Tonkotsu 8 by 三田製麵所 (Citylink)

营业中

休息中

新登場滋味丼🥕黃金牛肉丼$68⭐️⭐️⭐️⭐️⭐️本身🐰想叫2倍肉肉，可惜得番1份了，所以就冇得2倍啦～不過1份d牛都幾夠下幾多，非常重牛味又煮得夠入味，洋蔥夠晒淋又非常鮮甜，珍珠米軟硬適中，淋上牛肉汁再配上牛肉一齊食真係好正。🥕叉燒醬油拉麵$88⭐️⭐️⭐️⭐️☆叉燒醬油拉麵配上特製粗麵，粗麵要左硬身的，硬度剛好有咬口夠彈牙。叉燒有4塊，炆得非常入味不會太鹹，湯底鹹香中帶點鮮甜。🥕北海道蜜瓜大福$18(3件)⭐️⭐️⭐️⭐️☆食完拉麵最後食番個冰涼涼既甜品作總結都不錯，糯米皮偏厚身煙煙韌韌，不會太甜。======詳情======Tonkotsu 8 by 三田製麵所 (Citylink)沙田沙田車站圍1號Citylink1樓111號舖👣沙田站A2出口步行約1分鐘================

今日去左沙田港鐵站上蓋連城廣場 嘅Tonkotsu 8 by 三田製麵所，啲拉麵好食得來CP值好高呀。🔹️豚骨拉麵 黑麻油 $74呢碗拉麵真係好好食😍，黑麻油味好惹味，而且落左大蒜好香口，湯底好濃豬骨味🐖，叉燒和細麵都好好食。🔹️豚骨拉麵 原味 $68比上面介紹嘅黑麻油拉麵清，豬骨味突出🐖，喺枱面上有一樽芝麻，可以磨碎加落去，更加香口。🔹️北海道蜜瓜大福(3件)🍈 $18 一口size，好清香嘅蜜瓜味，都唔錯呀。

拉麵湯底比較鹹豚骨湯味不濃櫻花蝦味幾重👍湯底不太油店舖可以選擇面質軟硬果時我選擇適中但食既時候面質較為硬麵條較幼至於叉燒 醃得入口但肉質較為柴沒有肥肉碗面裏面仲有隻半熟蛋入口幾好味熟嘅程度啱啱好仲有佢最後好似係要收服務費定係唔知係收水費因為最後係收咗90.2蚊所以整體嚟講都係唔推介

今日係沙田收工， 自己一個人快閃去行咗陣街， 行行下有d 肚餓， 搵野食醫埋肚先返屋企.可能聽日佛誕紅日happy holiday , 沙田新城市廣場周圍都係人， 間間餐廳都好多人排隊， 於是上咗citylink 到氹個圈， 見到D 間一位即刻有位， 就入咗去食.上次試過個炸雞香辣捞面， 都幾特別， 同好惹味， 不過今日有d 喉嚨痛， 所以冇叫.最後叫左個豚肉拉麵（原味） ， 香濃豬骨湯底， 味道適中， 唔太咸， 拉麵煙煙靭靭， 有嚼口👍👍本身個拉麵配有半個隻半熟蛋， 食完覺得好好味， 再encore 多一隻😋🌟快靚正之選🌟

今晚同男友係沙田要快啲食完去睇戲 見到連城廣場人山人海 即刻入一間拉麵店先餐廳座位尚算多 上菜速度快 落完單等一陣就有得食 方便晒啲趕時間嘅我哋🍜豚骨湯櫻花蝦拉麵叫左個期間限定 試下先配料豐富 櫻花蝦份量適中 湯底味道超濃郁 帶有油脂 色澤金黃 拉麵係幼麵 麵質較煙韌 索味😋😋🍗炸雞中翼套餐加多少少錢就可以轉套餐 有小食&飲品 呢個係 黑胡椒炸雞翼🍗炸到外層酥脆金黃 內裡仍充滿肉汁濃濃嘅黑胡椒味道 特別惹味可口🤤🤤🥘鐵板咖哩炒飯好少見到餐廳有呢款菜式 😆😆上菜時熱辣辣 （要小心唔好掂鍋邊‼️）炒飯賣相吸引 鋪滿金黃色的蛋漿 咖哩味道濃郁 食落非常惹味💯💯跟餐 還有豆腐海帶湯 配搭炒飯 無咁乾身 😙🍽🍴總結 🍽🍴餐廳上菜效率高 店員服務態度友善 下次都可以再去😋😋☺️

今日同個大咗肚嘅朋友去行街，下午茶大家都肚餓就打算食碗拉麵🍜就係Citylink搵到呢間日本麵店！下午茶價錢又幾抵～呢個時候人數又唔多，就行入去食吓啦！因為個朋友係大咗肚嘅，個女侍應居然好細心攞咗杯熱水俾個朋友，呢個舉動好窩心！😋 香辣豚肉拉麵 $60個辣味唔係好重，唔食得辣嘅應該都可以接受，溏心蛋好好食，呢一款係幼嘅拉麵，我就比較鍾意呢種麵質，爽口啲，重點係點菜之前侍應都有問我哋需唔需轉硬/淋/適中既拉麵質地，我哋都係揀適中，黎到覺得岩岩好！‼️好食指數 8.5/10‼️推介指數 8.5/10😋叉燒醬油拉麵 $74呢碗拉麵嘅叉燒都比較多，而佢呢碗嘅麵條呢，就比較粗啲嘅，湯唔係死咸，係好香嘅醬油湯味！‼️好食指數 8.5/10‼️推介指數 8/10估唔到下午茶價錢唔貴，而且都食得好飽！下午茶餐+$6就會有一個罐裝飲品，唔加錢就可以飲熱嘅烏龍茶或綠茶～總括來講呢，我覺得都係一個抵食嘅下午茶，個份量直頭可以當係lunch，好足夠大家食架！🍽️ Tonkotsu 8 by 三田製麵所(沙田)📌 沙田沙田車站圍1號Citylink 1樓111號舖☎️ 2988 8745⏰ 星期一至日11:00 - 22:

下午茶時間到訪這家拉麵店 沒想到這個時間也一直有客人呢🙉之前上openrice看過他們應該轉了新餐牌(最後有圖!) 下單時店員也會詢問麵條軟硬度 十分有禮•➸叉燒醬油拉麵 | $74 | 8.5/10醬油是偏鹹口那種 但不會過濃喜歡叉燒偏瘦但不會乾/韌他們一般醬油拉麵好像會有1片(?)叉燒 這款就有5片下單時選了偏硬的麵條 相對也更彈牙🍜溏心蛋 鳴門卷 荀 紫菜都是剛好的搭配這個價錢當正餐吃不錯🫶🏻•➸熱綠茶 | 跟餐免費

#沙田美食 #小蓮星呑食沙田🔻 Tonkotsu 8 by 三田製麵所沙田沙田車站圍1號Citylink1樓111號舖/🧃豚骨湯櫻花蝦拉麵 $82季節限定，除咗有一粒粒嘅櫻花蝦之外，湯底都有好鹹鮮嘅蝦味，都幾濃郁，拉麵屬於幼面，軟硬度適中，好有口感，而且食到麥味，叉燒都幾瘦，啱晒減肥人士/🧃香辣撈麵 $74第一次試，將香辣嘅肉碎同埋日本蛋、其他配料撈埋一齊，唔算非常辣，但係就好惹味，同埋所有配料都好足料，所以口感同味道都好豐富/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

今日嚟到沙田呢間連鎖拉麵店。不過我今次食嘅唔係拉麵，而係鐵板咖喱飯 🍛。鐵板飯的水準拍得住佢哋嘅拉麵，值得一試。⚜️鐵板咖喱炒飯 （$78 ）炒飯的咖喱味十分濃郁，炒飯粒粒分明。咖喱炒飯放在熱烘烘的鐵板上更為惹味，還有一點飯焦，令食落的口感很豐富。我吃得停不了口。環境餐廳人流很多，而且座位比較擠擁。不過裝修頗有格調，傢俬和牆身都是以木製的，很有日本的氣氛。總括而言，這個鐵板咖喱炒飯的質素真是很高。當你去這間拉麵的時候不妨試一試。

喺地鐵站A出口，商場近近地揀咗間食拉麵🍜的店。晚市時段嚟到近乎爆滿，好彩仲有一張枱入。見到菜單都有好多選擇，有炸雞丼、牛肉丼飯、又有咖喱、撈麵，款款都好吸引🤩，諗咗好耐決定先試吓啲拉麵🍜醬油拉麵🍜$72🆕望落好清淡，但個湯底偏鹹，好重醬油味！叉燒有一大塊🥓，口感軟淋，咸度剛好。配上半隻軟滑流心蛋、仲有爽口的筍配搭特製粗麵。落單嗰時店員會問你想要拉麵硬身、軟身定係適中。叉燒炸雞拉麵🍜$88個賣相好吸引🤩個湯超濃豬肉湯味，吾會太咸！叉燒有三大塊🥓，炸雞🍗2舊，炸到金黃香脆，炸粉均勻，配上半隻軟滑流心蛋，食完好滿足😚，麵質揀咗硬身！食落好煙韌，夠晒口感。大推💯💯另外，任何麵餐都可以加$28-$40轉套餐，有小食同飲品可選。📝整體而言：幾好食😋！會再黎！下次要試埋其他😍！✏️有加一服務費📍 Tonkotsu 8 by 三田製麵所 (Citylink) (沙田)沙田沙田車站圍1號Citylink1樓111號舖

行開沙田見到「三田製麵所」，突然之間好想食拉麵，於是就入去試吓，佢裏面除咗拉麵🍜之外，仲有沾麵，佢哋最出名嘅就係個湯底長時間熬製，所以湯底味道都非常濃郁。我家叉燒今次就識得問侍應佢哋有咩最出名？侍應就介紹我哋可以試吓原味湯麵🍜原汁原味😋豚骨拉麵🍜原味➕海苔鮮甜十足原味湯底，豚肉片厚度適中，味道濃郁，鮮味十足海苔加彈牙拉麵。豚骨湯櫻花蝦拉麵🍜 季節限定去日本第一時間當然諗起櫻花同埋拉麵，所以呢一個季節限定真係四月份必試。豬骨湯底清甜濃郁，鮮味十足櫻花蝦，煙靭彈牙拉麵🍜綠茶綠茶清甜，甜度適中。可樂

第一次幫襯，落錯單，重印，我問一句，女服務員態度不耐煩，飲食業大忌，麵，一般，所有野都需要加錢，湯底一般，但凍凍地，另加2片叉燒，「乾、鞋、凍」唔知想點呢？有加一，服務態度好差⋯⋯

今日係沙田收工， 屋企冇煮飯， 想搵間食麵既餐廳， 行上去citylink 1 樓見到tonkotsu 8 by 三田製麵所, 入面有位唔洗等， 即入。個menu 有二款新登場拉麵-醬油拉麵同叉燒醬油拉麵， 咁就揀咗醬油拉麵試吓，另外， 見到d 迷你大福d 味道好吸引， 出面好少見，有富士蘋果， 和式忌廉同北海道蜜瓜， 3個味道都想試， 揀咗好耐， 最後揀咗富土蘋果味。醬油拉麵$72湯底唔太咸， 味道唔錯，麵質彈牙， 我揀咗正常， 個人覺得軟硬適中， 但大家都可以視乎個人口味， 選擇硬d 或者軟身d 富士蘋果大福$18好香蘋果味， 個皮夠+軟， 唔算好甜， 一口食曬。

去完日本都仲想食日本嘢，翻咗嚟食Tonkotsu 8 😙嘢食上枱好快～👨🏻‍🍳🤳🏻黑麻油豚骨拉麵❤️‍🔥上次食過覺得呢個好好食就再嗌之前碗麵會有埋一小滴辣油今次問佢地另外俾～加翻少少唔辣但又可以令到成個湯底惹味啲😛黑麻油真係好香🤣另外落單會問你想要軟/硬/適中麵質 岩翻個人口氣食得開心啲😋👨🏻‍🍳🤳🏻吉列豬扒咖喱飯 ❤️‍🔥咖哩汁係偏湯嘅質地 但係濃味香口味道唔錯 !! 幾開胃又真係唔辣豬扒炸得都幾好 !! 鬆軟唔乾✨另外叫咗章魚小丸子同餃子小丸子外層微脆章魚細細粒幾彈牙餃子同上次一樣咁好食\(//∇//)\好飽

菜式一：黑麻油豚骨拉麵一上桌就已經聞到濃濃的黑麻油味道，品嚐拉麵當然要先試試湯底，入口的鹹度適中，並不會太油膩。拉麵的口感可選軟硬兩種，即使我選擇了較軟的麵質，入口還是有爽彈的口感。兩大塊豚肉嫩滑，還有滑嘟嘟溏心蛋，搭配辣醬和蔥花更加香口。菜式二：炸雞叉燒拉麵炸雞只有兩塊，皮脆肉嫩。叉燒的大小也ok，有基本厚度。別看湯底白白的，其實豬骨味道算濃郁。菜式三：吉列豬扒上桌時還是熱騰騰的，豬扒厚身，炸得金黃香脆，肉質鮮嫩，調味不多，但有蛋黃醬提味，收貨。