The Right Place (舊墟直街) (已結業)

今日等狗狗剪毛沖涼嘅時候，發現轉角位嘅餐廳又轉左手，睇睇個餐牌發現都幾吸引選擇都幾多，就等男朋友收工一齊去試吓。坐低發現雖然格局同之前差唔多，但燈光同座位就舒適咗。牆上亦有大投影電視，相信會有足球直播。生啤嘅選擇都幾多，價錢亦都適中。自己就鍾意ipa味道比較濃郁。男朋友嘅德國白啤亦相當爽口。先叫個小食送下酒，避風塘椒鹽魷魚鬚，夠晒香口邪惡，小小辣夠惹味。酒吧餐廳當然亦都要試吓佢哋嘅漢堡同薯條啦。安格斯牛肉煎蛋芝士煙肉漢堡，分量夠晒大，女仔食一份嘅話應該唔使食其他嘢。牛肉夠多汁，煎蛋依然流心，出色。主菜我哋就叫咗德國鹹豬手，一切落去就知冇叫錯，卡卡聲超脆！而且裏面嘅肉冇一般咁咸，而且比較軟熟。男朋友超級鍾意，話呢一隻係佢食過最好食嘅豬手，比好幾間傳統德國餐廳更好食！佢話以後唔使出尖沙咀d德國餐廳食啦🤣唯一失色嘅係旁邊嘅椰菜比較酸，估計係使用來貨而唔係自己整。總括嚟講呢間餐廳食物質素高，價錢又唔貴，想飲啤酒食豬手嘅話，我哋都會首選呢度！

大埔作為一個美食天堂，從來都唔會令我失望，今日經朋友介紹下決定黎呢間 the right place晚餐餐廳氣氛好好，有個大屏幕播著電影MV，超級有feel餐廳食物選擇都幾多，作為一間bar and restaurant，呢度既酒類選擇非常豐富罕見地係西餐廳有日式酒選擇！而且仲有好特別既cocktail鹹蛋黃義大利飯伴北海道帶子 $198雖然本人不太喜歡食意大利飯，但見到鹹蛋黃呢個配搭真係忍唔到效果同想像中一樣好食！蛋黃既鹹香味加上忌廉既香滑，非常正！意大利飯裡仲有大量既魷魚同南瓜，增加口感呢個飯另外一個靈魂—北海道帶子都好出色，又大粒又鮮甜好好食海鹽烤焗原條去骨時令魚$188今日既魚係盲曹，肚內塞了洋蔥蒜片辣椒等，再裹上鹽焗熟，食落有些台式風味焗香蕉酥皮卷伴自家製開心果雪糕 $68烤焗後的香蕉有種入口即溶既感覺，酥皮好脆好香牛油味，配上自家製既開心果雪糕，非常滿足茶葉浸美麗$94外型非常中式，完全估唔到係cocktail最特別地方係分一杯冷一杯熱，凍果杯甜甜地，好啱女仔飲而熱果杯就有濃郁既茶味同酒味，好特別蘇蘭豆腐$94上台時店員幫我地倒左一壺野入木桶內，然後蓋上蓋叫我地等五分鐘就食

It’s really the right place to go！ 真係強烈建議，如果大家去開大埔嗰頭，可以去呢一間酒吧試一試，呢度嘅環境食物質素同服務態度都非常之高質！餐廳佈置得非常之有質感，可以睇得出呢度嘅格調非常之高，配埋佢嘅背景音樂真係同間餐廳好夾呀，將成個環境提高咗一個層次！我哋要咗一個青蘋果醬配黑毛豬配薯菜，青蘋果醬汁好有新鮮感，而黑毛豬亦都肉質非常之好，可以話係入口即溶！不過有少少可惜嘅係，呢間餐廳嘅嘢飲唔係幾好，個味道配搭有少少奇怪！

近排聽fd介紹係大埔有間裝修靚又好食嘅餐廳，夾左好耐時間終於都約到去食❤️呢間餐廳係偏僻少少嘅位置，但係都阻唔到我地去搵食嘅決心。一入到去見到左手面有個好大嘅bar枱，上面放左好多唔同種類嘅酒。跟著隔離有個好大嘅screen放緊電影，好有浪漫格調。我地去個陣唔係太多人，成個感覺好relax. 我地就叫左個西班牙黑毛豬火腿菠蘿Pizza個Pizza嘅餅底着得好薄好脆，黑毛豬火腿同菠蘿好夾，Pizza亦都做到芝士拉絲嘅效果。跟著就叫左個菜名好長嘅美國馬尼拉鮮蜆菠菜車厘茄白酒汁珍珠麵配黑松露菌醬加烤海鱸魚柳同海虎大蝦，呢個菜名乎其實係包左好多野，真係好抵食用料勁豐富。今次食完真係覺得大埔有好多特色餐廳，希望下次可以再嚟試吓。

今日去大埔同朋友聚一聚，夜晚朋友帶左我地去舊虛揾食，見到有間The right place嘅西餐廳，有得坐室外，啱曬要呼吸既友人！一入門口比五部生啤機吸引住，當然要叫返杯生啤啦！蘋果生啤 $68淡淡蘋果清香，而且好夠汽👍 士多啤梨梳打很不錯！西班牙豬火腿菠蘿Pizza$148，滿滿香濃芝士，配上黑毛豬，送酒一流！烤美國特級安格斯肉眼牛扒10安士$328靚牛扒食番本身牛味同油香已經好足夠！烤到外脆內嫩，七成熟剛剛好！好juicy!焗香蕉酥皮卷伴自家製開心果雪糕$68自家製雪糕開心果味道濃郁而不太甜，酥皮卷外脆內軟，少許焦香，質素很高！餐廳整體質素十分高，店員服務亦很好👍人均200元很超值吧！

大埔好適合傾偈飲嘢加食飯，非常chill嘅地方😎餐廳唔係好大，但係夜晚七點半去到已經滿座，好彩有預先book位😙我哋之後一路食嘅時候都有人等位，而且到九點都係有八至九成人，人流不斷😮當然要叫返啲酒飲下，叫咗茶葉浸美麗，個名好得意，嚟到好似一個蒸籠咁，有中式茶壺裝主🙃好得意，有home made tea-infused gin、綠茶、Campari ！店員話要一啖凍，一啖熱咁飲☺️飲落去好舒服，跟住再飲啖熱，完全酒味飄出嚟，非常暖🤓再叫咗杯jumper，係mocktail冇酒精嘅，有啲檸檬味幾好飲😝前菜叫咗鵝肝多士，因為本人非常之鍾意食鵝肝，鵝肝多士都好大塊，鵝肝幾厚煎得幾香，不過我覺得再燶啲就更加好味😝炸殼蟹喺餐廳推介，軟殼蟹份量都幾多，而且炸得好脆，面上面除咗有啲避風塘調味，仲有啲薯片，感覺特別❤️軟殼蟹夠大隻，咬落去非常香脆，好食😋叫咗鹹蛋黃帶子意大利飯，入面仲有啲辣肉腸，意大利飯煮得啱啱好，唔會太硬又唔會太林，帶子勁大粒，好好食！餐廳環境唔錯，食物又好食，真係好適合一大班朋友嚟輕鬆一下🤗

經常在大埔覓食 無意中路過大埔舊墟直街....鋪面裝修好寫意 非常適合收工嘆返杯啤酒二話不說便就座happy hour啤酒價錢好實惠 平均45-60一杯可以慢慢享受happy hour飲完啤酒肚餓啦 入主題...叫左份肉眼扒 好大份肉質都幾juicy 唔錯 配菜係薯條德國腸拼盤總共有五款味道既腸 配菜跟埋德國酸菜 可以解一解膩呢個大蜆係必推！未試過係西餐廳食過咁新鮮既蜆！

朋友參加了公司羽毛球比賽，約我在大埔體育館打羽毛球練習。 打完兩個鐘做完運動，想吃好味嘅食物來補充一下。 就在附近的直街行了兩轉，感覺the right place 最吸引。 看到Menu有很多不同款食物，消耗了能量想吃些肉類食物來補充一下。 我們柯打了 TP Sling 丶king can丶烤香腸拼盤及烤德國鹹豬手。 飲品TP sling 及king can 酒精成份也頗重，但在這輕鬆環境下，cocktail真的少不了。 先來烤香腸拼盤有5條不同味道腸，每款也各具特色，更有炸長薯條伴碟，薯條新鮮炸起又香又脆。 跟著德國䶢豬手送到，看見餐廳經理手法純熟地把豬手肉片出，更細心把骨位也完全拆出，最後把肉整齊擺回木板上，真是經驗加細心表現。 豬手皮脆肉嫩啖啖美味，更有些焗薯伴碟，令人食得開心又滿足。

今日同女朋友去左大埔超級城行街，因為超市大減價既關係周圍都勁多人，想搵野食都難，女朋友就話不如行去舊墟果邊覓食啦，佢話睇過果邊成日都有好多好野食想試，咁去到直街呢面見到呢間The Right Place裝修幾靚感覺幾chill就入去試，水準果然唔錯。首先叫左兩杯飲品，分別係Dr. Kitty同埋士多啤梨梳打，兩杯都好有特色，Dr. Kitty唔算好甜好啱我，荔枝味同芒果味好香濃。跟住叫左香煎鵝肝多士伴無花果，鵝肝煎得好香，同埋好厚肉，雖然好邪惡但係真係好好食，好食到想叫多幾份😅多士吸哂鵝肝d油真係好鬼正。跟住叫左12小時低溫慢煮烤豬件伴椰菜仔同薯條。隻豬仔脾皮好脆，肉嫩多汁肉質一流，特別好鐘意佢有陣陣既香烤味，配菜椰菜仔估唔到都好爽甜，連配菜都處理得好好，抵讚👍最後當然係甜品綠茶心太軟配士多啤梨雪糕，呢個心太軟真係食得到有陣陣既綠茶香味，好香濃好正，自家制既士多啤梨雪糕少少甜唔酸，味道啱啱好。食完呢餐，大埔區又多一間我的食堂喇

係大埔踩完單車流完一身汗，夜晚決定好好慰勞自己補充能量餐廳都幾好feel，食飯飲野傾計都無問題星期日既夜晚都幾多人，好在book左位。見到咁多酒，即刻整番兩杯野飲嘆下先drink list好多選擇，心大心細既情況下叫左一杯mocktail一杯cocktail。杯mocktail有新鮮芒果肉，好清新。杯cocktail係國皇新衣頭盤叫左鵝肝多士，一食落去，一個字正！旁邊仲有好似係黑醋醬。Main叫左個Angus beef burger，medium自己切開望下先塊扒煎得岩岩好好有肉汁，一啲都唔乾，薯條都係熱辣辣炸起最後再嚟多個豬手，個皮卜卜脆到唔係講笑。入面啲肉仲好滑，送啤酒一流。不過一早叫左野飲就下次再試啦

琴晚早收工約番朋友係屋企附近食dinner 之前都有食過呢間bar restaurant 嫁啦 氣氛唔錯 食物質素都唔錯***我地兩個人一人叫一個main 兩個小食同兩杯野飲 首先先上左個巴馬臣芝士香蒜松露油薯條 面頭有好多芝士碎 入口個陣仲係熱辣辣好香脆 係稍為香蒜味唔夠岀 之後就叫左個避風塘軟殼蟹 反而呢個香蒜味好岀 炸得脆之餘 入面仲有沙律醬 好好味 另外我地仲叫美國安格斯牛肉煎蛋煙肉芝士漢堡伴薯條 我哋叫咗五成熟 牛肉味都幾香濃 肉質軟嫩 薯條其實同我地之前那個薯條差唔多 大家如果驚熱氣唔想淨係食薯條 可以考慮食呢個漢堡咁就可以有少少薯條啦 今日我哋仲係咗個帶子意大利飯 入邊有好多料 例如 魷魚辣肉腸等等嘅海鮮食落仲有啲蛋黃味 我哋仲帶咗個蘇蘭豆腐就好似成碗豆腐花一我哋仲帶咗個蘇蘭豆腐 好似成碗豆腐花一樣 打卡一流 係有少少酒味

之前聽朋友介紹the right place好食，今次就同屋企人去大埔食佢間分店，佢間舖開係小巷入面，靜得黎好有格調。一入舖頭左手面係好大嘅吧枱，牆上播緊電影，好有氣氛。我地被安排坐係窗邊，望住唔係咁多人嘅餐廳，有種靜落黎嘅感覺。我地係menu揀左龍蝦湯。個味超濃郁，好味。頭盤揀左蒜片辣椒白酒汁煮美國馬尼拉鮮蜆d蜆超大隻又夠肉地，個汁又香，令人忍唔住食多幾隻！ 因為我地鐘意食蜆，主菜就揀左美國馬尼拉鮮蜆嫩菠菜車厘茄白酒汁薩丁尼亞珍珠麵伴黑松露菌醬烤海爐魚柳及海虎大蝦。睇個名咁長就知道用料豐富，一款麵有齊魚蝦蜆真係超抵食😍全部菜色之中我最鍾意就係佢。跟住主菜我哋就揀咗低溫慢煮烤乳豬件乳豬件焗得好juicy, 又唔膩. 呢個係西班牙黑毛豬Pizza，餅底超級脆。飲品叫咗百花費士，味道清新。總結來講今餐係色香味俱全嘅一餐😍

大埔舊墟呢邊近排開左好多間好食嘅餐廳，呢日就去咗同屋企人係The Right Place食飯。今次食完之後真係覺得佢不愧係M1集團既餐廳，食物質素真係好好。餐廳鋪面雖然唔大，但係麻雀雖小，五臟俱全，有吧枱，而且氣氛幾好。我地先叫咗兩個龍蝦湯，個湯好入味，而且好濃既龍蝦味，飲得出係好足料。然後我哋叫咗一個小食，係蒜片辣椒白酒汁煮美國馬尼拉鮮蜆。啲蜆好大隻，每次食蜆最怕就係食到泥味同有沙。但係呢一碟煮蜆一啲都無泥味，而且仲配左兩塊麵包可以用黎點汁食。跟住我哋叫咗一個西班牙黑毛豬火腿菠蘿Pizza，大概四個人有兩塊，生火腿味道唔錯。主菜我哋叫咗一個珍珠麵配蜆，大蝦同埋鱸魚。珍珠棉其實係類似米飯嘅形狀，不過口感比飯更加硬口。其實200多價錢食到咁多唔同種類嘅海鮮，真係物超所值。海鮮上面更加有黑松露，令到個飯食落好香口。最後我想重點推介佢個低溫慢煮烤乳豬，乳豬外脆內軟，低溫慢煮令肉質鮮嫩，而且咸味唔太重，但係又調味得好入味，搞到屋企人食完都大讚！另外我地仲叫左幾杯mocktail同cocktail，全部都係店舖特調，好有特色而且好靚。

大埔真係一個我好少踏足嘅地方，不過搵食兵團要出動嘅時候，就算幾遠都會去嘅。由於朋友好介紹，大埔有間細嘅西餐廳，環境同食物都好好，尤其係佢嘅signature cocktail。所以就帶埋女朋友一齊去試下啦。作為一間酒吧餐廳，型格有情調系必須嘅。呢度都佈置得幾好，有熒光幕播放mv，令人喺度覺得好放鬆。仲要每張枱都擺左盞射燈，影出嚟嘅食物都特別靚。烤乳豬脾。呢個真係誠意推介，就算打食評嘅而家我都仲好想再食翻呢個豬仔髀。因為豬仔髀皮脆肉嫩，燒得仲有少少燶，十分香口。肥肉比例都唔算多，真係非常之好食。配上醬汁，薯仔同沙律，十分完美。海鮮Pizza每件披薩都有隻大蝦，芝士量充足。加上披薩非常脆口，其實都唔錯既。Mango Tinnin就係用烏龍茶溝芒果。女朋友話飲落非常之清爽，芒果味濃郁。呢個係重點。我諗先唔使講味道，佢嘅擺設已經係世界級。上枱嘅時候真係一個蒸籠。入邊放咗兩壺茶同埋一個細杯。基本上這款酒就係畀你呃like，打卡用嘅。蒸籠入面其實包括咗兩種酒。一種係熱飲，一種係凍飲。藍色茶壺嘅係熱嘅cocktail,.就係濃茶再加上gin酒。一開始飲嘅時候就好濃烈嘅茶香味，然後就會感受到gin酒嘅

德國鹹豬手 聽就聽得多，食就係第一次。做得非常好，果然冇揀錯地方 The Right Place😊烤德國鹹豬手$228隻豬手烤得非常香脆，用刀叉🍴切開時還會發出颯颯聲，小小鹹多多脆👍🏻肉質保持嫩滑，尤其是中間近住骨頭啲肉，啖啖肉好味又唔油膩，配埋啲酸菜一齊食頗有風味！西班牙黑毛豬火腿菠蘿比薩$148芝士淡口同黑毛豬火腿味道好襯，互相配合、平衡，加埋菠蘿感覺清新唔滯。芒果單寧～芒果味淡左啲，隱約有少少茶味，幾特 別、感覺清新。百花費士～飲落有好香嘅花香味，甜甜地，仲有啲 椰果係底下。綠茶心太軟伴自家製士多啤梨雪糕$68最後梗係要食返個甜品啦！好幸福哦😇