The Right Place (舊墟直街) (已結業)

見呢度咁多好評，專誠訂位同朋友慶生。坐位唔算太多，同有點迫，好彩我哋早就可以揀位坐。朋友話叫 2 個 set dinner, 揀咗個烤羊扒同泰式蕉葉肉碎烤原條鮮魚，照計西餐廳應該羊扒會煮得好過泰式魚，但呢度相反。 。 。羊扒我哋要 7 成熟，但羊扒無乜味，一啲羊膻味都無，薯條又有啲淋身，有點兒失望!反而條泰式烤魚好有驚喜，魚好滑，加埋泰式汁加啲白飯好正，但白飯有點硬身，所以 2 個人都係食咗半碟。set dinner 有蒜蓉包同椰菜花忌廉湯，包上檯仲熱熱地，抵讚，但個湯唔夠椰菜花味，淡咗啲。跟餐叫啤酒有特價，朋友叫咗杯英國啤，話好香好有麥味，我就叫咗杯 TP Sling，有點苦澀味。檯角有個 QR，download join member 有 2 張 $50 coupon 送。見其他客人叫咗豬手，好似好正咁，下次有機會可以試吓。

大埔酒吧唔算多，有feel少少可以靚靚地談下心摸下杯底的更加少之有少。呢間酒吧正正就係大埔難求的酒吧！環境相當舒適，位置在繁多食店的不遠處。喜歡不嘈吵，可以傾下計，十分舒服。這𥚃的Cocktail 都幾特別。用上實驗室的容器盛載。飲落荔枝、芒果同菠蘿汁味道好清甜。香煎鵝肝原本以為一份只有一件,原來有兩件,非常開心!鵝肝外層香脆,內層軟滑,油香滿滿,超好食!!Home Made Pizza我們點了個三文魚Pizza，Pizza香脆可口, 芝士夠濃香, 味道非常不錯!烤美國特級安格斯肉眼牛扒牛肉點了五成熟,呈嫩紅色,牛肉味道濃香,質地軟腍.

之前經過呢間街角情調餐廳，離遠睇已應覺得好有鬧市綠洲嘅感覺，一見鍾情，今日終於捉到男友同我嚟食啦。呢間係酒吧餐廳，Menu有d Cocktail嘅名同賣相都好特別，我地叫咗大埔司令、國皇新衣。2杯cocktail都好大杯，大埔司令我覺得比較啱女仔飲，因為有cherry brandy﹐菠蘿汁、青檸汁等。而國皇新衣就比較味重，有campari同埋苦味較重的IPA啤酒。另外，我地叫咗2個主食、1個沙律同埋1個小食。蟹肉木瓜香芒藜麥沙律 - 賣相好靚，份最都唔少啊! 蟹肉配以清甜嘅木瓜同芒果粒粒，加上新鮮沙律菜同蕃茄，再混入藜麥，口感各有不用，但加起嚟嘅味道好清新，健康、開胃又美味。避風塘椒鹽魷魚鬚 - 估唔到食西餐都有香港特色菜!  魷魚炸得皮脆肉嫩，加埋澎湃嘅蒜香，真係食唔停口，作為送酒小食係唔錯wor!澳洲和牛肉醬西班牙辣肉腸帕馬臣芝士扭捲粉伴63度温泉蛋 - 淨係個名都已經好有睇頭，的而且確係有晒以上嘅材料，賣相都好靚。佢嘅和牛肉醬香濃，切粒粒嘅辣肉腸咸香十足，芝士同半熟嘅温泉蛋令醬汁更能依附係扭捲粉，直情係完美結合呀!呢個扭捲粉有d似手工造嘅咁，每條大概手指尾咁長，口感有小小煙韌，頗

The Right Place喺舊墟直街，近太和火車站，揸車黎嘅話，隨意丟喺街邊就得，很少抄牌的。餐廳有室外座位，方便吸煙人士！店內的裝修是酒吧的風格，絕對是鬆一鬆的好地方！閒日晚上8時左右，差不多滿座。The Right Place有一些自家制的特別Cocktail和Mocktail，玩味十足！芒果單寧 $58以烏龍茶＋芒果作為主體的Mocktail，再加入芒果蓉，芒果愛好者一定會愛上這一杯！大埔司令 $78以柑作為主調的Cocktail，帶柑皮的甘香味，酒味不算濃烈，男士啱飲！而且入到黎大埔，淨係呢杯個名已經值得一叫了！避風塘椒鹽魷魚鬚 $88超級香！真的有避風塘的感覺！魷魚鬚粉漿夠薄，外脆內彈牙，炸蒜粒又香又脆，而且仲加入咗少量薯片碎，更見香口惹味，超級推介！海鹽烤焗原條去骨時令魚 $188今天的時令魚是盲鰽，沒想到鹽焗的賣相也這麼精緻！起初以為上邊的是炸魚柳，揭起才知道是鹽塊！魚腔內加入了檸檬、蔥頭、辣椒等來去腥和提味，魚肉夠滑溜，而且頗為惹味，真係幾正！澳洲和牛肉醬西班牙辣肉腸帕馬臣芝士扭捲粉伴63度溫泉蛋 $138超長的餸名！就是這五種食材結合而成的一款Pasta，和牛肉醬

嚟到大埔想飲杯嘢食下野仲要有水煙食朋友介紹嚟到 The Right Place👅成日覺得大部人好識食 當日係星期日父親節餐廳入邊都坐滿晒人 就知自己冇揀錯！叫咗兩個菜加個甜品再加德國白啤⭐️ 12小時低溫慢煮乳豬件 $228乳豬表皮好鬆脆 而豬肉非常柔嫩 應該係你慢煮嘅關係所以都鎖住肉汁 屋企人都覺得好好食 覺得唔似平時嘅燒乳豬 個薄得黎好脆擺咗一陣都好好食 重點係切出嚟好多肉汁！救命！⭐️美國特級牛安格斯肉眼牛扒10安士 $328同屋企人覺得個價錢好值得！薯條唔係馬虎牛扒係好大塊 一定大過塊面😂 揀咗唔成熟肉質鮮嫩 唔會太多咁完全對得住個價錢 不過有啲位肥咗少少就切走咗 整體上性價比好高！⭐️焗香蕉酥皮伴自製開心果雪糕 $68我同屋企人食都唔想停 個酥皮嘅香味一黎到已經超級香 開心果雪糕完全食得出係自製 入面有一粒粒嘅開心果切粒 非常好食！可以一人一個！當日慶祝同佢哋職員講聲就會有呢個煙花仔！題外話佢哋啲職員真係好Nice！完全係好值得再食嘅一間餐廳！10:00之後有得出去食水煙 不過我哋冇影嚕 成間餐廳都好有feel！入面嘅環境同音樂好舒服！

今晚接埋夜左少少收工既女朋友去大埔the right place食飯！點解要走去大埔？！因為9點後有7 折優惠，平時都成日食佢哋餐廳，7 折就梗係更加要去啦！9點幾去到都仲係好多人，不過我哋都好肚餓，所以住bar檯都無咩所謂！ 我其實都幾鍾意佢呢種中西融合既裝修，幾有風格！坐得幾舒服，呢個都係我同女友久唔久會嚟下既原因之一餐廳既菜式主打西餐為主，pizza, 漢堡，pasta, 鋸扒，小食，一應俱全，價錢都係合理，7 折後直頭係抵食！除左野食選擇多以外，仲有各式啤酒外，仲有唔同既signature cooktail! 好多都係佢哋自家創作口味，出面未必有！呢度既調酒師，原來喺日本讀過相關課程，仲有證書放出嚟俾大家睇！勁勁！我就叫左杯佢哋既signature cooktail! 大埔司令，一杯由菠蘿汁，檸汁，仲有gin酒得撈埋一齊既cooktail, 味道幾fresh , 幾醒神，唔知同大埔有咩關係呢？！蟹肉木瓜香芒藜麥沙律，賣相幾吸引，鋪滿鮮甜既蟹肉，仲有香甜既芒果粒撈埋有咬口既藜麥，軟稔中又有咬口，而且藜麥都幾健康既食材，多食無妨！食完d健康野，梗係要食返d邪惡既炸物避風塘椒

周年紀念當然要去一間情調好啲嘅餐廳呢間餐廳旺中帶靜好適合慢慢傾計談心餐牌上邊都好多嘢食㗎！當然唔少得我另一半最鍾意食嘅甜品除咗嘢食之外仲有啲好有特色嘅cocktail!之前試過佢哋尖沙咀分店試過豆腐花cocktail都好特別坐係吧枱前邊睇住bar tender 冲野都係一種樂趣室內有音樂同埋燈光好適合慢慢傾慢慢食我飲嘅呢杯好Fresh又唔會太甜首先我哋就叫咗個burger薯條剛剛炸起好好味個burger入邊啲肉都好juicy裏面仲有芝士同埋煙肉個麵包係剛剛烘過牛肉唔會乾加埋一齊好好味呢個避風塘軟殼蟹一定要試入邊仲有薯片超級特別而且好香脆仲要好多肉份量有夠大鵝肝同樣出色上面加咗無花果再配上黑醋出邊香脆入邊嫩滑非常香濃的油香味再配上沙拉and olive oilPizza即叫即整食得出同出邊好唔同唔係冰鮮材料新鮮之餘我最鍾意食薄批好好味亦都唔會好膩！成餐飯無野可以挑剔下次會再回來

這晚，跟E先生來到這間酒吧餐廳吃晚餐。Kyoho Soda $38 巨峰提子梳打，味道清爽。Dr. Kitty $46 Lychee Syrup, Mango Syrup, Pineapple Juice, Yoghurt 荔枝味較為突出，味道清甜。澳洲和牛肉醬西班牙辣肉腸 帕馬臣芝士扭捲粉伴63度溫泉蛋 $138 扭捲粉質地煙韌，和牛肉質地腍，而且味道帶點微辣，不錯。烤美國特級安格斯肉眼牛扒10安仕伴荷蘭豆及薯條 $328 Medium rare的肉眼肉質軟腍，只是吃來牛味略淡，配菜炸薯條亦香脆可口。

好耐無入大埔，上星期相約朋友去大埔喝一杯小聚小聚。我來到了對的地方，餐牌食物選擇頗多。澳洲和牛肉醬西班牙辣肉腸帕馬臣芝士扭捲粉伴63度溫泉蛋有粒粒和牛已經夠誠意，個人喜歡將溫泉蛋拌到扭捲粉裡，口感更為香滑，還有大量芝士，為香濃的扭捲粉更加美味。烤美國特級安格斯肉眼牛扒10安士伴炒荷蘭豆及薯條牛扒點了5成熟，口感非常嫰滑，牛肉味甚濃，不加醬汁也甚具風味。Acrobrau Dunkel 及Acrobrau Weissbier Hell吃完再喝一杯，為炎熱天氣降一降溫，暢所欲言。

今日入去大埔探個朋友，他說帶我到大埔舊墟直街（ The Right Place）食好嘢， 第一時間諗食好嘢通常會喺尖沙咀、中環區，仲要喺大埔舊墟有乜嘢好食呢！ 餐廳地方不算很大，但裝修設計特式好有氣氛， 坐得好舒服，原來仲有酒吧區可在這裏飲嘢一站式不假外求。海鹽烤原條時令鮮黃花魚，烤得魚皮香，肉質嫩滑， 灑上檸檬汁 特別好味鮮帶子意粉，帶子煎至剛熟，不會太老，大大粒又鮮甜，再配上煙韌的意粉 ，十分配合，鮮甜味美。 低溫慢煮燒西班牙黑毛豬五花腩伴芥辣籽蜜糖青蘋果$88，將兩片青蘋果夾一塊肥瘦均勻的五花腩片一起食，可減低油膩，好清甜爽口。橙色的Dr kitty$58甜甜的味道。透明色的是Flower Fizz$58味道清新。

端午節放假去游下龍舟水，之後到大埔揾朋友食飯，大埔友梗係有好介紹啦！其實大埔墟那邊有好多間出色小店，今日佢就帶我去咗The right place 💚 餐廳在八號花園附近，都幾方便港鐵站有接駁巴士去到。小店大約可坐30人，裝修有點懷舊風情，吊扇加上大投射螢幕播住王大導的花樣年華，暗暗的燈光和桌上的小枱燈，風格特色也品味特出！由於未有訂位我地被安排坐bar枱，才發現餐廳的酒類䌓多，還可以看到女調酒師精心調製各類飲品。先來兩杯飲品，Dr kitty: 芒果、荔枝、菠蘿汁，清新酸酸甜甜，口胃又解渴，好適合夏天。Mojito: 裝飾別緻，一個小冰碗上放上咸檸檬，大量薄荷葉、青檸汁、梳打再加少少酒，佢哋的版本是沒有加糖，但反而覺得更加清爽。安格斯牛肉煎蛋漢堡：牛肉有成寸厚，進食會有啲難度，所以店員都會貼心的一分為二，方便進食或share。牛肉非常多肉汁，好濃肉味，感覺似食緊牛扒，而最值得一贊係，個包係外脆肉軟，非常之正👍👍北海道帶子鮑魚汁扁意粉：一睇鮑魚汁以為會好中式，可能加了乾車里茄啦，食落味道又覺得介乎中與西之間，我就覺得非常啱我口味。帶子係xxl級，煎得外脆，而中間還有少少生，鮮味非常，而

叫得做The Right Place 咁我一定係去岩左地方😚忍唔住要先稱讚個cocktailMy Cup of Tea茶葉浸美麗🍶🍵🌻真心正 先飲米香色得冷酒再係茶壺倒出熱酒 一入口是超濃郁的菊花味酒 又香又列 簡直驚艷😍😍大推！避風塘軟殼蟹炸軟殼蟹到到都有得食 這裡的別具創意西式x避風塘風味 1碟足足有兩隻軟殼蟹配上炸香左嘅蒜粒 少許沙律醬 薯片碎 入口脆卜卜 令人愛不釋手Angus牛肉芝士漢堡配薯條🍔🍟上下層麵包🥯烤到咯咯聲🙉齋聽到興奮一切落去 心都離一離 原來裏邊有隻太陽蛋🍳 蛋汁流晒出嚟滲透係塊牛肉上🥩 勁厚好重秤美國馬尼拉鮮蜆嫩菠菜車厘茄白酒汁薩丁尼亞珍珠麵拌黑松露菌醬烤海鱸魚柳及海虎大廈名字好似長左d 但其實都充滿驚喜一上碟已經見到有好多黑松露🖤先說上面無得彈的海鮮🤩大虎蝦🦐 食得出用炭燒慢慢燒三隻大蜆 堅大(有圖有真相)鱸魚外皮燒至金黃焦脆 肉質保持嫩滑再說珍珠麵 第一次食比西米大少少 質感好似芋圓 非常特別

今晚同媽媽慶祝生日, 見屋企附近有間幾有Feel既餐廳, 於是就帶佢去試下順便慶祝埋 餐廳環境都唔錯! 有bar枱位置都幾有Feel, 媽媽都好少去呢d格調既餐廳, 佢表示幾滿意! 哈哈~ 我地叫左一份set dinner, 沙律同意大利飯, 仲有兩杯飲品, set dinner加錢可以配多個沙律~ 由於我好鍾意食菜, 所以配多份細size既比媽媽食~ 上個烤奇津雞胸凱撒沙律同煙火腿青蘋果沙律配芥辣蜜糖油醋汁, 雞胸好嫩滑, 一d都唔鞋, 仲有少少黑椒既香味, 菜都非常新鮮, 配以芝士同沙律醬真係好好味~ 另外媽媽個份煙火腿青蘋果沙律, 煙火腿厚切完全冇肥肉, 唔會覺得好漏, 配芥辣蜜糖油醋汁都幾開胃~ 同媽媽黎食飯唔會飲酒既, 我地見餐牌有d飲品都幾有特色同d名都幾得意, 就叫左兩杯試下, 媽媽飲吉蒂醫生, 聽個名都知可愛, 主要係荔枝, 芒果, 菠蘿再加少少乳酪, 味道甜甜地酸酸地好易入口, 媽媽都話好味~ 而我就叫左Mango Tannin, 係有d芒果肉加西米既烏龍茶, 口質幾特別, 仲要係無糖既, 真係好適合我~ Set Dinner我叫左烤美國安格斯西冷牛扒配青胡椒忌廉燒汁

尋晚約咗幾個好耐冇食飯嘅姊妹聚下，我哋個個都住大埔，當然搵返間街坊地道西餐聚一聚，The right place無論地點同食物質素都符合晒我哋要求。我哋坐到入去，就order咗個餐廳招牌菜慢煮乳豬脾同埋個西冷牛扒。個乳豬脾簡直係瘋狂地好食，由於佢係乳豬脾，個肉質係非常之鬆軟同滑！而且慢煮嘅煮法亦帶到肉汁嘅鮮味。真係食極都唔厭，仲好快清晒成碟。仲要一提嘅係，個西冷扒簡直就係正到暈，由於有個姊妹大緊肚，要求要well done,之但係個肉都係好軟同埋唔鞋，大廚煮嘅牛扒，功架十足，牛肉汁鎖住喺入邊，每一口也是幸福的感覺。❤呢間餐廳除咗格調之外，佢嘅甜品同飲品都係好一流，各位大埔街坊真係要來幫襯下啦👍🏻👍🏻👍🏻

今日入大埔探朋友，夜晚朋友帶我去舊墟 食西餐， 呢條街都幾多好嘢食， 之前都喺呢度附近食過幾次放題， 佢唔講我都冇為意原來呢度有一間酒吧西餐， 仲要係m1 group旗下， 呢個集團嘅西餐之前都食過幾次，質素同環境都非常好性價比較高。 餐廳入面地方雖然唔大但係仍然全場爆滿。 餐廳入面環境燈光好浪漫， 好適合喺度飲多兩杯傾下偈！澳洲和牛芝士意粉拌溫泉蛋$138 ， 呢個意粉好得意，話長唔長話短又唔短， 生熟程度煮到啱啱好， 意粉質地唔會過淋， 澳洲和牛粒又幾香牛味， 加埋溫泉蛋非常creamy！另外叫咗個美國安格斯牛肉煎蛋漢堡拌薯條$128， 個麵包外脆內軟， 牛肉夠厚身又juicy，非常正！食飽就叫多個甜品，叫咗個香蕉酥拌開心果雪糕， 開心果雪糕超香，又滑，入面真係有粒粒開心果， 原來係自家製架，夾埋小甜嘅香蕉酥非常配合！唔飲酒嘅我見到隔離枱叫咗一杯cocktail好得意，個造型係用一個蒸籠，上面放咗茶壺同茶杯，超靚。 可惜我唔飲酒只能夠叫杯凍咖啡，睇住人哋享受， 不過我杯凍mocha都好好飲，又唔會太甜！