一杯鐵板燒居酒屋

營業中

休息中

一杯食過好幾次，不過從此可以拜拜！先講reception，光頭嘅帶位員好無禮貌，由於我地網上訂枱但遲左，佢就話枱未放但你八點三都係要還枱，呢個一早知啦，見咁強調就問下walk in 有咩分別，答案係網上訂會多十五分鐘食，但你而家遲到點都要8點3還，一啲笑容都無，仲瞪大眼望住我地，我地都預左夠鐘就還枱，黎食飯啫，欠左你咩。入到去叫我鐘意食嘅魚刺身沙律，一黎到嚇一跳....咁細碟嘅？同以前差好遠，但味道仲keep到，算啦！其待好多人讚嘅東洋卷同我最愛嘅牛舌。東洋卷有啲腥，個人覺得一般，令我開始覺得失望嘅係燒牛舌同和牛串。和牛串入口無肉汁而且鞋口嘅，牛舌亦無以前燒得咁出色食到呢度我開始無心機⋯試多個胡麻豚肉，真係算了吧，但為飽肚就叫多兩串串燒同個一杯燒餅，未夠八點三就走。值得一提嘅係早前見到其他食評話呢到招呼變左茶記咁，真係不能同意更多，以前感覺有禮又有朝氣，而家木口木面(除左堆埋玩之外)，碟嘢未放好個頭已經擰轉左。仲有個應該係高給嘅樓面，應該做左好耐，食幾次都見過佢，一返黎對男女侍應都摸手摸腳，你地fd要玩，都醒啲唔好俾食客見到，而家真係食物差服務差，同以前差成條街，唔改嘅好快喺apm 玩

上一次食已經係大半年前。今次再訪，本身想食番上次食唔到既魷魚炒面。但今次再黎，都係與佢無緣唯有點佢個frd,豚肉炒面。不愧係一杯，完全冇令人失望。食起黎完全唔覺得油膩或者太salty,除左豬炒得林同入味之外，炒左d菜係中間令到成碟野有多一d既口感味道比賣相更好。除左炒面，仲食左佢既其中一個招牌菜，一杯關西燒佢入面有 多款不同既配料，加上佢既醬汁，真係食完可以再食最後講下鋪面，佢都算多位，今日唔係好多人。一去到就有位。餐廳好整潔，坐吧枱有少少逼。咁多燒物既餐廳，冇咩油煙，但味道都係有既。算好唔錯啦！

每逢星期六日晚次次門口都排長龍，今次見係閒日門口冇乜人等，即管試下，但都要等15分鐘左右先入等，最奇怪既係入到去見到仲有好多枱侍應服務態度好，朋友想飲清酒，都耐心介紹，另見有bb，會主動攞bb餐具比你，環境舒適食物方面，不過不失，最喜歡反而係個清酒壺😂

一杯鐵板燒居酒屋之前黎一杯都係食午市套餐，今次放工之後，約埋兩個朋友嚟食晚餐，勁多人排隊，等左約九個字😵關西燒二品 $78蕉蕉每次黎到都必食一杯關西燒，今次就叫關西燒二品，揀左豚肉及鮮魷魚☺️上枱啦！關西燒呈dome shape，上面勁多sauce，好香好吸引啊！店員幫我地切開九份，裡面超足料，有豚肉、魷魚、蛋、椰菜、蔥等，粉漿唔會太厚，今次比例岩岩好☺️燒牛舌串 $42 雞肉京蔥串 $25蕉蕉推介呢串燒牛舌，既香口又juicy，爽潤帶點彈牙口感，唔會燒到勁韌咬唔開，師傅以鹽及黑椒輕輕調味已經好正啦！😍蕉蕉覺得一杯的性價比極高，價錢唔貴，味道又好，唔怪之得咁多人排隊！--------------------------一杯鐵板燒居酒屋 (觀塘)觀塘觀塘道418號創紀之城五期(apm)4樓20-21號舖

餐廳人氣都幾旺盛，成日都好多人等位，雖然有得訂位，不過訂位quota通常好快full，晚飯的話或者要晚上八點半後。餐廳環境以木風為主，同一般居酒屋格調相若，有三分一嘅座位係bar枱。食物款式選擇都幾多，我地一行三人叫左沙律炸蟹肉芝士丶壽司丶卷物丶燒魚丶牛肉丶串燒同炒烏冬。個人認為最好味係燒魚，個醬係由梅製成，酸酸甜甜，令人好開胃。第二推介係燒蕃薯，口感厚切，熱辣辣，好味! 其他食物不過不失，壽司定價就貴左D~ 至於炒烏冬就麻麻，味道偏淡。依餐價錢每人差不多要三百蚊，略嫌有啲貴。環境氣氛： ★★★★☆食物質素： ★★★☆☆服務態度： ★★★☆☆

本人第二次寫食評，開💗share。一杯關西燒，好好食，少少McDonald's味(貶低了這間日本店)，一食就愛上。好食過豚肉關西燒(但都!)Waiter用日文交流，有種去了日本的感覺。

試了二品燒丶蝦球，鴨肉麵，食物份量不多，上菜緩慢，卻限時進食，食物偏鹹，令人口乾，收加一服務費，但客人太多，故服務一般，連水也很久才給予。認為性價比低，物不及值。

一杯本是我食堂之一 串燒同海膽炒飯係必叫可惜 今日既水準差左一杯應控制好食物品質 員工態度都要培訓下帶位既男員工態度差 似入左茶記既侍應一樣佢隻耳仔差支煙仔攝喺度似足茶記今日坐吧枱位 order左幾樣食物燒海鰻 叫左3串 得一串係好食魚皮燒得夠脆 魚肉軟熟 有海鰻既鮮味另外2串就燒得唔夠耐 做唔到皮脆肉熟燒牛舌 燒既時間岩岩好 可惜太咸同太多黑胡椒 完全遮蓋牛舌嘅味道牛油煮蜆 蜆唔新鮮 好瘦 我至愛既海膽炒飯 平時好炒得好干粒粒飯都分明 今日個飯炒得好濕炒飯之前個鐵板炒過肉粒冇好好清潔個鐵板 令到個飯炒到有陣怪味圖中左邊紅色頭巾姐姐炒失望

午餐時間「一杯」經常都排滿人，所以特別提早於12時前到達，立即可以安排入座。我覺得這裡的關西燒非常美味，粉漿同餡料比例配合得剛剛好，我最喜歡白魚加芝士餡，嗰個甜甜地既燒汁醬好好味！關西燒係必食，除此，我點了雜錦魚生飯定食，可惜沒有蒸蛋，但個麵豉湯賣相就令人好開心，啲五顏六色空心粉粒其實冇乜味，不過幾得意，整個麺豉湯味道一般。雜錦魚生飯就豐富，有蝦、帶子、魚子、吞拿魚、三文魚、仲有吞拿魚溶同海膽！再加上壽司飯，真係不得了！雖然全部質素都係普通，又冇白魚，但魚生溫度保持得唔錯，而且都算新鮮，$120有咁豐富嘅午餐，難怪咁多人排隊！

同大學同學去佐觀塘游泳池游水，游到9點鐘。想去apm食飯，即刻openrice一下apm有咩好食，見到呢間日本餐廳好多好評，所以決定黎呢到用餐。黎到apm 4樓呢間日本餐廳，門外有好幾個人，要等幾張檯。等佐10分鐘，終於入得。入到去全部檯住滿哂人@@"" 好似好受歡迎咁。牛肉石頭燒飯 $ 75 --> 好香牛肉味 ，飯煮得好鬆軟，份量適中。 鮮帶子$120 --> 有四舊帶子，好鮮甜無雪味。 食完好想再encore因為份量太， 但太貴><喬麥麵$50 -->麵質好爽口彈牙，配埋甜豉油一齊食簡直正到爆!豚平關西燒$55--> 好香口，佢用佐特別既醬汁去整。一放入口，散發陣陣既燒汁味道  ，又係食到停唔到口! 食物: 四款食物都好高水準 !! 9/10環境:  燈光幾間幾有格調 好有日本居酒屋既感覺，地下好乾淨，坐位好舒服。 8/10唔怪得好評咁多，食過真係覺得好正!值得推介!

說到在觀塘APM有咩好食真係諗到頭都大，朋友提議一杯，先醒起原來呢個地方係有一間咁好食嘅嘢。以前來過食嘢，都係食燒餅同壽司等等，對一杯嘅印象幾好，覺得係有質素保證。今次再來食都唔太差。來一杯，一定要試吓佢個燒餅。燒餅比啲甜甜地嘅汁浸住，味道好濃郁，我好鍾意個隻味，仲會加啲沙律醬令到個汁更豐厚。我哋叫咗嗰個燒餅係自選兩個餸的，分別係雞肉同芝士，好似七十幾蚊唔貴的，而且佢個燒餅個皮好軟滑，冇加餸我都會覺得好好食！但對個燒魚比較失望，之前試過記得係好好食的，今次塊魚好似係隔夜油炸鬼咁，冇咗甘香的外層就只係覺得自己食緊一舊油淋淋的魚肉。真係估佢唔到個燒豆腐係可以咁乾燥的。簡直係乾到有少少鞋口。其他嘢食都幾好食，所以講到底都係值得再次光顧的。

今日係同朋友聚餐日，我地都比較仲意食日本野，就决定食一杯，之前都光顧一兩次，朋友都話食，就早一星期打電話黎訂位，因為呢間餐廳平時都比較多人排隊，但如果要打黎訂位，建議都係早幾日，即日訂位十成都冇得訂。呢間餐廳嘅裝修好有日本特色，環境唔錯嫁，有分唔同枱坐嘅，可以坐壽司bar，鐵板bar，普通坐位，如果2個人，我通常都坐壽司bar,會舒服D。但今次人比較多就可以坐卡位。一開始梗係食冷盤，由於大家都仲意食三文魚同甜蝦，就叫咗幾分。三文魚都係厚切嘅，味道都好鮮甜，而甜蝦口感都唔錯，都幾大隻。(8/10)呢個係火焰三文魚，我覺得呢個好好味，三文魚表面係烤熟嘅，但𥚃面仲保留住三文魚嘅肉質同鮮甜。佢裡面嘅醬汁係麻油醬，同三文魚好絕配。(9/10)呢個東洋卷係必食推薦，入面係有鰻魚，牛油果仲有魚子，由蛋皮包住，都覺得幾新穎，大家可以試下嫁。(9/10)豚肉炒麵我都十分推介，由鐵板部煮嘅，同我之前去日本嘅味道差唔多，佢嘅拉麵質感好彈牙同好入味。(10/10)加埋佢7月份有信用卡優惠，用中銀信用卡滿440(包加一)，就可以減一百蚊，最多減三次，所以都覺得好低。

apm既餐廳其實真係唔多, 唔多之餘而且味道唔算好出色!平時行經呢條後巷都知有間日本餐廳, 每次行過總係有人等位. 今晚放工行完書展再黎apm食飯見到無須排隊, 當然即刻入去喇! 因為真係餓到打晒鼓.. 😆入到去好有日式居酒屋既感覺, 我地安排到住係鐵板燒枱前, 真係靈(瀉)有feel!因為都比較夜唔想食太多野, 同朋友以單點形式簡單咁叫左d串燒: 燒和牛，雞軟骨，鰻魚，雞肉明太子，雞肉蔥串同燒雞翼。第一次黎食, 朋友推介呢度既燒和牛一上枱和牛串既香味已經芳香撲鼻,食落口感好軟熟而且好多肉汁, 和牛肥瘦均勻而且好濃濃既牛香味留係口腔度.火喉控制得好好, 調味亦都調得岩岩好完全唔使再落其他味粉, juicy既口感令人想一食再食!朋友真係好好既推介, 好食!😍👍🏻👍🏻👍🏻魚串燒看似好黑, 但實際上食落係好香口一d都唔燶魚似係新鮮魚口感結實但不失口感, 唔錯!😋其他既串燒都唔會燒得好干乾, 廚師既控制真係唔錯!雞肉蔥串同燒雞翼燒完都係唔會好干, 而且食落仲可以保留到鮮嫩感, 不過雞肉蔥串我就覺得有d唔夠味, 加左少少七味粉吊返個香味就冇問題~雞翼都值得一試不過串燒份量唔係太多, 如果食住串燒

呢日同朋友來觀塘區食飯，一致認同來呢間成日排曬長龍嘅一杯居酒屋！好好彩今日唔洗等位就有，入到去就即刻交左野飲一路飲一路等friend到。呢到嘅梅酒真心正！甜甜地好好味！有野食啦！海鮮salad。呢個唔錯，刺身沙拉，柚子汁，完全唔洗點豉油wasabi，點左反而好奇怪。南瓜salad。好好味，幾創新。刺身！呢到d刺身真係冇得談！好新鮮！而且大大件食落好有口感！呢間餐廳每日仲有d新鮮日本魚做刺身，問waiter就會推介翻，之前試過金線鯛真係好好味！唔洗次次都食三文魚咁寡，不過今次朋友好似唔太感興趣所以冇叫有d可惜。東洋卷！呢個真係好正好正！成個擺落口果種融合嘅口感，每樣野完全冇衝突，好match好夾！最對系超好食嘅創新料理！另外仲叫左好多不過冇影到相，但係每樣都好好味！如果來觀塘食日本野推介呢間！服務態度好好！waiter waitress會推介d好野食比你，而且服務好好，成日幫你換碟，好細心！食物好食！而且價錢合理！唯一唔好就係成日大排長龍。

平時夜晚好瘋狂多人等位，自問耐性一般，多數半途而廢。今日陪老細去食，因為早左出去又訂定枱就梗係食到啦！店內環境真係幾正，有一刻會以為自己去左日本添 (當然快速清醒知道身在apm啦)。例牌影返幾張相先⋯佢有午市定食，唔駛煩，叫左個壽司盛，老細梗係食好西 — 鐵板燒啦 (帆立貝、牛柳粒)D野食都算快到，蕎麥麵湯底清清地，有幾粒菇，麵略淋，還ok吧！前菜都係普通野，牛舌漬物主角到，壽司定食 — 吞拿魚、油甘魚、三文魚、魷魚、腐皮、三文魚卷，真係普通質素食物而已。坦白說，如果唔駛等位我會食晏，但如果要我排好耐隊食晚餐我會選擇放棄吧⋯⋯呢個價錢，相信有更好選擇啦！