一鍋堂 (大鴻輝(荃灣)中心) (已搬遷) 新店位置

一鍋堂想吃左好耐，平時太多人排隊了，今次能早放工，一於早點來攞位！ 又想食打邊爐，又想減肥，所以我們揀了 清湯底😂😂😂，湯底有很多豆腐和冬瓜，還有很多湯料👍🏻👍🏻👍🏻每人$168，兩小時任食！ 所以一來我們就瘋狂地下單，完全沒想到到有很多海鮮🦞，我地點了很多鮮蝦，蝦很大隻 很鮮甜！ 還有花膠、帆立貝、聖子仔、花甲、白膳片，所有的海鮮都是無限 encore架！ 另外很有必點的美國肩胛肉眼、牛肉、手打墨魚丸、超長蟹柳、黑椒牛肉～～～餐廳加單很快，我們剛落單，轉頭火鍋材就到了！ 非常值得讚賞👍🏻👍🏻👍🏻 這個價錢的任食打邊爐，超值！

今日同班同事慶祝，經過一番思量之後決定去荃灣食飯，因為我哋同行都有六個人，所以就決定去火鍋，講到火鍋當然要去大鴻輝啦，單單|野都有好多間火鍋店，之後就決定去一鍋堂，當晚都成9點，想不到仲有好多人排隊，等左約30分鐘後，入得一入去就選擇湯底，我哋就叫左藥膳及沙嗲湯底，咁我哋就盡快點野食，用手機點餐都非常方便，好快野食就嚟啦，其實望到啲相都知道，個樣貌一啲都唔差，明顯係有心機做出嚟，聯絡比較有驚喜嘅竟然有帆立貝，海鮮都非常出色新鮮非常滿載而歸，唯一比較差嘅就係雪糕種類比較少，同飲品唔算話好凍，亦都可能流動量太高，總結來講一定會再嚟

一講起一鍋堂, 我會諗起三句, 性價比高, 好味, 同埋好多人呀!今次再戰一鍋堂, D三句都係岩的!但多人都唔會阻到我食平價美味的決心!見到一鍋堂個招牌, 就聯想到好味啦有好多種湯底, 保證有一款係岩我地口味好多人呀, 但環境都算唔錯, 令你坐得舒服先我地揀左胡椒豬肚湯底, 少少辣, 多多趣!係用QR CODE落單的, 方便快捷!有部分食物落單係可以落半份, 可以唔洗浪費食物有蟶子仔, 元貝, 鱔!!!! D個價位食到咁多唔同海鮮真係抵到笑, 而且完全唔係差, 而係好好味! 蟶子仔鮮甜冇比, 我地兩個人食叫左四份!海鮮又點可以比佢停, 仲有蜆, 仲有墨魚滑, 我地海鮮食唔停口呀!實在太爽了長長既蟹棒! 又好睇又好食! 見到蟹棒就諗起獅紙狗, 但今次太飽, 下次要食埋佢, 將所有獅紙狗食晒落肚!菜係唔洗叫係, 自己出去雪櫃任扲, 我地都覺得夾我地個湯底令菜變得好味另外打邊爐必食烏東, 索晒湯汁, 又彈牙又好味!另外雪糕係自助的, 好味, 完美的句號總結一鍋堂又平又好味, 再一次係心入面印證到, I will come back again!

一鍋堂係好多地方都有分店 今次我同朋友去左荃灣呢間 因為我地食得早 所以可以避過大鴻輝排隊搭lift既時間 好彩！呢間係要用手機落單既 掃描QR code就可以 又環保 又唔洗次次叫人落單 方便好多！不過湯底就要一開始落既 我地揀左粟米蘿蔔豬骨湯底 豬骨真係好大碌！佢既款式都好多 一開波就瘋狂咁嗌 佢上得都好快 同埋排好整齊 唔會覺得食緊一堆野既感覺🙈呢度個蟹棒好吸引我 超長 食落啖啖肉🤣海鮮都有好多款 蟶子仔 帆立貝 海蝦 魚片食落都好新鮮！另外重有個花膠仔 見枱枱都嗌 我地都唔執輸 上到黎見到真係幾厚身大塊 值得一試！佢既肉類都唔少 肥牛 豚肉 雞肉都一定有 而且質素唔差 不過我最中意係佢個牛肉 朋友話呢種應該係水牛 食落夠淋 腌完個味好香~其他丸類 餃類都好豐富！同埋佢真係排得好整齊🤣呢度唯一要出去攞既食材食菜 佢有好多種 包括我第一次食既冰菜 酸酸地 幾有趣 🤣不過冇影到 得正路既娃娃菜同油麥菜🙈最後一定要嘆埋杯乳酪雪糕 可以隨意加topping上去！朋友個密瓜雪糕都好味道😋

荃灣大鴻輝有好多火鍋餐廳，之前分別食過兩間都係放題形式，呢間第一次試，我覺得呢間既環境係坐得最舒服，空間夠，唔會想行出去拎野都好困難。我同朋友平日夜晚食，好多人等位，好彩我地唔駛等好耐。呢間野同之前試過果兩間既最大分別係湯底，佢既選擇好多，一共十六款，我地揀左藥膳湯雖然個湯底睇落好似唔多料，但個湯底味道好足，可以話係我食過既放題火鍋裡面，個湯底係最正既間餐廳另一個特別之處係用電話掃二維碼入佢地個網度點菜，咁樣就唔駛成日都要叫人行埋黎收單，十分方便，而且重可以睇得返點左咩，方便查返有無漏叫。一開始，睇完成個菜單，以為點解無菜？原來唔係無，只係自取，而且重要超多選擇同所有菜都好新鮮好靚，我就食左三轉菜調味料都有好多選擇呢碟係每枱都有既小菜，開開胃等你食多d呢個黑松露手打墨魚滑，本身我諗住，咁樣樣加黑松露在面，一落水就散，但原來唔會的，黑松露仍然會痴住，咁就真係食到d黑松露豬肺咁冷門既野都有手打孜然雞丸，我個人喜歡孜然粉，所以呢個丸我喜歡八吋長蟹腳棒，即係超長既蟹柳，蟹柳fans必食野飲方面有幾個大雪櫃，基本試都滿足到我，但想飲啤酒既朋友就可能失望，因為啤酒係要另外收費，但都係正常收費一罐或

湯底有十款以上, 每款都吸引, 我地簡左胡椒豬肚同莞茜皮蛋, 兩款湯都足料點餐用手機APP, 個APP好user friendly, 簡潔易用, 5分鐘都唔洗就簡好晒.值得一提有白鱔, 脆鯇骨腩, 魚雲等貴價食材. 我自己好鐘意食白鱔, 叫左3轉, 3轉都黎齊無CUT單.另外肥牛都係必點項目, 好高質, 任食黎講咁多間, 佢係我食過最好的一間. 新鮮, 色澤好, 有牛味, 正花平均.最後推介多一款火鍋料, 韭菜餃. 餡料豐富, 韭菜好新鮮, 好香既韭菜味, 餃子皮厚簿適中, 做得非常好.

食肆開得是否成功，主要睇客人流量多與否，這間火鍋店已經不是第一次幫襯，由之前冇咁出名到而家排哂隊嚟講，質素冇變，keep到水準，無論食物、飲品、湯底同侍應生嘅服務都ok。所以雖然今次排隊等位等了1個多小時，但都值得嘅。同埋佢嘅位置係樓上鋪，都仲有幾多火鍋店可以選擇，朋友中途有動搖過食其他，但我堅決揀佢，因為好少放題火鍋做得比較有質素，如果揀逐碟計嘅火鍋店又感覺不太划算，一個價錢吃到飽~2百幾左右一個人，仲邊度搵到

難得今晚早收工叫媽咪唔好辛苦煮飯, 一家岀去食火鍋放題啦! 估唔到一鍋堂周三都咁多人, 似乎都有口碑~ 店員安排入座之後就用電話落單, 成個過程好快送餐都係轉眼的事, 好有效率! 湯底有好多選擇, 我揀左屋企人都喜歡的芫西皮蛋湯 , 自助醬料應有盡有首先講下肉類, 黑豚肉同肉眼都幾靚, 成功扭轉屋企人對放題肉會唔靚嘅諗法! 仲有大隻生蝦,丸類同魚滑, 炸魚皮等等, 對白菜冬菇餃子印象最深刻因爲皮薄饀好好味。菜類係獨立一兜兜放雪櫃自助, 媽咪話咁樣好衛生, 除了有大眾的生菜油麥外仲有平時少有的冰菜~ 飲品也是放題, 不過都係鐘意試下餐廳d沖調飲品, 藍色的碟豆花同紅色的洛神花茶都好有特色 ! 最後乳酪做終結,原味真係無得頂 😛 平時都無乜機會食所以是晚吃了兩杯才罷休 , 屋企人都好滿意依餐 !

每次黎荃灣諗唔到食乜好就會去大鴻輝望下, 是晚帶埋屋企人一齊食飯, 揀返之前食過幾有水準11樓的一鍋堂一上到去已經見好多人排隊, 閒日也爆滿! 幸好預先訂座去到餐廳已經安排坐四人卡位, 有落地玻璃感覺舒服一鍋堂用自己電話Scan QR code點餐, 個人幾喜歡這個做法, 非常有效率同環保 👍🏻肉類係我每次火鍋都好著重嘅一項, 一鍋堂的肉切得薄薄紋路靚灼一灼就食得, 肉質鮮美~ 而丸類都做得好精緻, 貢丸入面有饀絕對唔hea海鮮方面我最喜歡灼蝦, 大大隻 ~ 仲有必點配菜的粟米蘆筍炸魚皮，咁大個女第一次食冰菜, 平時好少見街巿有得賣, 原來咁爽口。最後甜品係乳酪, 作為單一選擇當然味道非常可以才能應巿 , 埋單每人都係$200有找 , 屋企人都讚抵食又食得盡興

今天晚上時間和朋友來了位於荃灣的一鍋堂打邊爐，今次叫了麻辣湯底。 落單是使用收據上的qr code點食物， 很環保，不會浪費紙張。 出面有飲品櫃和蔬菜櫃可以拎，種類也有很多。 餐廳有很多不同的種類的食物可以選擇。我們叫了海蝦，聖子，蟹籽手打墨魚滑，美國肩胛肉眼，法式牛肉，西班牙黑豚肉等不同的食物。肉類和海鮮都很新鮮， 而且份量也適中。 湯底的味道很惹味， 雖然很辣，但令人食慾大增。而墨魚滑很有鮮味，丸類十分彈牙。出面還有軟雪糕和乳酪可以吃， 飯後甜品一流。

上星期同屋企人一行4人 食一鍋堂慶祝生日爸爸媽媽第一次食一鍋堂好多食物都覺得好新鮮🙊因為一鍋堂食物既選擇太多我地咩都叫啲俾佢地試下一鍋堂係要用手機點餐圖文並茂 好方便！我地首先叫左個蘿白栗米豬骨湯湯內面有好大傑豬骨係到好足料！之後我地叫左肥牛同海鮮肥牛肥瘦適中 唔錯👍🏻海鮮方面有膳片 海蝦 聖子等等最估唔到係仲有花膠！❤️❤️花膠仲要大大片！必食！除左肉類海鮮外 打邊爐點少得丸類！ 特別係蟹棒一上菜既時候 真係嚇親我地好長一條！仲好鮮甜😋個人覺得蝦滑 墨魚滑比丸類更加彈牙直得一讚既係蔬菜 佢地既蔬菜係一盤盤放係雪櫃好新鮮乾淨！加分最後大家都食到好飽下次可以再試下其他湯底

大熱天時真係有人打邊爐? 答案是有的! 仲要有好多！！話說我們一行4人來到荃灣的一鍋堂，週四晚上，也不是週末，竟然等位等了差不多40分鐘，客似雲來真的不是說笑。等位途中不斷聞到鍋底的裊裊香氣，餓，絕對的餓，越聞越餓，但因為是朋友指定要吃，餓的同時也給了我一定的期待感。終於有得入座，入座前已經揀好鍋底，然後侍應遞了一張類似賬單的便條，大鄉里的我一度還以為要先比錢再吃飯，睇真啲先發現原來上面印著的QR CODE是可以用自己的電話SCAN出個菜單來，用電話下單，新式又環保。朋友選擇這家餐廳絕對是有目的而來的，就是為了一種特別的菜--冰菜，朋友狂推這款菜，而我們亦一試愛上。菜的表面好似舖了一層冰，令“冰菜”的名稱名副其實，在火鍋中烚一烚，特別食到它的原味，清甜爽口，而即使煮熟了，那層“冰”依然還在，真神奇。況且這款菜在外邊確實很難見到，起碼我個人是第一次見到，聽說在某些台式火鍋店會有，但都是單點形式，而且價錢不便宜，而在一鍋堂則是以放題形式任食，我們就是在朋友的帶領下衝著這一點來大快朵頤的，除了菜類出色，這裡的海鮮都很新鮮，特別推介海蝦，肉質彈牙，另外還有少見的鱔片，都是不錯的選擇，其他火鍋配

三五知己去搵食，又想傾計傾得豪放d, 所以揀左打邊爐，因為平日去，好好彩地walk in 只係等左30mins。入面環境相當唔錯，無咩油煙味，而且服務好好又快手，欣賞！整體食物質素高，性價比高！自選鴛鴦煲：潮汕湯+沙嗲湯潮汕湯好足料，有好多蝦米、咸菜、魚乾、胡椒，味道好濃，湯底加完又加個味都好濃郁👍沙嗲味道正正常常！蔬菜🥬區：比人好乾淨、好整齊嘅感覺，感覺到佢地嘅用心設計，好欣賞！飲品區：其實好多飲品供大家揀，可惜無我打邊爐的最愛——菊花茶，有點美中不足！不過個洛神花茶都唔錯，酸酸甜甜的！

首先從湯底說起，我所選擇的藥膳湯雖然充滿了藥材的味道但並沒有令湯底變得苦苦的，反而香香的湯底令打邊爐的食物別有知味。另外想讚的關於打邊爐那個煲，它是我看過鍋底最闊的煲，讓大家都可以開懷打邊爐不用左避右避而且受熱更好這裡的美國肩胛肉眼以任食打邊爐來說，絕對是高質素沒有雪得冰冰的，有牛味，感覺是頗新鮮，值得一讚所有的手打丸都值得推薦，分別是：手打墨魚丸，手打孜然雞丸和冬菜豬肉丸那種強烈彈牙的口感和那美味都得試試

朋友生日去食火鍋就一定開心無錯，加上大部分火鍋放題都有生日優惠，又有得一大班人一齊玩一齊食。年輕人的最愛。叫一個鴛鴦火鍋，一邊辣，一邊酸。同樣醒胃入味。火鍋湯非常重味，而且材料充足。辣的是泡菜鍋，辣道可以接受，中道辣，初嘗幾口還可以接受，但食多幾件肥牛，就開始感受嗆辣，泡菜配上豆腐，為豆腐增添鮮辣，豐富豆腐味道。超長蟹柳，浸泡數分鐘，便食得，大大條。加埋其他食物，例如芝士獅子狗，芝士腸等，使火鍋食物豐富。