8月份好評餐廳十強
2018-09-06

話咁快又一個月,回顧返上個月有唔少新上榜餐廳,8月份可以用人氣反彈嚟形容!竟然有好幾間舊餐廳,不約而同再次打返入十強,所以話雖然飲食潮流來得快去得快,新餐廳固然吸引,但要站得住腳都要靠實力同埋穩定水準嚟保持人氣。唔講咁多,立即倒數!


第10位    湯•米 (*新上榜)

今個星期繼續有台式臭臭鍋專門店,選用蔡瀾都推薦過嘅臭豆腐店出品,加上台式鴨血、米血糕、貢丸等配料,連湯底沙茶醬都係台灣入口!另亦有沙茶牛肉鍋、巴蜀烤魚鍋等好多選擇。飲品當然唔少得大熱嘅芝士奶蓋茶同水果茶,一站滿足晒幾個願望。

圖:l.tsui小東


第9位    茶屋町

今個月無起跌嘅日式定食及甜品店,繼續佔據第9位。食物以列車便當為靈感,難得抵食得來有水準,平均消費大約七八十蚊,賣相亦靚,連飲品都係日本入口貨。值得一提係門面裝修似日式傳統建築,而舖頭入面就似列車車廂,好有心思。

圖:依雲斯boooo_bo


第8位    芝樂坊餐廳

一開張時瘋魔全城,估唔到開業一年後再重返十強榜!餐廳曾喺港島開pop-up,又大搞半價優惠,而且而家冇當初排得咁癲,令未有機會試嘅人都終於食到。溫馨提示下午茶同Happy Hour時間去幫襯,又或者5pm前訂定枱,就唔使等得咁辛苦啦。

圖:852FoodVoyagesoya1314


第7位    渝味曉宇重慶老火鍋

麻辣火鍋長開長有,呢間《舌尖上的中國》介紹過嘅火鍋店,同時亦係重慶50大火鍋品牌排名第一,開業一段時間人氣仍然不減!內臟如牛肝、毛肚、黃喉等配料夠新鮮,索埋麻辣湯好惹味,亦有重慶耗兒魚、苕粉、燕餃同現炸豆皮等少有啲食材。天氣開始涼又可以開始打喇!

圖:TMTRAVELERchloehahahaha


第6位    第一郡 (*新上榜)

呢間越南小店由越南夫妻檔開設,雖然冇名人加持,但就以樸實無華而且價錢公道嘅地道越南菜式,成功取得街坊歡心,深水埗同天后各有分店。越南牛河同蕃茄蟹膏湯檬以外,亦有包住蕉葉嘅米紙卷、斑蘭綠豆糕等好少有菜式。

圖:MGanimush_room


第5位    響 - Hibiki 日本燒肉 (*新上榜)

日本燒肉加放題,兩種最受歡迎嘅菜系結合又點會唔hit?呢間餐廳食材都唔錯,刺身有海膽、帶子等,有澳洲和牛、米澤三元豚,海鮮就有細條喜之次、生蠔同鮑魚等,甜品就有Mövenpick雪糕。當然價錢貴少少,但一分錢一分貨,值得嘅。

圖:步菲imeatstock


第4位    粒粒果甜品 (*新上榜)

近年甜品唔係抹茶、班戟就係芋圓,好耐都冇食過新嘅港式甜品,呢間甜品店新開冇耐就登上第4位,因為有啲新意,好似係成粒波子咁嘅水果星球,晶瑩剔透。仲有萌斷面果汁,影IG就最適合,仲有牛奶小方、花形窩夫,好有新鮮感呀!

圖:紫揚晴海KanakaD


第3位    海南雞公主(*新上榜)

無論係新加坡定係泰式海南雞飯都有好多捧場客,店主係半個泰國人,仲請來泰國師傳炮製,海南雞有濃郁雞味,雞皮之間仲有層啫喱膏,食落更香更滑,麵豉醬夠濃夠酸香。雞飯放入便當盒入面,連沙律同甜品,做得精緻。豬手飯、咖喱都有水準,唯一缺點就係冇乜堂食位。

圖:hianna_bananacoins520


第2位    Teru Teru Bōzu (*新上榜)

呢間日本餐廳真係夠晒新,由日籍師傅主理,唔係壽司拉麵,反而主打關西風摩登料理。特別菜式木盒蒸籠飯,用上大量蔬菜、海鮮等一齊蒸熟,保持食物原汁原味。亦有大量送酒小吃,網燒和牛、冷意粉等,幾有新鮮感。

圖:keithkkkucojicoji8898


第1位  FLIPPER’S

開業一年,三度打入十強榜,估唔到再次榮登榜首!始終梳乎里班戟不死,早排餐廳推出宇治抹茶班戟,成功再吸引人回流幫襯!之前趁白桃當造又有期間限定口味。好快就有強勁競爭對手,相信要保持優勢都有一定難度。

圖:mush_roomVincentyuen



文:Perrins

關鍵字
十強
排行榜
好評
臭臭鍋
火鍋
日本菜
居酒屋
越南菜
燒肉
放題
甜品
海南雞
班戟
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
美登利登陸旺角! 必食大件吞拿魚、足料蟹膏沙律
2018-10-31
10月份好評餐廳十強
2018-11-06
灣仔無限時半自助放題!厚切刺身+熊本和牛串+華味雞(有片)
2018-11-02
任食Movenpick、Haagen-dazs! 海洋公園酒店新開幕 首推全環保海鮮自助餐
2018-11-08
【特約分享】過大海打邊爐! 澳門百老匯秋冬限定火鍋街
2018-10-23