影片
开饭介绍
佐贺人气烧肉店登陆香港，由日本直运九州产的A5黑毛和牛，当中的稀少部位更加鲜嫩美味。座位阔落，环境舒适，适合和家人或朋友聚餐。
继续阅读
营业时间
今日营业
12:00 - 22:30
星期一至四
12:00 - 22:00
星期五至日
12:00 - 22:30
公众假期
12:00 - 22:30
公众假期前夕
12:00 - 22:30
以上资料只供参考，请与餐厅确认详情
有关奖赏计划
相关文章
餐厅：YAKINIKU KAKURA地点：红磡黄埔天地聚宝坊菜式：来自佐贺既日式烧肉餐牌：卖点系由日本直运九州产既A5黑毛和牛。有套餐，黑毛和牛单点，牛猪鸡单点，海鲜单点，蔬菜单点，沙律，凉拌小食，汤同面饭，饮品有酒类同非酒精饮品。落单扫QR code。凉拌菠菜 $38 另加一凉拌菠菜卖相不俗，鲜嫩菠菜加上大量白芝麻，又嫩又香又有菜味。大判烧！黑毛和牛西冷 $178 另加一大判烧！黑毛和牛西冷系海外店限定。一大块薄切黑毛和牛西冷好抢眼，烧一阵好快食得。服务员帮我地烧完就将块牛放系温泉蛋上面。黑毛和牛西冷好嫩口，个汁好好味。点温泉蛋食可降温同有寿喜烧风味。腹前小排 $118 另加一腹前小排一客五片，个样好靓，切得够厚，食落好有口感，而且又嫩又多汁又有牛味，个烧肉汁好正！牛板腱肉 $98 另加一牛板腱肉一客五件，非常嫩口。烧肉汁丰富，好味道！盐味牛舌 $88 另加一盐味牛舌一客六件，厚度适中，好有咬口，我走左调味，建议可以加枱头酸汁同食，已经够嗮味。壶渍 KAKURA牛胸腹肉 $138 另加一壶渍 KAKURA牛胸腹肉系用一个大壶上，面头大大块切割好既牛胸腹肉，洒上葱花，下底系洋葱圈。餐厅用自家制面豉酱调味，味道调得唔错，味道较浓，好惹味。肉质唔会韧，好嫩又少少弹牙。好味道份量又多。烧洋葱好味吸左d汁。若鸡鸡胫柳 $80 另加一若鸡鸡胫柳一客五件，口感非常爽脆，烧得脆皮多汁，再点辣酱食好惹味。若鸡鸡胸柳 $68 另加一若鸡鸡胸柳一客五条，健身人士都可以食烧肉。黑毛豚胫肉 $88 另加一黑毛豚胫肉一客五件，质感非常爽脆，非常多汁，唔算太肥。Kakura 牛肉饭 $98 另加一Kakura 牛肉饭好大碗，湿润珍珠米加上大量烧肉汁，面头系好多厚切牛肉，加上洋葱丝同一只温泉蛋，最后洒上白芝麻粒。牛肉啖啖肉，都唔差，个烧肉汁捞饭无得顶，加埋只温泉蛋，口感湿润，又香又滑。枱上面有三款酱汁，包括酸汁，辣汁，烧汁，味道都几好。好多肉类都有特制纸牌标示系咩肉类，好贴心。落单可拣走汁走烟同走黑椒，我走净烧汁，我觉得已经好够味。食完仲有盒甜品送，食完烧肉食返个甜品真系够refreshing！甜品盒有好滑溜既杞子杏仁豆腐同云呢拿雪糕糯米糍，两样都放系个精致盒入面，杞子杏仁豆腐份量少少，超滑而杏仁味香浓，好正。云呢拿雪糕糯米糍都唔错，个皮够烟韧。呢间分店座位舒适，上菜快速，食完唔会成身油烟味。呢餐食左好多肉，就算唔系和牛都好好味，真系大大大满足。
继续阅读
太挂住日本，系香港食住先！食过唔同烧肉嘅舖头，都系最好食，和牛系入口即溶!无论系咩价钱既牛都保持一个高质素！😋重要职员都好热心助人❤️见到我唔系好识烧～都会问一问使唔使帮手🩷真系好抵赞呀😆同朋友叙旧既老地方～因为每一次都会有新嘅套餐+特别嘅嘢，今次就见到推出咗一个🩵新！大判烧！套餐🩵我好钟意食大判烧，不过因为朋友实在太钟意食辣冷面同海鲜，所以我哋最后都系叫的散嗌！下次再试呢个大盘烧套餐！原来叫酒加肉有discount💜同埋食完先见到原来openrice订座有discount/优惠价set
继续阅读
YAKINIKU KAKURA 真系从来都唔会令人失望 。两款黑毛和牛大判烧都系超级正！第一set集合鹿儿岛A4和牛三大部位：西冷油花靓到发光，入口即化；里腹小排肉味浓郁带嚼劲；背末脊肉嫩滑多汁，配白饭简直绝配！铁板烧时油脂「滋滋」作响，香气扑鼻。第二set玩混搭，鹿儿岛A4和牛西冷对决美国板腱，一个柔嫩一个扎实，双重享受。两set都正到爆，和牛控必试第一set，唔想食和牛太腻嘅话就选第二set 。甜品有杏仁豆腐同埋云呢拿味雪米糍，清新可口，完美收尾！
继续阅读
呢间日式烧肉店嘅午餐几抵食，唔单止有烧肉，仲包埋沙律、餐汤、小食同甜品，份量十足。首先，「黑毛和牛大判烧拼US牛板腱肉」嘅份量几多，和牛大判烧油花分布均匀，入口即溶，牛味浓郁；US牛板腱肉就比较有嚼劲，肉味香浓。两款牛肉嘅口感同味道各有千秋，可以满足唔同嘅喜好。「黑毛豚盛合」嘅猪肉质素都唔错，肉质鲜嫩，油脂适中，烧完之后肉汁丰富，唔会干柴。「九州若鸡盛合」嘅鸡肉嫩滑，烧完之后皮脆肉嫩，调味恰到好处。午餐包嘅沙律新鲜，餐汤有海苔，牛舌粒小食入味，甜品亦都唔错。
继续阅读
辣牛肉面好足料，好多蛋花之余仲有一片片嘅唔肥但好香牛味嘅牛肉薄片 ，面底配埋福冈拉面，口感似烟韧韧嘅韩式粉丝，绝对系一碗认真制作选材嘅牛肉面！黑毛和牛大盘烧盛合真系唔讲得笑，油份分布十分平均，簿切一大块一放上去烧已经见到有油份出晒嚟，另外嘅牛里腹小排同牛末脊肉烧好配埋饭食，放入口肉汁同油粉必晒出嚟，香喷喷，送饭一流，搞到碗饭好快就食晒。另外嗌咗一份mix烧肉盛合，有牛舌，牛扒豚肉同埋鸡髀肉。牛肉虽然唔系黄牛，但系烧完出嚟一样咁多汁送饭一流。牛舌切嘅厚度啱啱好，唔会太厚太韧，又唔会博得滞好似冇食过咁。鸡肉有惊喜，虽然冇腌过，但系烧完出嚟好香，完全冇𠮶种雪藏肉嘅味。唔知有冇人好似我一样，都钟意食烧肉嘅配菜，慢慢烤，特别系南瓜最后会烧到好腍，我食得出南瓜嘅香味好好食。
继续阅读