hk_foodagram的个人专页

必食今期限定嘅魚籽海膽飯！餐廳環境高級，呢度午市真係好抵食，嗰日同腦細食飯試咗次後再帶朋友嚟食，尤其係今期限定嘅魚籽海膽飯，原盒海膽咁上，魚子粒粒爆汁，鮮甜滑嫩，鮮甜味美，可以加上幾片紫菜，一下子變成手卷，正到爆！只係逢星期二三lunch供應，驚無得食咗話就打電話留定先〜至於壽喜燒嘅水準都唔錯，我就揀咗日本豚肉加生蛋，配料仲有蔬菜、豆腐、香菇等食材。服務好好，有店員會負責幫你整。壽喜燒醬汁甘甜濃郁，係日本的質素，食得好開心！最後仲有日本牛奶布甸，奶味濃郁，完美收場。…查看更多

香港都食到嘅頂級Omakase！唔止海膽杯好食... 喜歡食壽司嘅香港朋友仔，應該都聽過高級壽司店鮨文吧。 今次唔入元朗啦，直接去黃埔新分店，真係好方便，港鐵站一出過一條馬路就到。用千幾蚊一餐食返日本食材、日本質素、日本服務，真係好高CP！ 先嚟熱毛巾抹吓手仔先，再嚟漬物（子薑，蘿蔔，牛蒡和山藥）。 今日第一道菜：店家自家醃製三文魚籽茶碗蒸，魚子粒粒爆汁，鮮甜滑嫩，蒸蛋原來有香茹、乾搖柱呢兩道配料，非常夾！ 第2道前菜係：北海道生蠔配威士忌。須知道準備到秋冬，生蠔變得非常肥美，口感豐厚嫩滑，咬破蠔身肉汁鮮甜，加上威士忌，又係一道絕配，非常適合轉季入食用。 然後，開始今晚嘅主角omakase，先食時令秋刀魚，鮨文嘅師傳真係落足心機，一款食材設計咗唔同嘅食法，用盡食材嘅可能性，有創意得嚟一啲都唔離地，4塊刺身每款都有唔同嘅食法，好味！ 其他壽司包括：幼鱈魚、金目鯛、池魚、石垣貝、白蝦、吞拿魚面珠墩等，全部都好正，係日本壽司嘅味道。 石垣貝的食法相當特別，司博會拍打佢一吓，再即刻畀你放入口。因為拍打嘅時候係食佢嘅最佳時機，肌肉會收緊，變得彈牙爽口。 至於白蝦最估佢唔到，別以為佢得1隻起2隻止，實際上10幾隻蝦，好黏口又鮮甜。 而清酒鮑魚，刺激味蕾，香口彈牙！鮑魚膽煮成的濃汁則可伴小碗白飯食。 嚟到好食到爆嘅吞拿魚面珠墩（kama toro），佢係屬於非常頂級嘅Toro，。經過微微薰燒，爆油感極強，好正！ 仲有食唔厭嘅海膽！呢個set可以揀海贍杯或者廚師推介嘅海膽壽司。我信師博所以我就揀咗後者。食個一秒，世界好似靜止咗咁，入口即溶，鮮甜到爆，回味無窮！ 魚湯是以魚骨熬製而成，完全無腥味，又夠濃厚。 最後，時令生果係黑提和巨峰的提子，完美收場。…查看更多

香港都食到嘅頂級Omakase！唔止海膽杯好食... 喜歡食壽司嘅香港朋友仔，應該都聽過高級壽司店鮨文吧。今次唔入元朗啦，直接去黃埔新分店，真係好方便，港鐵站一出過一條馬路就到。用千幾蚊一餐食返日本食材、日本質素、日本服務，真係好高CP！ 先嚟熱毛巾抹吓手仔先，再嚟漬物（子薑，蘿蔔，牛蒡和山藥）。 今日第一道菜：店家自家醃製三文魚籽茶碗蒸，魚子粒粒爆汁，鮮甜滑嫩，蒸蛋原來有香茹、乾搖柱呢兩道配料，非常夾！ 第2道前菜係：北海道生蠔配威士忌。須知道準備到秋冬，生蠔變得非常肥美，口感豐厚嫩滑，咬破蠔身肉汁鮮甜，加上威士忌，又係一道絕配，非常適合轉季入食用。 然後，開始今晚嘅主角omakase，先食時令秋刀魚，鮨文嘅師傳真係落足心機，一款食材設計咗唔同嘅食法，用盡食材嘅可能性，有創意得嚟一啲都唔離地，4塊刺身每款都有唔同嘅食法，好味！ 其他壽司包括：幼鱈魚、金目鯛、池魚、石垣貝、白蝦、吞拿魚面珠墩等，全部都好正，係日本壽司嘅味道。 石垣貝的食法相當特別，司博會拍打佢一吓，再即刻畀你放入口。因為拍打嘅時候係食佢嘅最佳時機，肌肉會收緊，變得彈牙爽口。 至於白蝦最估佢唔到，別以為佢得1隻起2隻止，實際上10幾隻蝦，好黏口又鮮甜。 而清酒鮑魚，刺激味蕾，香口彈牙！鮑魚膽煮成的濃汁則可伴小碗白飯食。 嚟到好食到爆嘅吞拿魚面珠墩（kama toro），佢係屬於非常頂級嘅Toro，。經過微微薰燒，爆油感極強，好正！ 仲有食唔厭嘅海膽！呢個set可以揀海贍杯或者廚師推介嘅海膽壽司。我信師博所以我就揀咗後者。食個一秒，世界好似靜止咗咁，入口即溶，鮮甜到爆，回味無窮！ 魚湯是以魚骨熬製而成，完全無腥味，又夠濃厚。 最後，時令生果係黑提和巨峰的提子，完美收場。…查看更多

香港很多地方都有得食日本串燒，而Mokumoku 是一間新開專食豬部位嘅串燒店，實是十分少見。好有興趣之下就去book 定位，當日待應好好服務，同我哋玩「串燒版omakase+猜猜吃了什麼」，交畀廚師發板，然後再估吓究竟我食咗啲乜🙊真係好新奇，第一次用呢個形式去食串燒。一嚟食咗一件外皮脆卜卜、食落一口油嘅燒物，真係好滑溜，好惹味，個人嚟講我好鍾意！原本以為係豬油膏或豬皮，點知原來係豬腩油，十分過癮！然後就來了豬潤，夠爽滑！豬小腸，外脆內韌沒有腥臭！唔食內臟嘅朋友千祈唔好有心理陰形，因為每款食落口都顛覆咗平時（以前）嘅印象。豬肉蘋果較易估，我可是吃蘋果嘅高手！最驚喜嘅係我竟然吃了豬腦！！完全就是打大佬嘅level 啊！廚師用豬網油包住軟淋淋嘅豬腦，保持豬腦入口後嘅完整性。食落入口即融，令人驚喜。店家強調，每個部位都即日返貨，唔怪得知咁新鮮！食食吓先發現原來豬都可以有咁多煮法，而且出神入化，有幾神奇得幾神奇。…查看更多

慶祝特別日子的盛宴！食龍蝦、鮑魚、蟹甲羅燒、燒扇貝！ 曾經有人問過我：慶祝特別節日食乜好？我就推介漁獲浜燒！食過幾次，店員認真又熱情，性價比高，實屬本港高質浜燒！細心留意之下，每位店員的燒法會稍有不同。 當中特別特別鐘愛店家的「活貝魚獲浜燒盛合二人前」，有珍寶大蝦，松葉蟹腳，鮑魚， 蠔， 帆立貝。全部都勁新鮮，上枱時見到仲識郁！ 首先介紹味噌醬燒龍蝦，店家用日式料理常用的味噌醬燒龍蝦，可以把完整的蝦膏封在龍蝦內。再用火槍狂烤，爽口彈牙、味道清甜！！ 然後到我偏愛的燒鮑魚，肉質飽滿，經過炭燒後，口感爽彈易咬，鮑魚邊位帶一點點炭燒味，正！ 至於燒扇貝，可選牛油/清酒作調味。本身扇貝肥美肉厚，個人較喜歡牛油燒扇貝，其肉質鮮嫩而且非常惹味。而清酒燒扇貝可謂酒鬼最愛，甘醇柔滑，和鮮嫩燒扇貝一齊入口，更突出鮮味。 跟住到我每次必點的蟹甲羅燒，味道香噴噴！蟹肉混合蟹膏、鵪鶉蛋，味道甜美，加上麵包糠及葱花來吃，口感豐富，簡直是極品！ 另外，牛舌也是必食，也是常客的最愛！牛舌本身好惹味，外脆內軟，咬下去有肉汁且帶有油脂，水準保持得好好。 另另外，夏天又點少得這個賣相趣緻又好味的雪芭解膩呢！…查看更多

要數最喜歡的日本美食，一定是串燒！加上近排天氣凍，食暖笠笠的熱食就最好不過。過新年前和朋友們聚一聚，揀了相當就腳的銅鑼灣備長，是一間日式串燒居酒屋，享受輕鬆的下班時光。首先介紹的是，店員推介菜式是荔枝豬肉卷。燒豬肉最忌又乾又硬，不過這家一試難忘！一咬落去，荔枝的肉汁把薄切的燒豬肉，吃得出甜味和鹹味的混合，非常高質。而我本人本身不好內臟，但只要是串燒的内臟，我就很ok! 所以這道豚之大腸，真係大愛！！外層是燒得非常爽脆，帶點燻焦和油膩的口感，完全能癱覆，平日街邊檔所食炸大腸的味道，十分驚喜，睇得出絕對是店鋪的心機之作。另一道令我surprise的是腐皮雞肉卷。從外表是完全估不到，用腐皮包住免治雞肉來燒，香口又惹味。愛吃魚的人士，也切勿錯過燒白鱔！魚皮被燒至相當香脆，魚肉肉質頗彈牙，帶著肥美的魚油，食落啖啖肉呀！最後上的海膽炒飯，也為這餐晚飯畫上完美的句號。海膽一板一板地放上炒飯上，撈海膽炒飯也猶如魚翅撈飯的滋味，齒頰留香。…查看更多

鐵板燒雪舟位於銅鑼灣開平道既鐵板燒雪舟都開左一段時間，主打高質素鐵板燒，仲有飛騨牛食。晚市價錢係普遍鐵板燒既價錢。對於foodki呢d窮L，緊係揀午市食！午餐雖然冇飛騨牛，但選擇都相當唔錯，有美國牛，日本黑豚，澳洲和牛。我地就揀左黑豚扒同埋美國牛。其實鐵板燒最睇廚師既手勢，鐵板燒雪舟既師傅真心手勢好，不論前菜主菜湯，都做得非常有水準，絕對對得起個價。沙律係烤牛肉沙律，選用飛驒牛肉加上洋蔥沙律菜，肉質確實比起其他好食，牛味特別濃！茶碗蒸係鐵板上即叫即煮，可以睇上蛋由生變熟，並唔係好似其他餐廳係蒸爐蒸。蒸蛋極之滑嫩，放有爽口香菇，蘿蔔絲 和洋蔥絲，蛋味香濃，實在太美味！然後就係鵝肝，簡單燒一燒，入口即融，鵝油係口裡爆發！然後就係我選擇既3成美國牛柳，雖然唔係好似日本牛入口即化，但相對有肉感，同牛肉味非常濃！睇住師傅由生變熟都非常有趣，真係不得不讚師傅既手勢！！炒菜蒜蓉炒飯係一個大大大驚喜，唔同其他鐵板燒雪舟既炒飯係先將飯微炒，加上雪菜炸蒜粒然後將一部分炒飯用力壓平，製成特製鐵板飯焦，飯焦片 又薄又脆，但唔會太硬！好食！最後焦糖布丁，亦有驚喜，將焦糖布丁雪到好似雪條，口感似雪糕，好食！！…查看更多

店鋪採用日式居酒屋格局，每次嚟都好熱鬧，十分旺場，整間餐廳都充滿燒烤香氣，要即刻嗌返杯嘢飲 warm up。叫得做鳥居，佢最出名真係雞！當中鹿兒島赤雞串燒是主打，我最鐘意點自家製雞肉棒。雞肉嫩甜，加上爽脆的雞軟骨，口感變化多。至於明太子雞翼也是必食，燒雞翼的外皮香酥可口，加上鹹香惹味的明太子，整體味道濃郁，實在無法抗拒！而且一些雞的刁鑽部位如雞腳筋、雞頸都有，燒雞皮更是超香脆，佐酒一流！有傳統嘅燒雞串外，仲有西班牙黑毛豬。豬肉嘅質感非常細緻、軟嫩多汁，少少油潤，一口接一口咁KO咗碟豬。…查看更多

每次食都好開心好期待，因為真係食返喺日本水產嘅味道！嚟食過幾次，店員好熱情，呢期最新推介是關西蒲燒鰻魚。上枱嗰陣，鰻魚厚身，油香味重，食落嫩滑帶油香，魚皮也較脆口，魚肉索滿了醬汁的香味，非常讚！之後到主角，特上漁獲浜燒盛合。第一次喺漁獲食龍蝦，最震撼係會活生生攞畀你睇有幾生猛！今次店家非常有創意，用日式料理常用的味噌醬燒龍蝦，而且窩心的店員仲特登擺成心型的呢！可以把完整的蝦膏封在龍蝦內。再用火槍狂烤，爽口彈牙、味道清甜，讓我意猶未盡！！然後到燒扇貝，可選牛油/清酒作調味。本身扇貝肥美肉厚，個人較喜歡牛油燒扇貝，其肉質鮮嫩而且非常惹味。而清酒燒扇貝可謂酒鬼最愛，甘醇柔滑，和鮮嫩燒扇貝一齊入口，更突出鮮味。跟住到我最愛嘅蟹甲羅燒，真係每次必點！味道香噴噴，蟹肉混合蟹膏、鵪鶉蛋，味道甜美，加上麵包糠及葱花來吃，口感豐富，簡直係極品！此外，牛舌也是必食！聽講之前有客人吃完一碟後再追加兩碟，實在令人驚喜的菜式。牛舌本身好惹味，外脆內軟，咬下去有肉汁且帶有油脂，水準保持得好好。最後，還有這個賣相可愛的雪芭解膩呢！…查看更多

秋風起無耐，冬天又殺到埋嚟，想食日本菜，但又不想食壽司咁冷冰冰，就試吓呢間新開的日本水產店。最欣賞呢到，有齊6種煮法畀人揀，好識做生意，用日本的食材，迎合唔同香港客所好嘅口味，又真係Work喎！嚟得日本水產店，識食一定食拼盤！（磯野海鮮盛合）浜燒：南非鮑魚、牛油帆立貝。有專人幫你燒，望住佢喺爐上面慢慢熟，真係流晒口水！然後再幫你剪開，鮑魚經過鹽烤後，海味風情，爽口彈牙，而帆立貝食落肉汁澎湃，味道香甜。天婦羅：赤海蝦，披上一層薄薄的黃金衣。仲記得一入口「 刷刷 」聲，香炸熱辣，外層非常惹味！汁煮：清酒煮大蜆，是我的最愛。煮蜆的期間師傅表現拿手好戲，令人相當期待。先喝一啖清酒湯， 清甜且帶着鮮味，我真是大愛這種味道。大蜆肉真係口口是肉，想encore！煮粥：松葉蟹粥。蟹肉幼嫩鮮甜，加上魚湯一齊煮，令蟹粥具清香口感，鮮味更彰。一個海鮮拼盤已經吃得舔舔脷，加上前菜、黑松露菇蟹肉沙律。還有手卷、各日式燒物，真係最強居酒屋，無得輸！…查看更多

食在花見小路上有陣時在香港，都好掛住日本啲嘢食嘅味道。估唔到銅鑼灣呢到可以食到性價比高嘅 Omakase ！食完仲好回味佢嘅 Omakase（$280）！ 一碟共有「12件壽司（種類：焯呑拿魚、焯左口裙邊、貝、帶子、蝦肉蝦膏、深海池魚腩、金魚時鯛、金線鯛）＋海膽」，非常鮮甜，海膽入口即溶，不得了。完全是日本性價比高嘅高質壽司，而且兩個朋友share，份量啱啱好。日本蠔清湯以清湯作湯底，色澤清澈，有鮮甜飽滿的鮮蠔，是食日本海鮮料理不可缺的一員。燒油甘魚頭及魚鮫這道菜是居酒屋深受歡迎的佐酒小食。魚頭的部份，魚標都炸得香脆，面珠塊肉油脂感重，十分香膩。至於魚鮫（魚扣）魚的胃部，炸得超脆，食到嗦嗦聲。今晚嘅海鮮餐令我非常回味，成為了我每次在香港，又掛住日本嘅味道嗰陣會去嘅餐廳。…查看更多

對於喜愛日本的旅人來說，會視遊日為返家鄉。可惜因為近半年都沒有大假的關係，只能靠食日本菜來止渴！朋友介紹這間的日式燒物很有水準，果然令我喜出望外，打食評的時侯已經非常想念。必食是自家製雞肉棒！日本人最喜歡的食法，免治雞肉配生雞蛋，Perfect Match!!外層滑不流口，內裹的肉感非常多層次，皆因師傅是以雞肉、雞軟骨、雞皮等部位混合而成。明太子更是日本長興的美食，咸中帶點辣，燒後口感似魚春，到居酒屋更不能放過明太子雞翼！因為我是食肉獸的關係，忍不住點了西班牙黑毛豬。有時，我會很擔心上菜時還是紅肉的豬，可看在日式居酒屋的份上，安心地吃下了第一口，接下來的畫面是：接著吃！因為超多肉汁，一定要把握進食靚肉的時機〜最後竟然有我很喜歡吃的水果雪萌，柚子真係年得輸。還試了蕃薯雪萌，入口非常香嘖，都很喜歡！…查看更多

在香港，主打日本浜燒多的是，要數既好吃又會心甘情願地回頭幫襯，漁獲正是其中一家，令你口服心服！在特別日子應花則花，身為海鮮痴的我一定要食餐好！前菜絕不馬虎，先來山之惠野菜盛合，送上原隻鮮甜可口的蕃茄，新鮮又開胃。然後店員便細心的準備兵燒盛合，因為我們選了波士頓龍蝦，店員會先給我看活生生的龍蝦，非常生猛！主角燒龍蝦，食落爽口彈牙、味道清甜，啖啖都係肉，完全是海鮮在岸邊即捕即燒的感覺！兵燒組合除了主角龍蝦，還有鮑魚、扇貝、蟹腳、蠔，真材實料。店員的燒烤技術非常好，絕對不會燒至乾巴巴，整間店充滿烘焙的香氣，鮮味撲鼻。燒蠔，肉汁飽滿，吸收了精華的感覺，一啜即滑進口裹。當中最喜歡的是鮑魚和扇貝，鮑魚非常肥美彈牙，甚具日式漁獲料理的濃郁海味。 至於扇貝貝肉依舊肥美鮮嫩，上次選了用牛油燒炙烤，今次一嚐清酒炭烤扇貝，喜歡膩感的我還是喜歡扇貝用牛油燒。到了我最喜歡的甲羅燒，超足料，將蟹膏、蟹肉及鵪鶉蛋攪勻，每一啖都有鮮甜又香濃的蟹膏，蟹膏甘香幼滑，這家絕對不咸又不苦，吃脂肪都好幸福！還點了最新的菜：燒鰻魚，這家的燒法是香港很少有的關西風做法，直接由生烤到熟，不經蒸煮，烤出來的金黃色鰻魚，皮香肉嫩，外脆內軟，不會有過份的肥腻感，沒有魚腥味。添加醬汁，簡單又美味。最後甜品，吃日本原個蘋果雪芭，酸甜適口，加上冰感，實是消暑良品。…查看更多

食 farewell 飯，同事一直話食呢間，終於喺 last day 食到😂 嗌咗 lunch set : 澳洲安格斯牛扒配牛肝菌燒汁，跟餐送餐湯+沙律+一杯嘢飲！（$118 免加一)今日飲粟米湯配沙律加蒜蓉包，不過不失。到主角好快就上枱：澳洲安格斯牛扒配牛肝菌燒汁，連薯菜上。我叫咗 medium 的確軟熟，個人覺得唔點汁仲好食同同事傾得太開心，未叫嘢飲，員工善意提醒🤗先記得唔記得咗😂 即刻叫返，服務態度好好！…查看更多

日本菜除了魚生，烤魚也很讚！吃日本料理，提及魚的部份，總會聯想到「魚生/刺身」，其實「日式烤魚」是日式家庭料理的常客，香脆鮮甜，做法多達47種，絕對能征服家人的胃口。想不到在銅鑼灣竟然開了一間以日式烤魚作主打的餐廳，店家小小的，一開門便聞到一陣烤魚的香味。老闆說最近新菜式：酒煮白貝 ($98/3個）新鮮空運鮮味有保證，肉質不算肥滿但甚具水感，酒味香濃，沒有食到沙，加檸檬汁更正！再來到主角：BB 喜知次 $198，因為喜歡在餐廳吃出在家的味道，所以 +$30 叫了套餐（刺身漬、煮物、御飯、味噌湯），再小酌一杯梅酒😘烤的時候，師傅落足架勢，坐在 bar 枱的各位客人睇到哇哇聲。到了我面前，拍一張照就馬上吃了，烤的食物凍了可真不行啊嘛！吃了口脆魚皮皮，超脆，而且夾雜了咸味，開胃！外皮+魚肉一起食，魚肉鮮甜，不乾身，油脂湧出，佳品！p.s. 特別喜歡飯素拌飯的味道👍🏻很想再加飯！對於我來說，只要吃得快樂到要添飯了，就是有家的味道😊…查看更多