鍋処雪舟

必食今期限定嘅魚籽海膽飯！

餐廳環境高級，呢度午市真係好抵食，嗰日同腦細食飯試咗次後再帶朋友嚟食，尤其係今期限定嘅魚籽海膽飯，原盒海膽咁上，魚子粒粒爆汁，鮮甜滑嫩，鮮甜味美，可以加上幾片紫菜，一下子變成手卷，正到爆！

只係逢星期二三lunch供應，驚無得食咗話就打電話留定先〜至於壽喜燒嘅水準都唔錯，我就揀咗日本豚肉加生蛋，配料仲有蔬菜、豆腐、香菇等食材。服務好好，有店員會負責幫你整。壽喜燒醬汁甘甜濃郁，係日本的質素，食得好開心！最後仲有日本牛奶布甸，奶味濃郁，完美收場。