一杯鐵板燒居酒屋

營業中

休息中

今天剛剛經過，竟然見星期六都有set lunch，便入去試試，感覺真的十分好食。特別是鐵板炒拉麵和日本燒餅，很熱和好味道。服務也很好。價格不責貴，下次一定會再來。

今晚同女朋友叫左關西燒同魷魚炒麵，關西燒份量少左，個關西燒下面用左蛋代替，唔係好似以前禁大份。另外炒麵份量少左，以前炒出黎好香，但而家個種香味無左。估唔到無食一排水準有d下降。

晚上會合女朋友往apm一杯食蔥吞拿魚腩卷, 雞肉湯烏冬、野菜蕎麥面和豚平關西燒, 蔥吞拿魚腩卷吞拿魚好新鮮, 入口即熔, 配上蔥和醬油, 更能帶出壽司鮮味, 雞肉湯烏冬雞肉煎得香脆、烏冬湯底配上煎雞竟然沒有油膩感覺, 可見師父功力；野菜蕎麥面野菜好新鮮, 好鮮甜, 蕎麥面爽口；豚平關西燒醬汁鮮甜, 豚肉好滑, 雞蛋煎得甘香, 好味日本菜

今晚同老友encore呢間日式餐廳。大阪燒：有多款不同材料選擇，今次選左帶子粒，好味燒牛舌：大大塊好juicy北海道蟹柳上湯石頭燒：蟹腳細少冇咩肉欠鮮味比較失望燒栗米：有牛油香，賣相同味道一樣good!蟹腳意粉：一上枱已經香噴噴，蟹腳夠多肉，正呢間野食同環境ok,係我心水的男人食堂！

個人唔係咩日本野都鍾意食，但一杯食左好幾年，都間唔時都會黎食因為每次等位都要好耐既關係真係有心機先會黎等位食，今次等大概一個鐘坐bar 台。東洋卷同豚平關西燒係必嗌！東洋卷鰻魚+蟹子+牛油果口感一流!關西燒就岩我鍾意濃味今次除此之外只係叫左串燒n 串想encore 再encore 係牛舌，可惜當日無和牛飲品所有都好平，而且未飲過難飲，不論有酒定無酒依家中銀卡食有折，襯仲有要去多幾次！

之前去過摸過門釘知道唔訂檯都好難有機會食到，有次係觀塘附近又6點幾就去搏下點知又有檯，睇過食評好多好評梗係去試下啦！由於未黎食過，主要點食評大家普遍都話好食果啲：魚生沙律：都幾大份，我地5個人share都夠，幾多魚生，啲菜都新鮮，有西柚有蕃茄好fresh串燒類：話明居酒屋當然試下串燒！燒雞軟骨$25：燒得好脆好香口，無乜脂肪，好細粒好細粒，好似無食過咁雞肉明太子$25：呢個好食，雖然食落似沙律醬多過似明太子，個味都好突出好襯雞肉鹽燒活鰻$55：自己好鐘意食鰻魚，呢個尚算唔錯，食落清淡啲食到鰻魚原味，不過實在唔夠喉東洋卷：見好多食評都話呢個好食，一份得3件，呢度係2份有5件（我諗waitress交代左切5件）裡面材料配搭得好好，有蟹子、牛油果，個底仲有鰻魚，入面既鰻魚仲多過鰻魚串燒，我地都覺得好食既，不過唔知點解覺得唔襯pancake 皮，襯返壽司卷咪幾好壽司10件：望落去好靚好新鮮，食落就魚生好淡味，吞拿魚都一般，就算蝦、帆立貝都唔特別鮮甜，屬於普通貨色，飯既醋味唔強烈，做得好普通，$2xx 呢個質素有啲失望窩蛋石頭窩飯$60：以為有蔥、蛋、雜菌放係石頭窩會好重蛋香，點會撈完仲係蛋汁濕

為慶祝男友在新公司完成嘅第一單生意，我當然要獎勵下佢尼兩個月尼努力。佢想食日式，所以我揀左一杯試下。我5:50pm 去拿位已有數人在排隊，好彩等了15分鐘左右已入得。出名的一杯關西燒當然唔少得、而且係最快上枱。一上枱仕應已熟手地幫我地井字切開，確實係熱辣辣。佢嘅皮不太厚，入面嘅材料也好多、有菜、蛋黃、八瓜魚等，味道也不錯，但兩個人食有D多。之前我在灣仔一家日式料理也試過南瓜沙律、覺得不錯、故也試試尼度。剛炸好嘅蕃薯塊配上凍嘅南瓜容和南瓜粒，一硬一軟、一冷一熱，甜度適中、配搭恰到，正合我心意。至於這𥚃的串燒個人認為普通。雞肉芝士串的雞肉沒有咩味，芝士汁好似用水開出尼甘，賣相也...（沒影相）鹽燒大蝦等到我地食完全部食物才能上，賣相也是普通，鹽太多以致過咸、而且肉質食落有D鬆，沒有結實的咬感。唯一算好味嘅係和牛串、燒到適中又鎖到肉汁。廚師推介嘅壽司（十件）味道不錯、都很鮮美。由於我地坐bar 枱，都可清楚見到部分材料、都係即叫即切，唔會一早整好。我們叫了杯梅子燒梳、味道太淡，似乎加了太多冰。

家庭日，因為媽媽特別歡喜一杯既關西燒，於是一行五人決定再到一杯~關西燒（$98）選三個餸今次簡左蝦，帶子同魷魚，飽滿既餡料被薄薄既外皮包住，煙煙韌韌，而且吸收左醬汁，唔怪得關西燒每次都係媽媽必點之選粒粒麵炒飯依碟係筆者最欣賞既一碟！麵cut成一粒粒，有新意！沾滿濃濃既汁，醬汁醒胃，而且有鑊氣！依碟非常出色，蜆鮮甜大隻，菇吸收左蜆汁，味道鮮美，唯略嫌份量少，一行五人只分得1,2隻。豆腐嫩滑，口味清淡，有豆味，但性價比唔算高，下次未必會點，留quota再試試其他小食！其他有炒麵，石頭鍋飯都唔錯！保持一貫水準！一家人有說有笑，分享美食，人生追求的就係咁吧！

一杯常常門口大排長龍，有時好耐性既話都會等下，暫時幫襯過幾次。這兒食物選擇其實不算多，我們通常會叫關西燒。今次選了這個有三種toppings：豚肉，雞肉，貝柱。 算頗足料，有好多貝柱，夠鮮味之餘，亦有嘗到豚肉雞肉的香味。關西燒上面層皮，燒汁的味道也可口，沒有搶走的味道，讚！

第一次光顧，沒有想像過在商場裏的日本料理餐廳會有這樣傳統日式的裝修。本來每人叫一 午餐，但關西燒實在太吸引了! 所以我除了叫一 份燒鯖魚套餐，還叫了一杯關西燒。 燒鯖魚套餐，味道合格，但不是太出色。而且等了非常久! 但是要值得一讚是一杯關西燒 (不是一碟是 一杯 “店名”)材料有雞蛋，椰菜，牛筋等。麵粉皮厚度適中，味道層次豐富，有大量沙律醬， 酸酸甜甜十分開胃, 而且入口軟綿綿，好有口感。其實......兩人行已足以當作主食!

第二次幫襯一杯，記得上次等咗一個鐘香港地想食好野都要等等等可能閒日~晚上六點三左右到，bar檯唔需要等位。被安排坐鐵板燒bar檯位，我地兩個人坐係最邊邊位置，所以唔覺位置太熱。用餐九十分鐘，六點半入要八點交檯兩個人點咗三樣野加杯菠蘿杏子酒，埋單228~唔食海鮮同壽司，都算抵

歡塘區嘅餐廳，<<一杯>>都可以話係數一數二。今日放工非常之攰，又book唔到位，但都堅持要去呢到食飯。 入面裝修環境好靚，好似真係去左日本嘅居酒屋咁。 叫左個<<十件壽司>>，海膽好甜，無腥味無臭味，幾清新，好唔錯！甜蝦都好新鮮，食落甜美彈牙，不過蝦頭d水浸到舊飯，令到飯濕左，感覺有點核突。其餘8件壽司都普普通通，無咩特別。魚生偏細舊，唔多建議叫壽司食。另外叫左《關西燒》 日本嘅<<大阪燒>>，對我黎講功能僅限質飽個肚，諗起又實又粉嘅麵團就令人腳步。今次呢到有關西燒！朋友話要食，就叫左個芝士貝柱口味嘅，我唯有迫住要陪佢食🙄味道: 非常驚喜，舊野竟然唔會硬同實！粉團調較得好好，食落口感煙un，唔知點解令我聯想到台灣嘅蚵仔煎😂mayonnaise同燒汁都分佈均勻，最意外係食食下中間有蛋汁流出，令味道再添層次！後尾發現原來<<關西燒>>係由鐵板燒師傅即點即整！即刻又加分😍

本來今日係我地8婆谷食飯，點知……某人新年唔駛返工竟然話唔得閒出嚟，要返工嘅竟然重得閒過佢，真係大笑三聲，哈…哈…哈…所以……最後得我同KAKA出黎，KAKA唔駛返工，所以佢就我去觀塘食，我其實本來想因為就黎佢出走韓國而請佢去一杯食飯，最後佢唔俾我請佢雖然一杯喺商場入面，但係裝修絕對似十足日式居酒屋，只係比真正居酒屋大好多倍，以前都試過lunch食一次，大約$120一個人，雖然貴，但係你絕對會覺得值得洋風白身魚沙律 - KAKA想食魚生，但係見到menu魚生有點兒貴，所以，我就搵到呢款魚生沙律俾佢食無諗過原來呢個魚係咁好味，酸酸地，上面有一啲醃味洋蔥，雖然我唔食洋蔥，但係塊魚生片好大陣洋蔥味，其實唔錯，KAKA係咁食啲洋蔥~~蟹肉忌廉球 - 同我預期好唔同，因為我預期係有啲好似白汁咁，點知……原來入面係全部塞滿蟹肉，只係用少少忌廉黏住所有蟹肉，外層其實炸得非常香脆，不過好熱氣，入口淡淡蟹肉，超滿足海鮮茶壺湯 - 影好似好大、好多，但係其實只係得3杯，雖然茶壺細細……但海鮮味濃，尤其蜆味最為突出，好好味，入面有蝦、蜆、菇，所以……少湯都唔緊要牛肉石頭鍋飯 - 日式料理店有疑似韓式食物，雖

新年聚餐很多，飲了很多酒，一杯接一杯，今晚決定在一杯餐廳只食不喝。先點了一客南瓜沙律，在其他餐廳很少見到的一道菜色。南瓜是打得很細如薯蓉般, 清新帶微甜, 用沙律醬伴食是特別的沙律。 不同於caesar salad 的麵包糠, 用一大片脆皮佐食， 的確是一道不錯的頭盤分數: 8.5/10再者來了一杯名菜 「關西燒」，燒汁調味不錯，很吊胃口，用料選了清脆的椰菜, 有咬勁的魷魚。頭一兩塊是很吸引, 但奈何二人用餐，份量變得有點多, 感覺有點飽膩，應該是炸粉下多了一點 分數: 7/10 銀鱈魚西京燒，是我到居酒屋常點的其中一道菜色。這鱈魚一片片來得清晰分明，煎得外脆內軟，魚肉沒有半點冰鮮味，加上天使沙律醬是不錯的主菜, 但比起中環的"碗屋" 仍有點距離。分數: 7.5/10最後為填飽飢餓既肚皮，點了一個石窩飯，豚肉加一點紅花點緻, 豚肉尚算嫩滑, 普普通通，沒有飯焦, 不見得有什麼過人之處。 分數: 6/10

朋友約見，推介一杯為會面點。他說來了多次，依然吸引，而且每次的食物都保持高水平。我們先吃了一些壽司，果真鮮活甜美 ; 然而要數到最矚目的，令大家引頸以待的非這個由鐵板燒師傅即席泡製的鐵板燒餅莫屬！師傅把粉漿平均地倒在鐵板上，然後放置大量的椰菜，加入牛筋粒、蒟蒻以及芝士，令燒餅口感層次倍增，合上蓋子焗它一焗，出來的效果真的每啖入口都既香口又煙韌。光顧一杯，享用即製關西傳統地道和風小吃「好味燒餅」之餘，不妨來一口冰啤酒，爽！