一鍋堂 (大鴻輝(荃灣)中心) (已搬遷) 新店位置

#一鍋堂 (荃灣)荃灣眾安街55號大鴻輝(荃灣)中心11樓-----週末約左朋友仔去南豐紗廠玩 逛完之後就去返荃灣D商場行街 唔知係咪因為荃灣地大 我地行左好多路嘅關係 未到5點 我地個肚已經開始打曬鼓🥁最後我地就揀左去一鍋堂食佢5點個場火鍋任食（朋友同B仔都係呢間火鍋嘅常客 中意佢好坐 湯底選擇多 而且食材夠新鮮 最重要係高質得黎 加埋一都唔使$200一個人 非常抵食！）😁平時次次食親一鍋堂都超級多人 好彩今次黎得好早 揀定頭位排隊 一到5點就可以入場😄（後來發現 原來join左佢地會員或預先上網預定的話 就可以排另一條短好多嘅隊 情況就好似係迪士尼攞左Fast pass咁 😄）-入到黎發現 原來一鍋堂新裝修左😍其實未裝之前環境已經唔錯 唔知點解店主咁揼本再重新裝修過一次😆不過新裝後嘅一鍋堂又的確係比以前更靚 望落更窗明几淨 坐落更寬敞舒適 天花板嘅黃色燈泡令餐廳感覺溫馨中又帶點浪漫😊-除左環境升左級之外 仲多左個超大嘅沙律吧 沙律吧裡面有多款開胃前菜 如韓式辣蘿蔔 蒜蓉小雲耳 越式扎肉 麻辣豬耳 秋葵 日式小番薯 同各種沙律菜等等仲有人人都中意嘅金沙炸魚皮同麻辣鴨血😍 鴨血食落鮮香

同朋友黎到荃灣打邊爐，朋友介紹到呢間一鍋堂非常受歡迎，經常都要排哂隊，所以我地一早就經餐廳既app 訂好位，只要準時入座就可以。餐廳最近仲裝修過，座位全部變成綠色的卡位，令顧客坐得舒服，座位顔色又有生氣。火鍋湯底有好多選擇，有辣有唔辣，自選2款湯底要加$50。我地叫左一個芫茜皮蛋湯同麻辣湯。芫茜皮蛋湯底既芫茜味好濃郁，麻辣湯辣度剛好，唔會太辣喉，值得一提既係個鍋好夠深，湯底唔會輕易滾到另一邊既湯底，令食唔到辣既朋友好安心。點選食物需要用qr code 再入餐廳既系統，非常便利，有清晰寫好半份既份量係幾多，可以令食客更可以掌握到要叫既量，減少浪費。餐廳仲有提供沙津bar，多款前菜，更有冷麵。而打邊爐想食邊款菜就可以自己出去雪櫃令，全部分好哂類放好一盆盆。食材用質都好唔錯，牛肩胛油脂分佈平均，十分可口，丸類都好好食，上菜速度好快，加埋1都係$185 真係好抵食。

同同事放工食飯 九點左右到 都等左十五分鐘位 真係好旺場所有職員同幾串下 廢事望住你講野 但語氣又容氣既 入坐後好清楚咁同你講食幾耐 湯底同食物都好快上 食物叫幾多上幾多 大部分都好食 肉類都有質素 係牛肉有少少切得太碎 掉左落去好易搵唔番仲有雪糕食 味道中上 唔會溝好多水變左箱淇淋咁 飲品選擇都唔少 但唔可以亂問職員野 因為會俾佢地串 朋友問左一句仲有無烏龍茶個職員望都唔望過黎 一路行一路答：雪櫃無就無嫁喇真係得啖笑 食到差唔多佢出左張單俾我地 我放左張信用卡上去 佢行過左好多次都無理我 亦無收番坐耐左 佢無啦啦提我地淨番七分鐘 先知係自己出去埋單 咁點解放低張單個陣講聲呢？

今晚繼續有食神，識食朋友帶我到「一鍋堂」吃放題火鍋。我們都習慣早吃晚飯，所以選擇第一時段17:00-19:00用膳，$168一位。如果提前在19:00結帳還有八折優惠，加埋加一小費都係$148一位，非常抵食。「一鍋堂」佔據11樓全層，地方寬敞，還有間隔房間，方便大夥兒的客人使用。與時並進的「一鍋堂」，放題落單只需透過手機二維碼，環保又方便。如果客人有更高要求可以自費選擇，餐牌隔籬已備豬骨湯，有需要時自己添加，十分方便！我們都喜歡蘿蔔粟米豬骨湯鍋，清甜不油膩，粟米又超甜。我們先將花膠下鍋，最後才吃，腍滑的花膠掛著濃湯吃，滋補又滋味！ 我樂意要推介：咸鹹蛋炸魚皮，甘香脆口，很受歡迎！美國肩胛肉眼 ，鮮牛肉濃郁，十分美味可口！夠彈牙鮮甜的鯪魚滑！西班牙黑豚肉，肉質爽脆，肉味香濃。法式牛肉 ，有著腍腍滑滑的口感！新鮮的白鱔片，肉脆又鮮味，不愛吃魚也一定要嘗嘗，嘗過一定會喜歡！自家製胡椒麵 &響鈴卷。爽滑煙靭自家製胡椒麵我朋友很喜歡的芝士豆腐飽餐後，一定要甜品才能幫助消化，有雪糕和乳酪揀。我喜歡乳酪加椰果 ，很棒啊！是選用優質的豬肉，我也有在網上購買的食材。很滿足的一頓放題火鍋，材料取勝，稍後再

上星期和朋友去了位於荃灣既一鍋堂，依間餐廳是朋友極度推介我去，吾知道味道合吾合我心水呢？環境方面，餐廳空間極大；可以全場滿座，可知人氣很高。餐廳分有飲品區，凍食區，雪糕區，由於地方好大，所以吾怕好易同人有碰撞！雙拼湯底：我就揀了櫻花蝦湯底和沙嗲湯底。櫻花蝦湯底味道帶少少既，櫻花蝦和紫菜數量極為多，很足料令整個湯底香氣很高。而沙嗲湯底味道會再重一些，更加濃郁～美國肩胛肉眼：牛肉片顏色鮮紅，經焯後牛片滲出肉汁，味道帶香口既牛香味，肉質夠嫩滑。西班牙黑豚肉：同樣令我驚喜的是黑豚肉片焯後完全吾覺得鞋口，豬肉味重，相信中意食豬肉片既朋友會喜歡！蟶子：估吾到連放題也有任食蟶子，雖然蟶子比平時的細小，味道帶點兒甜而沒有沙粒，可以試下也不錯！冷拉麵：拉麵是自行在出面既雪櫃拿取，職員貼心告知我要加入醬料才好食；於是我就加了芝麻醬，拉麵又滑又彈牙，當中還有蟹籽令口感增加，值得推介！特長蟹棒：估吾到依度有蟹棒食，除左特長之外，口感也十足。焯後，蟹棒吾會甘易鬆散，可以完全保持到原本既形狀；味道帶甜。海蝦：每隻海蝦既SIZE大小相同，焯後依然大大隻；肉質實肉，可知不是死蝦，味道鮮甜。蜆：蜆清洗得乾淨，我所食的沒

中秋前約埋好朋友一起食餐飯團團圓圓！一班人做好就係打遍爐。一鍋堂係 我地聚會的最好選擇,價錢唔貴！而且食物質數幾好！連埋加一的黃金時段任食價錢都只係$180!!!! 真係好抵。上到去餐廳已經有好多人等緊入座，我很早前已經用一鍋堂的App Book 左未！好方便。入到去我發現餐廳裝修過!感覺地方更寬落了，而且所有座位都轉成了卡位！！令客人座得更舒適。餐廳發使用手機下單！可以減少用紙很環保的做法，上菜效率也很快！沒有任何漏單的情況，值得一讚。食材都好食手打類的丸和手工包的水餃最得我歡心。沙白蜆雖然細細粒，但味道鮮甜無沙！叫左幾Round。當然唔少得肉類，係打邊爐必點的！外面仲有多款小食，蔬菜，飲料和甜品選擇！！真係高質又抵食。

曾經和喜歡吃火鍋的舊鄰居在荃灣眾安街一座大鴻輝中心吃過火鍋巳一段時間,最近他再次約我一齊去試試一鍋堂，原因是餐廳最近巳裝修完。天花掛上多盞射燈和吊燈，光線充足，卡位和圓枱有分區，空間感十足，落地玻璃窗感覺開揚。食物分類整潔衛生，幾個大凍櫃放置不同味的沙律菜、蔬菜、冷盆，還有各種品牌的飲品；也設有自斟的自家製飲料和雪糕機等等....用手機QRcode 入單放便快捷。美國肩胛肉眼和西班牙黑豚肉都是上等肉類，鮮嫩肉質，各俱滋味！😋脆鯇魚片，爽彈口感。👍蟶子和帆立貝鮮美。😋一鍋堂煥然一新的新面貌，令我們吃得大快朵頤！

一班朋友聚餐，今次平平哋過嚟一鍋堂食打邊爐，貪佢正宗大王，價錢又平，食物又唔錯，大家又算近近地，環境又唔算太差，又比較闊落。一嚟到先送咗一疊靚牛肉，跟住叫咗一大堆海鮮（包括生蝦、貝殼），仲叫咗10支綠茶。如比較值得欣賞嘅係佢嘅法式牛肉比較重牛肉味，亦唔會太多脂肪，對於一眾女士來講算係唔錯嘅選擇。另外，佢嘅漲了亦都比較多，包括豉油、薑蔥、生蒜、炸蒜、芝麻醬、沙茶上，對於大家比較喜歡醬料嘅真係唔錯嘅選擇亦都非常之齊全。

女兒訂左荃灣一鍋堂食火鍋放題，但朋友臨時有事去吾到，就叫左我去食，一鍋堂裝修過，多左好多卡位，地方乾淨又光猛，座位舒適。用手機下單好環保。另外甜品、飲品、冷盤、火鍋的蔬菜類、麻辣鴨血、炸魚皮、凍蝦、軟雪糕都是自助。多款湯底中我們選了潮汕湯，材料有大地魚、蝦米、豆卜、咸菜、唐芹、大蒜、胡椒碎，味道鮮甜。美國肩胛肉眼，肉質鮮嫩，油脂如雪花般清澈均匀。生猛海蝦、白鱔片新鮮彈牙。真係花膠大件有厚度、新鮮魚雲滑溜、西班牙黑豚肉，肉質軟嫩有肉味。帆立貝、水魷、聖子仔、八吋長腳蟹棒、真係鴨血新鮮。火鍋配料越食越好味。鮮味炸魚角，鮮味彈牙。

中秋放早，於是約同事去大荃灣大鴻輝食一鍋堂。5至7點時段人較少，便宜。由於訂了位，第一個入去，感覺不同了，原來裝修過。坐位寬闊了，光猛了。綠色的座椅，感覺清新，很有生氣。服務愈來愈好，用手機下單，上菜效率很高，也很勤的收集空盤子。這樣比平時吃得更多，食材很食鮮，肉類的，手打丸類的，大滿足。生猛海蝦加沙白蜆真係花膠 加脆骨腩白鱔片加帆立貝脆皖魚片是日海鮮推介加聖子仔水魷法式牛肉 加手打三寶丸羊肉片西班牙黑豚肉手打魚腐 加手打墨魚丸櫻花蝦手打鯪魚滑 加黑松露手打墨魚滑炸魚皮超甜粟米+蕃茄美國肩胛肉眼三星蔥貢丸蟹籽手打墨魚滑響鈴蕃薯葉洛神花茶

同朋友約左喺荃灣食飯，一鍋堂以綠色為主色，枱同枱之間都幾闊，行路嘅通道都算闊，拎野都冇咁容易撞到。入黎嘅兩邊通道有曬菜，飲品，沙律，仲有一部乳酪機，正。我地揀嘅湯底都幾清，其中一款係潮汕湯底，真係有條魚喺度，愈食愈入味，唔錯。一坐低朋友就點左好多野😂😂打邊爐肥牛就緊係唔少得啦，肥牛真係幾好食，我地嗌左5 6次。蟹柳又係另一個必嗌嘅，一咬開，絲絲蟹柳就散開啦，係真蟹柳黎嘅。另外都嗌左蝦滑，墨魚滑，炸魚角，響鈴，竹笙，帆立貝等，食到好飽。

早幾日同朋友喺東亞打完波，就去一鍋堂食打邊邊，7點幾上到去已經人山人海，排到出門口好彩一早已經訂左位，只係等左一陣就可以安排入坐，成層都坐爆晒人，陣陣麻辣火鍋香味滿佈！入座前記得要揀好食咩湯底，呢排都食過幾次麻辣火鍋，今次就返朋友揀返藥膳湯底！呢度既都係一個價錢任飲任食，一般既啤酒汽水都有供應，滿滿擺滿幾個雪櫃！想飲得健康d ,清下熱，潤下喉，除了啤酒汽水外，仲有自家製冰糖檸檬同蝶豆花茶。另外隔嚟仲有醬汁調味架，一般調味配料例如蒜蓉，葱，辣椒都有供應落單用而家流行既掃qr code再喺手機落單，圖文並茂勁方便，又有得check下配料既出菜情況，一目了然，唔駛揾人追單！呢度d配料估唔到咁高，由牛肩胛肉開始都令我刮目相看，雪花均勻，賣相吸引！肉質嫩滑，肉汁豐富，百幾蚊任食邊爐可以食到咁好既質素真係難得！除左牛肩胛肉外，仲有大大粒用料大足既雞軟骨餃同蓮藕雞肉餃，大大粒而且兩款食材都口感十足，蓮藕同雞軟骨都同樣爽脆！另外必食既長長8吋蟹棒，好似真係第一次喺任食邊爐餐廳有得叫咁長既蟹棒！仲有另一款喺其他任食邊爐都未見過既，就係香煎韭菜餅，煎既食法食得多，滾既食法都仲係第一次，滾完好似魚蛋咁，幾彈

聽講荃灣間一鍋堂裝修過，見佢裝修完梗係要黎試一試。空間感幾大，枱都好似長過同闊過以前，而家個位鬆動啲，食都食得開心啲啦。同樣門口入黎就左邊放曬菜同飲品任揀，右邊就係自助沙律吧，仲有凍蝦呀。一鍋堂嘅肥牛真係幾好食，淥耐左都唔會韌，而且牛味都重。蟹柳真係必點，好長好足料，淥幾秒就食得，係真蟹柳，而唔係仿蟹柳，所以好好食。菜方面就拎左娃娃菜，冰菜，菜心等等。菜都新鮮，都幾清甜。仲叫左牛栢葉，午餐肉，蝦，不過掛住食，有啲食物唔記得影相😂仲有唔同嘅丸，例如牛丸，貢丸等，都好彈牙嫁，好食。最後就食左兩杯乳酪，好滿足嘅一餐。

我同男友之前去食過旺角一鍋堂，覺得一鍋堂係一間少數高質而價錢合理嘅任食火鍋。今個星期一同男朋友經過荃灣，咁岩都見到有一鍋堂分店，所以一於去試吓。估唔到係星期一嘅夜晚，一鍋堂都可以咁多人，不過好在我哋早去，所以都有位。上次試咗櫻花蝦湯底同清湯，今次就試吓蘿蔔粟米豬骨湯底同埋清湯。豬骨湯底非常足料，豬骨好大件，不過胡椒味就略嫌重左啲，對於唔食得辣嘅我來講，下次都係走胡椒好啲。今次一鍋堂推出左呢排流行嘅蛋黃魚皮，平時出街買來食都幾貴，依家有得任食食到夠本！丸類食品，例如香菇貢丸，用料唔錯，爽口彈牙又夠香。平時唔多食貢丸嘅我，竟然都食咗五六粒。牛肉都維持到上次來食咁高質素。第一轉啲牛肉瘦啲，食落感覺健康啲，第二轉啲牛肉雖然脂肪多少少，但係食落去呢更加香，所以我兩轉都好滿意。因為有太多種類的食物，所以都無食太多轉牛肉了。今次我發現咗原來佢啲餃子都好正㗎，例如韭菜餃，拍得住出邊專做餃子的餃子店。魚肚都值得推介，質素都 okay 架，女士食一流，可補充骨膠原。甜品一樣咁正，有蜜瓜雪糕同原味乳酪。蜜瓜雪糕味道唔人工。原味乳酪稍孫帶甜，味道吸引，令人忍唔住一食再食。總括嚟講，呢間火鍋店食材選擇多，肉類海

同朋友一齊落荃灣食飯 一鍋堂呢間餐廳最近裝修完一於過黎試試 間隔改變了不少變得闊落左空間感十足 而且環境也光亮了 整體感覺比以前好 也多了前菜凍櫃可以打邊爐前吃少少食物 食物方面新增了出前一丁，鹹蛋炸魚皮等等 而邊爐方面的食物沒有太大改變 一樣有我最喜歡的花膠，海鮮，肥牛！今次我地叫了紫菜櫻花蝦湯底，湯頭鮮甜不油膩，我喜歡先湯一口湯再打邊爐。這裡的落單是用手機掃QR code下單，下單後約5-10分鐘已經送到！由於是手機下單，沒有漏單情況出現，值得一讚！