Three on Canton

食個自助餐作為一個長假既開始認真係笑哈哈咁岩友人見到Three On Canton有我最愛既蟹作為主題, 所以黎到呢度搵食!!由於係6:30 開始之前已經到左, 但又準時先可以入去坐低就問下Reception 姐姐可唔可以入去行個圈比我部相機食先, 答案係可以既,GOGOGO嘩...一入到去就見到海鮮陣, 認真心花怒放長腳蟹同麵包蟹都好鮮甜,正!! 其實仲有埋開邊龍蝦同即開生蠔(本人對蠔冇太大興趣就冇影啦)...行多2步就見到有Sashimi 同沙律Bar甜蝦雖然要自己剝殼但認真好食!!跟住就到粉麵包湯既位置, 飲左個蟹肉濃湯都算唔錯啦 仲有得食西式Pasta 或者中式粉麵, 想食咩就夾D咩比廚師幫手煮就搞掂!! 去夾左小小黎試下..都幾唔錯既, 見到好多小朋友都食緊之後就見到甜品Counter, 款式選撰都還好啦(太多冇影) 都係有朱古力噴泉同我摰愛既MOVENPICK 雪糕!!!! 最值得讚既係心太軟同窩夫配埋雪糕真係冇得輸轉個彎就係熟食區, 大致上分左有中式, 印度菜同西式既位置~中式竟然有片皮鴨!!! 好食!! 另外個燉湯都好清好真係見到有個印度人整緊D薄餅, 而D咖哩食落都好

Three on CantonLunch Buffet ($298@1)早兩日去左港威酒店食自助餐，之前聽人講話lunch buffet都有生蠔食，覺得好吸引，就同屋企人一齊去食！點知，我同細佬搵呀搵，行左兩個圈都搵唔到生蠔的蹤影，唉，即刻頹左...不過好彩都有長腳蟹、龍蝦仔、青口、麵包蟹搭救！蒜蒸帶子，帶子好大隻，仲幾新鮮添！喇沙湯粉，略嫌椰汁味太重。燒牛肉既質素麻麻地，太生切唔開，牛味亦唔重...燒汁更是淡而無味，我自己落左少少鹽同胡椒調味，再成舊放入口練習牙力！餐廳配合返新年，大部分甜品都插左個賀年牌仔，令甜品區充滿氣氛！Tiramisu賣相好靚，我幫佢影完相就唔捨得整爛佢。聞到咖啡味好濃好濃，食落Mascarpone Cheese同冧酒味好重，加上淋淋的lady finger，唔太苦又唔太甜，好味呀！其實Three On Canton的甜品種類都幾多，食到中段仲有新野推出，就係心太軟啦！心太軟朱古力味好濃，但又唔會話超甜，流心效果尚可，冇湧出黎，再澎湃啲就正。岩岩焗起熱辣辣，外皮仲脆脆地，配上一球Movenpick焦糖咖啡味雪糕，冷熱在我味蕾交錯，完全溶化我的心！甜品種類多，仲

見到港威酒店推出左小寶貝免費食自助餐優惠，就帶同兩個小孩兒試下。踏入餐廳就被那時尚舒適的設計吸引，感覺挺好的。自助餐主題是海膽，本人並非海膽愛好者，但試過這裏的海膽。那份鮮味，令人一試難忘。除此以外更有廚師即場煮意粉和多款海鮮選擇。另外，餐廳採用MOVENPICK 冰淇淋，如覺得飽肚，雪芭也是一個不錯的選擇。在進食中段期間，員工關心並問及是否喜歡食物。對話期間，員工得知當天是大仔的生日，送來一個朱古力心太軟，碟邊更有朱古力醬填上生日快樂的字句。此舉為我們的家庭棸會添上色彩。餐廳設有露天雅座，爸爸更發現有水煙售賣。無論下班相約三五知己，或者是行街累了，這裏也是一個歇腳的好去處。五星級的酒店餐廳，我們去過很多，Three On Canton是特別值得讚賞的。來緊星期五，餐廳跟一個菲律賓保護動物的慈善機構合辨一個雞尾酒會。＄３００任食，任飲。我也會向朋友推介。 

聽朋友講呢間野近期會做海膽推廣,就約埋朋友一齊黎試下一入到餐廳見到門口帶位笑容滿面,  餐廳環境整潔行入去就見到滿滿的生蠔吧, 賣相好吸引跟住就見到有大大件海膽壽司, 迷你海膽飯同多款刺身一擺低個袋就沖去拎野食, 一開始就食左5,6碟海鮮,包括有龍蝦, 長腳蟹, 生蠔, 翡翠螺等等, 全部都好鮮甜,一路行落去,就見到有沙律吧同埋麵檔,意粉同中式麵d餸都係自己簡,但我個肚已經冇咩位.打算留黎食熱食,跟住係中菜區見到片皮鴨同燉湯即刻拎個黎試下先,個湯清甜味濃,再黎又見到有咖哩食仲要係呀差煮既,雖然我唔食辣但我都決定試下.意外地發現佢d咖哩都幾適合我d口味.行落去西菜部,拎我最中意食既羊架同埋鵝肝,都忍唔住食佐5-6件,仲要其他西式食品都因為飽飽地食唔落啦.最後進攻甜品,有我最中意既藍莓芝士蛋糕同埋好貴既movenpick雪糕,5-6款雪糕加上迷你心太軟為我哩晚劃上完美既句號.因為第一次黎太想試哂咁多野,所以完全忘記佐要影相.真失策.我諗我下次會約埋我男朋友一起黎,希望我再黎既時候會有新既推廣.咁我又可以再試新野.

因為早前Join了Marco Polo Hotels Member Club，早前已光顧其中的Marco Polo Hong Kong Hotel及Prince Hotel， 餘下一張回本用的"4位或以上其中2位免費Coupon"，為奶奶慶生日可以用上了，一行五人，我們請客，選擇了餘下的Gateway Hotel。原則上我相信相同海鮮來貨應該是一樣吧，龍蝦OK，其實不沾上汁醬已經夠味，不過不小心加了...長腳蟹也是鮮甜，但小龍蝦沒有蝦膏...Marco Polo Hong Kong Hotel有帝皇蟹，但這間竟然沒有，真可惜...因為這間Dinner Buffet是$568，貴了$70還沒計加一，本來以為海鮮選擇應該更多...生蠔貨源或品種似乎不同?這間的生蠔比較大隻，另外多了青口，不過...貴了$70但海鮮竟然只是多了青口而已嗎...? 青口還是普通那種...為什麼不是藍青口...╮(╯_╰)╭翡翠螺依舊不太大隻，發現原來還少了海蝦呢...不過熱食幸好有鵝肝和片皮鴨，不過鵝肝不算太美味，上次富豪九龍酒店的鵝肝多士更好吃。鱷魚肉湯。說到甜品我就想哭了...選擇真的很少...上次Marc

一行12人，有老有嫩，早半個月前訂座。由於人數多，餐廳要求落訂$1000。電郵戶口資料，過數後有職員致電確認，並且回覆會留間房給我們，真好！ 要準時6:30pm方可入座。入到去見到間房，好正  急不及待開動啦~~首先攻冷盤！海鮮有開邊龍蝦、龍蝦箝、蟹腳、兩款青口、中蝦、生蠔。見之前的食評有麵包蟹，但依家已經無左，好失望 其他仲有cold cut、魚生、芝士盤等 當然大家的目標都是龍蝦啦，每次出一兜仔，開邊龍蝦、龍蝦箝各佔一半，開邊龍蝦好快比人拎晒，剩下龍蝦箝，當晚所見經常是無晒開邊龍蝦，剩下龍蝦箝。不過，開邊龍蝦其實麻麻，肉實得來無乜味。反而龍蝦箝比較嫩滑及鮮甜。大家食左一兩輪龍蝦之後已經放棄，因實在唔太好食。如果係為左龍蝦而來，恐怕會失望了。生蠔是即開，要排隊，每次3隻，阿哥仔密密開，所以唔洗排好耐，味道唔錯，雖然唔大隻但算鮮甜。蟹腳都OK。魚生方面有三文魚、吞拿魚、鯛魚、希靈魚、彷鮑片。吞拿魚及鯛魚唔掂，其他OK。其他仲有沙律區、日式冷麵、粥麵檔湯有3款，1老火湯、1西湯、1燉湯 (無影)有幾款泰式熱盤如泰式酸甜炸蛋、葉包雞、咖哩鴨等 (無影)中式熱盤唔多，得幾味如生炒骨、蒸

慶視父親生日，一家四口6:00到達餐廳，原來自助餐6:30才開始，唯有在附近超市走走，回來還未到時間，進場走一圈拍拍照，職員也沒有阻止。得知11月15日前每人送太湖大閘蟹一隻，我們十分興奮。蟹雖然不算大，但是公蟹來的，打開蟹蓋便見蟹黃徐徐地流出來，我最愛流心的蟹黃，入口很甘香，另外，客人可自助取薑茶，可惜可能為平衡大眾口味，薑茶的薑味稍遜。先介紹海鮮區：New Zealand 即開生蠔：每人每次三隻，體積不算大，但是鮮甜的，長期大約有七、八人輪候，師父開蠔的速度一般。龍蝦：每次出的數量不多，供應不是太豪爽，要吃身的話，可能要等一下。長腳蟹：不算粗壯、但肉質還可以。翡翠螺：還可以整體評語尚可，海鮮區品種選擇不夠多，品質還可以。

上週甜魔家連續兩天到訪Marco Polo，真有緣! Three on Canton 是於啤酒節前一天自費再訪，因為囝囝一滿三歲吃buffet就要收費啦！ 還記得年多前初訪這裡，沒估到 Tea buffet 有如此多美食，驚艷不得了，結果食評都分成上集、下集推出。適逢囝囝生日前夕，約了J媽媽久別再聚，想不到更好的建議就來返兜了！時段與之前一樣，15:15 - 17:00，成人 $258／小童 $188 另收加一，時間比較少，但食物選擇豐富吸引。大家都想第一時間入座，餐廳門外三點左右已經出現人龍。已經介紹過一次，所以今次不太長氣，大家看圖吧。首先是海鮮區，有龍蝦仔、翡翠螺、熟蝦、青口等。也有一些凍肉、西式熏魚、莎樂美腸等，爸爸取了一些，我沒試了。壽司及即點即切的刺生區，刺生也有四款選擇，還有日式的冷麵。芝士比起年多前少了一些款式，配料更是差遠了，但質素都還不錯的。來到沙律區，檯中央出現中空，明顯是午市與下午茶的食物不同了。對了，最近buffet的主題是西班牙，所以有關西班牙的美食特別多～可能大家都知道了，我最關心就是有沒有製作凱撒沙律的材料。答案是有的，Yeah!!Tea buffet

上次來都話佢差，但因為朋友搞生日慶祝，想找個中間點，所以選址這個除左我來過的餐廳。今回一行五大一小，小的沒收費，一票作廢，五個有資格的投票，都一致投票，評選入最差餐廳之列。點差，蠔衰過好多開晒預先放係度俾客人取的蠔，我們每人吃了一隻都沒再拿了，魚生無鮮味，Ham 類只可說一個字弱，行了兩轉都無興趣再取食物，片皮鴨又細件皮又不脆肉又實，最討厭海鮮補充超慢，仲要補龍蝦補得寒酸，每次幾隻半邊，一個客都拎晒就無，朋友們行了十幾次，最終成桌五人都只拎到兩邊龍蝦，但又細又沒鮮味！心太軟算最好味食物，但那個負責雪糕的廚師真的好沒品，我們取雪榚時都是每人要一個球啫，又不是麻煩他什麼，但他就每個雪榚球都用盡力的大力拍在碟上，而且憤怒的眼神真的讓我們不好受。話個飯局，除左有個自成一角的窗口位算是安慰獎下，只給個爛字，這個價位的餐，我們除左爛字，沒有更好的形容詞了。

退休飯局Three on Canton!個人黎講第一次到枂對比較高級既地方食野，所以好開心，當然最重要係希望同事退休生活愉快!係openrice當然要講下食物方面:海鮮方面，每樣都好新鮮，而且好鮮甜，我最鐘意三文魚!跟我之前吃的真的好唔同，好軟又夠油份!龍蝦超大隻，真的不懂如何評價，總之讚!熱食方面，個人最愛豬手同鵝肝，兩者都入口即溶，又夠入味，口腔充滿油脂，但是香甜的!

開業至今睇住three on cantoon嘅起落.真係keep唔住食品質素.因加枱太多令環境差左強國人又多,好嘈雜!生蠔:以前有3種選擇,如今得1種,肉質新鮮,都幾鹹鮮,不過要食就要早啦,因食到途中已開始變味.龍蝦仔:味道鮮甜.龍蝦:味太淡,唔鮮味.蓮藕湯:味道香甜幾好味.翡翠螺:肉質幾淋,但有沙.泰式魚:味道香滑野味.燒雞:又乾又嚡,完全冇味.三文魚,希靈魚:三文魚味淡唔夠油香,希靈魚可食,冇咩特別.羊架,鵝肝,炸豬扒:羊架味道好淡,肉質好嚡.鵝肝肥美足味,可惜好油食多兩件會反胃.炸豬扒又乾又嚡完全冇味.花旗參燉湯:清香味美,花旗參味濃幾甘香.整體:一落千丈,食品買小見小,經常用同一種食品做3-4款菜,完全冇新意.

聽聞酒店coffee shop 裝修後、有好多正面的食評。今晚就同家人一齊試試有幾好食！即開法國Fine De Claire, 雖然是細size但入口鮮美又有香濃海水味！刺身提供了基本的三文魚、金䱽魚、甜蝦及成本較高的帶子。刺身味道新鮮但沒有多大驚喜！壽司水準就麻麻、壽司飯握得太實好硬好難食。熱蕈有中、西、泰、印、意菜！其中以印度菜做得比較好食，咖喱用了不同的香料烹調、食出濃郁印度咖喱風味！印度燒烤亦都非常好味！法式煎鵝肝都可算是出手大方、大大塊又夠厚，煎到外脆內軟的效果，入口鬆軟多汁！其他食物只是一般自助餐水準的質數和味道！甜品味道也只是一般，沒有太多選擇！生果種類亦唔多而且味道都是普通。餐廳設計及裝修就只是一般、沒有外間轉載得那麼好！

今天補寫食評，是因為覺得自己每次去選擇食府都會參考之前的食評，所以覺得自己既然去試過，都應該寫番些食評，供大家參考。會去這間食，是因為未試過，而見食評寫的都說有蠔有海鮮同鵝肝，又有炖湯.......食物的確好多款式......一到門口好有驚喜，設計好新穎，好靚吓，但被帶進去越行就越失望，內裡裝璜相對簡陋好多，當帶到位置時，目到與鄰桌接近零距離的時候，我馬上有衝動想走，這太差了！洲際都好密，但都未夠它密，至小洲際樓底高，沒那麼有壓迫感，後來我要求換位 要坐到單邊的位置，否則我真的會放棄吃下去囉！最後他們是幫我安排左換位。可能一開始對環境已經扣分，之後拿食物就更加一直比下去了....沙律小款式，無特別，蠔就排長龍，而海鮮，不用排，因為清晒，除非你企係度等refill ...炖湯，油又多，拎到埋位都唔熱。只得鵝肝我是讚的，煎得皮脆內嫩，又大方，任夾，到9點幾，廚師在洗爐具，但我朋友出去想拎，但都第一時間再煎6片，到我走時經過都仲見到有幾片在盤上。補充，食物似乎多，但無味度。而環境好暗，我好不喜歡這種燈光，比Yamm 更暗，但桌子太迫，樓底矮，好嘈吵的地方。

知道哩度有happy hours，又唔太多人，所以去一試，hh 有買一送一，但不是每樣飲品都有，紅白酒大約有各三款，cocktails 都有差不多十款，其實選擇OK 嘅！入到去，完全冇人理你！(職員見到我的)，然後我問，""三位可以坐邊呀？"" 諗住等佢帶位，咁我唔知道邊張枱有人架嘛！位小姐話““吓… Errr… 好似冇位””一臉茫然嘅樣！然後我指向吧枱位問佢有冇人，佢係答““都可以嘅～””！咁我哋就是但坐低咗，成十分鐘冇人招呼，even 拎餐牌，完全冇人理！其實係夠職員嘅，不過圍咗係個吧檯另一邊傾計，之後直接行去揾佢，落單時，位小姐連餐牌有乜都唔知！連個酒名都唔識然後問““即係邊個呀？”” 終於落完，行開，之後三杯嘢到，真心講… cocktail 賣相好差… 飲落好淡，好似加咗好多水咁！唉～ 已經心諗冇下次！之後打算叫小食，又係等餐牌，落單…永遠揾唔到人，依然圍住傾計！還有，職員不停行去隔離buffet 部攞嘢(幾個後生女仔)，然後返吧枱食！！！簡直離譜！？每次都係我主動行去揾人落單！成班都唔知係咪做嘢！ 佢個小食餐單唔多選擇，連基本薯條薯皮都冇嘅，最後叫咗炸雞粒，係幾好食嘅，

每年生日都會同愛人選擇去食Buffet慶祝~今次揀咗Three on canton ~生蠔 細隻~重海水味~鮮甜~食咗12隻蟹蟹肉好滑~味淡~個人好喜歡~食咗1隻半三文魚無特別~小吃2片燉湯熟食一般般~選擇唔多~可以不提~羊排羊肉迷嘅我~食一啖已經頂唔順陣羊味~ 羊羶味 奇難頂 生日附送一個心一d都唔軟嘅心太軟~一d都唔好食~