來哥的个人专页

都有一排無黎太子，呢條花園街都已經人面全非，唯有呢間仍然在。咁點都要黎幫襯下😌呢間車仔麵，記得以前黎過，係好喜歡佢既裝修，老香港主題，最arm我胃口。最近環境艱難，各行各業都苦苦掙扎，大家都要準備捱過呢個寒冬🥶見到呢間舖頭都有出特價套餐，不禁概嘆，平民美食都要再特價招徠，可見經濟真係差到不得了。既然店家爲客人打氣，我都要支持一下，就叫一份試試。雞翼，豬紅，魚蛋，菜既組合，好有傳統車仔麵既神髓，送多一罐鹹檸檬特飲，$35真係算係咁。魚蛋一貫彈牙，豬紅亦夠鮮。我就配左粗麵底，純粹自己偏好今時今日，咁既價錢，已經無嘢好投訴希望大家都繼續努力，頂埋佢…查看更多

環顧現今市面，有人話茶餐廳買少見識少，取而代之冰室大行其道，睇落都不無道理。不過究其實，萬事都係一個循環，以前香港都有好多冰室（30年前）後來逐步轉型，茶餐廳興起。呢一日去堅道探朋友，之後獨自經過般咸道，見到呢間冰室，果然冰室當道，不過吸引我既係佢個名，三少冰室，頗有瀟灑風流既意味。而同一般冰室唔同，呢度食物種類涵蓋早午晚，頗為豐富，就入去試下。入面裝潢都係老香港情懷，食正近年集體回憶風潮，感覺係親切，舒服。師傅教落話，最基本既嘢最難做。一間餐廳基本嘢做得好，其他一定唔會差。而乾炒牛河簡直係港式食物經典，無人不曉，今次就試呢樣。賣相似模似樣，色香俱全，一睇都知道夠鑊氣，師傅水準有保證。河粉炒得算乾身，一般人可能覺得唔夠油光，但係現今普遍注重健康，少鹽油糖係大勢所趨。無礙。牛肉有咬口，感覺新鮮無雪味，整體而言滿意。見到餐牌有林林種種食物，包羅萬有，下次都可以回來再試。…查看更多

熙來攘往既通菜街，一向都係香港交通集散地，各路紅van，巴士聚集，去邊度都咁方便。各式各樣食店亦林立，如果要話香港係不夜天，呢度就最能夠代表。🌃一個人無聊閒逛信和，潮特，緬懷舊日既少年時代。來哥都係日本偶像迷，哥時無話毒唔毒撚，鍾意就鍾意，唔會有咁多標籤🏷️行完一輪，預備搭車返歸前搵食，就見到呢一間舖，裝潢幾得意，個feel好懷舊，原來係太子我試過既同名車仔麵，黎左旺角，相信係佢哋分店，於是就試一試。設計都係好有舊日香港屋邨風格，對於屋邨長大既來哥真係親切感一流。今次試左菠菜麵，比較看似健康d既選擇，畢竟人大左都要注意一下，配以較邪惡既豬紅豬皮，加埋牛爽，牛爽據報係牛舌中間位置，比較少有，爽脆既口感，唔錯，豬皮亦好有咬口。可能係沉醉左係舊時香港環境入面，就算係一個人，簡單食碗麵，都唔覺得孤獨，仲有少少浪漫feel順帶一提，呢邊鋪面比較大，亦有上下層，等候時間亦相對短d。…查看更多

七月份一個星期六中午，我路經太子，唸起上次試過既呢度，不期然想起上次既美好回憶，就唸住再次尋味。卻原來，星期六中午人流非常繁忙，向店員表明一位（唸住可以快d），但係真係人群如潮湧，都要乖乖等候入座。十幾分鐘後，終於等到位，時間匆忙等候既人亦多，於是火速叫左一碗粗麵，加上魷魚，牛舌，魚蛋，金沙清，魷魚真心爽口，牛舌同金沙青據聞每日限量，肉質好鬆化彈牙，牛舌既爽口又香濃，味道無得輸。店家應付繁忙既客量仍然保持水準，好野。…查看更多

最近，香港各區都有吾少車仔麵店開張 。以我所知， 呢間名為16 座車仔麵系比較開得長時間，都有幾年光景，呢一日黎到 太子踢波，順道一試. ，裝潢好懷舊，裝飾品聽講系店主珍藏，通埋朋友提供。來哥同香港好多人一樣都系屋村成長，記得細個住系慈雲山舊61座，數字上剛剛調轉但那份親切感不禁油然而生 ， 。因為趕時間踢波於是快速叫左幾個送，先試為快 。有魚蛋，米糖雞翼，魷魚同豬腸等等。風味勝過一切，身處懷舊環境，食住以前既味道，童年感覺，屋村頑童生活點滴，從前的 舊友，一下子好像全部回來了 。講返碗麵，翼尖位其實系重點 ，記得阿媽話細個無錢買中翼，遑論全翼，翼尖就系最佳代替品，肉一定無咁多，但味道其實一點也不輸，其他配料亦都有水準 。下次要留耐點，沉浸下呢個咁有feel既懷舊環境 。影多點相…查看更多

現在香港，拉麵店真係區區有。吾講最集中既銅鑼灣，吾知真係以爲去左日本。反而係屯門市廣場，最近就有一間拉麵店，亦都係標榜產地直送。今次就係來自琦玉縣（好似係）。在門外看，裝修都幾有日本特色。一部大電視播住日本製作過程，都幾有氣氛。湯底製作係認真既，亦都押上創辦人的榮譽，呢下真係日本人最拿手。點都吸引左眼球先。對我來講，食物最實際，叫得大門拉麵，試番一碗絕對合理。賣相係對辦既。先試試啖湯頭，夠濃郁之餘，味道吾會話太咸。有時香港人同日本人口味係有分別，但呢個湯頭可以平衡到。木魚味道頗重。反而想講下麵條。同出便食可以揀粗幼軟硬不同, 呢度既拉麵只有一種粗幼度，而且係頗爲粗既添，好有煙靭咬口感覺。但喜歡幼身麵條既朋友就可能會失望。我自己就無所謂，重覺得幾好味。價錢方面真係幾震撼，$48，以呢碗面既水準，吾敢話冠絕全港，但係以CP值來講，一定係超高。見到同場其他食客食緊都有沾麵，呢間應該幾正宗。決定下次再來試其它。…查看更多

最近開得越來越多既小王，令到本來吾係太喜好台灣麵既我都要試試，作爲一個牛魔王，牛肉面其實某程度上都可以滿足到我既欲望。一支公趁閒日放假，就過來將軍澳呢個商場，行個轉，試一個半斤半肉麵。食落幾入味，半斤半肉麵集合左煙靭口感同埋鬆化部分，大大塊的半筋半肉，相當有分量；賣相雖然吾太特別，但夾上手，感覺足料；食落亦有濃濃的牛肉味道，某程度上都可以話係滿足到各大牛迷要求。麵條亦煙靭有咬口，吾似普通貨色。一讚。再配合埋個湯頭，聽聞係清廷秘方，一口呷落，濃郁得黎，有種頗爲清甜既味道，喉嚨特別舒服。成件事係幾夾既，吾怪得貢多人捧場，小食眼見都有好多花款，不過因爲趕住去睇戲就無叫到，下次叫多d人一齊，應該可以試多d。…查看更多

一位飲食界老友前輩搞飯聚，當然要支持下。選址在深水捗順寧道這家。店面絕對不起眼，而且座位不算多，不過附近總算成行成市。由於已經定好菜單，一大班朋友就吾洗煩。是日菜單係這樣的：1. 招牌黃鱔飯2. 家鄉蒸魚腸3. 秘製五味鵝4. 燉白肺湯5. 四季豆虎皮尖椒炒肉青6. 油鹽焗肉蟹7. 豉汁大蟶子8. 生玻璃生菜9. 紅燒班翅10. 客家凍酸梅粥不過因爲在座既朋友太瘋狂，來哥都唔可以執輸，所以無mut點影相，只係影到以下幾款：黃鱔飯真係做得好好，夥粒分明。我本身吾好鱔類，但呢個飯可以令我改觀。秘製五味鵝煮好入味，肉質都好厚實。紅燒班翅係酒家菜，估吾到街坊菜館都可以食到。獲氣夠，但就好似個獻太厚左少少由於要駕駛所以無飲酒，但他們的野山花茶原來都係自家製，香味佳而且無限量供應。當晚我地有兩大擡，幾乎係包場，所以人手都好緊張，環境比較逼狹，傳菜時都要避來避去，朋友周身吾好意思，但其實都無所謂啦，一班朋友，吃得開心，就已足夠。師傅耀哥出來打招呼，原來好後生，正式仔細老婆嫩，利苑出身，功底厚，結合一些家鄉菜，自己就奮勇創業。仔仔全程在插科打諢，又要口爹媽咪，好搞笑。今時今日大財團當道，其實都好開心有呢類有誠意既家庭小店，所以一定會繼續支持。…查看更多

身爲動漫毒L,海賊王當然係來哥心目中其中一套最重要，最熱血，最友情既漫畫。適逢時代廣場搞大型展覽，點可以吾來看看。草帽一伙既英姿。看完展覽，找吃的，上到來食通天，本來想幫襯下十樓新野，殊不知原來有落場時間。最後就上左來十二樓，上次試過不俗的這間。“魚”興大發，一個人食量有限，就叫個特上壽司拼盤醫肚。用料都好重，大拖羅就吾少得，都係入口就溶。鬆化。海膽，應該係加拿大膽，味道都鮮甜。火灸左口魚邊燒得微焦，魚香魚脂配合得天衣無縫，來哥最欣賞。其餘都係水準之作。其實用料夠新鮮已經贏左一半。加上壽司師傅拿捏的技巧亦都恰到好處。簡單已經滿意。唯一係餐廳非常大，但服務員吾係太多，可能落場？另外驚喜位係，門口有一個海賊王隊醫Chopper駐守，另呢一餐更錦上添花。吾知會吾會有山治煮既菜呢？…查看更多

前排一日放假去到時代廣場逛街，因為之前一直想去新戲院參觀，是日終於有機會。看完電影，順流落到樓下食通天，發現此一日本料理。門面好靓仔，有間日式屋仔，夠特色，但價錢應該吾平。本來，一介打工仔既來哥，有時都吾介意食好D，豪翻次，但適值月尾，又係日本明星環境－－吉川褲袋，艱難時刻亞。但望一望門口個牌，又有驚喜，原來呢度星期一至四下午茶時段做僅係７折優惠，無慮即決。門口既waitress 都好好招呼，介紹午市餐牌。:)呢度原來除左壽司刺身之外，Tempura都係名物。一問之下，原來同中環既穴藏同系，於是就試左個特上set。($198)一試之下，天婦羅既粉漿好薄，而且，無油膩感。做得到中環店既水準。內容就有炸蝦連頭，海膽，野菜，腐皮蝦膠，蝦餅等。夾起來，吸油紙上面非常乾爽，呢件事系好野既。海膽味鮮，因為溫度夠，炸完吾會影響食物本身既味道。配合數款特色鹽調味，無須要用蘿蔔蓉汁，夠特色。跟手門口有隊電視台攝製隊來到拍野，八卦影翻張。總括意見系滿意，下午茶時段，打埋７折，真心覺得無得輸，吾怪得，當場望落都有吾少外國朋友識得摸上門。…查看更多

開業兩年多,據說天天爆場,於是就早一星期慕名訂位一試.現場果然人頭湧湧,沒有訂位的朋友怕且都要失望而回.店家走型格新派路線,木裝飾品點題之餘,亦頗特別.仔細觀察,鋪位不算大,但就聰明的劃分成二人四人卡位檯,大檯數目其實只有三數張,這,也算是迎合現今人口結構,核心家庭,三倆知己,最重要的,是可以吸納情侶客,是晚一行五人,原本訂位時只有卡座,不過店方見我們人數較多,為我們轉去其中一張大檯,僅此謝過他們的貼心照顧.是晚菜色:開水白菜:津白切成蓮花狀,見刀章,味道亦清淡,可以吃出蔬菜的味道,同上湯亦匹配.水晶鴨舌:鴨舌藏在晶瑩的膏狀內,賣相美妙.蠔油蘑菇:居然令我聯想起日本鰻魚既千切法,賣相真的無話可說,味道亦鮮甜.牡丹蝦仁:青瓜同蝦仁薄切,又系刀工表現.山藥淮山:鮮淮山蘸上兩款不同的果漿汁,甜甜的,非常有新鮮感烤鴨:對於怕肥的朋友,這裡的烤鴨一定適合你,因為片去了脂肪的部分,但我老爸之類的舊式人就比較喜歡油香濃一點的,店家的取向應該系走新派食法,亦要照顧健康潮流吧.每點一份烤鴨,都可以點選鴨架十食的其中一款,又系一個gimmck.我們就選了鴨肉包.味道是較為重的一道菜,但熱燙可口,不錯.蔥烤魚頭有驚喜,店員表示魚從俄羅斯運來,果然份量驚人,薑蔥的份量極多,汁水都好好味,我老爸最欣賞甜品:金陵驢打滾:名堂好架勢,其實系紅豆糯米卷，煙韌得呢,唔會太甜。燕麥脆脆:炸得幾香,燕麥又聽落健康,減輕罪惡感.總結:由店面裝潢,菜單,份量,都經過精心設計,迎合潮流,確實是相當聰明.…查看更多

很少有機會去油塘, 因為在北角做完野,為避雨搭地鐵過翻九龍,同朋友仔約個中間點,就黎左呢個大本型逛下.街坊商場,格局都幾舒適.估不到在頂樓都有大食代.food court一向唔係本人杯茶,而且大食代比人感覺係升級版(價錢)food court,懷著無期待心情試試.入面一如其他分店,各類日本,東南亞食品都有. 最後見到有一檔打住懷舊招牌的港式檔口,周邊有黃包車同留聲機,對於絕對old shcool 的在下,頓時多了分好感.最後我同朋友試左福建炒飯同車仔麵.出乎意料之下,又幾好味,打上面個玻璃獻幾通透,蟹柳,黍米,肉粒,青豆,蝦仁雖然不是什麼貴價野,平平實實的,飯粒炒得乾身,味道適中唔太鹹,已經系好.朋友仔個車仔麵又系其貌不揚,不過D魚蛋夠彈牙,豬皮亦都爽脆,性價比不俗.可能系平日,個場無Mut人又夠闊落,呢一餐食得系其實幾舒服.今次我竟然,有少少中意左food court.…查看更多

工作關係,黎到荃灣中國染廠大廈,見到呢間茶記,名字有點親切感, 因為以前九龍城都有一家，不過我相信兩者並無關係, 都幾特別,樓底比一般茶餐廳高,感覺幾開揚。碰arm有d胃口，於是就試了蝦子大蝦球瑞士汁澇粗麵以及極其邪惡的奶醬骰仔西多士，罪過。因為本人酷愛粗麵，所以最想試呢個。大蝦球有兩隻，個人認為如果能夠多一隻就更好, 蝦子算唔少，賣相都可算是對版的。瑞士汁雖然唔會太甜，個人認為用來撈麵都係腩汁最夾, 麵條就瀝得幾乾身. 不錯.奶醬骰仔西多士顧名思義，將西多士切成骰仔狀再炸，surface area 大左，更加香之餘，亦更邪惡。總括而言, 這餐的整體感覺是Ok的。以後在荃灣都可以多一個選擇。…查看更多

星期頭早收工，回到老家附近，口又寡寡地，就想起黎試下呢度既越南粉。作為街坊，開業幾年來居然從未幫襯，自己都覺得有D奇怪。人就係好容易忽略眼前事物。呢日終於黎到，店面裝修不落俗套，可能玄關位樓底夠高，搭配淺色調，感覺算清雅。不過可能通風不太好，而且越式汁汁醬醬味道大部分都比較濃烈，就有少少嗆鼻感覺。作為Pho 專門店，又自越南胡志明市買左當地一家名店franchise，不過我朋友唔食牛，於是就Order 左雞翼湯河。跟上香葉同青檸，香葉好大棵同新鮮，清香撲鼻。湯頭味道清甜，唔錯，甚少飲粉湯既我都追住朋友D湯黎不　＂畢＂。我自己叫個雞絲撈檬，料都幾足。檬粉瀝得幾乾身，另外要贊下店家都好大方，那支魚露汁放檯上任斟。唔錯。另外加多個小食蔗蝦，味道都好香口，表面炸得金黃，入面蝦膠亦夠彈牙，收貨。唯一座位編排，我地到場時較飯市早，人明顯未有，但waiter 想擺我地埋牆角，我要求另一張鬆動D既，還好kui地都無堅持，如果唔係就肯定bad list + black face。…查看更多

早幾日去假期去北角一間有名洗車店洗車，系隔離有新場開張，於是就去八下。主力做街坊生意既呢間小飯店，是日假期，中午人流都已經幾旺。一入去，見到個燒味檔好搶眼，直覺話比我知呢樣野應該系信心保證。再聽到店員推介蜂蜜叉燒，燒味檔面亦都見到一塊蜂蜜板，果然似模似樣。於是mut都吾洗講，先黎一碟。首先，望落感覺juicy，已經系贏左。食落鬆軟，咬感一流，汁的味道亦都剛剛好。伴碟的蜜糖黃豆系old school野，而家好多店都吾會做，誠意一流。價錢比起同區既斗記雖然不是最平，但食味都無輸蝕。意猶未盡之下，黎多份燒腩仔。賣相精緻之餘，皮脆肉香系基本要求，如果唔系就好難做到招牌。呢份燒腩仔比我感覺系口感食味上佳，無介紹錯。再狂掃兩大碗白飯，超滿足。唯一要改善既系可能因為新上場,店面的招呼就有點手忙腳亂,可以話系美中不足,然而他們友善既態度就搭夠。店員話店家既新會古井燒鵝都系招牌，重有好多菜色用鵝黎設計，可惜是日自己quota已滿，下次再黎試真下。…查看更多