影片
更多
2019-06-06
41 浏览
大埔作為一個美食天堂，從來都唔會令我失望，今日經朋友介紹下決定黎呢間 the right place晚餐餐廳氣氛好好，有個大屏幕播著電影MV，超級有feel餐廳食物選擇都幾多，作為一間bar and restaurant，呢度既酒類選擇非常豐富罕見地係西餐廳有日式酒選擇！而且仲有好特別既cocktail鹹蛋黃義大利飯伴北海道帶子 $198雖然本人不太喜歡食意大利飯，但見到鹹蛋黃呢個配搭真係忍唔到效果同想像中一樣好食！蛋黃既鹹香味加上忌廉既香滑，非常正！意大利飯裡仲有大量既魷魚同南瓜，增加口感呢個飯另外一個靈魂—北海道帶子都好出色，又大粒又鮮甜好好食海鹽烤焗原條去骨時令魚$188今日既魚係盲曹，肚內塞了洋蔥蒜片辣椒等，再裹上鹽焗熟，食落有些台式風味焗香蕉酥皮卷伴自家製開心果雪糕 $68烤焗後的香蕉有種入口即溶既感覺，酥皮好脆好香牛油味，配上自家製既開心果雪糕，非常滿足茶葉浸美麗$94外型非常中式，完全估唔到係cocktail最特別地方係分一杯冷一杯熱，凍果杯甜甜地，好啱女仔飲而熱果杯就有濃郁既茶味同酒味，好特別蘇蘭豆腐$94上台時店員幫我地倒左一壺野入木桶內，然後蓋上蓋叫我地等五分鐘就食
餐廳氣氛好好，有個大屏幕播著電影MV，超級有feel
餐廳食物選擇都幾多，作為一間bar and restaurant，呢度既酒類選擇非常豐富罕見地係西餐廳有日式酒選擇！而且仲有好特別既cocktail
鹹蛋黃義大利飯伴北海道帶子 $198
雖然本人不太喜歡食意大利飯，但見到鹹蛋黃呢個配搭真係忍唔到效果同想像中一樣好食！蛋黃既鹹香味加上忌廉既香滑，非常正！意大利飯裡仲有大量既魷魚同南瓜，增加口感呢個飯另外一個靈魂—北海道帶子都好出色，又大粒又鮮甜好好食
海鹽烤焗原條去骨時令魚$188
今日既魚係盲曹，肚內塞了洋蔥蒜片辣椒等，再裹上鹽焗熟，食落有些台式風味
焗香蕉酥皮卷伴自家製開心果雪糕 $68
烤焗後的香蕉有種入口即溶既感覺，酥皮好脆好香牛油味，配上自家製既開心果雪糕，非常滿足
茶葉浸美麗$94
外型非常中式，完全估唔到係cocktail最特別地方係分一杯冷一杯熱，凍果杯甜甜地，好啱女仔飲而熱果杯就有濃郁既茶味同酒味，好特別
蘇蘭豆腐$94
上台時店員幫我地倒左一壺野入木桶內，然後蓋上蓋叫我地等五分鐘就食得～過左五分鐘後打開，裏面已經凝固到好似豆腐花咁，非常新奇有趣食落威士忌味道濃郁，加埋黃糖好似食緊酒味豆腐花
呢間餐廳無論食物味道定係氣氛都好出色，而且幾有心思設計菜單，值得再黎
张贴
