一生懸麵

營業中

休息中

經過旺角唔想周圍行太遠就入左呢間拉麵鋪 6點幾去到都唔洗等位 叫左個魚介豚骨沾麵 唔洗10分鐘已經上到 好有效率佢個湯底比一般出面食比較稀 但原來都好濃味 不過個人覺得稠番少少會比較好 同埋湯底都比較偏咸至於麵份量好充足 只要唔係特別大食都會飽既😂佢都係有得俾你揀軟硬度 我個人中意偏硬口感 啲麵都煮得幾好食同有口感

今晚到旺角開飯，除了吃到 TG 殘留物外，重點是想找家良心小店光顧。記得之前看到在女人街內，有一家沾麵店經常大排長龍，於是今次便嘗試進內一探究竟。結果，當然仍是大排長龍，話雖如此，等候時間卻比起預期短，前面排了大約十多人，不消 20 分鐘已被安排坐位入座。小店以吃拉麵及沾麵為主，其中又以沾麵較多人吃。小弟點的是櫻花蝦沾麵，而朋友則點了特濃豚骨沾麵。小弟的沾麵湯底充滿了櫻花蝦湯，風味十足！不過朋友叫了硬麵，卻略嫌不夠硬。至於份量呢，算得上正常，不過加了替玉 (100g $15) 後，又可能多了一點。下次可以考慮兩人加一個替玉己非常足夠。至於沾麵湯底到最後加湯品嘗時段，湯底本身是涼了，店員又再添加一些不熱的湯，於是這部份成為最失色的一個環節，整體來說質素對得起價格。至於店面呢？環境不大，不過又有一點點似日本的小店。後來上網搜尋資料，才知總店是在淘大那邊，下一次一定要找時間去狠狠的懲罰它！

檸檬酸柚子沾麵🍋🍜($88)呢款沾麵係期間限定, 所以唔係成日有得食嫁🙈 沾麵我係好怕好鹹同埋味精會好勁, 不過呢款食落係幾清新而且真係有濃濃既柚子味同埋味道適食完絕對唔會口渴😊 麵可以揀熱或凍, 軟硬度都可以揀👍🏽 麵係配左大量椰菜同埋半隻流心蛋🥚 其實麵既份量都頗多, 所以食量唔大既朋友絕對夠食特濃豚骨沾麵🐷($78)呢款個感覺好吸引, 每次聽到豚骨都會流曬口水💦 咪以為佢特濃會好鹹, 其實完全冇呢個感覺但係都做到特濃既效果👍🏽 同樣地麵既軟硬度同埋溫度都可以揀, 呢個麵我地就加左一隻半熟蛋($12) 好正🤤

心血來潮想食拉麵，就係搭車途中上OpenRice 搵食，見到呢間拉麵店食評不錯，就去試試。黎到餐廳門前，都幾多人排隊，我唯有繼續等，況且我懶得周圍再覓食。在等候期間，職員出來派點餐紙給各位食客點餐。我點了櫻花蝦沾麵及雪碧（合共93元）。櫻花湯香噴噴，估唔到內有少量肉粒。單試味有點點鹹，但配上拉麵來食就中和了。叉燒好腍，竹荀好味（我至愛），半熟蛋好味。拉麵加了青檸汁，再加上櫻花蝦，有一種令人好清新感覺。不錯👍🏻。

約左朋友睇七點半果場戲，時間又唔多，食拉麵就最好不過。朋友都係隨意揀左呢間，但原來好有驚喜。入到去間餐廳，燈光柔和，有家庭feel，整潔又舒適。menu好簡單易明，主要就係有拉麵，沾麵，小食同飲品。我同朋友好快就揀到啦。我揀左白湯豚肉拉面，朋友就揀左豚肉沾面，簡單d講就係配料一樣，麵既處理方法就唔同。麵好快就上枱，梗係先試下自己果個啦。個湯底好正，香濃而且稠度係岩岩好，湯底和麵得份量剛好配合，最最重要係唔會太咸，麵身亦係我想要既韌度，配上流心蛋係又香又好味。聽我講到咁正，我朋友又想試下我個碗既味道，於是交換左黎食，對於沾麵，我一向覺得個汁係濃而偏咸既，係重口味人士既至愛。一試果然係咁，但本身淡口味既我對呢個沾麵既咸味都覺得幾接受到，當中仲嚐到濃濃既肉香。唔怪得朋友食完都話正。雖然我地既口味各有唔同，但我地點既食法唔同，總算係搵岩自己既口味，而且一致地對佢地既味道有好高既評價呢。

今時今日係香港想食拉麵/沾麵 閑閑哋都要過百🤧所以搵到好食又抵食嘅話 一定要同大家分享🤩一生懸麵呢度好扺食😍好欣賞呢度嘅麵條 不但煙韌 而掛湯能力都好高👍🏻呢到由麵底嘅冷熱 軟硬 至油嘅份量乜嘢都有得選擇 可以自製一碗啱你口味嘅拉麵💯櫻花蝦味湯底 好足料 啖啖到會食到蝦米嘅香味 口感特別😛.Finally found a good bang-for-your-buck ramen in Mong Kok! 🍜 Ramen or Tsukemen nowadays in Hong Kong is easily over $100 a bowl! The noodles are bouncy and the soup clings on really well to the noodles! To ensure that it is perfect for you, you can choose and customise almost all aspects of your tsukemen from the temperature and softness of your noodle

好耐無食沾麵，上網見到呢間餐廳評價唔錯，就約埋個朋友黎食。餐廳座位唔算好多，我地前面已經有3班人排緊，之後一到排就越黎越多人，即刻知道揀得無錯。等左陣店員係門口會派左點餐紙先等我地可以點定想食既野一入到去好快就有得食。我點左個豚骨沾麵條，朋友點左個豚骨拉麵，另外點左雞軟骨棒同章魚燒，因為係一早點好所以好快就上菜。沾麵配菜有兩大舊豚肉、蛋同荀，麵既份量比好多沾麵點都多。湯聞落去好香，沾麵浸落湯吸曬d湯汁好濃郁非常好味，齋望個湯都覺得個湯好足料，而且比例整得啱啱好，食曬成碗湯都啱啱好無曬。朋友食拉麵，交換試左少少，佢話沾麵好食d。另外小食雞軟骨棒一份有兩條，同想象中雞軟骨好唔同，本身以為會係串燒雞軟骨個類，點知佢係結實既肉幾厚身，雖然價錢唔算好平但雞軟骨配埋佢自己調既醬汁非常之好味。而章魚燒就都ok，如果兩樣相比絕對係雞軟骨勝。非常推薦呢間餐廳，可以用平民既價錢食到沾麵仲要係好味份量多，唯一要留意就係可能要揀好時間如果唔係都要排一段時間隊，不過店員效率都好高同埋大家食完都好快自動自覺走，所以都係推薦大家黎食！

良心小店！有良知！更有質素！辛辣拉麵湯底好夠辣！多辣油，是我喜歡的😋麵質適中，不會太淋（因很多拉麵店也太淋），實在難得！ 價錢又合理👍🏻份量很足夠🥳會再來好味好滿足的一餐😋👍🏻👍🏻👍🏻😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋😋

又去食拉麵既我，經朋友推介一下又食到呢間拉麵店之前試過喺牛頭角食佢哋嘅拉麵覺得一般不過朋友話佢地既沾麵最好食所以平時唔多好沾麵既我就試下佢我就叫左個櫻花蝦沾麵，仲再加蛋，果然無令我失望湯底十分濃味，但唔算好油同鹹，櫻花蝦味都好香，將半粗的麵用來掛湯底，每一條面都沾到濃湯，係沾麵精髓。好彩叫左兩個流心蛋，真係有流心，蛋心好好味，唔會好硬。麵既硬度可以自選，我當然叫軟的，入口口感更好。上次食拉麵有點失望今次食沾麵開心享受！下次再食多幾次先！

星期六夜晚8點幾去，已經好多人排隊，等左大約30分鐘入坐。我同朋友揀左濃厚豚骨沾麵，魚介豚骨沾麵，雞軟骨棒。濃厚豚骨沾麵個湯好濃豚骨味，個湯唔會太過咸。反而魚介豚骨沾麵個湯較咸，但配上沾麵就剛剛好。兩碗麵嘅配料都差唔多，有半隻流心蛋，三塊豚肉，二至三塊筍，而魚介豚骨個碗仲有個青檸。麵質方面，我地揀左普通，口感啱啱好，另外，豚肉就非常有驚喜，肉質唔會過肥或過瘦，有小小肥膏，但肥膏入口即溶，加上豚肉有小小燒過，有小小煙燻味，好香口，非常推介！另外，雞軟骨棒都好食，一份有兩串，有蔥，沙律醬，小小燒汁係面，味道好夾，值得一試。呢間餐廳人均消費一百元內，性價比高，非常推介

一個需要放鬆的星期五晚上，一頓和朋友談天說地的晚餐，我選擇了這間餐廳——一生懸麵，選擇這所餐廳是因為拉麵有名而且價格合理🍜，二來地點比較就腳，位於旺角 餐廳拉麵款式分為熱湯拉麵🍲，以及冷熱沾麵，拉麵的軟硬度、蒽都可以選擇，但相對來說比較想連湯底的濃道都可以選擇，因為很多時候日本拉麵的湯底都較濃亦偏鹹 餐廳放置了檸檬水在桌上可以除時都喝 🥢濃香櫻花蝦沾麵 $78叫了一個冷的沾麵，本身喜歡吃較冷以及硬身的麵，因為入口較彈牙，而且熱力會令到麵較淋，所以還是冷較好，而這個麵底果然沒有令我失望 湯底是暖暖的，但如果就這樣喝就會偏鹹一點，但如果配上麵吃就會味道剛好，湯底是用了豬骨湯底配上大量蝦油以及櫻花蝦，不但香而且蝦味亦很濃烈，蝦的份量是多到可每一口麵都有蝦配上 豚肉亦很入味，肉質鮮嫩，不會有煮得太「老」的感覺 🥢章魚燒🐙 $28這個章魚燒相比之下較失色，體積較細，而且亦沒有一粒大大粒章魚在中間，如果再選擇我會選擇出面小食店吃會比較好吃 🥢濃香櫻花蝦拉麵🍜 $78友人點了個櫻花蝦拉麵，友人說湯底都是比較鹹總括來說還是很值得來吃🥰😋

一生懸麵•白湯豚骨拉麵•$68又一間黃店💛呢度嘅麵底係曲麵，所以可以掛起唔少湯汁👍🏼湯底都好濃郁，以呢個價錢來講都幾唔錯😚咁當然質素唔會係最好，但呢個價錢又係黃色wor😙😙😙平時食碗拉麵都要$100啦🧐行開旺角可以試吓支持黃色小店🙌🏼地址：旺角通菜街73號地下牛頭角牛頭角道3號得寶商場地下121號舖

一生懸麵位於旺角鬧市之中卻不乏人龍等位，相當受歡迎，原因無他，只因性價比十足！店內裝潢十分日本風，店員親善有禮，師傅大師級手勢👍🏼👍🏼一碗份量足，味道好，香氣濃的名古屋二郎系拉麵只售$68。二年日式叉燒加上大量蔥花，蔬菜及芽菜，配以香濃可口湯底吃起來為之一振。加上雞軟骨棒（$25），外香口再有肉香骨脆，以$100不到價錢便可滿足胃口及一解思念日本拉麵的心情，難怪如此多人！未來必定再次回訪😍😍

去旺角想搵間好食既拉麵店發現左呢間一生懸麵睇落好似唔錯咁所以揀左呢間一行四人叫左四碗麵我自己叫左碗白湯豚骨拉麵 加9蚊有罐汽水首先一讚個湯底好好飲其次有我最中意既溏心蛋麵好好食豚肉就一般 不過可接受值得一試同行朋友叫左櫻花蝦沾麵佢話幾好食唔錯 可以一試另外朋友叫左濃厚豚骨沾麵同魚介豚骨沾麵兩位朋友話鹹 但我試過覺得ok如果中意重口味既朋友值得一試另外叫左小食 章魚燒有朋友話食唔到章魚 不過其他人食到可能係佢唔好彩啦我覺得就抵食既雖然鋪頭細細 但係服務好好 又會食到好飽所以我好推薦大家去食

行到黎通菜街離遠都已經見到佢大排長龍，不過都好快入得去坐底，叫左個櫻花蝦沾麵，二郎祭拉麵，加多個章魚燒。認真拉麵黎講算麻麻，我嘅沾麵係標準軟硬，而男朋友個碗二郎拉麵係軟麵，佢就用粗幼黎分軟硬，但始終未夠彈牙同掛湯。我嘅櫻花蝦沾麵鋪滿櫻花蝦好香，但敗在湯底未夠杰身，就好似拉麵將個湯分開咁，而麵又唔掛汁，所以入口只係食到淡口嘅麵味，要濕著D 麵一齊入口先比較好少少。溏心蛋未算太流心，但可接受。不過湯底入面有幾粒豬豬都幾香口，唔錯嘅。反而二郎拉麵比較少見同特別，湯底好重蒜同椰菜味，但比較咸同重口味，而且係無蛋嘅。食完碗麵個章魚燒先到，章魚燒表面太乾身，入面配料不夠，章魚亦太細粒。食完口渴咗成晚，希望下次黎再做好d。