Top Blade Steak Lab (希慎道)

营业中

休息中

本人最愛食薯條就係身邊朋友都知，之前試過一間任食薯條嘅牛扒餐廳，但因為價錢都唔平而且特位時間都幾長，試過一次就暫時未有回頭。朋友見到佢公司附近開左一間又係任食薯條嘅牛扒店，就即刻帶我呢個為食🐷黎喇環境方面，餐廳用左黃白兩個色，牆身仲加左好色彩嘅畫，感覺精神有活力。（朋友話畫嘅畫家係幾出名嘅，毫無藝術感嘅我當然.........🙈🙈）牛扒款式有5款可選 - 價錢大概百中至二百中左右，可另加沙津同湯 沙津 - 藜麥沙津任限食嘅薯條 - 薯條炸得乾身，加左松露粉，松露味夠香之餘仲唔使加鹽都好夠味。唔使講野，用行動黎表示 - 剩係我一個都食左3大碟😛湯 - 係蕃茄忌廉湯個人好鍾意呢個湯嘅味，唔會有羅宋湯比較強嘅酸味，加左忌廉去中和，更適合我呢d怕酸嘅人飲品 - 我地分別試左凍檸茶嘅進化版 Dirty lemon tea $40 / Dirty lemonade $45“Dirty”其實就係加左d 焦糖同rosemary嘅糖漿，相對黎講冇平時飲嘅咁甜之餘，仲可以減低膩感。主角出場喇- 朋友嘅係black jack flat iron $238呢個比較厚身，份量唔算太大，order 五成熟冇多冇

女友出 bonus 請 L 食好西，說要對自己好一點。先來一客藜麥沙律，食材新鮮，加入藜麥增加口感。蕃茄濃湯入口香甜，而且香濃的蕃茄味。口感不太稀亦不太稠。真 Dirty 檸檬特飲加入水楢桶威士忌，外國人稱謂"東方禪味"。Dirty 檸檬特飲有加入由新鮮檸檬及迷迭香制成的糖漿，不會太甜更有清新的味道。with all you can eat fries 任食薯條基本上都不用自己開口問加薯條，店員已經主動詢問是否需要添加，服務態度值得一讚！薯條應是由原個薯仔切條即炸，加上松露調味，不用沾茄汁都經已很香脆夠味，一定夠哂飽。連原皮炸才有這個效果。女友選的是黑桃 black jack flat iron 平鐵牛扒五成熟，肉質入口感到那一桃肉的甜，酸酸甜甜中和油膩，有點似牛柳而肉汁豐富而且牛味濃。至於 L 選了五成熟的美國 390日 穀飼Prime級平鐵牛扒，個人覺得比女友的更好吃 (不用爭，更好😆)，肉質嫩一刀輕鬆切開。以迷迭香、粗海鹽和胡椒簡單調味，咬口有嚼勁，烤肉味則越嚼越香。燒汁到最後都沒有多沾，伴碟的薯菜新鮮好吃。店內裝潢簡約路線，細節中卻找到很多令人 會心微笑的幽默。

心血來潮突然間想同男朋友鋸扒 咁啱上網搵到利舞台附近有一間steak lab，就去咗試吓因為第一次嚟呢度所以店員都好用心介紹每一款食物👏🏻👏🏻👏🏻我就叫左餐廳推薦嘅black jack iron steak首先切落去質感好彈，基乎一刀就可以切到底 證明火侯控制得好，唔會太韌，食落口油脂分布好平均，而且有入口即溶感覺，果然係主打菜之一，加上用烤過既桃做伴碟，食既過程都唔會太dry而男朋友叫咗個西班牙栗飼豬鞍，通常係普通餐廳點豬鞍，大部分都會用普通豬扒或者近肋骨位置，而且仲要癡牙，但呢間餐廳脂肪同肉比例各一半，咬落好鬆軟🤤🤤但又唔會太油膩飲品就叫左一杯叫dirty lemon tea，一杯叫dirty lemonade ，因為唔係用普通糖水，而改用焦糖 味道都好夾而且幾別出心裁不得不提呢到入坐就會每人送一客薯條，而且仲要即叫既炸，最重要係可以無！限！任！添！，唔好以為無限任食質素就會差過第一盤，但唔係，每一次再refill都係即叫即炸 而且仲要free of charge，所以標題先會話淨係食薯條都食到你飽😂😂😂

朋友話銅鑼灣有間抵食既扒房，今日一於去試下😆😆係店出面見到店員拎住一個大兜周圍加薯條，入到去先知原來黑松露薯條係任食😱加錢升級套餐食蟹肉沙律同湯😱😱😋各$24牛扒主打幾款，店員一開始就會逐一介紹。相當清晰👍🏻👍🏻👍🏻今次揀左black jack flat iron $238店員建議3成熟，果然唔錯，好淋😋👍🏻而且一放入口超香炭烤味，有肉汁仲重牛味。整體好豐富但又不牛肉本身味道😋😋😋😋😋好好食👍🏻第二款扒揀左美國390日榖飼牛，五成熟$268比較厚身，淋得離又帶口感，牛味比較重少少。個人比較喜歡black jack flat iron ，到而家都好掛住佢既味道🤣🤣🤣而且店員都好nice，印象好好👍🏻🙂🙂

今日去左銅鑼灣既Top Blade Steak Lab食飯之前睇新假期見到佢有$150 即烤熟成21天牛扒+任食薯條覺得真係勁吸引😍我地Order 左一份Black Jack Flat Iron Steak 同埋一份Prime Flat Iron, 另外加左沙律同湯佢今日個沙律係蟹肉沙律，除左蟹肉之後佢仲有好多黎麥，勁健康忌廉蘑菇湯，唔算特別，不過不失Black Jack Flat Iron Steak用黑咖啡同埋桃調製成美式Black Jack 燒烤醬，同牛扒出奇咁夾另外加左桃伴碟，可以將牛扒同桃一齊食，另一番風味Prime Flat Iron算係原味，另外有蘑菇汁牛扒肉嫩多汁，外層亦燒得香薯條同樣即炸即上，無限量添加任食，超正，一定食到飽以Steak house 黎計， 呢度唔算貴，而且薯條任食，真係值得一試埋單嗰陣仲送左$20既token 可以下次用，店員話何文田分店都用得

話說好耐無同閨密出街食飯，咁耐無見閨密，佢話想鋸扒，咁岩我銅鑼灣，search左一陣見到呢間，似乎幾好就一於黎試下去到一入去就聞到好香既黑松露名l味，oh my god, it’s my favourite! 睇左餐牌先知原來叫steak 就可以任添黑松露薯條❤ 超開心坐低無幾耐，店員就為我介紹佢地既牛扒，但有個係用咖啡煮過又用蜜糖整既牛扒，聽個名已經覺得好interesting,所以本身唔鐘意飲咖啡既我，最後都係俾佢呢個咁特別既signature吸引左而嗌佢!另外我地仲叫咗佢地signature飲品, dirty lemonade,飲品裡面有Rosemary syrup! 飲落去口感一流!

牛扒食得多，Top Blade/ Flat Iron真係未食過，今晚就約到朋友同我黎體驗下。今日叫左呢個Black Jack Flat Iron ($238)，揀左呢度推薦既五成熟，真係好食到不得了，肉質超嫩滑，口感有啲似食刺身，軟腍到接近tenderloin既程度。呢款用咖啡加蜜糖醃過，味道超特別，比到味蕾新刺激！旁邊係燒蜜桃，夠曬鮮甜，配合甜甜地既牛特別夾！另外就叫左USDA Prime 390 days Grain Fed Flat Iron ($268)，叫左呢度推薦既既三成熟。肉質就比Black Jack結實少少，但依然鮮嫩，呢個就無醃咁多所以牛味比較出。如果要細心品嚐，下次真係要食左呢款先，如果唔係就會比Black Jack既味道蓋過而先入為主！呢度薯條任食，係一條條幼身既薯條，朋友食左兩大碟，因為真係非常吸引。呢度薯條用左黑松露鹽，勁香！我地呢餐食咁多肉當然要食番啲菜平衡番，就加左錢要埋餐湯同沙律。餐湯係薯仔忌廉湯，有粒粒薯仔仲有啲火腿，唔會太結又唔會太稀。沙律真係比我想像中好，竟然有藜麥仲有蟹肉！沙律醋剛好，唔會太多。酸甜度控制得宜。飲品方面我叫左Very Dirty

今晚同屋企人慶祝生日，專誠選擇扒房餐廳，來個牛扒之夜。呢間餐廳所有牛扒都是選取牛的同一個部位- Flat Iron steak牛肩膀牛排，只是每道菜的烹調方式有所不同。一入門口位置，已經預告大家STEAK WITH YOU，真的很期待。店員用心的介紹每道菜的特色，最後我地選擇左BlackJack Flatiron同西班牙粟飼豬鞍架，再加沙律同湯。店員率先送上無限量添加的薯條，新鮮沙律配上藜麥口感特別，清新健康!豬鞍架非常大塊，但唔鞋口有肉汁，配上蒜頭簡直係完美!Flatiron擺碟非常精美，見到都流哂口水，五成熟啱啱好，牛肉本身超嫩，有少少香草味，真的吃不停口!伴碟的是蜜桃，令整體味道提升。我地點選左檸檬特飲，非常特別，大家不妨一試!埋單有籌碼送，令人驚喜，原來下次惠顧拎住籌碼食滿$200減$20!

本局長是日與副局長行經銅鑼灣，至利舞臺附近途經此餐廳，見裝修雅緻，燈火通明，遂入內進餐。顧名思義，餐廳菜式以牛扒為主，而特別之處在於所有菜式均是flat iron此一部位。據餐牌所云，此乃牛隻第二嫩滑之部位。點菜後，加四十八元後附送之沙律及湯送至。藜麥沙律蔬菜新鮮爽脆，是為開胃之作。番茄湯味道甚濃，亦為誠意之作。至於薯條則免費任食。雖是免費，但條條新鮮炸起，香脆可口，卻不感油膩，配上樽裝茄汁，實非一般快餐店之hea爆薯條可比，局長倆誠意推介。須臾，主菜送至。black jack flat iron食落有甜味，卻不失肉香，肉質鮮嫩不癡牙，配合桃一起品嚐，風味甚佳。「390日榖飼prime級平鐵牛扒」則比black jack軟腍及juicy，配菜及薯蓉亦十分好吃。餐飲dirty lemonade味道酸酸的，生津解渴。總括而言，餐廳食物質素佳，局長倆大快朵頤，盡興而歸。

銅鑼灣發現了一間可以成為我的最愛嘅牛扒店之一，專門食flat iron特別部位。同埋！任食嘅黑松露薯條！我同女朋友一個叫左black jack flat iron同一個西班牙栗飼豬鞍架，加埋湯同嘢飲☺️落完單就有個店員一邊撈住黑松露薯條咁出黎起勢咁夾比人😳驚死人食唔飽咁。Black Jack Flat Iron先黎到，8oz女朋友啱啱好夠食，配埋d桃去解膩，不得不說呢個black iron有別於平時食開嘅牛扒，肉質偏彈，肉味濃，而且少脂肪，好食🤙🏻豬鞍上到黎視覺效果加分，香氣撲鼻，火侯控制好好，完全唔鞋。唔記得講湯tim，好足料🤤嘢飲我個人比較中意佢嘅冷壓蘋果伯爵茶。埋單嗰陣佢比左個籌碼我地，原來係coupon黎可以下次用，別有一番心思☺️

香港食牛扒，大多食T骨，肉眼，西冷；呢日男朋友帶我嚟到銅鑼灣嘅呢間扒房就以flat iron為主，flat iron即係牛肩膊，被評為整隻牛第二嫩滑嘅部位，香港比較少地方食到。餐廳裝修型格新潮，以黃白做主色，燈光明亮，有別於一般扒房嘅昏暗格調。坐低冇耐，店員就為我地送上啱啱炸起嘅薯條，薯條外脆內軟，仲有好香嘅黑松露味！最開心係薯條仲可以re-fill，無限任食！⭐️Prime Flat Iron $268美國390日穀飼Prime級平鐵牛扒-建議三成熟由於我唔敢食咁生，所以揀咗5成熟。鐵板溫度暖暖地，一嚟可以保持牛扒溫度，唔會太快變涼，同時唔會加熱，影響生熟程度。牛扒中間部份呈嫩紅色，準5成熟，同時唔會有多餘血水流出。肉質有彈性，軟腍又冇渣，且牛味濃郁，咬落仲肉汁豐富！伴碟仲有香滑薯蓉同車厘茄。⭐️Black Jack Flat Iron Steak $238黑桃Black Jack Flat Iron平鐵牛扒-建議五成熟我地按店員建議叫咗五成熟，牛扒肉質嫩滑，入口鬆軟，配上焦香蜜桃，令肉味濃郁得嚟仲帶上一份清甜同鮮味！⭐️Dirty Lemonade $45以焦糖烤過嘅檸檬而成，味道突別，

今晚一人行食好東西，朋友唔得閒臨時取消飯局。一個人食晚餐都想吃好的，特登上網搵下有咩餐廳。見到有間主打牛扒既餐廳，賣相極吸引，搞到我心思思都想去食個扒。一個人黎到，餐廳好亮白，簡約cafe感覺，主打高質素靚牛扒。我睇完餐牌，叫左Blackjack flatiron和Lemonade (grilled caramel lemon)。牛扒貴價，肉質極香嫩，五成熟的確五成熟，切開粉嫩。牛味極香濃！我叫左檸檬氣水，焦糖檸檬夠哂特別。

之前有留意Top Blade Steak Lab，直至插埋旗喺銅鑼灣，方便返港島朋友價錢路線較親民，而做食物亦夠專注，四款主菜供選出，三款牛一款豬一款羊而Top Blade Steak Lab亦只選用叫Flat Iron的部位，被評為整隻牛第二嫩滑店員細心為我地講解每碟牛扒特式，包括選取牛肉嘅位置, 煮法等等事不宜遲，同男朋友各自選了Black Jack Flat Iron同USDA Prime 390days grain fed flat ironBlack Jack Flat Iron $238 (+$48 Salad & Soup)由黑咖啡及焦香蜜桃調製成燒烤醬，呢個部位的肉質真係好腍滑，配合埋醬汁更令濃郁肉味中多了點清新，減去肉的油膩感USDA Prime 390days grain fed flat iron $268(+$48 Salad & Soup)Prime級肉質確實不同凡響，令flat iron更加嫩口，簡單以香草、鹽、胡椒已能帶出牛味。而店員推介的medium rare 亦剛剛好，咬落肉汁豐富。仲有薯蓉同埋車厘茄仔作伴菜+$48 Salad & Soup沙律菜新鮮

今日嚟呢間有得任食薯條既扒房，價錢唔係好平但真係好高質，店員表示prime flat iron好少地方會食到，牛味超濃!第一款食既就係prime flat iron，叫咗佢建議既3成，雖然嚟到好似好生咁但食落一啲血味都冇，牛味好濃仲要冇筋，好易切開。配埋薯蓉仲有碟側邊既粗鹽，好滿足!仲有得點佢既醬汁，但個人覺得少少鹽已經好夠，原汁原味。另一款係black Jack flat iron steak，今次就係5成，但都唔會太熟一樣勁淋好易切，食到仲有少少炭燒味添。牛味同樣都好重同埋都係冇筋既，所以唔會食到尾成口渣，少少粗鹽都可以帶起鮮味！我叫咗杯dirty lemon，個底好多檸檬碎同埋蜜糖，加埋幾片新鮮檸檬&梳打，配牛扒都一流，好fresh! 任食薯條都唔hea，有黑松露鹽調味，薯條係幼身既，分幾輪炸所以都係脆卜卜唔會凍咗！

餐牌夠專注， 一板睇曬 ，只得四款主菜，三款牛一款豬一款羊，最適合「有選擇困難症」的我，最後選了「香草平鐵牛扒」，份量足8安士，熟度到Medium Rare，質地柔嫩無筋，餐廳簡單以香草、鹽、胡椒提味，便能帶出牛味。不可不提餐湯，濃郁的蕃茄湯，湯好結實，吾係水汪汪！沙律菜新鮮爽脆，dressing的酸度恰好。最驚喜有藜麥和蟹肉，既清新又有咬口！黑桃black jack flat iron是朋友點的， 由黑咖啡及焦香蜜桃調製成美式 Black Jack 燒烤醬，牛扒不只肉質腍滑，醬汁更令濃郁肉味中帶點清新，豐富口感，十分滿意。牛扒雖然不算大件，但好在薯條是任添的，說到尾，飽肚的根源是邪惡的，新鮮熱辣香脆可口固然妙不可言，食過不停！不斷refill！ 小店另提供多款開胃特調飲品，包括Mojito和lemonade，均設有酒精無酒精選擇。我最愛dirty lemonade，店主將檸檬加以焦糖烤香，再加入soda與日本威士忌，口感清爽鮮酸，配油膩的牛扒、薯條正！還有枝裝的冷壓蘋果伯爵茶也很不俗！