YAKINIKU KAKURA (黃埔天地聚寶坊)

营业中

休息中

之前食完韓燒 今次來個日式的🥩友人話一直想試呢間 係牛肉wor🐮緊係正 黃埔店11點半開 友人打電話想book不過only walk in 職員就教佢可以等第一轉食完食第2轉12點9去排 可能做街坊生意都唔洗點等👏🏻1點就入到了 點餐如下💁🏻‍♀️ 🪄燒肉定食餐x2(配白飯 沙律 餐湯 小食 甜品 紅茶.咖啡) ✨黑毛和牛大判燒 $258鹿兒島A4和牛西冷.牛板腱肉和牛西冷係今餐最愛💗有入口即溶嘅效果🤤每一口都係滿滿嘅幸福滋味 對上一次食到呢個口感 係數年前日本之旅的神戶一口牛柳 緬懷緬懷👉🏻👈🏻 ✨特上牛腹肉 $188厚切的另一種口感都good 但係味蕾已經被和牛西冷俘虜咗 ✨雞腿 (贈送)友人好似show咗張唔知乜卡 所以有得送 ✨珍珠米飯🍚佢個飯好香好軟!無落飯素ga 一口牛一口白飯 品嚐最原始的味道☺️ ✨海帶湯太好了以為一般都係麵豉湯 打開原來係海帶湯🤩仲係好熱好熱個隻ah 正💯 ✨甜品杏仁豆腐+呍呢嗱味雪米糍 甜品都幾presentable 2樣都喜歡👐🏻杏仁豆腐好滑!中學時期最愛的雪米糍都好耐無食過了 ✨咖啡和牛高質 反而熱咖啡媽媽地~ 佢最新的Menu上會有標明d肉係

咁耐無去旅行，真係對世界各地嘅菜式都念念不忘。Yakiniku Kakura係嚟自日本九州佐賀，係當地人氣No.1嘅燒肉店！我地就揀左幾款推介嘅牛肉。因為九州佐賀盛產佐賀和牛，品質有保證，所以完全唔需要擔心肉品嘅質素。黑毛和牛腹柳小排必食推薦！黑毛和牛真係零舍不同，「霜降」油花濃淡分配勻稱，口感真係比其他牛肉軟熟得多，入口即化！而且散發的濃郁肉香，令人一試難忘。特上牛胸腹肉價錢相對黑毛和牛親民，而且質素都唔錯。肉片本身已經有醬汁調味，輕輕燒過後唔需要再沾醬汁都已經好夠味。Kakura 牛肉飯將切成薄片嘅牛肉，同洋蔥一起與醬油與砂糖煮成鹹甜嘅口味，再放喺熱騰騰白飯上品嘗，最重點嘅係必須要加上一隻流心溫泉蛋，將蛋汁同飯一齊撈埋，蛋汁包住每一粒白飯，令每一粒白飯都充滿蛋香。燒肉必食！牛舌

今日同左男朋友去紅磡食一間朋友好推薦嘅日本過江龍燒肉🙈好彩提前有book位 如果唔係嘅話都好多人等🤣入去都聽到隔離枱有日本客人所以我感覺都好親切現場係用QR code落單我覺得好方便😂今日見好肚餓所以才嗌左好多想要既野😎佢哋本身已經有一舊小牛油for 我地去開爐第一樣係黑毛和牛橫膈膜(汁)呢樣咬起上嚟嘅感覺比較有咬口 因為始終第一樣入口我唔想太肥膩 而呢個仲要有佢哋特製燒汁包住👍❤️之後就要咗和牛腹前小排 (鹿兒島縣產)呢樣嘅牛油香就好足❤️雪花嘅花紋分布都好靚每一邊大概燒20秒左右就已經好好味😎食落去真係入口即溶之後店員建議我哋換咗塊版之後先燒鹿兒島縣產大判燒 ,係黑毛和牛西冷分量好大塊 💕而且花紋肉脂嘅比例算係好高食落去特別邪惡感upup 🤣但呢一個真係必點item 黎係享受日本和牛嘅最高享受之一與此同時我哋仲嗌左石燒肉泡菜鍋飯❤️因為食燒牛肉配飯真係好吸引而且用石燒整嘅泡菜鍋飯會有飯焦食起上嚟脆脆地 好crispy 層次特別豐富我自己見天口熱 所以嗌咗個日式特大冷麵🤪上面仲有一隻蛋 而且有泡菜粟米青瓜絲等等去做配料🥰woah 感覺好好 個料汁都做到酸酸甜甜咁 中和返燒肉嘅油膩感只重頭戲

番工實早太大壓力, 星期五想好好慰勞自己, 男朋友帶左我黎黃埔呢間日式燒肉, 好似長期都要等位, 入面坐得都幾舒服, 同埋唔會好勁油煙味~呢到夜晚有a la carte同埋set, set 都幾多野食, 有前菜/肉/飯/甜品, 不過我地見散叫都差唔多錢, 就單點就算!黎到呢到梗係要食黑毛和牛, 價錢都相宜, 百零蚊都大大件, 其實同自己買黎係屋企燒好似都差唔多錢!重點係, 黑毛和牛大判燒真係好好食, 肉質又淋, 又香, 唔會覺得好油膩, 記得叫番一碗白飯黎食!另外黑毛和牛肩里肉都好淋又香, 值得一試!除左牛我地都有叫碟黑豚, 肉質都好爽, 切得幾薄, 唔錯!最後仲有甜品送架, 好滿足呀!

今日補祝妹妹生日飯，佢好鐘意食日本燒肉，所以我揀左一間好出名既日本燒肉，特別係牛❤️❤️⭐️宴 Set ⭐️$498特上牛胸腹肉，腹柳小排，牛板腱肉，鹽味牛舌，若雞雞柳，若雞雞腿整體所有既肉都好新鮮，嫩滑，入味，都係日本牛，雞，所以肉質一流，舖頭亦都好細心標晒每樣既牛同雞，起碼知道自己食緊咩牛既部位⭐️黑毛和牛腹柳小排⭐️$148黑毛和牛既肉質比較油膩，因為有脂肪分佈平均食燒肉點少得啤酒呢🤣🍻$48柚子酒$68👍🏻👍🏻最後仲有埋甜品食😋😋😋⭐️雪米糍，杏汁糕⭐️好飽，好滿足既一餐❤️❤️

好耐無食過燒肉啦又～～～之前食過呢間，感受良好，所以今次又專登走左黎黃埔食啦～燒肉既部位有勁多唔同既選擇，實在花多眼亂，懶揀要食咩既我同朋友直接選擇左燒肉set。椿睇圖好似好少咁，驚唔夠食，而實際上黎到之後份量係超大！！有牛舌，和牛腹柳小排，和牛赤身，特上牛胸腹肉，雞柳，牛腸，海老。特別推介既係和牛腹柳小排同特上牛胸腹肉～～～兩款肉既口感都係一級正！有牛味之餘超軟熟。如果鐘意有咬口既人可能就會比較鐘意和牛赤身，而且佢肉味會再濃d。另外值得一提既係，佢地既雞肉係好脆身，好好食的！黑毛和牛刺身盛海膽因為無試過食和牛刺身，膽粗粗同朋友一人一件試試佢。入口同帶牛肉香味拖羅既口感無分別，油香四溢，超柔軟，加埋海膽，簡直係最高既享受～～～

今晚終於試到呢間日本過江龍燒肉店😋餐廳裝修都係偏向日式，每兩三限枱就會隔一隔，私隱度十足幾中意佢呢度有omakase套餐揀，亦都有幾款拼盤，咁就可以一次過試幾款唔同嘅肉啦😌🥗泡菜三點盛泡菜好食👍🏻少少辣，偏酸，十分解膩☺️青瓜都好爽口🥩大判燒！黑毛和牛西冷呢款係海外限定😃無理由唔試啦！一上菜已經覺得好震撼！因為好大塊😳好彩有專人幫我地燒☺️燒到有少少焦香，配埋蛋汁同燒牛汁一齊食🤤塊和牛油脂岩岩好，唔會去到入口即溶就係因為需要少少咀嚼，更加食得出和牛油脂嘅香味！而啲蛋汁亦都增加左味道嘅層次，成個口感好rich好彩同朋友一人嗌左一塊，如果唔係一定唔夠喉😆🥩宴 拼盤套餐呢個黎到都係嚇左一嚇😂因為真係好大盤😳如果無嗌其他野，呢個拼盤2個人食應該岩岩好比較特別嘅有：特上牛胸腹肉 — 牛味濃，有咬口得黎唔腹前小排 — 油脂感會重返啲，亦都比較林身鹽味牛舌 — 幾爽口，配檸檬汁食一流若雞雞脛柳 — 呢一款真係surprise到我！估唔到雞都可以咁好食😳好爽口彈牙，肉質唔會乾，亦都帶少少軟骨，增加唔少口感👍🏻十分推介！🍚佐賀紫菜飯食燒肉一定要配返個飯啦😋除左有紫菜，仲有隻溫泉蛋，加埋少少燒肉汁食真係正👍🏻

平時食燒肉多數食任食放題果款，價錢較相宜同埋叫餐較暢快，不過有個問題就係時間往往相對趕急，通常都係得90-120分鐘。入到店內環境唔錯，唔會煙霧瀰漫，座位間嘅空間好寬敞，令到你入座時感覺幾良好。店員開始時都耐心推介下佢哋店值得一試嘅食品，最後我同友人就揀左當日嘅omakese course($398/位)，要二個人起先可以點，見價錢唔算太貴，款式又算幾多，同包埋湯、鍋飯同甜品等等。呢間店係日式為主，但細仔睇之後原來都有混埋d韓式菜。前菜先上沙律，以木魚絲鋪面，下底係沙律菜配埋醬汁，酸酸地十分開胃。同時都上埋冷盤，泡菜蘿蔔青瓜三拼，食落都好新鮮。之後開始有生肉上碟，首先嚟牛舌、海老，配上蔥塩味若鷄雞脛柳。牛舌一點都唔韌，海老望落夠新鮮，同埋店員都略有推介平時少食到嘅雞脛柳，食落口感似多皮嘅雞軟骨，十分惹味。然後到就佢哋嘅主打牛肉，上碟時肉好新鮮，冇溶雪太硬嘅問題，分左4款牛嘅唔同部位，當中覺得特上牛胸腹肉同黑毛和牛小排幾出色，前者幾有口感得嚟又唔會韌，後者則油脂比例均衡，幾有入即溶嘅感覺。個餐都有包一客石燒雞肉泡菜鍋飯，味道幾惹味，微微辣香，但略嫌飯質有點軟，唔係個人喜愛嘅飯感。最後到甜

        YAKINIKU燒肉開咗好耐啦，次次行過都好多人，今次終於試到了。中午套餐都好豐富，有10-20款可以選擇，我哋揀咗雞牛豬的三拼燒肉和牛舌燒肉，仲加咗一份牛肉。揀咗燒肉後，侍應會比咗一碟牛油同先開爐，之後送上一碟配菜盛合。配菜盛合都好豐富，有前菜，日本米飯，湯同沙律。       牛舌好高質，一碟都好多片，不用燒好耐，食落好彈牙仲好香口。        雞牛豬拼盤都唔錯，雞食落似日本貨，好重雞味，豬肉同牛肉都算普通，不過都好好食。      食完後，仲送上一碟好靚的日本甜品，有杏仁豆腐同雪糕，味道都算OK，但是擺盤好得意。這間鋪頭真是超級推薦，食落好滿足！

上個月同朋友去黃埔aeon買嘢，經過呢一間日式烤肉店，聞到好香，上網搵個資料見啲嘢食都幾吸引，於是就約定嚟試一下。入到去個餐廳，乾淨企理，座位舒服。 我哋兩個人，安排咗張四人枱畀我哋，空間非常寬敞，嗌多啲嘢食都擺得落!呢度落單好方便，用個qr code就ok我哋叫咗個 二人前套餐 宴， 一人一份大判燒黑毛和牛西冷，同埋一個海鮮拼盤。個大判燒嚟到，一望就知塊牛好靚，啲油花已經解釋咗一切，非常期待!店員會幫我哋燒，燒完之後捲起佢，放落碗溫泉蛋度食。大判燒加咗蛋之後好滑，牛味都好香， 食完之後真係好滿足，口腔充滿和牛嘅甘香!個二人前拼盤超豐富，淨係影相打卡已經一流，除咗有牛肉仲有雞肉。特上牛胸腹肉 ~ 好juicy，佢個汁好正，有果香味，同牛肉嘅味道非常之夾。胸前小排 ~ 肉質有咬口，好juicy，牛味香濃。板腱牛排 ~比較薄身，肉質比較腍鹽味牛舌 ~ 個調味好夾，牛舌個厚度適中 ，完全唔覺得韌。若雞雞腿 ~ 雞肉燒到外微脆內嫩，肉唔乾， 連埋皮食，好食。若雞雞脛柳 ~ 呢個第一次食到呀，覺得好特別，肉質比較爽口，而且都 juicy。海鮮拼盤烏賊 ~  厚切得嚟又唔韌，肉質彈牙! 有少少調味

我真係好鐘意食燒肉呀🤤見到人氣過江龍燒肉店嚟左，梗係要去試下啦🤩裝修有日式風，d位好舒服，今次就試下佢個lunch set🔸Lunch set 配白飯，沙律，湯，小食，甜品及飲品和牛西冷可以請店員或者自己燒，我諗店員嘅技巧一定好d, 仲可以欣賞下專業嘅技術🤩店員好細心咁將薄薄嘅西冷燒好，直接放入溫泉蛋，撈埋醬汁一齊食，肉質嫩滑，少少焦香，牛味濃郁，好正呀😋至於牛板鍵肉，肉質結實d，有咬口，唔錯啦肉質口感十足，都幾嫩滑下，肉汁豐富，但相對和牛就失色d😂沙律菜個汁好開胃，海帶湯清清地幾好，小食係牛腩漬物，好味，甜品係杏仁豆腐和柚子雪芭，柚子雪芭好清新，杏仁豆腐個杏仁味好重下，豆腐好滑，兩個甜品都好好味😋食完好滿足🥰💫整體都推介呢間燒肉店，有日本的味道，和牛大判燒好正😋😍呢間主打和牛，一定要食，下次要試下佢嘅晚餐🤤

❤️大判燒！黑毛和牛西冷必食！必叫！原來係海外店限定！有專人燒，有埋温泉蛋跟，靚和牛點日本蛋汁，晤洗講嘢，亦晤想講嘢，太好食喇！晤係浮誇，真係食完返晤到轉頭，好彩發現呢間禁正嘅燒肉店！❤️宴。燒肉拼盤$498兩個人真係好夠食，每款肉都有四至五件，試到晒晤同嘅肉同部位，認真抵食！入面包括：✅特上牛空腹肉燒一燒，五成熟，好食到講晤到嘢✅板腱牛排入口即溶，超多油花，夾菜食一流！✅腹前小排必食！好好淋！最重牛味！✅鹽味牛舌牛舌係食燒肉必食，係牛舌心黎架，厚切，正！✅若雞雞腿好彩今次係要拼盤先食到若雞，出奇地好食，啲雞嫩滑，好有驚喜✅若雞雞脛柳我食到有小小軟骨嘅感覺，好有口感，正！贈送嘅甜品好有誠意，係杏仁豆腐呀，估晤到呢到有杏仁豆腐食，好滑，好正，仲有粒奶味雪米糍，太滿足了！好掛住日本，呢到絕對找到家鄉嘅味道！環境好舒服，抽氣好強，食完無油煙味，bookmark 左，點都要再食多次🤗🤗

前幾日去黃埔搵朋友，夜晚我地一齊去左呢間Yakiniku Kakura食Dinner。大判燒！黑毛和牛西冷$198呢個係朋友大力推薦，所以我地一人叫左一份。啲雪花好靚，可以叫店員幫手燒。店員會問想燒到幾熟，我地就要生啲。燒熟之後放入蛋汁入面，食落好滑嫩，牛味濃郁，油花滿佈口入面，正。火炙黑毛和牛壽司$58有好大片生嘅黑毛和牛，同壽司飯本身係分開嘅。之後店員會喺我地面前即刻燒熟塊和牛，再放上壽司飯上面。熱辣辣嘅和牛配埋壽司飯好好食。同埋都好大塊和牛，牛味好濃，正。黑毛和牛特上嫩肩里肉$268啲雪花好靚，油脂好豐富。燒完之後食落有入口即溶嘅感覺。食落好有滿足感。若鶏雞脛柳$80食落非常爽口，亦都好有雞嘅鮮味。值得一試。辣牛肉麵$82麵底好彈牙，有好多芽菜、菇、昆布同埋五大片牛肉喺入面。仲有蛋花，呢碗麵好足料，$82好抵食。辣辣地幾開胃。最後臨走前原來仲有免費嘅杏仁豆腐同埋雪米糍，開心。

以前地鐵未有黃埔站都好少嚟呢邊食嘢 今次專登過嚟食呢間燒肉 鋪頭已經用哂QR code自助落單 好方便呀 淨係食燒肉好似會好dry 叫個Kakura沙律開下胃先 估唔到吞拿魚同埋泡菜配搭成沙律係好開胃店員推介一定要試嘅限定大判燒黑毛和牛西冷 睇吓啲油同啲肉嘅比例幾靚 燒完之後係點落生雞蛋入面一齊食嘅 唔需要再有其他汁都已經好好味啦 黑毛和牛內橫膈膜 真係食完想再食 咬落去肉溶喺口入面 得5塊唔夠喉黑毛和牛腹柳小排 同橫膈膜比無咁淋身 另外亦都有d平價之選 特上牛胸腹肉 黑毛豚豬頸肉 同和牛係無得比ga la 但都唔差最尾仲叫咗個冷麵 好鍾意佢可以一人份 少少地 清一清油膩感原來每人都有甜品送啊 係杏仁pudding 同埋雪米糍 好滿足嘅一餐呀

呢間日式燒肉店位於黃埔，喺黃埔站一出行幾分鐘就到，位置10分方便餐廳環境裝修簡單乾淨，有啲木嘅屏風張枱間開，適合私隱度高因為實在太多嘢食，唔知揀乜嘢，見到依個二人餐omakase乜嘢都有啲，所以決定嗌呢個餐前菜有沙律同埋泡菜拼盤有雞肉牛舌同埋大蝦仲有廚師拍板揀嘅四款和牛主食有石鍋飯最後仲有甜品杏仁奶凍同埋雪米磁成個set兩個人食都食到好飽，最後煮食都食唔晒要打包。餐廳職員好好，可以協助我哋燒肉另外追加$1西冷黃牛，餐廳職員幫我哋消毒剛剛好，濃郁嘅油脂香味激龍，口感亦都好嫩口