一杯鐵板燒居酒屋

營業中

休息中

自從公司搬到觀塘後，我都試左好幾間新餐廳，今日去一杯係同事帶我黎的，佢話個大阪燒非常好味。店內環境氣氛都唔錯，以為自己置身日本的居酒屋。午市時間，坐無虛席，我地等位都等左 10 分鐘，好在今朝已經開完會，唔駛食到趕頭趕命返公司。 由於散叫吸引啲，我地無叫SET LUNCH，兩個人食，只係點左兩樣野，唔知夠唔夠我地食呢？先上枱的係關西燒，配料自選細粒帶子同埋芝士，服務員喺我地面前切開佢方便進食，切到一個「井」字，9件，好似西多士咁。熱辣辣又足料又點會唔好味呢？多量芝士做成拉司效果，對於兩個芝士控黎講，真係想尖叫出黎呀。第二樣係粒粒麵炒飯，食落有啲似童星點心麵炒飯，味道偏濃，唔太啱我胃口。但我同事就好鍾意，咁我就比佢清晒成碟啦。

HAPPY FRIDAY, 跟朋友相約在APM 試食一間期待已久的居酒屋. 因為平時經過都見到好多人,都未有機會嘗試.今日準時收工, 去到晚上七點正. 等待了大約一小時 終於輪到我們.一坐底, 就即左杯麒麟生啤. 食日本菜 加燒物 真係不能缺少啤酒! 正!因為得2個人既關係, 職員為我們安排了坐BAR台. 反而令我們得到左唔同既體驗. 因為可以近距離觀看到壽司師傅即場手握製作的壽司.所以, 我們就即了個廚師推介 壽司10件. 一邊看師傅用心整, 一邊享受食物. 黎個環境真係唔錯. 除左 視覺上既享受外, 用料都非常新鮮. 可以食得出每款壽司的不同鮮味!  個人比較喜歡食吞拿魚!東洋卷, 從未食過.  但一試過後, 就已經深深愛上. 入面有蟹籽,燒鰻魚 同牛油果用PANCAKE皮包住!口感豐富, 味道突出!  必點的東洋卷.關西燒2味, 我地選了 泡菜跟豚肉.   店員於上菜後, 會幫忙分切為九份.因為椰菜份量比較多, 所以食落去都唔覺得太油膩 及可以中和醬料的濃烈味道.點了燒牛吞跟燒蕃薯各一位, 牛舌燒得不錯,但價錢比較貴.$48 只有一串. 食日本菜我必點的燒蕃薯,淡淡的甜蕃味. 燒

今次第3次幫襯一杯鐵板燒居酒屋以前都係晚市嚟食平時等位都要等成個鐘下午經過見到有set lunch 就排隊攞位我哋大約兩點去到等左半個鐘到就有位啦內部環境以懷舊日本風做主題 令人目不暇給一坐低即刻影多幾張相呃like🤣食物方面 叫左個刺身丼定食 有埋前菜 面鼓湯 $120加多$5就有杯咖啡/奶茶/檸檬茶/檸檬水/橙汁評分:9/10魚生飯黎到就比佢外表吸引💕 件件魚生都肥美又大件 質素👍🏻👍🏻刺身大件到可以覆蓋個飯本身覺得飯量比較少 驚會唔飽 點知食完飽到攬住個肚出嚟🙈

今日有個客約咗我喺apm食午餐，一去到呢間餐廳勁多人，等咗半個幾鐘終於到咗我哋 ，因為係第一次去呢間餐廳 ，所以唔知食咩好，隨便就叫咗個粒粒牛鐵板燒定食， 殊不知當食物送到嘅時候，賣相又真係幾好喎，食咗之後又覺得又真係幾好味，啲牛肉唔會太硬又唔會太生，食落又幾多汁，唯一遺憾嘅係，個客人喺度，唔好意思影相，下次一定會再返嚟食過。

食過幾次一杯，通常都係夜晚黎食，每次都會叫關西燒、串燒等等，晚餐散叫刺身或壽司都好貴。今次午飯時間行過觀塘又想食日本野，見 SET LUNCH 有魚生飯，雖然唔算好平但同夜晚比平啲，於是又入咗去食魚生飯刺身多過飯，本身覺得飯量太少，點知食完都好夠飽。刺身件件都好好味! 本來好驚喺香港食海膽，呢度嘅海膽唔腥之餘仲好甜份量同質素$126黎講都算相符同行朋友就叫左炒牛肉粒，味道不錯，不過略嫌芽菜太油，如果冇咁油畀啲芽菜中和下牛嘅油膩就更好喇

是日晩餐點了以下食品：一個一杯沙律，入面有啲魚乾脆脆，幾有特色，非常可口，加埋啲菜，正。 之後就點了一輪串燒，有鱔(好厚)、雞翼(多汁是，肉嫩)、牛舌(有牛舌味)、蕃薯(超甜)、粟米，味道一流，軟硬適中，肉質juicy，非常好味。豚肉燒餅，豚肉烤至脆脆，似小小煙肉質地，入面有一層蛋漿，再包住啲燒餅，外脆內軟，好有水準。最後一個喬麥麵，醬汁、鵪鶉蛋、葱加埋山葵一同撈伴，正。總括黎講，樣樣食品都好味，有水準，感覺有驚喜。

年廿九，女仕們爭取時間扮靚過新年~今晚同姐妹整指甲~ 整完已經9點半~街外太大風，所以入左APM避風 XD 順手食晚飯~黎到一杯門口，估唔到9點半都要等位~好彩等左15分鐘就入得~壽司10貫用料都夠新鮮~ 而且厚切~三文魚夠肥美~吞拿魚有筋較失色~關西燒二品自選2個配料：芝士、豚肉待職會幫忙切開味道唔算特別~芝士份量不多~反正椰菜份量超多~但椰菜出水都幾多... 姐妹鐘情燒牛舌但調味太重手啦~咸到不得了雞肉明太子依串出色好多，明太子醬好惹味~！有燒物，當然唔少得啤酒~~冰麒麟，正！

我平時最怕餐廳BOOK唔到位，因為覺得排隊食飯太浪費時間，不過好野係值得等待既，幾年前食過呢度既東洋卷同關西燒，心癢癢想再食，今次依然保持水準，不枉我等左一個鐘呀東洋卷 $60東洋卷係用pancake皮包住兩大舊牛油果、蟹籽同肥厚鰻魚。一啖咬落去呢四種食材融為一體實在太美味！牛油果係熟到一咬即溶，同軟身既鰻魚好夾，仲有粒粒咬到卜卜響既蟹籽，口感同味道層次豐富，fantastic!關西燒一品 $55關西燒可以自選配料，我揀左豚肉，店員送上關西燒後就切成九份。關西燒既皮係好似一片好薄既年糕咁，煙煙韌韌，中間夾住豚肉、雞蛋、椰菜。椰菜份量好多，佢既清新中和左醬料既濃味。同大阪燒好唔同～佢無用咁多粉漿，所以口感無咁實。生姜豚肉石頭燒飯 $78醬料落得太重手，甜左啲。同埋可能怕個飯癡底所以落左好多油，呢個味道還可以。桂花豆腐凍 $28桂花啫喱帶微微酸味，杏仁豆腐唔係幾滑同埋杏仁味有啲假。店員既服務態度幾好，有主動添水，值得一讚係上甜品前除左執走我地既碗筷之餘仲有清潔一下張枱，呢個細節係部份餐廳會忽略左既。可惜我地坐吧枱係一個好繁忙既位置，因為對住出菜位，店員喺我地旁邊搬碟、出菜，喺我地正前方同正

暫時幫襯過幾次一杯，對一杯嘅印象幾好，覺得係有質素保證。平日常常門口大排長龍，但今次大約6:30左右到唔算多人，好怏可以入座。入面裝修環境好有日本居酒屋風味，就算坐BAR檯都舒服。這兒食物選擇其實不算多，加上只有兩個人食，只係叫到三款食物。一杯關西燒 - 推薦之選，二人份量充兄，各樣配料配合一齊好好味，不過醬都好重手下，偏咸左DD。泡菜豚肉石頭燒飯 - 食左一半先記得影相，其實相當足料。而石頭鍋容易偏熱有飯焦，唔鐘意飯焦的人可以留意返~鮭魚卷 - 因為今日冇牛油果蟹肉壽司，所以叫左個鮭魚卷，有點中伏的感覺，講真壽司類都真係普通質素食物而已，加上價錢唔平，下次可以不用試壽司類食物。整體而言，環境舒適，食物質素不錯，可惜價錢偏貴，下次可能試試午餐。

之前在這裏吃過晚餐，很是滿意，後來知道午餐定食比較划算，今天便去試一試。我們星期日12:30去到，立即被安排入座，但已經要坐bar枱。刺身定食刺身好新鮮，牡丹蝦、帶子、海膽和拖羅碎都是我的至愛。除刺身外還有前菜、麵豉湯和白飯；麵豉湯很好味而且很足料，很多海帶和豆腐，但白飯不是用上等的日本米煮，有些失望。粒粒牛定食牛肉粒很有牛肉味，不會過熟，配合大量芽菜和少許菇類，令吃起來不覺油膩。每客定食加$5還可選擇飲咖啡、檸檬茶或者橙汁.......，我們選了熱咖啡，那是我們喜歡的日式咖啡。

Waiting time: FAKE. Don't let them make a fool out of you. They make you wait and tell you they're reserved when there's plenty of empty tables inside. Tables that's been empty for hours. During my 1 1/2 hours of dinner, there were 5 empty tables surrounding us unoccupied the entire time. It's like going to a club waiting in line then going in but it's not even popping. Taste: Just ok. Wings were too salty. Yuzu beef soup barely have any beef in it and all I can taste was white pepper. Service:

久不久都會嚟呢到食午餐, 每次嚟到都會食呢個定食, 原因係除左有刺身壽司食之外仲有碗蕎麥湯麵或湯烏冬食, 壽司款式種類都多, 仲有4粒手卷, 刺身款款都好新鮮, 而且切得厚肉, 唔慳皮, 壽司飯亦都好軟熟, 好好味, 蕎麥麵湯底都好清甜, 有啲雜菜喺面, 而伴碟小食就有辣青瓜, 好爽口不過呢到既午餐加咗價, 記得之前食過埋單加埋一唔駛100蚊, 但而家呢個餐埋單要110蚊

呢間餐廰堅差！！之前因爲見食評咁多,就專登過去試一次.本以為間餐廰整得幾靚咁服務態度都會唔錯…點知带位嘅果位先生顛覆咗我嘅諗法,d態度真係差到爆…大佬,我過嚟食餐飯嗟,又唔係爭你錢…咁嘅態度令到我哋已經嬲嬲哋…之後我哋跟住apps熱門嗌嘅餸,但…大阪燒…一舊粉…勁難食…呢兩件嘢…依然冇乜特别,燒到有啲乾…而且唔平…味道對唔住個價錢我最愛食鰻魚嘅…但呢度可以燒到未熟,導致我一咬落去, d腥味湧晒出嚟…簡直唔想回憶…除咗disgusting都冇其它詞可以形容…海膽…正常味…又唔會話臭嘅…但非常之細粒…咁嘅價格係其他地方食會大啲咁囉…呢間嘢貴兼難食,中晒伏..食咗千幾蚊得肚氣…

由於返工地點鄰近又提早收工既關係決定黎到apm一間長期爆滿既居酒屋試一試。今日到達時間都算早，大約6點9到達，但都開始出現人龍，最後等左半個鐘左右終於有枱。今次坐位安排係吧枱位置，望住一盤盤刺身同壽司，我地都忍唔住叫左黎試整盤壽司質素都好好，價錢係香港應該屬於中等價格，但係質素係有保證～ 眼觀係面前出菜既刺身同壽司都係有光澤同完整，冇參差既情況。根著叫左呢到出名既鐵板燒餡料十足，表皮係一種QQ既感覺加上爽口既菜，口感十足。上面兩個分別係日式炸豆腐同燒牛舌，前者冇特別，反而後姐有驚喜，外脆內軟，好多肉汁，調味都好恰當，果然串燒係呢間居酒屋既招牌！可惜今次人少，好難試更多既種類。最後亦係本晚最大既驚喜就係一個柚子醬燒魚，本身成件事感覺係較為西式既手法去做呢道菜，最後出到黎居然冇違和感，而且魚扒厚實，炸得外皮酥脆金黃～ 入面魚脂豐富，有滿滿既肉汁～ 另外呢一種做法好怕個汁會令外皮變軟同太酸，但係呢到調味做得好好，清清既酸味解除左炸魚既油膩感，而且即做即上，表皮冇被浸軟，令口感同味道都成左今餐既亮點，擔起主菜應該要有既責任！最後結論～ 一杯居酒屋係值得排隊一試既餐廳，冇論情侶晚餐或者三五成郡想

話說每次去APM都見到好多人排隊，決定早d黎試一次，點知一試終身難忘。好想問咁嘅餐廳，點解可以係咁大間商場做得落去！無論服務態度，食物水準，價錢收費，每一個重點都係差差差！首先門口帶位果位阿叔，好似你欠佢好多錢咁，凶神惡煞的口面對住你，心唸算啦，我都係黎食飯jer，入到去就見你唔到了，忍！開始叫餸，其實我從來唔介意價錢，只要好食，收得貴係你本事，叫咗一客海膽，出名嘅燒餅，一個壽司拼盤，幾個串燒，一支清酒。戲肉來了，首先講海膽，色澤不一，超級細粒，我已經o咀無聲出，坦白講，隨便超級市場買的都好過佢好多。跟住到所謂的燒餅，就係麪粉+白菜+急凍瑤柱粒+可憐少的芝士，瑤柱粒有雪味。壽司拼盤，飯是鬆的，一夾就碎，師傅的功力顯而易見了。串燒仲搞笑，燒鰻魚，我的至愛竟然是腥的，沒有其他味道了；燒和牛鞋到咬唔爛，燒牛舌一味鹹，我已經無言以對；唸住都忍，飲啖酒解下令到我無食慾的食物啦，oh my god，支酒淡茂茂，真係一d味都飲唔出，大佬，我真係未飲過咁難飲嘅酒lor，E餐飯完全折磨我個胃了。放棄繼續食，買單啦，一睇，繼續要折磨埋我荷包，誠惠1300。我想講好味一dd的話，這個價錢合理，但難食到咁嘅質