一生懸麵

營業中

休息中

呢間都算係其中一間比較出名嘅黃店，今日2點半到喺旺角搵食咩，見佢冇乜人就入去試吓。叫咗碗濃香櫻花蝦沾麵，雖然湯上面有好多櫻花蝦，但係飲落一啲蝦味都冇，只係飲到豬骨同魚介嘅味道。而且湯底比較稀， 掛湯能力麻麻地，麵質亦都偏淋，同埋有浸奇怪嘅鹼水味。而糖心蛋亦都有少少過咗火位，有啲太熟，叉燒就正正常常啦。總括而言，只係一碗麻麻哋嘅沾麵，應該就唔會再返去食㗎。雖然係黃店，真心好想再去支持吓，但係平心而論，咁嘅質素真係支持唔落，旺角有好多質素高嘅良心黃店，下次嚟開呢頭，都係食喜惶算。

因為疫情關係，所以進店內前要量度體溫🍜🍜因為右手受傷了，所以先問了店員有沒有叉用其實店面是沒有的🤔他們人很好的，特地幫手找了一下最終找到一隻叉回來🥳🥳坐位唔算好迫，客人與客人之間都有適當既距離店內坐位都是滿滿的，就算一枱走咗好快又有一枱入黎我們點左兩個麵+一個小食🥟白湯豚骨拉麵濃香櫻蝦油拉麵餃子用料十足，湯底亦香氣撲鼻麵底是我喜歡的幼麵不過餃子不是我喜歡的質感但味道也相當不錯總括嚟講，都係推薦的

晚飯時間，行到旺角通菜街，突然想試下拉麵，見呢間幾出名，入去食，發現佢嘅拉麵同燒肉都好好食，非常香濃!首先點左佢最多料嘅二郎系拉麵，非常多料，有燒肉、芽菜、蒜頭，而紫菜係朋友夾俾我😋😋可惜我唔係食蒜頭嘅人，所以拎走晒d蒜，但果湯依然好香、好濃，試左一啖就想試第二啖。佢嘅燒肉更加係一流，有陣陣燒香左嘅味道，少少咸，好軟熟，入口即融，好想再加料。之後上埋小丸子，試左一粒，發現味道唔錯，不過如果仲食得落，會想試埋餃子，一定好好味😋

呢間一生懸面係旺角黃店中好出名 上一次去食咗辛辣沾面 性價比都高但唔算好出色🤫今次食咗佢哋嘅豚骨拉麵就好有驚喜啦😍價錢只係$68 好食過勁多連鎖店食到嘅拉麵質素😛唔好睇佢個湯底好似淡淡地 飲落係好濃豚骨味👍🏻配料有紫菜木耳絲筍乾大蔥🤤面嘅份量亦都好夠食🥳叉燒係重點 用咗腩肉會肥啲但係入口勁鬆軟又有燒過嘅味😆粒蛋流心啱啱好 但係如果可以用醬油浸一浸先就仲正🤪拉麵$68 可以食到呢個質素真係超級抵 唔怪得佢長期都滿座😈 排住隊去懲罰佢🤘🏻

朋友嗰碗佈滿櫻花蝦係合理架 我嗰碗佈滿嘅係蒜 係會有少少顛覆咗我對拉麵嘅概念 不過佢係好味嘅 麵質湯底配料其實都無問題 只係我未試過咁多蒜嘅 咁啱我又生蒜當飯食嘅…其實都好味嘅 不過環境有啲迫

呢幾日去開旺角 諗吾店食咩好 好啦 女人仔都係食下啲熱野 保護下身體😋👇🏻👇🏻👇🏻 ..🍴白湯豚骨拉麵 $68 .🍴濃香櫻蝦沾麵 $78🍴煎餃子 $25 （5隻）🍴章魚燒 $28 （5粒）.相信大家都知旺角有沾麵食嘅地方不多 附近有一間好人氣嘅台風 可惜小妹是晚市路經 只有湯拉麵賣😓 同友人商量一番 一生懸麵同樣好評有齊湯 沾 拉麵🍜仲有小食 why not?🥳..價錢比起其他拉麵🍜店真心親民 湯拉麵味道夠濃 吾會話比大家知我飲晒成碗湯架😂 差燒都炙燒得好香 肉質又夠稔😭.沾麵一來到時我同友人尖聲四起 好多櫻花蝦呀😍 勁足料🥳 可惜沾麵有點稀身 不容易掛上拉麵底🤔 但店鋪好窩心 容許食客自選麵底熱/冷上 但小妹平時係日本食開冷沾麵底 最後都係叫返冷底 怕熱麵底吃得慢 會令整個麵變成一團😇..煎餃🥟小丸子質素都位於中上 足料 餡夠多 味道都不錯 下次來會再order 同 最緊要 最緊要 最緊要 價錢真係好親民😃.📍一生懸麵📍旺角通菜街73號地下📍星期一至星期日 12:00-23:00

通菜街既兩邊其實有超級多野食☺️係旺角諗唔到食咩可以去brainstorm下 一定有間岩！-呢間拉麵黃店岩哂重口味既人🤩每個湯都好濃～名古屋二郎拉麵 $73超重蒜味！睇相都見到上邊勁多蒜頭😂不過因爲係生蒜所以食到尾可能會覺得有啲辣濃香櫻蝦沾麵 $83叉燒係半肥瘦入口即溶果隻❤️仲有浸炙燒果啲味 櫻花蝦有勁多☺️☺️個湯都幾香 如果再稠啲掛湯啲就一流啦！-雖然呢到地方係坐得比較逼冇咁舒服 但侍應態度都好好 小店值得支持！

係附近蒸完身等左好耐, 終於夠鐘可以食飯啦👏🏻朋友介紹呢間沾麵話唔錯💁🏻‍♀️咁就try try啦~<魚介豚骨沾麵>我地兩個口味似, 都叫左魚介豚骨🍜~沾麵湯掛汁, 都幾重口味(試左啖湯鹹左少少🤏🏻)真係要加青檸汁會順口啲~麵質可以自己揀, 我比較鍾意煙韌啲既口感, 但最後都係叫個標準試下先, 都有咬口, 唔錯!~豚肉🐷大大塊都幾腍唔會黐牙~溏心蛋🥚朋友個粒好靚仔, 我個粒唔溏心既😐蛋味幾香既

同fd係旺角行到6點幾，亂咁行揾野食，見呢間都算多人排隊，睇餐牌又好似ok咁，就決定試一試。攞票個陣已經會比埋餐牌你揀食咩，節省時間。👍🏻👍🏻我地5個人，所以都等咗一段時間先有位。我叫咗個普通拉麵，食落都ok。但朋友叫既沾麵就頭幾啖幾好食，但食成碗黎講就有少少偏鹹啦，應該幾岩中意重口味既朋友。🥰🥰去食個日星期四，咁岩有學生優惠，感覺又抵咗🤤🤤

之前其實食過一次，今次見係旺角附近諗住去食麵，條隊唔長就排下，點知8點幾排咗差唔多一個鐘，可能舖頭細岩岩入咗一批客。作為一間小店，啲沾麵好好味，叫咗個期間限定既檸檬拉麵（其實係柚子胡椒），出奇地好食。我食過櫻花蝦味，但係朋友話我檸檬味出色啲，幾特別可以試下。

嚟到女人街搵嘢食都有相當多嘅選擇，今次就試吓呢間人氣嘅拉麵舖！！沾麵同湯拉麵我哋都各自叫咗一款，另外仲試咗雞肉棒。叉燒好厚身，亦都好香😋至於日本拉麵最重要嘅湯底都做得好好，絕對可以飲晒佢！

排長龍拉麵店，排第一次放棄了，排第二次先食到( ˙༥˙ )🔹魚介豚骨沾麵 $78🔸濃香櫻蝦沾麵 $83🔹煎餃子 $28魚介豚骨個魚味都幾出，豚骨令個湯更加重油脂，塊叉燒好肥美，好味！半熟蛋如圖有點過熟，沾麵尚算幼身，偏直身掛湯力唔太勁，但都有彈性好咬的。櫻花蝦湯頭味道濃好多，仲有好多櫻花蝦係面頭，撈埋拉麵食口感upupup!! 我同友人都覺得個湯汁偏稀，唔係超濃稠個種沾麵汁，似分開湯食拉麵多啲。煎餃幾抵食，咬開好多肉仲有汁添～整體性價比ok，食物都ok但有進步空間。黃店黎講都可以一試！唔使排就最好啦，但多人排又感安慰，好矛盾😂一生懸麵旺角通菜街73號地下

這所餐廳可以說是通菜街數一數二高人氣拉麵小店。由於餐廳不設預約訂位服務，所以要在門外排隊等位入坐。是次與男友等了大概半小時便可入座，在門外等待期間，會有侍應送上點餐紙，這可以節省時間點餐。是日我選擇了魚介豚骨沾麵沾麵上的叉燒充滿燒過的香氣，肉質嫩滑湯底味道亦很濃郁沾麵麵質適中是次用餐體驗我覺得餐廳可以作出改善，我猜想可能當天人流較多，有出現漏單情況，本來點了一客煎餃，但幾乎吃完沾麵後，煎餃還未到，只好通知店員取消order. 除此之外，整體感覺不錯，下次亦會想再一試他們家熱門的櫻花蝦拉麵。

今晚黎左呢間近排好紅既拉麵小店食個晚飯，我6點3左右到，時間尚早唔需要排隊。但係如果正常晚飯時間黎，條人龍係長到不得了。其實之前都試過去九龍灣店，就係太多人排隊所以最後冇食到。網上見到呢間拉麵店大獲好評，今日終於食到，太開心了我地兩個人各嗌左一個拉麵，首先係濃香櫻蝦油拉麵，一上枱見到d櫻花蝦多到鋪滿面櫻花蝦湯頭夠濃，配上豚肉湯底，散發蝦油香味，的確係掂，值得一試！第二碗係二郎系拉麵，比較特別，平時都冇乜見到，我都係第一次聽。呢碗就比較重口味，整體味道比較複雜，蒜味好濃，如果唔中意蒜頭既朋友就唔好嗌啦。兩碗對比既話，我個人係比較中意櫻花蝦拉麵。呢間拉麵店整體黎講都高質素，而且價錢平，性價比極高！屬於回頭率100%既米豬連小店。

魚介豚骨沾麵呢個天氣特別想飲碗熱湯暖笠笠d。今次就揀咗標準硬度麵條我就認為呢款魚介豚骨沾麵既湯底味道本身係偏濃，但將麵條放埋入沾麵湯後味道變得岩岩好夾埋大蔥黎食口感再豐富啲爽口啲！麵條口感煙韌，而且掛湯度高，一路食仲可以吸收埋魚介湯既精華叉燒切得好整齊，一片一片咁平放係麵條上而且整得好香口，肉質都算嫩滑！見唔見到沾麵上有粒小青檸，本身就覺得夾埋黎食帶點微酸，但食落可以中和番叉燒既油膩感！配搭得唔錯