷) 新店位置

又黎到好難有位既一鍋堂。今次係第二次黎。最想食既當然係佢超長的蟹柳，感覺滿足。 湯底我地叫左藥膳同豬骨，藥膳味不太濃，有點失望。點食物上食物相當快，而且一般都比足夠份量，唔會好似一d邊爐店，無論你點幾多都亂比你算。肥牛也幾新鮮，唔會只得肥糕。總的來說，可再光顧。

跟同事第二次光臨，用餐人沒有之前想象這麽多人，但用餐區域還是好狹隘，食物放在我身後，從身後拿食物都感覺有難度！本人有點懶，不想動，食物整體新鮮！不過感覺鍋底有點腥，味道怪怪的，結賬到外面看廣告紙，原來我們叫了潮式鍋底，裏面有一條大地魚，怪怪，用餐區域真的好暗，不習慣！時晚我們就用了90分鐘時間，有9折優惠，共消費336！

因為有登記做會員關係，揀定吉日提早左半個月前係app book定位，到6點半準時入席入席嗰刻門口已經有唔少人等位，都係預先book位唔使等首先坐定定，scan定QR code揀嘢食，我地揀左傳統嘅沙嗲湯底，叫肥牛，大量丸，芝士腸，水餃、蝦.... 佢湯底款同罐裝汽水種類都好多，食材新鮮，上菜夠快，點幾多份上足幾多份！佢有個芝麻湯圓，點嗰刻覺得怪怪，但真心覺得幾特別同幾好味喎而蔬菜、罐裝汽水、自家制飲品同雪糕就自助形式；如果需要加湯，就要自己行兩步去拎，佢一jar jar裝好自己添加。如果中意俾人serve，呢個位會扣啲分呢個係限時火鍋，到夠鐘前半個鐘有人同你講last order，不過兩個鐘都時間足夠因為會員生日月份有幾張coupon，我地用左張9折，兩位埋單盛惠$353Hungry pig溫提：大廈部lift勁多人排隊，要俾啲耐性同時間等一等，店家講到明唔hold枱

等左兩個星期，終於book到一鍋堂！想試好耐⋯係大鴻輝排隊想上，排長龍！一鍋堂打邊爐係食足兩個半鐘👍🏻時間好夠⋯可以慢慢食！佢地落單係用自己手機裝既apps下單的，都幾方面，不過要做會員，才能落單點打邊爐食物！揀左蘿白粟米豬骨湯&藥膳湯底，味道一般，叫左好多食物：肥牛、墨魚滑、貢丸、蟹柳、粟米、芋頭、魚皮、海蝦、芝士腸、芝士豆腐、響鈴、墨魚丸、烏冬⋯哩度蟹柳特別長！飲品方面都有好多選擇，打完邊爐要食番個乳樂雪糕！

同事介紹一鍋堂，第一次去試食，未食已經一肚氣，由5:45親自攞位去到九點鐘都未有得食，七點半叫到27號飛，之後沒有再叫過飛，本人46號飛，去到九點鐘都未有得食，實在太過分，個位主任完全唔識得安排座位，ABCDEF分得太多，一開頭已經比哂兩人座位，然後分大台，完全唔識得安排三人以上枱，我走嗰陣時仲有幾十人白等，未食已經唔會再有下一次幫襯😡😡😡😡😡😡😡😡😡😡😡😡😡😡😡😡😡😡😡

我係好鐘意打邊爐既，但平時都麻麻地任食，覺得食物質素唔好，唔係好衛生咁，不過呢間任食得黎好高質！-用app攞飛，唔洗自己上去同人迫去排隊，嗌到你就搭lift上去(可能要預時間等lift呀)，呢座大樓出名多餐廳，等lift可能都要等十幾分鐘！-我地六個人被安排坐起房既一張大枱，落單都係用app落既，食物都好快送到。我地叫左鴛鴦火鍋，胡椒豬肚湯同喇沙湯，兩個湯都好好飲！食物方面有好多選擇，有唔少海鮮添！仲可以食花膠！丸，菜都有好多種類！好開心食到咁高質既任食火鍋

真心火滾！早兩星期前訂好枱食中秋飯，但比你地咁龍門仼搬既服務玩死大鴻輝d𨋢出名難等係人都知，星期日更加要排到商場外面。無等返三四個字都上唔到去明明已經預早左時間等𨋢同拎位，上到去遲左少於五分鐘，就已經同我講過左時間，《我張枱比左人》，無野呀吓！仲話一分鐘都唔會留枱，唯一方法係拎過張飛等。但訂位app完全無寫明一分鐘都唔留，追問收銀個男人，解答唔到無寫明既疑問，仲西我面扮做其他野回避我既疑問！服務？負分囉！枱就識比人，問題就唔識答。有乜理由人地等唔到𨋢遲幾分鐘就比左張枱其他人。 仲話咁樣對其他一早黎等既人唔公平，咁對於我早左成兩星期去book你地間垃圾火鍋又公平既！趕客既服務滿分，請都唔會再去！

朋友極力推介一鍋堂既樂膳湯底，搞到我都心郁郁咁試，不過打去book佢話要download 佢個app先可以預約30日內既檯，打電話淨係可以即日，我就覺得唔太friendly 啦佢坐既地方好大，又有張檯比你放食物，感覺都好衛生～（用左手機落order唔記得左影環境TT）佢個藥膳湯底好香，料都好夠，朋友話可以就咁飲都得，不過我無試到叫左好多野食，令我印象最深刻既係胡椒麵，真係好重胡椒味，我中意口感爽啲，碌左兩碌就食，唔錯！肉就叫硬嫁啦，啲肉望落去好靚，肥瘦適中，食哂成盤都唔會太膩，食到樂膳湯底既味，但我覺得麻辣會再夾啲啲魚滑蝦滑都唔錯，同其他任食binno分別不大孜然雞丸····普普通通食到咁上下講下啲伏野比大家，佢有個自助水吧，有洛神花茶，冰糖燉檸檬，仲有蝶豆花。我個人好中意飲蝶豆花，因為我眼唔太好，蝶豆花護眼。但係！！佢既味竟然係勁重泰國香茅既味道，我成個人😱左，飲香茅既感覺，可一不可再，大家慎點咁既價錢質素真係唔錯，最後每人200有找

超正兼抵食至愛麻辣湯底入座計150分鐘，平均$190左右就吃到咁高質嘅火鍋，推薦嘅原因係坐位闊落，服務員反應快，食物夠新鮮👍自從8月試過一次便愛上了....今次係一個半月來第四次吃，今次用App Book左位，5:00pm開店第一個入場，覺得好幸運。坐低即刻order左鴛鴦鍋，跟住係app order食物，話咁快食物就到了，至like脆卜卜嘅魚皮同響鈴，海鮮就有大大隻蝦，新鮮彈牙，大件花膠口感不錯，牛肉超贊夠嫩重牛味，大量新鮮蔬菜和飲品自取，至鍾意雪梨茶同自製嘅洛神花茶😍😍推薦麻辣湯底豬骨湯底都唔錯😅響鈴卷吸左麻辣湯味道真係不得了⋯⋯😋手切肥牛肉嫩夠牛味，真係食過返尋味👍👍美人鍋又係另一種味道

吃了很多次，今次有氣受..等位時我79號到了，因為正在操作手機，所以遲了數十秒才進去，應該30秒內已經行入去（當時在門口）怎知門口個阿姐話過左叫到80號，之後等她處理完80號，見佢係咁好大聲罵個等緊的啊嬋話乜乜比人book左，又喝自己D同事乜乜做錯左..之後我問佢飛到時係唔係要立即出現，佢又話當時唔見我飛左然後叫到80號，旁邊剛比佢罵完個阿嬋唔知係唔係心理唔平衡又同佢加入埋一齊，又話佢都可以做證，跟住門口個阿姐就話我依家有證人啊乜乜乜，我心諗我都唔知你哋喺度做乜，我又唔係同你地嗌交，一路都保持好禮貌的，根本80號快過我好正常，你啲Number係一齊嗌嘅， 我dum左十零秒先入去，問題係點解咁快個Number就飛咗，而且我係勁好態度問佢，佢係咪有躁狂症之類..其實幾個月前食五點鐘嗰陣都見過佢喺度鬧人同比佢不禮貌對待過，不過當時都係一句’沒有二人枱‘加極臭咀臉。今次真係火都黎！

好耐都無食任食火鍋，呢晚約左荃灣晚餐，朋友一提議打邊爐就會諗起一鍋堂。雖然已經早點用手機apps拎飛，不過都等左接近1個鐘，以前係用某個apps拎飛，原來呢家已經用緊佢自家既apps，而且入座之後仲可以用apps點菜，都幾方便首先揀個湯底，揀左呢個春日限定既猴頭菇松茸豬骨鍋，湯底黎到真係好多料，大大粒猴頭菇一黎到見到每枱都必點既長蟹棒，係某快餐店一個火鍋得一條好珍貴咖，呢度可以任點，哈哈，不過食兩條都夠呢度既蝦一向都好新鮮，中意食蝦既朋友不能錯過芝士魚豆腐炸魚皮仲想講下有幾樣熟食都幾好食，都係會encore，包括鴨血同豬肚，好入味仲有好多款式，樣樣叫少少都飽最後最後好飽好飽都會食返杯乳酪雪糕

一個好嘅火鍋，最緊要就係個湯底！一鍋堂提供多個湯底選擇，經過之前2次嘅經驗，我今次決定選擇紫菜櫻花蝦湯！湯底雪白色，投入了大量的櫻花蝦同紫菜，味道濃郁。而且火鍋配料如牛肉、海鮮，全都不是便宜貨，整個感覺都非常良好。

一鍋堂係我最喜歡的任食火鍋之一☺️價錢都係百幾蚊到黎呢到係千萬記住一定要book位😂Walk in真係預排返2,3個鐘環境乾淨 野食都好新鮮唔會就咁一味所有野pat埋一齊我地叫左紫菜櫻花蝦湯👍🏻忍唔住係咁飲推介推介😋👍🏻

我同屋企人朋友總共6個人，由17：06開始拿到位，過左成25分鐘唔見湯底滾水，服務員三番兩次話我地未滾水又落野太快，之後過左十幾分鐘，d水仲似張圖咁樣窩？！依家18：17……服務員仲未比解釋我😩😩😫18：20分之後，終於有人來換爐😐

約埋一班朋友去打邊爐，一鍋堂係個好地方。呢度好多個湯底可以選擇，櫻花蝦湯 泡菜湯 清湯 潮汕湯之類都有，岩晒各種口味。我地就揀左胡椒豬肚湯，都好正ga。裡面飲料好多，食物種類都多，order左既食物都來得好快，最後仲有雪糕可以食。好豐富至於餐廳既位置，係位於一棟大廈，有好多餐廳，所以人流好多，lift唔係好多，要分流，分單數同雙數樓層咁排。等lift既時間會有d長，同埋要留意會唔會排錯隊，因為裡面既樓梯單數同雙數樓層好似係唔互通，上錯左既話可能要落返去再排過lift。