Tonkotsu 8 by 三田製麵所 (Citylink)

营业中

休息中

亞女考完試同佢去圖書館同行街街，佢想食拉麵，我就想食撈麵。豚豬拉麵 黑麻油亞女對黑麻油情有獨鍾。下單時，店員會細心問我地拉麵需要咩軟硬度，我地就揀左適中，仲叫左套餐+$28餃子套餐，黑麻油非濃郁，拉麵比較幼身，有掛湯能力，餃子套餐有3隻餃子仲可以配一款飲品。炸雞香辣撈麵撈麵嘅炸雞同配料麵幾多，有大量粟米、紫藥碎同蔥碎，炸雞上有滿滿嘅沙律醬，麵底沾滿醬汁，帶點微辣，而炸雞外脆內嫩，lee個嘅麵比較湯麵粗身。

沙田嘅連城廣場一向都非常多食肆，而當中見到滿滿客人嘅一間拉麵店，相信唔會令我失望除咗拉麵之外亦提供撈麵決定同朋友各點一款，可以享受兩款唔同嘅風味！該有嘅調味料都一應俱全，乾淨企理！豚骨拉麵 黑麻油～下單時店員非常貼心地問及拉麵需否淋啲，畢竟每個顧客都有各自喜歡嘅形式，而我就選擇咗適中😌食拉麵第一件事就係要品嚐湯底，黑芝麻味非常香濃，拉麵麵條較為幼身，掛湯能力一流👍🏻炸雞香辣撈麵～撈麵嘅炸雞同配料都非常多，炸雞外脆內嫰肉汁爆滿，麵底沾滿醬汁，味道香濃帶點微辣，非常夠味！

--黃金牛肉丼 肉2倍 $84 呢個牛肉飯真係好好味，個牛肉汁好惹味，啲牛肉都好淋，唔會話乾𠲜𠲜咁🥩🥩佢肉兩倍嘅牛肉係會分開上，不過原本嘅牛肉都已經好多好夠😋😋-豚骨拉麵 黑麻油 $74 加左黑麻油個味道真係升左一級超好味啊🫣拉麵落單嘅時候可以選擇彈牙定淋身，我自己就揀左彈牙啲🍜🍜而且個豚肉都算幾淋身唔會咬唔開😋😋仲要喺沙田咁方便下次一定再幫襯💓💓-評分CP值 : 7/10好味: 7/10賣相 ：6/10-

今天早了完成工作，我和朋友到了沙田吃晚飯，太久沒有吃日本菜便選了這間三田製麵所的副線 トンコツ。我選了一個叉燒醬油拉麵，醬油味香濃不會過鹹，同時叉燒有5塊，咬下去豚肉味保留得到，不會被醬油味蓋過，麵質的軟硬度，店員會先詢問顧客，為客製作適合客人的口味，溏心蛋質感實在，味道不錯。整個拉麵吃完後湯底清徹，可見絕不油膩。另外，選了一個叉燒炸雞拉麵，炸雞新鮮炸好，外脆內軟，肉汁豐富。豬骨湯底香濃相信已烹調不少時間，炸雞配有辣醬，可以選擇不要。一個拉麵既有炸雞亦有叉燒，適合貪心的朋友們進食。最後，選了一個蟹肉忌廉薯餅，即叫即炸，咬下去小心燙口，外皮十分脆口，薯蓉很軟滑與蟹肉融合。

今天難得放工有機會系沙田行下，去到連城廣場，見到間拉麵店都好多人食，就入去試下啦😚😚今晚點了2人餐，比較抵食😃😃❤️黑麻油豚骨拉麵🍜香香的黑麻油，湯底較濃味，如果喜歡吃較重味、較鹹的食物，會適合你💜💜🧡香辣豚骨拉麵🍜我覺得不夠黑麻油香，而且可以辣多少少😂😂可能我本身是辣妹子，桌面上有一味粉，你可以加少少，令到拉麵辣少少。老娘點了這個，我個人覺得湯底較鹹😗😗麵底正常軟硬度😆😆💙日式餃子🥟正常水平🧡💚蟹肉忌廉薯餅裏面有香香的忌廉味😬都有脆脆香口的感覺❤️總括而言，愛濃味、愛鹹味，也愛拉麵的你可以一試啊😃😃✨✨💖

拉麵癮起喺沙田citylink搵到呢間，地鐵站A2一出上2層電梯就見到。今日勁肚餓，決定唔諗太多直接嗌個2人餐😛麵有得揀軟硬度幾好～呢到食物上枱都勁有效率，坐咗9成滿，10分鐘內都上齊嘢食👍🏻👨🏻‍🍳🤳🏻黑麻油豚骨拉麵 ❤️‍🔥黑麻油好香，會上癮嘅味道\(//∇//)\ 我揀咗偏軟嘅麵質，一片大豚肉同埋半隻溏心蛋🥚，另外自己落咗啲芝麻令個麵有啲香味✨ 無論邊間都支持大家試拉麵加醋‼️ 我食咗1/4就開始係咁加，個麵本身都重口味，加醋做酸酸地個湯底會有層次啲同埋都好解膩～ 👨🏻‍🍳🤳🏻香辣豚骨拉麵 👦🏻揀咗正常麵質，食落係硬身啲～ 都係配一塊大豚肉同溏心蛋，個辣幾好食，👦🏻形容個辣入口會爽咗一陣，但唔會stay好耐搞到大家感覺好膩，應該係日式辣同中菜辣嘅分別🤣 佢佢試咗加醋然後話有驚喜😛✨✨👨🏻‍🍳🤳🏻自家制煎餃子皮薄多餡嘅餃子，煎得岩岩好，店員會拎埋醬油俾你配～👨🏻‍🍳🤳🏻炸雞炸雞好脆口，有個檸檬可以解膩👨🏻‍🍳罐裝檸檬茶 & 可樂計埋加一$200左右，算係本地正常偏平嘅拉麵店，一碗大約$75-$100 都ok，而且味道都唔錯～係沙田區朋友日常之選😛✨

前排等娘親放工一起食晚餐多數都係係新城市食野想轉下新意 去咗Citylink 1樓嘅食肆區覓食見到一間寫住by三田製麵所嘅拉麵店價錢唔貴 亦都有幾抵食嘅二人餐阿娘又鍾意食拉麵 就入左去試下🥢孖住食($198*)👉🏻二人餐包括咗兩款拉麵 兩款小食 和兩款飲品 豐富又幾抵食👉🏻兩款拉麵選了黑蒜油豚骨拉麵和原味豚骨拉麵 每碗麵都有半隻流心蛋和一片叉燒 拉麵口感可以有唔同選擇 而且份量足夠 兩款湯底味道都唔知太鹹或太重味精 呢個價錢套餐黎講 真的不錯👉🏻佢嘅兩款自家製小食都好食 黑胡椒雞翼甜甜地又夠脆 煎餃子皮夠薄+餡料又飽滿 👉🏻飲品有6款汽水/茶選擇 另外仲有加錢配料選擇整體出餐快速 味道唔錯又唔貴 性價比幾高係平時放工去食晚餐嘅好選擇

今日難得放假， 出咗沙田行街， 而家疫情穩定後， 商場都多咗好多人， 行到有啲肚餓， 順便食埋野先歸家， 一個人就最適合食拉麵， 最容易搵位.記得citylink 一樓有間拉麵叫tonkotsu 8 by 三田制麵所， 剛好上到去有幾個單位， 唔洗等， 快食快閃.湯拉麵就食🉐️多， 第一次見有日式撈拉麵， 試吓先.炸雞香辣撈麵$88-賣相好靚， 見到都覺得好好味😋微辣，炸雞即整， 好脆口， 食既時候重好熱， 份量算多， 有6 件，將d 配料同旦黃撈埋d 拉麵一齊食， 正， 食唔停， 推介👍

今日時間比較急，拜車公😌難得去沙田，都要搵間好野食，沙田站上面超方便。有飯有拉麵，款式都比較多，但見到有2人餐🤤又不錯👍🏻店員會問每碗麵煙韌度，硬、適中同軟，要唔要加蔥。今次我點選了軟同呀蔥。豬骨拉麵-香辣😍😍麵來到已經香噴噴。紅紅湯底以為好香辣，但辣程度就不覺太辣，只係有辣味。但湯底不錯👍🏻至於麵質軟都有小小彈牙，配上叉燒大大塊，及糖心蛋。黑蒜油豚骨拉麵-黑麻麻配搭出糖心蛋同一點辣醬，不錯👍🏻好香黑蒜味，麵質點選了適中，相機食先後都保持到，會再彈牙，每啖麵都有香噴噴香蒜味道👍🏻小食-雞翼黑椒味，2隻都中大隻，皮脆，黑椒味不太重，整體不錯炸雞-非常大件，再加上新鮮檸檬汁，外皮又香又脆，中間肉身夠juicy 😍套餐再有2款飲品。價錢又合理😊

放工輕食下，和同事到沙田車站Citylink一樓，非常方便！選了Tonkotsu 8 by 三田制麵所，孖住食套餐！🔸黑麻油豚骨拉麵：湯底特別香濃，因為加了黑麻油，還有大蒜，很喜歡！味道濃而不咸！麵質不錯👍🏻🔸香辣豚骨拉麵：湯底濃濃的豚骨味加了辛辣，幾刺激的味道😋，這款都很多人選擇！🔸自家製黑胡椒雞翼2隻：好香黑胡椒味，有些蜜糖在面烤得金黃脆口🔸自家制炸雞：大大件炸得香脆可口，好味！🔸2杯飲品選擇👍🏻

呢間鋪啲員工都唔憂做啲員工唔會想見到你，見到客就調頭走唔理你，舉手都唔理，唔知請咁多人做乜？但又要收加一，貼錢買難受成碗拉麵勁多味精，食完會好口渴，仲要唔飽又貴

三田製麵所一向出名自家製既超粗麵同湯底今日就去咗tonkotsu 8食飯呢度除咗拉麵都有不少丼飯款式可選擇不過沙田分店晚飯時間都超多人排隊😂我就叫咗豚骨拉麵(原味)湯底超香濃, 係超濃郁嘅豬骨湯底奶白色唔太油膩, 都唔會太鹹,同麵條完味結合😋拉麵亦可以選擇軟硬度, 我就揀左適中, 麵質軟硬度剛好, 可充分吸收湯汁面頭既叉燒好冧, 肥瘦適中👍另外我都叫咗炸雞丼, 同加配左吉列豬扒飯套餐仲配埋一碗昆布湯, 炸雞外皮香脆, 肉質嫩滑豬扒都炸得香脆, 炸粉唔會太厚, 豬扒唔乾身

去沙田踩完單車，就去左Citylink搵野食，行過呢間拉麵舖聞到好香，之後就直接入左去試。入到去好快職員就安排左個位比我地坐，我地都好快點左野食，唔洗幾耐食物就好快到左。叉燒醬油拉麵疫情關係，好耐冇去過日本，當然要即刻叫個久違嘅拉麵食下，拉麵好掛汁，仲要有得揀煙韌度，所以好有咬口，而叉燒亦都好入味，肉同脂肪比例都好平均，厚薄適中，加埋半隻流心蛋，成件事好滿足。另外仲叫咗三個小食試吓，包括特製炸雞，吉列豬扒同埋蟹肉忌廉薯餅，三樣炸物都係新鮮炸起，食落好脆口又唔會油膩。特製炸雞雖然份量唔多，但每一件都好大件，而且肉質好幼嫩，唔會炸到好乾。吉列豬扒外皮炸得好香口，而且咬落去仲有好多肉汁。蟹肉忌廉薯餅因為新鮮炸起，所以食落去好脆口，點埋側邊炸豬扒嗰啲汁加沙律醬，真係好惹味。

主打豚骨拉麵 有原味.香辣.黑麻油口味拉麵更可以根據個人喜好選麵質還有丼飯.咖哩.鐵板炒飯.撈麵等.▫ 豚骨拉麵 黑麻油 $74當然要試招牌吧(՞•֊•՞) 豚骨湯夾雜蒜香外還加了少許辣醬&充滿日本製的黑麻油香 帶點辣之餘味道香濃 豚肉質地軟嫩帶油脂香麵條選用自家製的細麵 質地更細滑卦湯十足.▫叉燒醬油拉麵 $88醬油味道甘甜可口 相對無咁油膩筍的香味尤其突出 配搭特製粗麵質地較煙韌爽口 叉燒軟腍香口 還有拉麵必備的香甜溏心蛋( ⋅֊⋅ )‎و

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒮𝒽𝒶𝓉𝒾𝓃呢間餐廳既地點好方便，就喺沙田港鐵站上蓋，平日夜晚七點幾去，都9成坐滿了麵可選軟、適中、硬，仲會問要唔要葱，甜品要唔要後上，幾好服務👍🏻今次兩碗都揀左適中同要葱，影左一輪相d麵都唔會淋左，個人其實偏好稍淋，下次會試下軟🤣🌟 柚子鹽湯拉麵 𝗬𝘂𝘇𝘂 𝗥𝗮𝗺𝗲𝗻（$𝟳𝟴）期間限定的柚子鹽湯拉麵幾清新，有真材實料柚子絲，剛好中和濃濃的拉麵湯底，簡單配兩片叉燒、紫菜碎、葱花，感覺幾健康，適合要控制飲食的女士們🌸🌟 叉燒醬油拉麵 𝗖𝗵𝗮𝘀𝗵𝘂 𝗦𝗼𝘆 𝗦𝗮𝘂𝗰𝗲 𝗙𝗹𝗮𝘃𝗼𝗿 𝗥𝗮𝗺𝗲𝗻 （$𝟴𝟴）叉燒醬油拉麵有足料6片叉燒，適合食肉獸，仲有整片紫菜感覺滿足，其他配料都係常見既葱花、筍絲、魚蛋片。兩碗麵都有我最愛的半熟蛋，半熟程度剛剛好，令人回味😆🌟 富士蘋果大福 𝗙𝘂𝗷𝗶 𝗔𝗽𝗽𝗹𝗲 𝗙𝗹𝗮𝘃𝗼𝗿 ($𝟭𝟴)3粒大福唔係好大，不過都食到粒粒蘋果肉，剛剛好令一餐更完滿的小甜點🍮📍𝐓𝐨𝐧𝐤𝐨𝐭𝐬𝐮 𝟖 𝐛𝐲 三田製麵所沙田沙田車站圍1號𝘊𝘪𝘵𝘺𝘭𝘪𝘯𝘬 1樓111號舖