一鍋堂 (大鴻輝(荃灣)中心) (已搬遷) 新店位置

其實去嗰度都係為咗任食乳酪雪糕，因為大鴻輝中心嘅打邊爐選擇真係有好多。不過當日部機就壞壞哋，我真係好失望，幾個工作人員輪流去試過開返部機都唔得。但係好彩最後負責收銀嗰位靚仔，三兩下功夫就整返好部機，最後臨走都有得食，好開心好感動！佢服務態度真係好好，我同佢講冇得食點算好，佢態度好誠懇咁不停同我道歉，之後仲應承我話試吓整下部機，又真係整得返好，最後都真係多得佢，如果我係老闆，我會加人工都留住呢個人才。