一鍋堂 (大鴻輝(荃灣)中心) (已搬遷) 新店位置

一鍋堂， 一早知佢出名，所以下載了佢個apps （一鍋堂） 訂位。 非常方便， 送幾次免費訂位，然後再用消費了既積分換訂位，完全唔駛錢 ，非常方便。 我地今次叫咗個蕃茄豬骨湯底， 酸酸地好惹味，可以食更多嘢。 而家用手機掃描qr code落單。方便又快捷，好多選擇，真心正。 推介大家試下餃子，自家制的餃子，又大又足料仲好好味。 而肉類方面都係好多選擇，豬肉，牛肉，雞肉，羊肉，全部都有，海鮮也非常好，啲蝦都好新鮮。 上菜非常快，加埋嘅位都幾大，都算坐得幾舒服。

早已大排長龍的一鍋堂火鍋，口卑不俗！有16款湯底選擇，店員推介的麻辣湯和潮汕湯底，兩種都十分濃郁，用料充足，口感層次豐富。一鍋堂的食物款式很多，不能少的當然是海鮮類和肉類，海鮮要試「真係花膠」、生猛海蝦、沙白蜆，全都味道鮮美，最重要是不會有腥味，與湯底配合得宜，能充分帶出食物的原汁原味。另外，肉類也有幾種必吃的，包括美國肩胛肉眼、法式牛肉、羊肉片、豬勁肉柳、西班牙黑豚肉等，平時不愛吃辣的朋友，今次巧妙地配合麻而不太辣的底湯，也忍不住口吃了幾碗不同類別的肉片。店肉還有一些特色自家製食品，例如潮州豬肉扎、三星蔥貢九、蓮藕雞肉餃、手打三寶丸、黑松路手打墨魚滑等，全都十分精緻，細細品嘗，確有別具風格的味，當然是食材新鮮和一鍋堂的精心調配才是推介重點。

荃灣一鍋堂開張至今已經食過幾次，相隔一年今次一於再去返尋味。上到去都係先選好湯底然後入座，湯底有好多種可以揀。今次揀左鴛鴦湯底，有鯊魚骨和潮汕鍋。入去後發覺明顯有裝修過，座位隔間都唔同，感覺更加寛闊。自助區分有沙律，前菜等等，當中豬耳，蝦等等最多人夾，豬耳夠爽口。另一邊自助區有多款菜類，有油麥菜、菜心、唐山菜、西洋菜及羽衣甘藍等等，啱哂喜歡食菜朋友仔。飲品櫃選擇都唔少，另外旁邊的自助區亦有唔少自家制飲品，例如洛神花茶、蝶豆花茶及冰糖燉檸檬等等，亦有自助雪榚機，旁邊仲可以自選不同配料!!而下單就變為用手機，慳去用紙下單同上唔齊食物的尷尬。食物款式選擇依然非常多，有海鮮、肉類、素食、自家製類、配菜類等等。推介芝士獅子狗、蜂巢豆腐、超長蟹腳。海鮮推介海蝦，大隻彈牙！還有脆脘白鱔都唔錯！牛肉肉味濃，脂肪又不會太多，女士吃多幾塊也不會怕肥。

今天和朋友到荃灣打邊爐，打邊爐的地點就在大鴻輝商場的十一樓。走進這間餐廳，感覺到地方10分乾淨，而且剛剛來到的時候，尚未到晚飯的時候，所以人不算多，我們被安排坐到窗旁，環境真的不錯。。餐廳的門口放了一些沙律，和少量的冷盤。然後便看到了一排一排的飲品櫃，飲品的種類非常多。這裏是用手機點餐的，食物的種類也很多，有海鮮、肉類、自家製、素食和熟食等。海鮮種類有很多，有帆立貝、海蝦、花膠、沙巴顯、還有四款不同的魚片呢。肉類方面也有四款的選擇，有羊肉、牛肉和黑豚肉等。反而這裏有很多肉丸和水餃選擇呢。個人最喜歡是韭菜餃。。甜品的選擇只有軟雪糕，沒有其他選擇了，不過要雪糕的質素不錯，朋友和我每人也吃了兩杯呢。。總括來說，這裏有不同的收費，進食的時間越短，折扣便越多，而且也有不同類型的選擇，點餐也沒有漏單的情況，座位也非常寬敞，在荃灣區來說，也是一個不錯的選擇。

秋風起就係打bino 的好時候🥰~~眾所周知大鴻輝中心係火鍋放題店集中地，一到食飯時間樓下大堂就會有條好長的人龍。而咁多間美食店入面我就最鍾意一鍋堂💕~因為食物質素高而且環境好，加上衛生好，而性價比亦超高，週末食足兩個半鐘都係$178+1! 不過一鍋堂係區內好受歡迎，即日訂位的成功率幾乎係零...🤦🏻‍♀️每次都得返好夜，據我的經驗最穩陣都係早兩個星期訂!! 如果係成大班朋友一齊黎聚一聚仲可以訂廂房，自成一角點傾計同玩都得，我印象中包房的話好似要俾$23xx， 實際的價錢同規矩就打電話去問下啦~ 今次我同朋友即興去食，當然係訂唔到位啦，唯有一早去排隊，點知去到佢話因為太多人訂位，所以最多只可以食2個鐘...因為太想打bino, 唯有照食啦。不過值得一提的係counter 的員工態度一般，一開始的男員工態度唔錯，但佢就唔知Bino 店 fully booked，同我地講可以食足2個半鐘。跟住佢隔離個女員工就好fu 氣咁話「我地fully booked 啦喎，最多得2個鐘，你地食唔食?」，明明係佢地搞錯但態度都咁差，又搞到我地空歡喜，令整體體驗扣分，希望服務可以改善一下。一入到去就嚇親，因為

秋天一到，又係火鍋好時機。三五知己，又唔想自己咁辛苦去街市買料打邊邊，梗係出去食啦。今次又去咗荃灣大鴻輝嘅一鍋堂食火鍋放題。呢間放題嘅火鍋店，環境好好，有景睇，好乾淨！無論湯底定火鍋生料都好正，食材夠新鮮。所以經常排長龍，要預先訂座，或一早嚟排隊。原來而家都多咗好多熟食，個黃金炸魚皮同麻辣鴨血真係冇得頂。仲有多款冷盤涼食都一流，韓國泡菜辣蘿蔔好好味。前菜小食都吃得夠滋味同一般自助火鍋嘅蔬菜唔同，佢一兜兜放得好整齊，放晒入雪櫃裏面好衛生。飲品種類好多，仲有日本果酒，值回票價！　

食食下 個阿姐行過嚟好殷勤咁叫我地下載佢哋個Apps話Download  apps  join會員  送冰糖檸檬仲叫晒我哋咁多個人都要download點知download完仲要用電話no.認證而佢個Apps又壞壞哋搞咗好耐但係返到屋企我居然發現樽嘢嘅有效日期比人改咗我影咗相 有圖本身寫住30-9-2019但佢地 塗咗佢 印咗個30-11-2019落去點解要咁樣做呢？有冇搞錯呀？ 都唔知會唔會食壞人做乜要送過期嘢？仲要偷偷地改日期好過份

又想吃火鍋了！今天就和朋友來到一鍋堂麻辣鍋一開始不太辣不太麻，相比其他店舖沒有那麼咸，煮久了麻辣味才會出來～沙嗲湯咸度剛剛好，花生味非常香～有冷盤提供木耳酸酸的非常開胃，蝦非常新鮮很有彈性，火腿鹹鹹香香的很不錯。鹹蛋炸魚皮非常香，非常脆，浸在湯裏吃非常爽～蟹柳超級大條，甜甜的，非常滿足吃麻辣鍋一定要有金菇，非常新鮮爽口。腐皮豆味很濃羊肉味很濃，一點也不會老，肥瘦剛剛好。煮好的麻辣鴨血超級推介，非常入味，不算太麻辣，QQ的口感非常好。羽衣甘藍非常新鮮，superfood在超市買很貴喔～雪糕不會太甜，吃完非常清爽非常舒服。

一鍋堂裝修後第一次來光顧 ,食物仍然維持高水準，另外設有沙律吧， 中西韓日小食都有， 包括沙律菜、涼拌木耳蘿蔔、 螺肉 、蕃薯粒等等 。吃火鍋前先吃涼拌食物開開胃，真是很好的配搭。喜歡來一鍋堂的原因，除了食物質素高外 ，最喜歡它的環境和食物衛生。自取的蔬菜櫃整潔衛生，內有多款選擇。食物方面，最愛新鮮魚雲 ，坦白說不是很多間火鍋放題食店會提供新鮮魚雲的， 以這個價錢可任食魚雲，真的非常超值哦! 手打丸類也種類繁多，肉質鮮味。我不得不特別推介鹹蛋炸魚皮 ，真的好吃到不得了 ，非常脆口， 沾滿鹹蛋香哩！飲品方面更加是多不勝數，汽水，涼茶類無限添飲 ，以這個價錢實在無法抗拒不去光顧哩！結賬前別忘了來一杯乳酪雪糕啊！

今晚來到荃灣一間價錢非常平民的火鍋放題 一鍋堂。黃金時段都是$168/位，而21:30後是$148/位，有加一服務費，且是2.5小時，可以慢慢食。一出電梯已經見到有人等位，餐廳裝修都很雅緻，我們被安排到舒適的2人座位。侍㒣帶我們入座位時已見到放題吧上有熟食、沙律及甜品...等，還有飲品、蔬菜...等放於雪內任取任食，令人興奮。入座時已見到的蛋黃炸魚皮，是令我第一時間先取的誘人熟食，可即食又可於湯鍋內灼多一會兒，脆口又帶咸香，且是2種不同的口感。白灼蝦也是我的最愛中的熟食，清甜的蝦味又爽口。芫茜皮蛋拼沙嗲鍋鍋底要了芫茜皮蛋拼沙嗲鍋，這段時間食多了煎炸菜式，所以要了個芫茜皮蛋鍋，可以下火。魚頭雲廚師將魚頭雲切成長條形，切得不是很大件，令魚頭雲很易熟，容易拿捏魚頭雲熟的時間，令又嫩又滑的魚頭雲加入到我的最愛行列。脆鯇骨腩脆鯇骨腩放到鍋內，一下子忘記了時間，灼的時間太長了些，但撈起之後，依然是帶著脆口。鱔片鱔片每次叫有3片，可以無限點，切得厚薄適中，鱔味濃又新鮮。沙白蜆沙白蜆雖然不是很大隻，但肉質鮮甜，必食之選。美國肩胛肉眼美國肩胛肉眼，雲石紋的美國肩胛肉眼，切得很薄，有小小,咬口，顏色亮麗，

移左民嘅朋友回港約一聚，近日香港有啲混亂，夜晚都唔好去咁遠，近近地喺番荃灣好啲，對方一家大細，中菜唔知細路啱唔啱，知道佢地未試過火鍋，於是喺大鴻輝中心嘅「一鍋堂」訂左位，一於同佢地食火鍋放題！ 來到安排坐窗邊，視野廣濶，坐位 舒適，細路非常 雀躍 ！任飲任食！喜歡飲乜飲，食乜就點！非常暢快！熟食冷盤都好多款，啲蝦好靚非常新鮮，大人聚舊話家常，細路食不停好滿足，火鍋料質素高，朋友讚不絕，知道價錢每位168元之後更加大讚抵食！反過來話要臨離港前請我再食多次！ 佢今晚食得最痛快嘅係，脆鯇骨腩，鱔片，大魚頭，自家制手打丸，好耐冇食過咁新鮮嘅魚。 湯底足料，食完大人細路都大滿足！

今日去咗荃灣一鍋堂打邊爐，一出電梯口就叫到啲人企面哂大堂！好彩有訂位，一埋去就有位了。一入去嗰陣已經見到有麻辣鴨紅同炸魚皮食。轉個彎仲有個前菜bar(有蝦、冷麵、粟米等等...最重要有埋我最中意嘅胡麻醬！！正到爆）我地2個人佢俾咗張卡位我哋，座位寬闊舒適，燈光光猛，抽氣系統完善，感覺良好。我地坐低後就點咗鴛鴦湯底（胡椒豬肚湯同櫻花蝦湯），2個湯都好足料，個人特別推介豬肚湯，好入味辣辣地好開胃。呢度係用手機點餐，食物出得快而且唔會漏單。我地點咗好多牛肉同羊肉，牛肉脂肪均勻，羊肉有騷味。不知不覺就食咗好多哈哈哈！海鮮呢度都幾多選擇，海蝦、花膠、蜆、白鱔片等等。海鮮都非常新鮮，白鱔片爽口encore咗幾次，令人不能自拔！打邊爐最緊要就飲品夠凍，呢度原全做到。而且有好多選擇，有氣無氣，罐裝包裝都有，仲有特有嘅洛神花茶同蝶豆花茶。呢餐真係好抵食！

荃灣食肆多就係人都知，不得不推介呢一間用電話就可以落單嘅先進火鍋店。入店之前店員會先問我地揀選咩湯底，入座後好快湯底就已經奉上，超高效率！然後只要用手機掃描單上面嘅QR code就可以自助落單，既減低人手落單出錯嘅可能，又為環保出一分力，抵讚👍🏼無論係飲品、蔬菜定配料，都有好多選擇，想健康嘅仲有洛神花茶同蝶豆花茶可供選擇，岩晒打邊爐之餘又想保持健康嘅人士，即係我😀我點左個藥膳湯底，越煲越出味，無論配搭肉類定蔬菜都好出色！食物好新鮮，點左一份蜆 ，完全冇沙之餘仲好鮮甜。另外好欣賞手打墨魚丸，鮮味彈牙，我點左兩份添🤫仲有女性恩物-花膠，滋補養顏，我又係食咗兩份😂另外餐廳推廣還原水，食完飲番杯，可以抗氧化同幫助消滯，正呀！

一班老友約聚會自然又想起"一鍋堂"！ 自上次來過火鍋聚會之後，人人都讚食得暢快！飲得暢快！最重要係平！靚！正！ 冇將貨就價，火鍋配料新鮮，有質素， 免費Wifi連接一鍋堂apps落單先進又快㨗！ 以每位168元有這樣的服務和食物水平絕對超值！所以今次再聚，齊齊都話要再來！來到店前一樣是人山人海在等位，幸好在手機 apps上預先訂座，不等多久就有位了，非常方便！ 食物，火鍋醬油的擺放一樣的整潔有 序~十多款湯底任君選擇鴨血口感滑溜，六寸長蟹柳啖啖肉！手打胡椒麵好煙韌脆鯇骨腩，鱔片肥美爽口！色澤剔透，好新鮮！手打魚肉，蝦膠，丸子爽滑！水準保持！非常滿意！

今次朋友話想去食火鍋，好，在荃灣行下，睇下有咩好嘢食，點知原來朋友話已經Book 咗位，諗都唔洗諗，跟佢去試下先。上到去，嘩！好多人排隊，好彩訂左位。這裏地方好大，雖然座位多，但好寬敞，幾舒服。坐低左，發現原來用手機點食物，都好方便。湯底好多選擇，而且好多都好特別，未試過。揀左好耐，結果決定試下櫻花蝦湯底。食物方面，好多選擇，海鮮款式多，花膠大塊又厚身，海蝦新鮮，帆立貝肉厚鮮味。又有好多新鮮蔬菜選擇，最後當然唔少得雪糕啦，今餐非常豐富！