一杯鐵板燒居酒屋

營業中

休息中

一杯大板燒😋👍🏻（關西燒）.其實好鍾意食大板燒😊所以今次特別等左一粒鍾都好想食😌❗️安排左坐係整大板燒個爐前面 好特別既感覺 雖然師傅唔係講日文同好大油煙 但別有滋味😂✌🏻️.哩個一杯燒 其實食完都唔知個餡係乜 應該咩都有d咁😋皮夠薄 咬落去煙un 其實好足料同大份 價錢只係五十幾👍🏻👍🏻👍🏻店員奉上會幫手切好 service唔錯 係咁refill水俾我☺️.牛油果蟹肉壽司 $85.😎估唔到竟然有8件咁多 就係因為太多我覺得兩個人食唔應該叫😂😂.賣相係ok既 坐係個燒爐面前成個人慶恰恰彷彿舊壽司都慶熱左😅味道食落去都係普通壽司咁 不過不失 蟹肉都係普普通通😌 似乎大板燒太超班😍如果人多都可以一戰既 .

一杯的名氣太大，光顧兩次都是大排長龍⋯店鋪裝飾依照日本居酒屋的格局很有氣氛⋯但是因為人多就略顯嘈雜了。招牌關西燒一定要點。與常見的大阪燒不同，關西燒將豐富的餡料包裹在日式燒餅裡面～再澆上毫不吝嗇的照燒醬汁和美乃滋。。口感非常豐富。這裡關西燒可以自選配料。。我們選了牛筋芝士和白魚這個不容易出錯的搭配～還有豐富的椰菜絲。。可惜醬料味道稍稍蓋住了餡料的味道～ 一份關西燒很大份，兩人行已足以當作主食。這份紅酒溫泉蛋煮牛肉也是再次嘗試。半熟流心蛋混著醬汁包裹住牛肉～值得一試這道鰻魚酢物是一道不錯的下酒菜。吃慣了蒲燒鰻魚這次卻點著酸甜口味的醬汁。。以醋入醊向來是小妹的心頭好～開胃解膩甚是喜歡～這個肥牛年糕串燒不過不失～索價28（大概）覺得小貴可以不試～

呢日我地Book左12點合共13人來，又唔可以提供一張長枱比我地，只好分２枱而坐，好彩嘅係比左張店子最入最靜嘅位，似有屋台Feel添。平時行經就多，今次都係第一次食，其實只知出名食大阪燒，所以我地一揀左大阪燒材料後，其餘嘅菜單都交由一位同事搞惦，我地點左自己果枱後，同樣的菜單叫多份比第２台，呢到Lunch Set都有８款，總有款啱食嘅。不過講真呢....抵唔抵食就真係見仁見智喇。以下係１３人份量的菜單：① 雞扒套餐 (前菜、飯、麵豉湯) ($78 x 2)② 壽司套餐：10件壽司、麵豉湯 (芒果汁+$5) ($88 x 2)③ 柚子燒酎梳打 Citron sour ($45)④ 和風燒三文魚扒飯 (前菜、麵豉湯) ($110 x 2)⑤ 大阪燒 (三品: 小蝦、小貝柱、芝士) ($98 x 2)⑥ 刺身套餐 (跟烏冬 + 芒果汁($5)) ($105 x 2)⑦ 燒和牛串 ($50 x 4)⑧ 鹽燒活鰻 ($48 x 4)⑨ 燒羊架 ($60 x 4)⑩ 大阪燒 (三品: 小蝦、小貝柱、辣泡菜) ($98 x 2)Total = $175310% Service Charge Tota

10月去完大板，而家已經好掛住。收工近近地去apm食飯，兩個人撐枱腳。一杯永遠都係咁多人，9點去到都足足等左20分鐘=.=特式大板燒，勁多燒汁，不過料不算很多，粉漿反而太多。另外仲叫左好多串燒，um春蛋，煙肉包露筍等等，比較出色既係鹽燒虎蝦，肉質爽口彈牙！鴨肉湯烏冬，差唔多食晒等左成20分鐘先黎到。不過味道算不錯，烏冬都算彈牙，小姐算愀合格啦。咁高興，當然要drink一drink！kirin frozen ＋ 梅酒！

係openrice search居酒屋發現了呢間，兩日都打唔通電話訂座，5：30去到原來6：00先有得食！等左半個鐘終於有得食，座位唔多，極建議先訂座！見到出面好多人等兩杯特飲，草莓同橙梳打，內有少許清酒成份，唔錯幾好飲，草莓好鮮味唔會似藥水味，杯野飲仲充滿草莓茸！橙個杯清酒味道就比較勁。刺身方面點左三文魚同甜蝦，非常新鮮，甜蝦鮮甜，三文魚好厚身好有口感炸豬扒非常脆肉不糙，沒太多筋或肥膏串燒帶子，味道一般，有點淡。串燒牛舌就好好食，非常彈牙又唔會要咬好耐先咬到，之後追加多一碟鍋蛋石頭鍋飯，非常日式的味道，同韓式完全不同，非常香的蛋同醬汁！下次可以一試牛肉石頭鍋飯。豚平關西燒，醬汁之下係蛋餅，非常嫩滑。如果食物質素和環境，價錢可以接受可以再試

魚生沙律一坐低就先食前菜沙律refresh下蔬菜夠新鮮，食落有新鮮既爽甜味，魚生有蝦、三文魚同吞拿魚份量亦合格有餘壽司10件，包羅了不同種類海膽好足料，絕對無欺場熱食就有石鍋飯，夠晒熱辣辣食到最底飯焦仲有啲脆口另外一個係有蛋漿包住豚肉既菜式，因為驚食唔晒所以就無叫到關西燒喇，見到人地枱係又厚又大件既，兩個人應該幾難食得晒了~

能夠使我寫出人生第一篇食評，呢間嘢真係有番咁上下⋯⋯⋯⋯差！晚上六時經過見到好多人排隊，門口格局好有日本feel，食品選擇又多，諗住唔會差得去邊，跟住人入去試下，但中伏了⋯⋯揀了鐵板吧枱位坐，諗住欣賞下師父即煎大阪燒的功夫，點知三個鐵板係三個不同工序，一個做鐵板燒，一個做炒飯，一個做大阪燒😓我對住鐵板燒同炒飯位置，兩個鐵板師父係帶鄉音的姐姐，佢哋由我坐低到我走都不停地大聲傾偈講人是非，又手舞足道⋯⋯仲有，吧枱邊放碟位置滿佈灰塵!!!都唔緊要啦，諗住d嘢食好味就得啦⋯⋯叫了蝦大阪燒，廚師發版壽司，幾寸寸燒，茘枝梳打等。先説壽司，十件不同種類，整體ok，但壽司的飯不夠好味，份量亦較少，型狀扁平而不是成梯型，影響口感，赤身好淡味，蝦不夠甜，當中池魚比較好，但二百幾蚊，仲想點，我覺得可以過關⋯⋯但到寸燒就死火，全部唔多熱，雞肉仲要係烚過先燒，和牛又騷又柴皮，連最穩陣嘅雞亦都出事，騷到嘔⋯⋯大阪燒上場，吓？乜大阪燒係咁樣嘅咩？唔好玩啦！全部材料分開炒，最後用一塊撈左好多薯粉嘅粉皮包住，瀮上醬汁就當係大阪燒!!!最後嘅茘枝梳打又點？簡單一句：飲道X茘枝玉露好過食完了，一肚火，嗰兩個阿姐仲bi Li

一杯係位於觀塘APM既一間居酒屋，氣氛雖然唔算好似居酒屋，似係高級日本餐廳多D，不過價錢都唔算太貴。叫左D串燒，鴨湯麵，大阪燒，石頭飯，炸雞。炸雞非常好，少漿夠薄但係炸得脆，熱辣辣放入口，正！如果可以另外比少少沙律醬就好啦。串燒味道正常，份量幾大。大阪燒反而細份左D，不過醬重手，都冇唔好食既可能既！值得一試既反而係亂叫既鴨湯蕎麥麵，湯好飲，鴨好滑，配埋麵一齊食非常健康既感覺。

這間餐廳早兩天預約都以滿座為由無法預約，那只好Walk-in, 即使Walk-in都要等至少40分鐘，但見到如此多人等這間餐廳就激發起我想食的欲望。最後被安排坐鐵板燒枱前面，看到師父煎燒餅，先放材料，一煎、再反、又摺兩摺，再整成圓形，技巧之熟練令我感到驚呀。視覺已經開了胃，我們都點了一個一杯大板燒餅，牛肉年糕、豚肉石頭飯和用海苔捲年糕，大板燒入口香, 牛筋腍而不「蘇」，芝士十分足料。因為鐵板燒枱邊是一字形坐法，空間有限，幸好待應已經幫我們分好九份，免去大家刀來刀往的問題，真是貼心的做法。本以為大板燒是最大買點。但最驚喜的是牛肉年糕。年糕的較勁和米香加上牛肉汁，口感層次豐富。如果跟海苔捲年糕作比較，牛肉年糕絶對是無得輸。其他包括素菜烏冬，生薑豚肉石頭鍋飯。烏冬普通，食完好快會忘記味道，生薑豚肉石頭鍋飯油份較多，但勝在醬汁香濃，難得飯底香脆，有鍋巴，挽回部分分數。服務上，待應每次看到有客人光顧，都用日本話大叫歡迎光臨，只是等餐時時間稍長，有一個炒麵更加等了半小時才到，而且坐鐵板燒枱邊的缺點是温度較熱及油煙味重。整體而言這間餐廳值得再去。

Vi一向好中意一杯居酒屋, 覺得價錢大眾化得黎又有水準,今日一早book左6點晚餐, 6點黎到,門口已經排左十幾二十人,真係好誇張, 所以大家記得要bk位!!餐廳內都好有日本feel~Vi最中意呢度ge關西燒, 有得自選餡料關西燒二品($78)Lam脷:4/5抵食: 4/5相機: 4/5Vi食過唔同地方ge日式燒餅,始終覺得呢度ge關西燒最正,今次要左豚肉+芝士關西燒,關西燒好大份!! 熱辣辣上到台staff會幫你分9份,關西燒好足料, d餡多到漲卜卜, 除左有豚肉+芝士, 裡面仲有生菜+蛋,燒餅好多燒汁同沙律醬好正,而且外皮厚薄適中, 帶點煙un, 好味東洋卷($55)Lam脷:4/5抵食: 3/5相機: 4/5Vi亦好喜歡呢個東洋卷,唔係咁容易食到,東洋卷係用薄薄ge pancake皮包住牛油果,鰻魚同大量蟹籽,牛油果同鰻魚都好軟好淋,, 加埋脆口ge蟹籽好好味,值得推介南瓜沙律($50)Lam脷:4/5抵食: 4/5相機: 5/5呢個南瓜沙律賣相好正!!成座南瓜山咁, 外面插住ge係炸年藕同薯片,南瓜沙律好粉好甜, 中間有一粒粒南瓜增加口感,拌埋炸年藕同薯片好夾, 比想像中出色g

上次個fd生日,知佢鐘意食日本菜，所以黎呢間試下。我地叫咗關西燒，醬汁超多，有啲芝士味、好多牛筋同耶菜絲，雖然喊咗少少，但口感一流，借得一試。另外，我地叫咗壽司定食，啲壽司好新鮮，同牛肉年糕，雖然硬咗啲，但係都幾好食，燒得夠香，可以一試

今晚和自己的中同聚會，從前承諾過就算畢業後，都要往後每月一見，誰知這承諾看似簡單，其實難過登天！現在就變成一年兩次，他生日和我生日。雖然形式不一樣，但純純的感情不變。今次到我生日，我挑選了在觀塘的這家居酒屋，因為它在觀塘區算是有著小人氣！想吃的朋友還是奉勸你們要預早訂座，否則大概會被門前一大堆等候的人客嚇跑。茶牌中食物很多！從壽司卷物，到串燒、石鍋料理、還有茶漬飯、大板燒，我們光挑選食物已經用了十五分鐘。最後點了餐廳名物「一杯大板燒」果然不負眾望，醬汁濃厚，大板燒軟軟的，想不到裡面還夾雜了一點牛筋，令入口口感更滑。 另一個超級推介的是石鍋清酒煮蜆每個蜆都好肥美厚肉，清酒湯除了有酒香還有一點層次感，不會覺得喝起來很單簿。我喝了很多呢！還有三文魚茶漬飯賣相好吸引，亦挺好玩，不過吃起來沒有太大驚喜。三文魚份量亦很少。其他食家大推的東洋卷現場頗多人吃的一個卷物，用雞蛋皮包著滿滿的蟹子和牛油果。個人覺得全個卷都太淡，吃不出蟹子的鮮和牛油果的香。還有沒有拍照的串燒牛肉卷車厘茄和明太子雞肉。都屬於中等之作。令我喜歡這裡的原因之一，還有這裡的飲品！數十款果汁酒選擇很適合女孩子！我們就是想喝一點甜甜的酒

本身住元朗都想試吓呢間餐廳，咁啱假日同老公路過APM，上開飯網見到APM有間日式居酒屋「一杯」，就趁未到落場時間（15：00開始落場，我哋去到已經13：45啦）試一試先。餐廳設計好有日式風格，我哋被安排坐Bar 檯位置，餐牌選擇都好多， 樣樣都想食……但係得兩丁友又怕食唔哂，結果一人選了一個套餐。1）我揀咗燒三文魚扒定食2）老公揀咗壽司定食整體都好滿意，坐Bar檯見到師父喺度燒串燒（但我無吸到全身油煙味）…見到啲串燒都好吸引，下次一定要試試！招呼都好好，雖然我無order飲料，但係侍應們都不停幫忙加水👍👍👍。非常好

聽人講apm比較好食的日本餐是一杯 於是趕在收工去 幸好趕得及截單時間 叫了關西燒 冷喬麥面 串燒 吞拿魚卷 3文魚親子小食最好食的是關西燒 自選3款材料 芝士 雞肉 魷魚 燒得洽度好處 加上醬料比平時食的大阪燒好食得多其次就是3文魚親子小食 3文魚燒到好食加上大大顆魚子 跟炸過的魚皮 非常香口配飯一流其他食物就較為普通以及餐廳員工好像覺得我們阻了他們關門 態度不是太好

是晚為友人慶祝生日星期日六點半去到，等到差不多8點魚生沙律一般般，下次食可以唔洗叫東洋卷係超級好味！！！鰻魚同牛油果係好夾，入味感覺好FRESH，好好味，大家一定要試下一碟佢切開兩份大阪燒叫左魷魚，貝柱同芝士！兩個人SHARE覺得好飽，但水準好高！真係值得排咁耐食！