Three on Canton

又係一年一度生日buffet, 由於食量細, 所以選擇較平嘅lunch buffet.湯品 : 兩款西湯, 一款中湯, 大部份地方 lunch定dinner都唔會有3款咁多, 第一次遇上, 我很喜歡飲湯完全合我心意.刺身 : 有三文魚, 吞拿魚, 北寄貝, 仿鮑片, 希靈魚, 很新鮮而且份量都唔少, 最好食係希靈魚夠鮮甜.卷物 : 有太卷及加州卷.海鮮 : 有翡翠螺 (夠爽口), 中size嘅蝦, 龍蝦仔 (太細隻無試), 青口, 長腳蟹 (太咸)熱食 : 有很多款式, 但因為沒有全力進攻這方面食品, 只食了少許, 所以只略略知道有蒸點心, 印度咖哩, 燒牛肉, 烤火腿, 燒帶子, 燒蒜頭, 炸蝦片, 炸魚柳, 格格脆薯, 魚香茄子, 蒸魚等等..., 本人最喜歡係同時有得食粥及麵, 自己夾好材料俾師傅煮, 而麵檔有兩個湯底俾你選擇 (清湯及喇沙湯).西式甜品 : Mövenpick 雪糕有朱古力, 士多啤梨, 焦糖, 楓糖合桃, 啤梨雪葩5種口味, 楓糖稍為甜了少許, 雪葩很清新的感覺. 還有剛剛焗好的心太軟, 朱古力味濃郁, 朱古力醬慢慢流出來, 真的太好味! 還有看見迷你maca

今年既結婚週年結念日，冇事前特別準備，就快速在網上搵間BUFFET 試下啦! Buffet 時間由6:30pm 到 10:00 pm, 雖然我地7點半先去到，都唔洗趕頭趕命。一開始當然是試下d冷盤先啦，開邊龍蝦都几鮮味，但肉質就比較鞋喇!另外，我試左長腳蟹，鮮甜味美，藍青口size夠細，所以都算鮮嫩滑口，重要是無渣。沙律吧佈置得好吸晴，整整齊齊又多元化，材料都好新鮮，亦有供應多款醬汁。HAM既款式少，而且並不吸引，所以無試。即開生蠔雖然細細粒，但爽甜味美，海水味濃。刺身有4-5款，三文魚，北寄貝，原隻甜蝦，鮑片等，都好新鮮，但就少款式，三文魚特別好味，魚味好濃。而壽司就只得卷物，所以冇試。遇岩懷舊老香港主題，真係有好多兒時既零食，睇見回憶下都好開心。菲林卷，砵仔糕，馬仔，糯米糍，雞仔餅，合桃酥，冰條，冰糖葫蘆，山楂餅，白糖糕仲有車仔麵，生滾粥，茶葉蛋，仲有D涼果，同埋自助懷舊汽水，以前响D辦館買汽水，就係自己伸隻手入去凍冰冰既水入面拎汽水再自己開蓋架喇!繼續就係熟食類，有鵝肝多士煎得夠燶。扁皮鴨睇住師傅即場扁，所以每一件都仲暖同埋D皮仲脆，而塊粉皮就用蒸爐一直蒸住，保證每一塊都暖笠笠，

星期日下午到尖沙咀到處都是自由行，要找間cafe喝杯咖啡都難。想到了Gateway Hotel的Three On Canton。我們被分配到隱敝位置。Happy hour 買一送一，我們一行4人order了afternoon set for 2，另外兩個朋友order了飲品。Fruit punch和 Prosecco 中規中矩。值得一讚的是Prosecco 夠凍。把杯雪凍才盛冰凍的白酒，絕配。Afternoon set沒驚喜，和三層架一同上檯的有印度的煎餅吸引大家的視線。這煎餅像極了一條長毛巾，初時大家都對這食品存疑，後來才發現是煎餅！煎餅內有印度馳名的橙紅色tandoori chicken 。味道實在太辣，不能吃辣的朋友G完全吃不到。不過越辣越惹味，河馬生吃了很多。隨煎餅附上的薄荷醬卻與tandoori chicken 不太夾，有點火上加油。至於三層架上的甜點則沒大驚喜。當中最喜歡咖啡奶凍，大概是奶凍的甜中和了咖啡，咖啡味濃而不苦，每一口都滲出咖啡香。如果只想和三五知己吹吹水，這裡的環境也不錯，食物便普普通通了。大概我們被分配到隱敝位置，全程叫天不應，服務普通。

一直都好想試下港威酒店的Tea Set，今日終於有機會試喇。我和好友坐在Outdoor的位置，被綠悠悠的植物環抱，感覺休閒。先講講餐牌，($388/2位包2杯餐飲)。餐飲的選擇除了紅茶和咖啡外，更可選擇雞尾酒和Mocktail（有十多款），無須另外收費。喜歡甜洒的朋友, 亦可加$110 將餐飲轉2杯 Rosa. 我個人就揀左Mojito.　This is so refreshing。三層架上放滿精緻的美點。鹹味點心當中的印度米煎餅和漢堡包都值得推薦，濃郁與厚重的口感相交替,讓人一試難忘。甜點方面, Macaroon的外殼酥鬆, 內餡香滑, 無得輸。果撻的水果鮮甜, 可看到廚師挑選食材的心思.餐廳的服務員也很主動招呼，整體的dining experience很好. 希望下次可以帶爸爸媽媽黎品嚐一下

之前都嚟過呢度，覺得呢度種類多又有好多我鍾意食嘅海鮮，所以同朋友再嚟食生日飯。我最鍾意呢度嘅龍蝦，很鮮甜彈牙，仲源源不絕供應。生蠔都很肥美，翡翠螺長腳蟹都唔錯。魚生都有好多選擇，很鮮甜。鵝肝多士，西冷牛扒都幾好⋯⋯還有其他熱食都試唔晒咁多。個湯都幾好飲，足料。甜品都有好多選擇，賣相都很精緻。仲有好多不同種類嘅生果，係其他自助餐唔常見的。服務員態度都好好，收碟快，不時會加水。整體嚟講都好好，保持到水準。

今晚難得五位中花可以聚首一堂，當然要食餐好啦！我們選擇左去尖沙咀港威酒店嘅Three擦餐勁嘅！最喜歡就是沒有限制用餐時間，讓我們這班中花可以暢談無阻。因為一星期前已經book左枱，所以不用等已經有位了！一進內已是分得清楚嘅Bar位，首先是海鮮Bar,跟著是沙律Bar，炒麵Bar，甜品Bar, 轉入右手邊是熟食：有中式，印度菜，西式，美式。我本人最愛食海鮮，當然第一時間沖去食即開生蠔，很新鮮但偏細隻。龍蝦和青口很鮮甜，再配埋個泰式汁，prefect match！有長腳蟹，不過偏咸！沙律款式少又普通！甜品選擇多，又精緻，尤其是心太軟，苦甜度剛好，再配上vanilla ice cream 簡直prefect match吖！到熟食區，當然要食鵝肝多士，燒牛肉，燒羊架，燉湯，北京填鴨，四川擔擔麵，喇沙湯麵。因為本人胃部容量有限，未能一一掃哂，唯有寄望下次啦！歡樂嘅時光過得特別快，我們經過3個多小時嘅掃食，除左食飽，仲有笑飽！

好朋友生日, 3個女仔黎到呢度食下午茶buffet慶祝!呢度環境一流, 坐位與坐位之間好濶, 即使3個女人講是非大聲d都唔太噪.這裡3:30開始tea bufffet, 食物方面就好一般, 冷盤比較多有沙律菜, cold cut,  生果, 青口, 蟹蚶等.熱盤就比較多選擇, 有咖哩, 餃子, 德國腸, 雞翼, 意粉, 關東煮, 中式飯麵等 最期待嘅甜品就有點失望, 選擇少, 蛋榚類亦不多, 有龍眼, 荔枝, 生果, 有D似中秋節.Popcorn 亦很失望, 見佢有個Popcorn機, 以為是即時制作, 取了一杯即時品嘗, 但裡面popcorn 已經淋左這裡連加一每位$275.  雖然甜品有點失望, 但熱盤還是可以的, 以這個價錢, 地點及環境, 算是可以的!

Freestyle @ Three On Canton吃自助餐最令人喜愛的地方，莫過於那種自主性，偏偏很多人都喜以該地方是否有生蠔供應，來判定該自助餐廳的好壞，確是令我感到百思不得其解。我喜歡吃自助餐的那份精緻，這裡的種類以海鮮，沙律，甜品類較多，熟食較少。對的，沒有生蠔吃，有蟹腳，蝦，貴妃螺。蟹雪得太久，令到蟹肉肉身不夠嫩口，而且吃不到那新鮮帶有海水的味道。貴妃螺因為過急補添，導致冰雪未退，吃過後回家瀉了幾次。螺本身是好貨色，慘被處理不佳而拖垮了。沙律的擺放反而值得一讚，夠集中，而且種種都新鮮多水份，十分清新，堅果類多十分迎合日益注重健康食客的需要，再襯上薄切的巴瑪火腿，十分美味。至於熟食，倒是燒帶子做得不錯，味道頗鮮甜，炸魚薯條不過不失，燒牛肉稍嫌過靱，燒得仍欠多少火候，肉質仍有多少粗諧。來到甜品時間了，麵包布甸，焗出來不夠香，吃下去不夠鬆軟。反而冰淇淋不錯，十分好吃，惜不是自家製的，與此餐廳無關。以此自助午餐來說，好的是可製作到各式其式，惜沒有出色的點子，在空間感圍繞著家庭樂設計下，可滿足一家大小聚在吃的心願，卻在食物菜式方面要多下點功夫了。

一行4人突然想食好d,大家就決定黎尖沙咀啦，呢間酒店水準，曾經跌過，今日見到有8折優惠，禁又黎試下，可能今日係平日，好多食物都唔洗爭，海鮮冷盤:珍珠蠔，長腳蟹，龍虾，凍虾，青口，真係齊晒囉(╯з╰) 都是非常合我心意，熟食都唔弱，有片皮鴨，鵝肝多士 (大大粒有口感 配上芒果醬good)，燒牛肉，羊架，芝士都是我最愛，水煮魚(真辣) 當然唔夠飽你仲可以食咖哩點薄餅，自選材料即制意粉，自選粉麵都有，飲左個好香龍眼紅棗的燉湯，感覺好補Lo，女仕要飲多d, 當然我另一至愛就係甜品啦，呢到有好多甜品，流心朱古力，唔會太甜好濃朱古力特別喜歡，朱古力拿破崙，藍莓芝士餅，自家制馬仔，雪糕最出色:青檸雪巴味，士多啤梨，好多果肉，食左禁多野酸酸地無禁漏!格仔窩夫熱辣辣好香好脆，自助加生果，雪糕真係抵過去食甜品/茶木啦! 最緊要係真係好味，服務方面就差d,可能我們遲入坐，感覺好像阻佢地收工，侍應唔多想理我們，食完唔收碟，次次都要叫佢先收，令人有點失望!

行經海港城，想吃甜的。價錢2位用$350 (+10%) 屬中下價格。服務想要添熱茶或更換餐具時，往往很難找到服務員，而且看似不願服務的態度。食物這個黑色 3-tier 下午茶架在香港都非常普遍。「InterContinental」、「Harlan's」、「Hooray」、「Crowne Plaza」、「LGB」」、「海景嘉福酒店」........ 等都用它。 咸甜點比例平均:鬆餅熱烘的上桌，鬆脆帶牛油香。合格。但最不喜歡他們鬆餅的果醬是外購品，有欠誠意。我反而珍惜自家製果醬的下午茶小店。香濃朱古力泡芙芒果撻 - 底層鬆化，但芒果很酸Macaroon - 算是可以的，外形是倒模出來的成品，.....可以不吃Lobster SaladCurd Salmon BruschettaPan-fried Foie Gras on Toasted Brioche總結未有對 Three on Canton 的下午茶有太深刻的印象。反而同商場的法國甜點下午茶，多付少許，卻有水準得多。其實三百多元的下午茶來說，味道絕對比「Mardian Oriental」好，如果行經尖沙咀時，也可以一試的。

食個自助餐作為一個長假既開始認真係笑哈哈咁岩友人見到Three On Canton有我最愛既蟹作為主題, 所以黎到呢度搵食!!由於係6:30 開始之前已經到左, 但又準時先可以入去坐低就問下Reception 姐姐可唔可以入去行個圈比我部相機食先, 答案係可以既,GOGOGO嘩...一入到去就見到海鮮陣, 認真心花怒放長腳蟹同麵包蟹都好鮮甜,正!! 其實仲有埋開邊龍蝦同即開生蠔(本人對蠔冇太大興趣就冇影啦)...行多2步就見到有Sashimi 同沙律Bar甜蝦雖然要自己剝殼但認真好食!!跟住就到粉麵包湯既位置, 飲左個蟹肉濃湯都算唔錯啦 仲有得食西式Pasta 或者中式粉麵, 想食咩就夾D咩比廚師幫手煮就搞掂!! 去夾左小小黎試下..都幾唔錯既, 見到好多小朋友都食緊之後就見到甜品Counter, 款式選撰都還好啦(太多冇影) 都係有朱古力噴泉同我摰愛既MOVENPICK 雪糕!!!! 最值得讚既係心太軟同窩夫配埋雪糕真係冇得輸轉個彎就係熟食區, 大致上分左有中式, 印度菜同西式既位置~中式竟然有片皮鴨!!! 好食!! 另外個燉湯都好清好真係見到有個印度人整緊D薄餅, 而D咖哩食落都好

Three on CantonLunch Buffet ($298@1)早兩日去左港威酒店食自助餐，之前聽人講話lunch buffet都有生蠔食，覺得好吸引，就同屋企人一齊去食！點知，我同細佬搵呀搵，行左兩個圈都搵唔到生蠔的蹤影，唉，即刻頹左...不過好彩都有長腳蟹、龍蝦仔、青口、麵包蟹搭救！蒜蒸帶子，帶子好大隻，仲幾新鮮添！喇沙湯粉，略嫌椰汁味太重。燒牛肉既質素麻麻地，太生切唔開，牛味亦唔重...燒汁更是淡而無味，我自己落左少少鹽同胡椒調味，再成舊放入口練習牙力！餐廳配合返新年，大部分甜品都插左個賀年牌仔，令甜品區充滿氣氛！Tiramisu賣相好靚，我幫佢影完相就唔捨得整爛佢。聞到咖啡味好濃好濃，食落Mascarpone Cheese同冧酒味好重，加上淋淋的lady finger，唔太苦又唔太甜，好味呀！其實Three On Canton的甜品種類都幾多，食到中段仲有新野推出，就係心太軟啦！心太軟朱古力味好濃，但又唔會話超甜，流心效果尚可，冇湧出黎，再澎湃啲就正。岩岩焗起熱辣辣，外皮仲脆脆地，配上一球Movenpick焦糖咖啡味雪糕，冷熱在我味蕾交錯，完全溶化我的心！甜品種類多，仲

見到港威酒店推出左小寶貝免費食自助餐優惠，就帶同兩個小孩兒試下。踏入餐廳就被那時尚舒適的設計吸引，感覺挺好的。自助餐主題是海膽，本人並非海膽愛好者，但試過這裏的海膽。那份鮮味，令人一試難忘。除此以外更有廚師即場煮意粉和多款海鮮選擇。另外，餐廳採用MOVENPICK 冰淇淋，如覺得飽肚，雪芭也是一個不錯的選擇。在進食中段期間，員工關心並問及是否喜歡食物。對話期間，員工得知當天是大仔的生日，送來一個朱古力心太軟，碟邊更有朱古力醬填上生日快樂的字句。此舉為我們的家庭棸會添上色彩。餐廳設有露天雅座，爸爸更發現有水煙售賣。無論下班相約三五知己，或者是行街累了，這裏也是一個歇腳的好去處。五星級的酒店餐廳，我們去過很多，Three On Canton是特別值得讚賞的。來緊星期五，餐廳跟一個菲律賓保護動物的慈善機構合辨一個雞尾酒會。＄３００任食，任飲。我也會向朋友推介。 

聽朋友講呢間野近期會做海膽推廣,就約埋朋友一齊黎試下一入到餐廳見到門口帶位笑容滿面,  餐廳環境整潔行入去就見到滿滿的生蠔吧, 賣相好吸引跟住就見到有大大件海膽壽司, 迷你海膽飯同多款刺身一擺低個袋就沖去拎野食, 一開始就食左5,6碟海鮮,包括有龍蝦, 長腳蟹, 生蠔, 翡翠螺等等, 全部都好鮮甜,一路行落去,就見到有沙律吧同埋麵檔,意粉同中式麵d餸都係自己簡,但我個肚已經冇咩位.打算留黎食熱食,跟住係中菜區見到片皮鴨同燉湯即刻拎個黎試下先,個湯清甜味濃,再黎又見到有咖哩食仲要係呀差煮既,雖然我唔食辣但我都決定試下.意外地發現佢d咖哩都幾適合我d口味.行落去西菜部,拎我最中意食既羊架同埋鵝肝,都忍唔住食佐5-6件,仲要其他西式食品都因為飽飽地食唔落啦.最後進攻甜品,有我最中意既藍莓芝士蛋糕同埋好貴既movenpick雪糕,5-6款雪糕加上迷你心太軟為我哩晚劃上完美既句號.因為第一次黎太想試哂咁多野,所以完全忘記佐要影相.真失策.我諗我下次會約埋我男朋友一起黎,希望我再黎既時候會有新既推廣.咁我又可以再試新野.

因為早前Join了Marco Polo Hotels Member Club，早前已光顧其中的Marco Polo Hong Kong Hotel及Prince Hotel， 餘下一張回本用的"4位或以上其中2位免費Coupon"，為奶奶慶生日可以用上了，一行五人，我們請客，選擇了餘下的Gateway Hotel。原則上我相信相同海鮮來貨應該是一樣吧，龍蝦OK，其實不沾上汁醬已經夠味，不過不小心加了...長腳蟹也是鮮甜，但小龍蝦沒有蝦膏...Marco Polo Hong Kong Hotel有帝皇蟹，但這間竟然沒有，真可惜...因為這間Dinner Buffet是$568，貴了$70還沒計加一，本來以為海鮮選擇應該更多...生蠔貨源或品種似乎不同?這間的生蠔比較大隻，另外多了青口，不過...貴了$70但海鮮竟然只是多了青口而已嗎...? 青口還是普通那種...為什麼不是藍青口...╮(╯_╰)╭翡翠螺依舊不太大隻，發現原來還少了海蝦呢...不過熱食幸好有鵝肝和片皮鴨，不過鵝肝不算太美味，上次富豪九龍酒店的鵝肝多士更好吃。鱷魚肉湯。說到甜品我就想哭了...選擇真的很少...上次Marc