Tipsy Tap (已結業)

有日碌openrice碌碌下見到呢間，見有手工啤/小食，決定同朋友過嚟試下一睇Menu，大部分都係嘢飲，嘢食得一頁，手工啤實在有太多選擇，每種都寫得好清楚係有咩水果，酒精濃度有幾多，我地揀嘢飲都揀咗好耐，最後揀咗一杯係菠蘿味，另一杯唔記得（好似都係橙定桃），但我地都鍾意菠蘿嗰杯多啲，小小甜幾好味（呢個Size係細杯）同埋有俾一小碟豆俾我地食，炸得好好食！好啱送酒個樣就係上面幅圖嘅最右邊芝士蟹肉釀蘑菇：幾好食，細細粒，但我地都食唔到蟹肉味辣牛舌：其實個份量都好多，一舊都有啲大粒，我地切開一半食，跟住就覺得好多味道都幾好，小小辣，牛舌唔難咬酒漿炸魚薯條：除咗炸豆，薯條係今餐最好食！薯條屬於幼身嗰種，炸得好脆，唔會覺得油而炸魚真係有酒味，初頭食第一啖唔覺，但食另一邊就即刻重酒味雞翼配藍芝士腐乳醬：正常雞翼～個醬我麻麻地我地兩個人以為全部都細細份唔多，點知勁飽咁樣飲下嘢傾下計都好爽～有機會會再嚟

同朋友聚會食完飯想飲杯野驚朋友介紹嚟到呢一間係尖沙咀柯士甸路嘅手工啤酒吧入到店內已經見到有好多唔同種類嘅手工啤酒由於我本身好少飲手工啤所以唔係好識選擇店員過嚟好詳細咁樣問我嘅口味然後推介左好幾款嘅啤酒俾我雖然當晚我飲醉咗已經唔記得咗個名係乜嘢但係味道真係相當唔錯有啲有水果味有啲有咖啡味而唔係好似平時啲啤酒咁剩係得麥味而且店內嘅手工啤酒每個月都會有啲唔同嘅品種替換可以每個月都嚟試新野每杯啤酒都係80到$100不等喜歡手工啤酒嘅朋友一定要試

香港嘅手工啤酒🍻依家越來越多越嚟越盛行👍🏻Tipsy Tap既外帶手工啤保鮮力強, 每次入樽前會先用CO2把樽內空氣揼出,⭐️壓力式填充令空氣在入樽的時間內沒法滲入, 所以可以一星期內保持味道不變😍😍如果唔係特別好啤酒嘅朋友可以好似我咁選擇飲00號 佢味道有啲似啤酒但係零酒精成份，飲落酸酸甜甜，有氣的，個人好喜歡佢哋嘅手工啤酒口味特別多總共有20款每款都非常之有特色 一向好好啤酒嘅男朋友都非常大贊 話要買番啲返屋企繼續盡呢個未了情💩食物方面我特別鍾意佢嘅雞翼配藍芝士腐乳醬, 個賦予芝士醬非常惹味好香嘅芝士味🤤🤤簡單啲來講就係呢一度無論係食物定係飲品都好高質😚😚

比佢100個笑臉（冇ok, 冇喊臉）而驅使左我試。三人行放左工來飲返杯，本身唔算特別好手工啤，試左幾款，都覺得ok。反而想讚既係佢d小食，比一般酒巴認真，基本樣樣都好食，最like佢個甜薯條，加左梅粉係上面，味道好夾！仲試左豬肉腸，雞奕， burger同蘑菇，滿意。不過d台都幾逼，所以特別顯得嘈，傾計就麻麻。

話說接觸craft bee都一段時間由去 bottle shop買酒 去到而家會去tap room飲下而今手去既就係位於尖沙咀既tipsy tap入到去就見到有廿款唔同種類既酒show晒係電視度可以試一下再叫 但有部份價錢較貴既就無每次去都唔同 因為賣完就會換另一款叫左兩杯酒 同埋啲小食Mikkeller SpontanCherryFrederiksdalStyle: Lambic8.2% ABV一款係橡木桶陳釀過既Lambic(一種比利時酸啤）深紫色酒體 有陣Cherry香味 飲落唔係好strong係好柔和既酸Behemoth (Chur) Freedom APAStyle: American Pale Ale / APA5.6% ABV45 IBU金黃色酒體 柑橘香味 仲有少少芒果味咁飲落好smooth, easy drinkingJust taste like freedom芝士蟹肉釀蘑菇口痕叫既味道ok 但無乜驚喜香草豬肉腸配重口味洋蔥汁薯泥好好食 個腸好脆！豬肉腸係偏瘦果啲薯泥幾好食 有薯味其實個汁唔算重口味配埋食岩岩好平日想搵個地方飲下野 會推薦呢間不過星期日好似無廚房

Went here with a friend.Tried the sausages in mash which reminded of bangers and mash!Overall, it was ok but the butter in the mash was too overwhelming as the butter smelt a bit strange.Finished with the tea which was the best!

同朋友慶祝生日，大家都想搵啲可以傾計又有酒飲嘅地方。搵到呢間新開嘅酒吧。入到去鋪位唔係太大，有足球睇！但係我哋掛住傾計都冇時間睇啦，一嚟就問店員有咩啤酒推介，呢度啲啤酒好多款式！但係相對來講都算貴。叫咗幾款嘢食酒醬炸魚薯條$88、黑豚肉8安士$168酒醬炸魚薯條$88真係幾特別，面嗰層真係有少少啤酒嘅麥香，入面嘅炸魚好嫩滑，薯條就冇乜特別，但係送酒就一流！脆煎濃香西班牙🇪🇸橡果飼厚切黑豚扒$168個名好長，聽個名就知有啲功架，食落真係幾好食！臀肉唔會太晏，中間呈現粉紅色，中間軟外而香。總括嚟講呢間酒吧嘅嘢食算係幾高質！啤酒🍻都好好同多選擇。

最近心情都好鬱悶，放工之後同朋友去咗尖沙咀呢間酒吧傾吓偈。.📍酒漿炸魚薯條（$88）Craft Beer Fish & Chips炸漿加入啤酒調配🍺，充滿酒香，一客三件，分別用了不同魚肉去做，所以口感和味道上都有所分別，魚肉整體上也算滑溜🐟，但粉漿偏厚，有點油膩。旁邊的幼薯條炸得不錯🍟，脆而不油，用來配啤酒吃一流🤤。.📍芝士煙肉安格斯牛堡（$88）Angus Bacon Cheese Burger🍔漢堡外皮烘脆，安格斯牛漢堡帶有濃郁肉香，中間夾有煙肉、芝士🧀和爽脆生菜🥗，旁邊同樣配有幼身脆薯條🍟，以這個價錢來説價性比頗高👍🏻！.📍肉汁四射安格斯嫩滑肉眼扒8安士（$178）Juicy Angus Ribeye Steak 8 oz🥩肉眼扒厚肉，不會煎得過老，牛肉富有肉汁💦，但肉中夾有筋位，略有失色。牛扒同樣以薯條🍟伴碟，十分飽肚。.📍Pacific Pineapple ($64/260ml)酒吧有多款生啤選擇，這杯是加入菠蘿醸釀造的Cider🍍，ABV: 5.0%，非常容易入口🙌🏻，加上酒精濃度不高😍，是女士們的一個好選擇。.酒吧特別在有外帶手工啤🍻，入樽前會先用CO2將空氣揼出，所以啤

🥃呢度有多款特色生啤～tipsy tap酒吧🍻🍽️💕 *🔻新出外帶手工啤夏天系街消暑一流, 每次入樽前會先用CO2把樽內空氣揼出, 壓力式填充令空氣在入樽的時間內沒法滲入, 所以可以放到一星期唔變味, 清新消暑, 好過飲珍珠奶茶😎!*💕*🔻對比出面街既外帶樽Glower, 令酒好容易就會接觸空氣, 啤酒一接觸空氣會氧化, CO2 Level下降, 唔新鮮就會有紙皮味. 保鮮能力一日都冇, 特別係IPA呢種酒, 更加容易氧化* 😍 💃💗多款推介💎👉 推介比女生*口味偏香甜👄 Oaked Maple女生一飲會愛上～飲落有vanilla 味💕 On Fleek黑啤重麥味愛好者必試～💛

早幾日放假，同男朋友去左歷史博物館同科學館，行完之後打算去尖沙咀行街，行過見到有間酒吧有手工啤飲，男朋友好想試，加上我地今日都玩到攰攰地，所以就入去飲下嘢。佢見個日個場都多人叫2號，所以佢都好快就揀左2號個杯果香味的手工啤，而我就揀左無酒精的1號，佢地自家製的發酵茶。男友個杯2號都幾重果香，有少少菠蘿味，似啤酒加左菠蘿汁，不過我覺得酒味都重，我男友比較鍾意，我都係飲幾啖好了。我個杯就似乳酪味的茶，都幾特別。之後我地叫左個安格斯牛堡食，都幾好味，佢個麵包皮係有焗過個種脆卜卜，同埋個漢堡牛都幾好食，入面仲有生菜同蕃茄，不過我覺得生菜多啲會再好味啲，但so far都ok，間吧音唔會太大聲，靜靜地，好適合傾計。

今日同朋友去了間酒吧叫TipsyTap,除左酒吧野飲仲有主食小食選,氣氛唔錯😃,尖沙咀站近紅磡站方向,地點算便利就腳,環境算有情調且光線溫和💫,多朋友時又可熱鬧CHILL一CHILL✨,總體環境不錯,地方坐落舒服,聊天談心GATHERING是不錯的地方~.*Fruli Strawberry🍸比利時小麥啤混入純正士多啤梨果汁，士多啤梨味濃厚，十分清甜小麥啤士多啤梨果汁比例恰到好處😉,果香漸漸滲入味蕾,*Machine Men 🍹17年香港國際啤酒賽最佳社交型IPA~口感順滑，果香充實，平衡的苦度~幾易入口😀十分平易近人,口感不錯~.*芝士煙肉安格斯牛肉堡👌🌟安格斯牛漢堡是算厚的那種,廚師火候不錯剛剛好,多汁JUICY肉質軟腍有牛味,一份SET已可很飽了 包身咬落鬆軟，裡頭夾左芝士煙肉~薯條溫度熱辣辣,點些茄醬味道更佳~.*酒漿炸魚薯條👅🍕炸漿夠厚夠鬆脆，一口咬下「咔嚓」一聲，口感不死實，連帶魚汁在脆皮中唧出來，魚肉嫩滑鮮美~而由於炸漿是啤酒加麵粉調製~啤酒可以增加炸漿的空氣，令密度不會太高，炸起來會更鬆化!連伴碟的薯條醬料吃,份外滋味~.*大滿足拉絲炸芝士條（3件版)拉絲芝士食完都不覺得

假期落雨濕濕到處周圍搵野食，搵左依間專飲手工啤既酒吧餐廳食burger & chips，有成廿幾款手工啤種類揀，最後揀左水果香濃帶橙汁西柚味既Hazer Goona Haze，飲落好香味味之外，仲好重燕麥味同小麥香叫左個芝士煙肉安格斯牛肉漢堡，Burger 好重牛味仲好Juicy，薯條香脆配啤啱哂Tipsy 雞翼配藍芝士腐乳醬辣得過癮，食落嫩滑多汁，好惹味🥰最正既係依度竟然有外帶手工啤賣，店員話手工啤入樽前會先用CO2將樽內空氣揼出，壓力式填充令空氣係入樽既時間內無法滲入，仲可以一星期內保持味道不變! 搞到我同班朋友都忍唔住買返支鬼佬涼茶放係袋旁下身

前排同個朋友去左新開的激安，去開尖沙咀，我個朋友話佢有間吧飲開，啲手工啤好正好多款，想去飲兼食埋嘢，所以就一齊行過去啦，沿住個條路行去柯士甸路就到。佢就叫左杯parlour，因為佢話呢個IPA係推薦，不過我飲酒唔叻，所以我就問下邊個易入口啲，所以我就叫suspended in neon。suspended in neon飲落水有少少果香，甜甜地幾易入口。食物方面，我地叫左三樣食物share食，分別叫左芝士蟹肉蘑菇、芝士條、酒漿炸魚薯條。芝士蟹肉蘑菇比較重蘑菇味，而個芝士就比較似芝士醬的味，都叫濃味，不過就唔係好食到蟹肉的味。芝士條都ok的，食幾條都飽肚，而且價錢唔算貴，送下酒係幾好。酒漿炸魚薯條就比較特色，係我朋友推介一定要叫的，呢味小食都可能係間酒吧的招牌菜，個粉漿有淡淡的啤酒味，而且魚塊都大塊同好味，唔係比時個啲魚柳味，所以都幾正，幾特別，而且其實都幾飽肚，唔怪得我朋友咁想食。呢間酒吧的手工啤同埋呢個酒漿炸魚都幾正，可以再食多次。

岩岩既weekend同朋友係尖沙咀行街,約左人又未夠鐘,行過柯士甸路見到有間叫Tipsy Tap既Bar,睇真啲原來係間Craft Beer做主題既Tap Room,見佢岩岩開門無乜人,於是入去坐陣飲杯野先鋪頭既裝修都幾特別,感覺好relax,好啱幾個朋友吹下水飲下嘢。最吸引係一字排開既Tap,鐘意飲啤酒既朋友應該會好興奮.Bar枱對上既menu list左唔同種類既啤酒,同埋佢地既成分仲有酒精濃度,都幾得意.我地兩個人,一人叫左一杯飲. 我叫左杯 Peanut Butter Milk Stout, 入口順滑好香花生味.朋友就叫左杯有咖啡口味既,有小小咸咸地既口感,佢話好得意好好味.隨左啤酒我地仲叫咗Fish and Chips同埋雞翼,魚柳係用啤酒漿黎炸,入口有啤酒香味.雞翼辣辣地幾好味,加埋blue cheese醬,竟然又好match喎!最後我地叫左杯無酒精既Midnight Hour,店員講呢杯係發酵左嘅茶黎,但入口好surprise係有啤酒嘅口感既,好特別.估唔到呢竟然搵到一間咁有驚喜既Tap Room,下次再黎過!

星期日食完飯有少少口乾想搵間酒吧坐下，行經漆咸道南見到一條小巷就入去裝下，發現有間環境唔錯嘅手工啤酒吧。店內裝潢有味道，環境靜，跟附近寶勒巷酒吧風格截然不同。店以手工啤為主打，店員細心講解不同手工啤酒的味道分別，感受到對啤酒的熱愛，店內選擇多，有20個tap ，讓客人有多選擇。不過多tap亦有少許手工啤可能存放有一段時間，啤酒感覺上味道不夠新鮮，泡亦較多。不過總體而言，算是一個不錯的體驗，下次飯後時間亦會再來！