影片
更多
2015-03-15
16039 浏览
Three on CantonLunch Buffet ($298@1)早兩日去左港威酒店食自助餐，之前聽人講話lunch buffet都有生蠔食，覺得好吸引，就同屋企人一齊去食！點知，我同細佬搵呀搵，行左兩個圈都搵唔到生蠔的蹤影，唉，即刻頹左...不過好彩都有長腳蟹、龍蝦仔、青口、麵包蟹搭救！蒜蒸帶子，帶子好大隻，仲幾新鮮添！喇沙湯粉，略嫌椰汁味太重。燒牛肉既質素麻麻地，太生切唔開，牛味亦唔重...燒汁更是淡而無味，我自己落左少少鹽同胡椒調味，再成舊放入口練習牙力！餐廳配合返新年，大部分甜品都插左個賀年牌仔，令甜品區充滿氣氛！Tiramisu賣相好靚，我幫佢影完相就唔捨得整爛佢。聞到咖啡味好濃好濃，食落Mascarpone Cheese同冧酒味好重，加上淋淋的lady finger，唔太苦又唔太甜，好味呀！其實Three On Canton的甜品種類都幾多，食到中段仲有新野推出，就係心太軟啦！心太軟朱古力味好濃，但又唔會話超甜，流心效果尚可，冇湧出黎，再澎湃啲就正。岩岩焗起熱辣辣，外皮仲脆脆地，配上一球Movenpick焦糖咖啡味雪糕，冷熱在我味蕾交錯，完全溶化我的心！甜品種類多，仲
Three on Canton
Lunch Buffet ($298@1)
早兩日去左港威酒店食自助餐，之前聽人講話lunch buffet都有生蠔食，覺得好吸引，就同屋企人一齊去食！
點知，我同細佬搵呀搵，行左兩個圈都搵唔到生蠔的蹤影，唉，即刻頹左...不過好彩都有長腳蟹、龍蝦仔、青口、麵包蟹搭救！
蒜蒸帶子，帶子好大隻，仲幾新鮮添！
喇沙湯粉，略嫌椰汁味太重。
燒牛肉既質素麻麻地，太生切唔開，牛味亦唔重...燒汁更是淡而無味，我自己落左少少鹽同胡椒調味，再成舊放入口練習牙力！
餐廳配合返新年，大部分甜品都插左個賀年牌仔，令甜品區充滿氣氛！Tiramisu賣相好靚，我幫佢影完相就唔捨得整爛佢。
聞到咖啡味好濃好濃，食落Mascarpone Cheese同冧酒味好重，加上淋淋的lady finger，唔太苦又唔太甜，好味呀！
其實Three On Canton的甜品種類都幾多，食到中段仲有新野推出，就係心太軟啦！心太軟朱古力味好濃，但又唔會話超甜，流心效果尚可，冇湧出黎，再澎湃啲就正。岩岩焗起熱辣辣，外皮仲脆脆地，配上一球Movenpick焦糖咖啡味雪糕，冷熱在我味蕾交錯，完全溶化我的心！
甜品種類多，仲幾好食！其實Three On Canton的Lunch Buffet食物選擇不多，熟食非常少（食食下會發現自己食黎食去都係果幾樣，不超過六款），冷盤跟其他酒店自助餐無異，係甜品選擇多少少，但連我最鐘意的pancake都冇...
所以，我未必會食多次，因為今次食完有少少後悔，Lunch Buffer用同樣價錢會有更好選擇。
张贴
