一生懸麵

營業中

休息中

［努力＋拼博］不少人都喜歡來香港食拉麵，不單止拉麵夠正宗，還省下了去日本吃的費用，而這間在日本也有的拉麵店，不但材料十足，而且麵身也很有彈性。而店名的意思是：努力、拼博、用盡全力做等的意味。旺角店裝修很乾淨，而且位置很好找，價錢也不貴，所以吸引了我來光顧。濃香櫻蝦沾麵超級多的櫻花蝦！配上半熟蛋，絕對有一種去了日本的感覺。雲丹拉麵當時吃的時候是限定產品，據說之後有機會加入餐單，海膽很多，湯底比看起來更有鮮味，而且濃郁的口感並不會膩！唐揚炸雞外脆內軟，沾點沙律醬吃就剛剛好！比想像中更滋味，可以再食！

今日一個人去左旺角食飯，最近籌備緊一件大事，關於人生入面一個好重要既決定，忙住搵資料再聯絡各個單位人員，非常吃力。但係又好期待好值得！今日去到旺角，lunch入左去一間日式餐廳，主打日式拉麵店。我叫左一碗拉麵和章魚小丸子。拉麵湯底極重口味又極濃郁，入口濃濃豬骨湯，加上重口味蒜香，非常滋味！拉麵彈牙非常爽口，溏心蛋好出色！最欣賞一定係兩塊厚切叉燒，油脂極重極甘香，肥肉肥美香口，油脂非常甘香！拉麵夠哂彈牙！章魚小丸子醬汁濃郁，入口鬆軟唔會太乾！

今日經過，午餐時間無咩人，又好似見多正評，入去試下。叫左櫻花蝦沾麵， 外觀同份量正常， 但對面枱的男子叫加麵。 我揀"標準"麵質, 但覺得太"淋"。 蛋沒有做到溏心蛋的效果， 太熟而且無甚麼味道。湯頭工常，有很多櫻花蝦。性價比中等，不過不失。服務態度不錯， 侍應跟我說， 吃完麵後可加湯， 但我因為太飽， 沒有喝。

今天放假，約了媽咪去女人街濕平，行完一輪，當然要揾個地方醫下肚啦！媽咪話好耐未食過拉麵，叫我search 一下openrice 看看哪裡有拉麵店，於是找到了位於通菜街的一生懸麵，就一於近近地幫親下啦一入門口，地方雖然不大，但感覺卻很親切。坐下來後，便研究下食乜好嘢先，我們點了白湯豚骨拉麵、海鮮拉麵，及雞軟骨棒。門口充滿日本feel白湯豚骨拉麵湯底味濃，豚肉夠稔，配料多海鮮拉麵麵質夠彈牙，最愛椰菜份量多，吃時很有口感雞軟骨棒肉質很爽，非常香口，配埋醬汁一起吃，夠曬清新可口

上星期跟朋友到旺角女人街吃晚餐，看到這家裝修很日式，又不用等位就進去了。裝潢是簡約的日式風格，店雖小但坐著感覺舒服，員工也有禮貌。桌上有水壺可供自行倒水喝。我們點了兩份沾麵，一個是特濃豚骨，一個是魚介豚骨。另外還點了兩客小吃：煎餃子及章魚燒。沾麵兩款差不多，特濃豚骨味道會更濃一點，而魚介豚骨則多了一塊青檸。豚肉質感嫩口鬆軟，把沾麵放到湯裡輕輕沾一下，就已經很夠味，非常好吃。麵條本身是冷的，質感比較彈牙，好吃。煎餃子不會太焦，感覺沒平常的那麼熱氣。味道也不錯，裡面是滿滿的肉跟菜呢。章魚燒水準也很好，熱騰騰的，配上上面的一點沙律醬更棒。總括來說，這家小店除了裝潢讓人感覺舒服之外，味道也有一定水準，值得一試。

旺角多野食就一定架啦，不過質素有高有低既，行左一段時間搵來搵去最終就黎左呢間食。鋪頭細細都算整潔。點了：特濃豚骨沾麵，熱。自己好少食沾麵不過覺得呢間都不錯。豚骨份量比較少不過算食得飽既，麵既口感選擇了標準，所以真係唔軟唔硬有點彈口既感覺，自己就幾喜歡呢個口感，唔錯。流心蛋，食落去唔易散，不錯口感。熱上既汁加上沾了汁既麵後，味道還算不錯，不過感覺上汁有點不夠燶味，因為自己點了熱上如果凍既就唔知甚麼感覺了總結簡簡單單又一餐。

忙裏偷閒，又到旺角找食。想找好食的日本野。我最愛食沾麵, 沾麵同拉麵的最大分別, 就係沾麵碗湯會分開上， 同埋沾麵可以選冷麵。 啱曬趕時間的我。我叫咗個牡丹蝦豚肉沾麵， 加上我最喜愛的黑木耳。黑木耳非常爽口， 配上一隻溏心蛋， 蛋黃味 龍。牡丹蝦湯底非常惹味， 豚肉燒到少少焦香， 咬落煙韌口感豐富。小食要咗燒 章魚丸小丸子， 總共有五粒。 粒粒大大粒內有章魚， 煙韌好味。仲有煎餃子， 餃子新鮮好味， 餃子煎到 恰當好處唔熱氣。分量都相當大碗， 當晚餐吃分量ok

係通菜街開日式拉麵店真係好少有，所以經過門口諗都唔諗就衝入店內，店內裝修簡單，沒有特別裝潢，餐牌一眼睇晒，有拉麵，沾麵和小食，主打天然豬骨湯底，近期比較喜歡白雞湯底，所以睇下有冇驚喜，叫左白湯豬骨拉麵，名古屋二郎系拉麵， 都仲可以選麵身軟硬度，食物質素：豬骨拉麵，湯底濃郁，唔會有膠住口，幼麵爽口，叉燒用光波爐，肥瘦平圴，名古屋拉麵，面頭放左一堆生蒜，係用粗麵，用一陣麥味，湯底帶有一陣甜味，好清新，唔會好油膩，總括來說，名古屋拉麵有驚喜，價錢比較平！"

一生懸麵是我近年飯堂之一，勝在形象平易近人，價格相宜，麵款品質穩定，在旺角開分店當然是好消息，但其位置並不好找，加上宣傳多，2018年10月開業時幫趁客人寥寥可數。過了半年後2019年4月尾我晚上6時半再度光顧，客人比起開張時明顯多了，入去時有兩至三枱客人，期間最多有十多人，日本裔師傅佐藤先生亦在場內監督，依然滿面鬍子，木口木面，獨來獨住。平時我在一生多點選最基本的白湯豚骨拉麵及沾麵，小吃一定要雞軟骨棒，其他的麵款都已吃過，至於前陣子引起談論的雲丹海膽拉麵及沾麵，我認為雲丹這種上等材料太虛賓奪主，失去該麵店的本質，所以我没有給予好評，雖然其脈源於富士山55，慣以這些上等素材配以麵食，但失去平實之餘麵條淪為配角，我是這樣認為。雲丹過後，限定拉麵是海鮮拉麵，我還要了章魚燒，我在一生只吃過雞軟骨棒及煎餃子，章魚燒未食過於是亦點了一份。海鮮拉麵食完我只覺得平平無奇，所謂的海鮮我判定只是在超級市場買到的一包包冰鮮海鮮肉碎，沒有海鮮的味道，半隻半熟蛋加少許生菜就成為一碗限定拉麵，豚骨湯依然味濃出色，麵條爽口彈牙。章魚燒原來也是超級市場的雪櫃貨色，在雪櫃內拿出來，放入光波爐四五分鐘即可加醬奉客，

這家店的裝潢雖然普通，但是卻有種日本道地小店的感覺。少了華麗的裝潢，卻能讓客人沈浸在美食中，才是這店主打的理念。唐楊炸雞我們選左唐楊炸雞當做開胃小菜， 效果不錯。甜甜咸咸， 十分開胃。咬下去時還有肉汁流出來。份量不多但足夠，前菜不是為左填飽你，是為左準備你吃正餐。白湯豚骨拉麵最普通地野，有時是最難煮的。白湯拉麵是每一家拉麵店必備的一道面。這一家的湯底十分濃稠，會喝上癮。面就沒沾面彈牙， 但是都算不錯。肉的份量很足， 肯定足夠一人份。半顆糖心蛋有著畫龍點睛的效果， 甜甜的糖心為這碗面解膩。如果喜歡糖心蛋的朋友，可以多點多一顆糖心蛋。魚介豚骨沾面在日本， 魚介的意思是魚同貝類的總稱。 我朋友沒興趣吃湯麵所以她選左沾面。 當面來時， 我大膽的試左少少。 面的口感很明顯的彈牙過拉麵， 因為沒長時間泡在湯里。湯底比我的白湯多左魚鮮味，沾左面之後不會太咸，剛剛好。推薦給朋友想慢慢一路吃面一路聊天。

近排食沾麵食上癮，係咁搵不同地方嘅沾麵...今次我就出九龍區食沾麵。今次就食呢間啦⋯⋯餐牌點餐紙餐具食物雞軟骨，一份有兩條；雞軟骨條上面擺放左京蔥同埋沙律醬。咬落去會一啖都索索聲，係雞軟骨嘅索索聲、而且好香嘅雞肉味。拉麵呢個就係濃香櫻蝦油拉麵，由於唔係我食而係我阿妹食啦！目測都幾豐富，差唔多成碗都係櫻花蝦。沾麵呢個就係我最想食嘅嘢啦。魚介豚骨沾麵；先講下個沾麵湯先啦，個湯呢系有好大浸嘅豬骨味，咁你撈勻左佢呢，就有一陣嘅魚介味：但同時又有豚骨味。呢碗湯最神秘之處，就係裏面除左京蔥之外仲有豬肉，而係仲要豬肉粒。豬肉都唔細粒。而且肉質好滑。呢碗沾面嘅麵質比較粗身，都幾有麥味。當沾上沾麵時都幾掛汁。叉燒食落去有一陣灸燒過嘅味道，肉質都幾淋，而且都幾滑。玉子玉子有流心，蛋黃偏橙色。食嘅時候有豐富嘅蛋汁。

女人街兩旁都有很多餐廳，有很多小店，突然很想吃日本拉麵所以便選了這一間，雖然比較晚，不用排隊，但店內都坐滿了人，因為肚子餓，所以叫了個濃厚豚骨沾麵及雞軟骨棒。濃厚豚骨沾麵（$73）：我叫了普通硬度的麵，麵還是比我想的都是太硬，但也很彈口，麵掛湯的能力很好，沾麵的湯熱騰騰，味道不錯，因沾麵湯會濃味一點，不喜濃味食物的朋友可能會覺得咸了一點。叉燒有燒過，帶出肉的香味，半肥瘦所以不會太鞋或太油膩，可惜流心蛋切得有點不整齊，雖然流心，但是沒有味道，淡淡的。下次會來試試它的拉麵！雞軟骨棒（$25）：值得一讚，應該是用雞軟骨及肉碎做，所以肉質很滑，而且當中會有一些雞軟骨的咬口，加上汁配合得很好，好吃小食！

和一個喜歡吃拉麵的朋友當然同佢聚會都選擇未必真是那麼多，最後就在旺角找了一間我和她都沒有吃過的拉麵小店，去到見到選擇不是太多但都可以拉受，桌上有拉麵店必有的凍水，檸檬味幾香，我和朋友飲完水就開始點餐，這裡的拉麵都有有分軟硬度，我最喜歡，我地一人一碗，$73碗價錢都合理。我當然食我最愛旳辛辣拉麵，沒想到辣度比其他更辣十分開心，而且麵口感又好，不過义燒偏少幸好蛋十分之好食夠流心，女仔來講就夠，男仔可能就覺比較少。朋友叫的特濃豚骨沾麵，湯底吾夠濃，麵質吾粗感覺上醬汁吾夠掛，之後食完再加湯飲落去味道都幾好但如果濃一點就更好。

今晚放工後要去睇戲，只好食個快dinner. 男友建議不如去食拉麵，於是就上網搵到呢間一生懸麵。見佢由牛頭角做到開分店黎旺角，估計味道都唔錯。男友點了濃香櫻蝦油拉麵🍜見到碗拉麵勁多櫻下，都幾靚！湯底都幾入味，濃濃的豬骨湯配上櫻蝦的鮮甜味。拉麵的麵質比起沾麵幼滑，一口將麵同湯「殊」入口，勁濃滑，唔錯。我點了特濃豚骨沾麵額加加了半熟玉子同埋黑木耳，一上枱見到碗麵勁豐富。沾麵湯底相對拉麵湯底濃同埋結身，話明係特濃豚骨，果然無失我預算，非常濃的豬骨味！將沾麵點落熱辣辣的湯當中，沾麵好彈牙有咬口，我點了煮到標準軟度的麵質，剛剛好！豚肉表面有燒過，微微的烘濃，食落好香口又唔膩！我地仲點了章魚燒做小食，章魚燒的多醬都幾香，章魚唔算好大粒，不過過下口癮都可以。

鬆軟的豚肉，經過火炙，陣陣的炭火香，挑動每個味蕾。唐煬炸雞，確實有點奇貌不揚，但，外皮酥脆內裹多汁，一定是佐酒佳品！櫻花蝦魚介濃湯與沾麵，配對不錯，唯湯底可以熱燙些。