The Right Place (舊墟直街) (已結業)

今晚去大埔搵表妹，之後佢帶我去舊墟直街果邊搵地方食飯～黎左間bar - 叫 the right place ~我地先叫左個龍蝦湯暖一暖個胃，入落好濃郁，入面仲有少少蝦肉tim~~之後叫左2個main, 一個芝士安格斯burger配薯條，個angus 真心好得，好香而且肉味鮮嫩，食落仲要啖啖肉，份量都幾多， 賣相都好吸引，薯條亦夠香脆！另一個main 就係帶子南瓜辣肉腸risotto, d 意大利飯creamy 得黎又唔膩, 而帶子勁大粒又鮮甜, 南瓜辣肉腸都好多, 食落overall 好有口感~最後再叫埋2杯飲品, 一路傾下計~ 杯DR. KITTY 係荔枝特飲, 少少甜!另一杯係Melon Mashup, 西瓜特飲, 清清地, 飲落夠清新, 唔錯 =]

大埔新開的酒吧餐廳，襯著假日與家人共聚，環境不錯很有氣氛👍🏻My cup of tea $148見到圖好特別所以點左黎飲，用左茶具的裝酒很有特色，熱果杯是餐前飲用而凍果杯是餐後酒帶點甜味😄Truffle Fries $78即叫即炸十分香脆可口😋配上黑松露醬加上巴馬臣芝士更加滋味！Pork Belly $88豬腩好林，夾著青蘋果一齊食，好清新可口，無左油膩的感覺👍🏻👍🏻👍🏻Suckling Pig $228店員推薦我們食既，咁我地就點左係乳豬件，整得好香脆美味，配上秘製醬汁更加美味可口。Sauteed Manila Clams $168蜆肉新鮮又大隻，食落去十分鮮味可口😋Green tea pudding $68最後仲點左甜品，綠色心太軟是用宇治抹茶去做的，有陣陣的抹茶味道，美味可口😋

由港島遠征新界，嚟到呢間chill爆酒餐館嘆返餐✨ 半露天酒吧格局，吧位佔舖頭一半，投影機播嘅係colors studio嘅純色MV，淨係格調已經贏咗一截以為返去咗上環咁😮唔好以為係酒吧格局啲嘢就唔得，食物水準都好高質用料都好有要求，淨係個burger塊漢堡扒都要指定用美國安格斯打成，煎蛋都係煎得剛剛好仲帶少少蛋汁。而春雞更加係用低溫慢煮法嚟燒，足足要等半粒鐘先上菜，入面除咗釀鮑魚栗子之外，仲有一種好特別嘅薩丁尼亞珍珠麵，外型有啲似穀物類，但其實係一粒粒嘅意大利麵，口感似飯粒但又帶煙韌感，而且索哂嘅汁味道超香✨當然作為間酒餐館嘢飲都唔會差啦，唔好以為我唔飲酒就冇嘢好飲，呢度啲mocktail都好有風格，特別係我杯melon mashup，西瓜味夠清新✨叫咗個甜品香蕉酥皮卷，焗到好脆但個人覺得熱咗嘅香蕉味道硬係怪怪，相較之下，作為伴碟嘅開心果雪糕就真係不得了，先講明我平時係唔太鍾意食開心果味雪糕，但呢度係店家自製好綿密，入面混咗好多開心果粒，口感豐富得嚟又唔會係硬棚棚果種，可以的話想同佢買成筒走😂

中午朋友打電話畀我，話同事介紹咗一間係公司附近嘅西餐廳，食物水準高，約我放工入大埔同佢一齊吃好西，咁啱今日唔駛留低開OT，有好嘢食當然奉陪啦！搭東鐵入到太和差不多都七點，會合朋友後步行唔駛10分鐘就到，晚飯時間啱啱好。餐廳位於轉角位，位置幾開揚，門外兩邊各有一排吧枱，內裏裝修亦雅緻簡約，環境和氣氛都唔錯。看著Menu實在有太多選擇，我乾脆order Set Dinner，加＄30仲可以升級法式龍蝦湯，月頭手鬆d，一於對自己好d 。朋友就選了「低溫慢煮法國春雞釀鮑魚栗子及薩丁尼亞珍珠麵伴薯條」。「法式龍蝦濃湯」不但Creamy而且仲有粒粒龍蝦肉，據講是用龍蝦殼熬製，沒有加鹽和調味料，可說是全天然龍蝦味，再配上香軟又蒜味濃郁的蒜蓉包，味道非常夾，食多幾件都無問題呀！晚餐選了「烤西班牙黑毛豬扒配砵酒洋蔥燒汁」，西班牙黑毛豬扒大大件，肉質軟腍，煎烤火侯拿捏好，咬落有肉汁，唔嚡唔乾，淋上砵酒洋蔥燒汁，非常惹味，配白飯吃，一絕，簡直是汁都撈埋。「低溫慢煮法國春雞」雞肉嫩滑，配合釀在雞胸內裏的栗子、鮑魚和薩丁尼亞珍珠麵一起吃，味道即時豐富了許多，而且很有口感。特色飲品Mango Tannin配搭有創

大埔揾食，揾到好地方！ 有酒飲，有西餐食，又有格調，The right place 幾好！ 我哋叫咗set dinner, 質素都好好。 😍 銀雪魚雞卷的鷄🐔卷又滑又好味！ 👏🏻👏🏻👏🏻 銀雪魚🐟亦都煎得非常之好食，新鮮、嫩滑、肉質又夠厚實。👍🏻👍🏻👍🏻飲品都好有特色，mocktail 好得！ 🍸 蘋果 🍎 批 都好正！ 不太甜，有粒粒蘋果肉！ 仲有homemade 手打雪糕 🍦! 非常滿足的一餐！ 每人$2XX CP 值高

尋日夜晚同班姊妹去吹水食飯，我哋四個都住大埔，梗係搵返大埔餐廳食方便啲。又想有酒飲，又想食西餐，又要有格調，除咗The right place ，我諗唔到有其他地方可以一次過滿足晒三個願望。我哋叫咗三個set dinner, 真係想講三個set啲質素都好好, 特別係銀雪魚雞卷個set dinner, 個雞卷又滑又好味又有特色，個銀雪魚亦都煎得非常之好食，新鮮得黎，肉質又夠厚實。正抖👍🏻👍🏻👍🏻佢哋餐廳啲飲品都好有特色，中西合璧，mocktail溝得非常之特別，又juicy ! 最後再加多個蘋果批添，一啲都唔甜，但粒粒蘋果肉係入邊，再加上自己人手打造嘅雪糕，堅係正！下次會再光顧👍🏻👍🏻👍🏻

十年都唔會入去大埔，難得有活動去到咁遠，當然問下朋友大埔有咩好食啦。朋友大力推薦左呢間，仲話包我地有驚喜WOR 本身唔好黎大埔呢頭，所以只好一路GOOGLE一路搵，最後終於在某條街尾搵到呢間餐廳，位置上其實都算幾偏僻~入到去坐底，店員安排左我地坐BAR枱。不得不先讚的是，店入面真係幾有浪漫約會既氣氛，絕對係約會/朋友小聚既好地方!睇左陣餐牌，我地就叫左魷魚西班牙辣肉腸燒南瓜法邊豆咸蛋黃意大利飯伴輕煎北海道鮮帶子、美國安格斯牛肉煎蛋煙肉芝士漢堡伴薯條同埋避風塘蘿蔔糕。而飲品就叫左Apple Juice同埋MANGO TANNIN。甜品部份就選擇左焗香蕉酥皮卷伴自家製開心果雪糕。魷魚西班牙辣肉腸燒南瓜法邊豆咸蛋黃意大利飯伴輕煎北海道鮮帶子: 味道同個名一樣咁豐富，RISOTTO充滿住南瓜同蛋黃味，好JUICY!北海道鮮帶子煎得岩岩好，口感不錯。其他配料包括魷魚同埋辣肉腸亦同個RISOTTO幾夾，推薦大家可以叫黎試下!美國安格斯牛肉煎蛋煙肉芝士漢堡伴薯條: 份量非常大既一個餐，對於一個女仔黎講有可能食唔哂~ 美國安格斯牛肉雖然我揀左7成熟，但黎到伴漢堡既肉感仍然非常好，咬落去肉汁完全感受到美

之前在尖沙咀有去過The Right Place，這是一間把香港特色融入酒水和西餐中的酒吧，crossover出來的飲品和菜式都毫無違和感，而且高質。沒想到它竟然在大埔開分店，那天經過見到真的很驚喜和尖沙咀店一樣，酒吧裝潢以吊扇和鐵窗花帶出老香港的味道、特色雞尾酒的選擇不少。這𥚃也有My cup of tea，冷熱cocktail交替著喝，很過癮而這次我想點杯不一樣又充滿特色的，就是Chinese reverse～Chinese reverse ($118)：這杯cocktail以中式茶杯盛載，又放上紅棗、杞子、玫瑰花乾，泡沬呈粉色，賣相十分好看，並帶出濃濃的中國風這中西合璧的cocktail，混合了帶紅棗味的gin和蜜桃茶，容易入口又開胃Flower fizz ($70)：朋友點的是一杯mocktail，花束讓mocktail散發出又陣陣文青氣息，入口充滿花味，十分清新蟹肉木瓜香芒藜麥沙律($128)：這沙律我之前在尖沙咀店就有吃過，很好吃所以encore沙律中有蟹肉，還有「脆卜卜」的藜麥、爽脆的沙律菜和香軟的芒果，一口吃下有多重的口感，而且酸酸的，開胃又健康避風塘軟殼蟹($98)：

尋晚約咗幾個好耐冇食飯嘅姊妹聚下，我哋個個都住大埔，當然搵返間街坊地道西餐聚一聚，The right place無論地點同食物質素都符合晒我哋要求。我哋坐到入去，就order咗個餐廳招牌菜慢煮乳豬脾同埋個西冷牛扒。個乳豬脾簡直係瘋狂地好食，由於佢係乳豬脾，個肉質係非常之鬆軟同滑！而且慢煮嘅煮法亦帶到肉汁嘅鮮味。真係食極都唔厭，仲好快清晒成碟。仲要一提嘅係，個西冷扒簡直就係正到暈，由於有個姊妹大緊肚，要求要well done,之但係個肉都係好軟同埋唔鞋，大廚煮嘅牛扒，功架十足，牛肉汁鎖住喺入邊，每一口也是幸福的感覺。❤️呢間餐廳除咗格調之外，佢嘅甜品同飲品都係好一流，各位大埔街坊真係要來幫襯下啦👍🏻👍🏻👍🏻

大埔舊墟直街一帶可說是大埔的食街，形形色色的食肆都可以在這𥚃找到，所以吸引不了區內和區外的客人來這裡搵食。這間酒吧餐廳門外放了一整排的吧枱櫈，坐在這𥚃傾吓計、飲番杯，感覺十分輕鬆，室內的用餐區則舒適簡約，可以在𥚃面慢慢用餐，享受一個悠閒的晚上。這𥚃的環境靜中帶旺，與車水馬龍的尖沙嘴或中環都有著截然不同的感覺，很適合情侶或三五知己共聚。低溫慢煮燒西班牙黑毛豬五花腩伴芥末籽蜜糖青蘋果（$88）👍👍👍👍👍用了西班牙黑毛豬五花腩並以低溫慢煮，令到肥肉部份煮至鬆軟甘香，瘦肉部份嫩滑有肉味。五花腩的特點，一層肥一層瘦再加一層豬皮，看見已很吸引，吃的時候可以把豬腩片夾到青蘋果片一起吃，酸甜爽脆的蘋果跟豬腩片形成多層口感和味道，亦可以減低豬腩的飽滯感。澳洲和牛肉醬西班牙辣肉腸扭捲粉 （$138）👍👍👍👍這份主食最特別是那個扭捲粉，它貌似長通粉，但口感是意大利粉與長通粉的混合感覺。由於其捲筒外形獨特，所以醬汁更容易沾満整條扭捲粉的內外。醬汁方面是澳洲和牛醬加了一隻63度溫泉蛋，蛋液令醬汁更添蛋香。加上澳洲和牛粒、辣肉賜和帕瑪臣芝士，令味道更豐富。慢煮烤乳豬件（$228）👍👍👍👍👍四份一隻的乳豬件，用了十

我很喜歡尖沙咀在the right place 呢個好地方，環境好，食物好，氣氛好。今次仲專程去埋大埔的第二分店的the right place 幫襯，地點都算好容易去到，搭港鐵到大和站慢行15分鐘就到，位置好幽靜怡人， 轉彎一個角落打開所有的窗口， 全無壓迫感， 優閒舒適，嚟食飯同朋友傾談一定好relax。真心是為了呢個12小時低溫慢煮烤乳豬件伴椰菜仔及手紫薯配芥末籽蘋果燒汁，乳豬皮外脆，乳豬肉超嫩滑，入口即溶，連乳豬本身有的油脂都融合為一體，已經分不清肉及脂肪了，只知道好美味。呢個乳豬件一定要趁熱食，肉汁豐富，熱辣辣香噴噴， 魅力沒法擋。另外朋友都喜歡佢哋嘅食物，佢仲推薦我叫避風塘軟殼蟹，大大隻軟殼蟹，肉多膏多，啖啖肉。而且避風塘炒法，一點都不鹹，夠香夠惹味，好食到停唔到口。估唔到原來大埔分店竟然會有set dinner，價錢仲相當親民。我哋叫咗個低溫慢煮烤雞髀芝士漢堡配炒白菌及薯條， 雞髀肉超大超滑， 雞肉汁滿佈整個漢堡包，美味可口， 食到我哋好開心。Set dinner仲可以加錢有龍蝦湯及Parma Ham salad， 龍蝦湯的龍蝦味超濃烈，salad 夠新鮮，十分好味。飲品

Happy Friday! 收工想青口朋友飲杯野又傾下計，但係傾到傾吓又肚餓到晚飯時間，又唔想轉場，轉黎轉去好麻煩！我找了對的地方，去了對的酒吧餐廳，做了對的選擇！呢到有Bar台可以叫野飲，又可以食晚飯！係一個好好晚地方！野食高檔又好食🤤🤤好滿意！—————香煎鵝肝多士配無花果————呢到鵝肝好厚！入口即溶！值得一讚嘅係佢一碟係有兩舊㗎！勁抵食！百幾蚊有兩件大大件！好開心！—————啤槳炸軟殼蟹芝士漢堡—————————-配香芒沙沙伴薯條—————我個人本身係好鍾意食漢堡嘅！ 平時識開好多時都係牛豬或者魚，今次呢度用咗玄學蟹來做漢堡嘅餡，佢顯得唔溜又唔會好油！個口感都唔錯！總結：呢間餐廳嘅環境係好唔錯，好舒服好適合同朋友嚟傾吓計食下野！加上食物好大份味道又唔錯！值得一試啊！

今日同朋友係大埔收工，經過見到呢間餐廳幾靚，係酒吧餐廳設計，好有feel，就決定入去試下。Dinner set 烤美國安格斯西冷牛扒配青胡椒忌廉燒汁+法式龍蝦濃湯牛扒我地揀七成熟，要稱讚嘅係肉質一啲都唔韌，醬汁味道幾特別，一齊食味道算係不過不失。湯如其名夠香濃，搭上一片平平無奇嘅蒜蓉包，點一下湯再咬一啖，出乎意料之外，龍蝦嘅香味同鮮味充斥住味蕾，回味無窮，係我心目中呢個湯絕對係必點。（龍蝦湯跟set叫先$30）芝士香草蒜蓉牛油白菌焗田螺呢個菜式由薯蓉包住大蘑菇，菇上面有田螺同少量芝士，首先薯蓉冇乜味，菇附近有好多香草，導致菇得番香草味，反而失去原有嘅菇香味，田螺味都淡淡地，成碟嘢連芝士味都唔突出，一個中意食田螺嘅朋友都覺得好失望。安格斯牛肉煎蛋煙肉芝士漢堡伴薯條，所有材料味道配搭十分得宜，塊牛蘊藏住香濃嘅牛味，加埋其他配料味道，少少汁，令味覺嘅享受又提升到另外一個層次，只能夠說好食到番唔到轉頭。整體黎講，以呢個價錢、食物質素同環境氣氛黎講，如果唔介意地點比較偏遠的話，我覺得呢間餐廳係值得一試。

家姐話要同我食飯，佢今日喺大埔收工，我就黎左大埔搵佢食dinner。佢話想同我食西餐，所以我地就黎左The Right Place~我叫左野菌濃湯（$58）飲得出佢個湯用左好多菇菌黎煲，好濃郁嘅味道我超鍾意，個蒜蓉包又夠香夠脆！家姐叫嘅係法式龍蝦濃湯（$65）佢就話個湯有龍蝦嘅鮮甜味~澳洲和牛肉醬西班牙辣肉腸帕馬臣芝士扭捲粉伴63度溫泉蛋（$138）佢唔用普通肉醬，而係用澳洲和牛肉醬，果然係零舍唔同，牛味係特別出~再加埋西班牙辣肉腸、帕馬臣芝士同溫泉蛋蛋汁，令到每一條扭捲粉味道同口感都好豐富！12小時低溫慢煮烤乳豬件伴椰菜仔及手指薯配芥末籽蘋果燒汁（$228）慢煮嘅烤乳豬件好入味而且肉質幼嫩我鍾意佢個蘋果燒汁，酸甜嘅蘋果味令到乳豬更加可口！飲品方面，我飲嘅係Mango Tannin（$70）酸酸甜甜幾好飲~而家姐飲嘅係Flower Fizz（$70）味道比較清新~我家姐食到意猶未盡，仲要叫埋甜品，焗蘋果批伴自家製雲呢嗱雪糕（$68）切開之後傳出陣陣蘋果同埋肉桂味，個雪糕嘅雲呢嗱味香濃，又特別柔滑，真係好正！呢到氣氛幾好，都有唔少人喺到飲返兩杯。staff都好nice，我覺得無論係食野定

今晚是我的生日，朋友話同我去大埔試下間隱世的美食餐廳，位置喺大埔舊墟直街3O號的（The Right Place）心想美食多數位於中環同尖沙咀等，但來到這餐廳之後又改觀了，除左食物質素高之外，有埋酒吧同間中會有歌手唱歌一站式，不用食飯後再去飲嘢同聽歌，不假外求，好多謝朋友今晚令我過了一個開心的生日飯局。坐出面吧枱，可以望到 Bartender即時調酒，又是另一種風味。法式龍蝦湯，一件熱呼呼好有蒜蓉味的蒜蓉包，用大量的龍蝦殼淆製而成的龍蝦湯，味道好濃郁十分配合。烤美國安格斯西冷牛扒配野菌忌廉汁選配意粉$188， 靚的牛扒可選做三成熟，肉質帶点粉嫩，剛剛好十分juice，味道一流。烤西班牙黑毛豬扒配砵酒洋蔥燒汁選配薯菜$138，採用優質黑毛豬扒做食材，令到煮後的豬扒一點也不會老，肉質非常軟嫩，口感一流。海鹽烤原條時令鮮鱸魚。避風塘椒鹽魷魚鬚，份量十足，吃極都未吃完，每條魷魚鬚都黏上避風塘椒鹽味，又夠香口，越食越野味，停不到口，值得推介。Mango Tannin及 Dr Kitty，估不到食物有水準之外，連飲品都好 有創意同特色。餐牌上仲有好多不同的款式，賣相十分吸引，下次會再黎試下其他美食