一生懸麵

營業中

休息中

這天晚上和姐姐去了旺角逛街購物經過這裡看到menu挺吸引的，再看看店內坐滿了客人，看來味道應該有一定水準呢！加上我們也逛餓了所以決定一試。我和姐姐分別點了兩款沾麵我點了特濃豚骨沾麵（冷湯）麪條選了普通硬度。這裡的叉燒肥瘦均勻，煮得非常淋軟入味。輕微燒過的表面帶點焦香、油脂甘甜，非常滋味呢！還有溏心蛋和筍也很好吃。粗幼度適中的麪條有彈性而且爽滑，亦非常掛湯、配上肉味香濃質感挺身的沾麵汁令人食指大動呢！我姐姐點的是魚介豚骨沾麵我嚐了一點，湯汁比特濃豚骨的清淡一點。除了豬骨味還帶有魚香，非常特別。加入青檸汁份外清新，味道不錯！我和姐姐也愛吃章魚燒，所以點了一客丸子燒得剛好，粉團不會太生或是過熟口感軟綿綿的很好吃呢！下次再去會試一試他們的拉麵哦！

首先有位有檯都冇俾我入座不過唔緊要，可能覺得忙，招呼唔到我所以要我等等...所以我去左買野飲再返轉頭等冇咁忙先入去食入座時，全店坐左一半人都冇...但係檯上好多湯汁，等左大概5分鐘先有人抹檯俾菜單我因為好多都賣晒，冇得揀嘅情況下揀左白豚湯拉麵（同店員講左走筍，落單紙都寫清楚走筍）⚠️拉麵上檯，一定要試湯先，飲左一啖...差d嘔左出黎！一大陣筍味再試碗麵另一邊嘅湯~好好多 冇咁大陣味，又試返原本果邊，都係超大陣味抄下碗拉麵~冇筍係入面，好明顯唔小心落左筍又拎返出黎對於唔食筍嘅人黎講，絕對破壞晒碗拉麵！基於只要唔係會食壞人嘅食物我都會盡力食晒，免得浪費食物，所以我最後都係夾硬食晒！ 咁“專業”嘅拉麵店我真係第一次見，相信唔食筍嘅人會明白，筍汁陣味係有幾咁嚴重會破壞成碗拉麵嘅味道以為客人會食唔出？可能有人唔明筍味對我黎講有幾咁難接受~舉列：就好似有人係你碗麵落左榴槤咁🤷所以全程難聽D講就好似食緊c水拉麵咁（原諒我咁不雅，但係我諗唔到點形容湯嘅臭味）重有~~~半熟蛋第一啖就咬到超大塊蛋殼（有圖）

我同朋友出旺角食飯，經過呢間門口已經有唔少人等位嘅拉麵店，身位專業港女當然要排埋一份趁熱鬧咁就無錯了～餐廳唔算大間，而且餐廳門口又幾多人排緊隊，所以我地都唔好意思食完留咁耐，都係食完就還枱比餐廳做個好客人先^_^同其他拉麵店一樣，都係得幾款招牌拉麵可以揀，啱哂有選擇困難症嘅我地！唔洗左揀右揀！而朋友竟然話未食過沾麵，我當然馬上推薦比佢一齊寫！我都係沾麵嘅頭號粉絲呢^_^香濃櫻蝦沾麵：我食過咁多間沾麵，都係第一間係配上櫻花蝦，而且咁多嘅櫻花蝦令我每一啖都有濃厚嘅蝦乾味～而朋友個碗係特濃豚骨沾麵～ 熱騰騰嘅濃湯配上冷麵，溫度變得剛剛好，仲有半熟蛋、厚身叉燒～口痕再叫了一款小食：唐揚炸雞！粉唔會太厚但同時鎖住咗雞肉嘅肉汁！好吃！

而家好多地方都有得食沾麵，今日就突登黎到旺角既呢間餐廳試下。大約8點黎到都發現仲有唔少人係到等緊，應該都冇黎錯係出面等緊既時候，waiter已經俾左張紙我地可以揀食咩，唔洗入到去先慢慢睇。呢到有得揀食拉面/沾麵，我就揀左食沾麵。沾麵仲有得揀熱/凍，滿足到唔同人既要求我最後點左魚介豚骨沾麵，等左大約5分鐘就已經送到黎，超有效率！個沾麵汁有好濃郁既魚味，仲有d豬肉係入面，果然真才實料。個麵既分量都幾多，我揀左硬麵，浸落d熱湯到食超正～叉燒係半肥瘦，一d都唔乾，幾滿意。不過如果個湯可以再熱d就perfect啦！

今日收工同亞媽食晚飯, 去左食經過左好多次都無入過去既拉麵店，我地叫左一個拉麵一個沾麵。櫻花蝦拉麵 - 我從來未見過有咁多櫻花蝦既拉麵，個湯好濃，好香，櫻花蝦拉麵的麵條是幼麵， 麵質爽口!流心蛋一流。                                特濃豚骨沾麵 - 叉燒燒得剛剛好，好淋好香。沾麵的麵質比較粗身，我至愛湯底濃郁，粗麵配濃湯底，味道超夾，d麵索哂d湯超好食。炸雞 - 有4件大大件，熱辣辣，皮脆肉嫩。

女人街一帶收藏不少好餐廳 各式各類的菜都可找到 今日就來到一間拉麵店 分別有8款拉麵或沾麵 好的沾麵很難找 所以每次有店售賣沾麵我都會很想吃 找尋最好味的那一家 我要了特濃豚骨沾麵 朋友則要了辛辣沾麵 麵條的硬度有3個程度可選 亦可選冷或熱🍜湯夠熱 湯頭很濃郁 麵是冷的 冷麵條更加緊實彈牙 掛湯效果出色 當把麵浸泡在微暖的湯汁內 又有另一番味道 但不會搶去麵條的小麥味道 碳烤叉燒片 油花一咬入口就化掉 肥瘦相宜 很不錯😛又要了一份炸雞小食 嫩滑香脆的口感 沒有油膩的感覺👍🏻

一生懸麵-名古屋拉麵體驗門面以多塊長木塊作背景配上黑底白字的招牌，內裡貫徹木元素，以淺木色的桌椅，木天花和仿木屏風的牆身，和或居酒屋的格局。名古屋二郎系拉麵拉麵是選用粗身的麵條，口感比較有咬勁，濃濃的豬骨湯，有日式厚身的火炙叉燒，半肥瘦而且火炙過，油份不斷溢出，再加原隻溏心蛋，配菜有別一般的筍條和木耳絲，而是大量椰菜，吃起來是特別爽脆。特濃豚骨沾麵首先沾麵湯底的稠度很好，不會太稀，可以令湯汁掛在麵條上，湯底豚骨味道特濃，不會有死鹹的感覺，配上爽口筍條和日式叉燒。雞軟骨棒一客兩條雞軟骨棒，雞肉扎實不乾身，充滿肉汁，當中有軟骨增加口感，更加入大量惹味的沙律醬。

同朋友行過女人街見到有間拉麵店，見差唔多時間食飯，於是就入去食。睇睇餐單選擇唔多，似日本本土嘅拉麵店，最後㨂左櫻花蝦拉麵同辛辣拉麵兩款，再加一款小食。麵好快就煮好，上枱都聞到湯底嘅香味。櫻花蝦拉麵，放面嘅櫻花蝦好多，豬骨湯底味道濃郁，叉燒亦好香口。辛辣拉麵，好有日本風味，襯上湯底，辣味變得有層次，好啱鍾意食辣嘅朋友。拉麵底方面，本身可以㨂軟硬同適中，而哋嘅麵都好煙韌，好夾佢哋嘅湯底。估唔到呢度都可以搵到間出色嘅拉麵店，實在係一個驚喜。

我們大約7點來到，幸好不用等位。濃香櫻蝦油拉麵我點了一份櫻蝦拉麵。等了一陣，拉麵就到。湯底十分濃郁，賣相吸引，拉麵上舖滿櫻蝦，拉麵送埋個溏心蛋，麵條軟硬適中。有幾塊肉，肉質不肥也不瘦，剛剛好。海鮮拉麵首先是頭啖湯，湯底有濃烈海鮮味。都有很多料，有細蝦，魷魚等， 令湯底更濃味。拉麵也十分彈牙，份量也足夠。 炸雞另外仲叫咗個小食炸雞，一共有四件雞，雞炸到卜卜脆，入面肉汁鮮嫩用，嚟配拉麵一流。吃完十分飽肚，很滿足。下次一定會再來試試其他拉麵。建議早啲嚟，因為食完的時候，很多人在外面排隊。

一生懸麵一生懸命拼盡自已一生最大既努力去做好一碗拉麵，淨係見到個名都要入去試下啦餐廳入面大概大二十至三十個坐位，我一個人去，侍應姐姐安排我坐吧枱其實我幾鐘意坐吧枱，可以近距離欣賞下廚師點樣煮野食餐廳主要都係食拉麵，有拉麵同沾麵無飯供應，完全附合反一生懸麵果種對拉麵既執著我嗌左個濃香櫻蝦油拉麵因為我見到人地果個麵上面鋪滿櫻蝦，個感覺好幸福拉麵一黎到枱上面你已經聞到超香既炸櫻花蝦既香味濃厚既豬骨湯底加上香味十足既櫻花蝦正飲左啖湯要即刻食蛋，如果唔係陣間半熟蛋俾啲湯熱到變全熟蛋溏心程度掌握得幾好，所以真係要快食麵幾掛湯又無咩鹼水味叉燒有燒過，幾香最後都忍唔住要加多個麵底果然係一生懸麵食到距對拉麵果份熱誠

拉麵之旅來到旺角這間一生懸麵，價錢70多元就有一碗質素高的沾麵，比坊間的較便宜。座位不算多，約可以容納二十個人，但是其實幾寬敞，都坐得舒服。【特濃豚骨沾麵】端上來就看到麵質特別，是粗的麵條包著很多糙米色的顆粒，吃落幾彈牙，都算掛湯，選擇冷的麵條更好吃！兩片火炙叉燒都有微微的焦香味，半隻糖心蛋亦呈流心狀。豚骨湯味道幾濃郁，加入了大蔥更香口。【魚介豚骨沾麵】味道比豚骨湯底特別，魚介味香濃，加上青檸汁，更加多了種酸甜味。十分推薦這個沾麵！【章魚燒】味道就麻麻了，因為比較淋和太多粉。這個價錢的沾麵真是抵吃，味道亦不錯，可以再戰。

旺角實在太多好野食由奇係通菜街附近有好多唔起眼但性價比高既小店一生懸麵就係其中一間店面積雖然唔係好大但光猛乾淨企理叫左濃香櫻蝦油拉麵加小食雞軟骨棒櫻蝦係日本餐黎講唔陌生但拉麵用櫻蝦就唔太常見所以吸引我試下真係冇令我失望賣相好靚拉都上面係滿佈櫻蝦好細隻 份量超多未食已聞到好香櫻蝦味食落好咸香原來櫻蝦同拉麵係咁夾每一啖都食到好多櫻蝦唔使其他調味已好夠味麵質亦可比客人自由選擇我選擇左硬，比較有咬口小食雞軟骨都一樣咁正上面有沙律醬酸酸甜甜減低油膩感雞軟骨好有口感值得一試

又黎到女人街搵野食，見到幾多人等位又想食拉麵就揀左呢間。餐廳入面同同街其他差不多大細，以簡約日本風格。食物分量足又夠濃郁，估唔到有間唔錯嘅拉麵店，性價比高。叫左一個沾麵同一碗拉麵，每人大約$70，無加一。白湯豚骨拉麵 $68分量都唔少，麵黎講正正常常，煮到我鍾意嘅軟硬度。而個湯好濃好濃嘅豬骨味，唔會好油又唔會好咸，難得飲哂都無問題。叉燒好厚，叉燒兩面都用左火槍燒一燒，食落更多左個焦香味。辛辣沾麵 $73食過好幾間沾麵都覺得唔太鍾意，但呢間又覺得幾好味。麵質感比湯麵食落更有煙韌口感，掛湯效果好好。湯好夠熱，而且相當濃郁，呢個辣度岩岩好，香辣惹味。

良心小店買少見少，順路就試一試近日熱店——一生懸麵。魚介豚骨沾麵 男友點的魚介豚骨沾麵要了冷麵及同正常硬度的既麵條，麵條口感爽口彈牙，掛湯力不錯，豚骨湯汁相當濃郁，不錯。櫻花蝦拉麵 櫻花蝦湯頭濃郁，配上滿滿的櫻花蝦，濃厚豚肉湯底中散發蝦的鮮美，真係充滿濃濃既蝦米香味。火炙過的叉燒柔軟偏瘦。章魚小丸子章魚小丸子不過不失，麵粉的比例有點多，唯也做到外表微脆，合格。這個價錢而言，我覺得相當可以，而且吃後並不口渴，不錯！

/ 學完日文去食去沾麵🙈一生懸麵日文係いっしょけんめい-->努力不懈做一件事既意思.特濃豚骨沾麵 $73✅湯底夠濃✅厚叉燒軟淋✅流心蛋真係留心✅價錢便宜✅食完唔口渴❌份量唔夠❌麵太幼❌唔係好掛到湯❌麵嘅質地彈性唔夠 嗌左較硬都唔夠硬名古屋二郎系拉麵 $68✅鍾意蔥同埋蒜嘅朋友一定鍾意✅湯底非常濃郁✅分量足✅唔會感覺好肥膩❌可以再多啲椰菜❌麵條偏軟❌冇叫走荀但係冇荀唐揚炸雞 $32✅外脆內軟✅頗有肉汁✅有四大大舊.一生懸麵地址: 旺角通菜街73號地下.#food#hongkong#fooddiary5911旺角#沾麵#拉麵#炸亂#一生懸麵