The Oyster House (已搬遷) 新店位置

頭盤當然係生蠔先:Yellow stone味道溫和，鮮甜順滑，鹹味合到好處宮城縣的蠔肉飽滿, 海水味適中，帶驚豔的蠔味。京都蠔有整個手掌的長度，肥！美！肉多！有奶滑質感。喜歡海水味的話，一定會愛上它，海水都帶有層次，初入口帶海水味，繼而湧出微微的甘甜。西班牙蒜片辣椒炒蝦辣椒及蒜片味道不會太辣太搶味，大蝦新鮮爽彈。醬汁濃烈，入口非常惹味。黑松露野菌忌廉湯黑松露野菌忌廉湯的野菌味很重廣島蠔脆巴馬火腿米型意粉加上脆巴馬火腿同埋洋蔥碎有爽脆嘅口感，啖啖都鮮味滿分，口感十分濃厚。同時品嚐到Creamy嘅意粉同蠔嘅鮮味, 食完罪惡感十足。厚切天然豬鞍炭燒至肉質極之嫩滑，肉味濃郁，脂肪含量也適中。伴隨豬鞍扒上碟還有薯蓉香濃軟滑如雪糕。Banoffee Pie曾經係英國留過學嘅人應該對香蕉拖肥批唔陌生。香蕉拖肥的神聖結晶品，新鮮香蕉加上香滑忌廉與拖肥醬，滿咀香甜的焦糖味道，配上鬆脆餅底，自家製的拖肥醬不會過甜，令本人無法招架地瞬間清碟。

朋友生日點名要試位於灣仔嘅The Oyster House ，於是三個女仔浩浩蕩蕩咁嚟到呢到，訂咗位就唔使等餐懵。呢晚我哋點咗嘅菜式包括：半打生蠔（Yellow Stone / Rollex / Irish Rock)水牛芝士配車厘茄松露蘑菇忌廉湯鮮蠔濃湯Oyster Orzetto豬鞍扒最後仲有個香蕉批三款生蠔都好新鮮，入口就有濃濃嘅海水味，Yellow Stone 同Irish Rock個味道好相似，面而Rollex就帶有些少Creamy嘅味道。水牛芝士配車厘茄嘅蕃茄仔好Juicy松露蘑菇忌廉湯好香松露味鮮蠔濃湯真係濃到好似一次過放咗好多隻蠔喺口入面咁，鍾意蠔嘅人真係要試吓Oyster Orzetto呢個都係用蠔做配料，Orzetto入口好滑，比起以往食嘅Risotto口感真係好好多，超正！豬鞍扒煎到帶有些少脆邊又唔會過熟，入口肉質嫩滑。最後生日飯緊係要有蛋糕啦，所以點咗個香蕉批，味道清甜，批底香脆。呢間The Oyster House真係可以再Encore！

最近喺網上入咗一個專門食蠔嘅群組，睇見網友嘅Post就日日喺到食蠔就搞到自己都流哂口水，而其中有個網友就推介咗The Oyster House呢一間，於是就同Honey嚟試吓。一到就急不及待先點咗半打生蠔，分別點有三款口味，有Yellow Stone / Rollex / Irish Rock，呢三款蠔嘅海水味都好重，而我就比較鍾意Rollex帶有些少Creamy 味道。之後食返少少清一清個蠔味，點咗個Tomato & Mozzarella，蕃茄仔好鮮甜，水牛芝士都好好味。另外點咗個松露蘑菇湯，入口即刻feel到好香濃嘅蘑菇味，鍾意蘑菇湯嘅人一定唔可以錯過。主菜就點咗個美國豬鞍扒，肉質好鬆軟，不過個汁就略嫌咸咗少少，好彩都無影響整體嘅味道。最後食埋個甜品Banoffee Pie，呢餐好滿足。

好朋友生日，請他去灣仔謝斐道The Oyster House 慶生，餐廳室內環境和食物都唔錯，常常坐滿客人，氣氛熱鬧！蕃茄羅勒水牛芝士，蕃茄新鮮，水牛芝士味道不太濃，天氣熱食些酸甜食物可增加食慾！黑松露野菌忌廉湯，香味濃郁又滑溜，每口啖啖蘑菇和黑松露碎，口感豐富。生蠔，呢幾款係店員介紹，解釋咗和介紹咗蠔名和味道，但上枱後我都忘記蠔名，只記得呢種係日本直送，呢個時候先有，至於味道！食落感覺好新鮮，有海水味，爽口，超正！廣島蠔脆巴馬火腿米型意粉，呢樣都係侍應介紹，重點係米是用意粉做成的，意粉中間比較硬，但做成米形就比較軟身，廣島蠔鮮甜，巴馬火腿係乾身，好香脆，醬汁creamy。香蕉拖肥批，朋友在英國食過，佢話要試吓香港做的味道，原來呢個批係餐廳廚師自製，改良咗冇咁甜，健康啲！

女兒知我喜歡食生蠔，今日就同我去咗灣仔一間食生蠔好出名嘅the oyster house食晚餐，餐廳燈光柔和好有氣氛，座無虛席中好彩有兩個位，入座後侍應招呼週到，還介紹今日有那些新生蠔，各種不同種類的分別和味道，好細心。今日新鮮生蠔有來自日本、南非、冰島。日本的Yukidoke季節限定5～6月份 ，生蠔肉大,肥美鮮甜不過鹹。愛爾蘭Irish Rock蠔味較淺，海水味較淡，爽身，入口甘甜。南非Rollex肉色偏奶白，肉身肥大，味道鮮甜。番茄羅勒水牛芝士：新鮮美味，味道酸酸甜甜。鮮蠔濃湯：將蠔的鮮甜味完全濃縮在湯裏，鮮味十足，香濃美味！香烤原隻去骨法國春雞：春雞肉質嫩滑，烤焗出來又香又不肥膩，大部份已去骨，啖啖肉配特製醬汁和薯蓉好惹味！香蕉拖肥批：呢個甜品好特別，新鮮香蕉加上香滑忌廉與拖肥醬，再配上鬆脆餅底， 配搭出令您回味無窮的味道！

黎緊端午節嘅假期令到今個週末一連氣放三日假🥰唸到都夠哂relaxing 所以星期六點都要食好d💚哩間餐廳原來我一早已經bookmark左聞名不如見面呢個幾個字又要出動喇叫左4個lunch set 價錢係$118-168 有湯、Main course、餐飲同甜品👍🏻🤤🥣: 蕃茄湯幾濃郁，唔會太酸淡淡既香草味 好有層次唔會因為係簡單既食材就馬虎正所謂越簡單既野就越難整得好食🍴1. x2 珍珠帶子配魷魚筒菠菜汁意大利飯 $118魷魚筒整得好淋好入味 絕對唔係食橡筋加上個人鐘意綠色，淡淡的菠菜汁，成個飯好靚💚😗🍴2. 香煎太平洋紅斑柳伴精選配菜，欖油莎莎如果有留意我哋食飯嘅pattern 係點樣都會有一個人係order 魚😂魚煎得幾香 肉結實 但係魚皮嗰度有少少燶唔食魚皮就ok 🍴3. 香烤羊扒半精選配菜，迷迭香銀魚醬 7成羊都煎得好香口不過就多過7成 🙈有小小乾Dessert 🍮: 係至愛既Banoffee Pie 呀🥰🥰真係好好味，差啲連碟都食埋🥲最後用一杯熱奶茶黎完結美好既午餐.(我估)係boss/manager既男士超細心不斷會問我地野食o唔ok ，有咩需要幫手👍🏻下次黎要試下拒地既

｜生蠔拼盤｜有三種不同產地嘅生蠔，由清淡食起到濃味～日本產地嘅味道甘甜清淡南非濃度適中，夠肥美愛爾蘭蠔海水味重，較濃味～｜羽衣甘藍南瓜沙律｜羽衣甘藍新鮮乾淨唔硬，配上幼滑南瓜，蜜糖同藍莓感覺好清新～｜自家製蟹肉餅｜表皮外脆可口，蟹肉一絲絲的，配上沙律醬甜甜酸酸好開胃～｜黑松露蘑菇湯｜蘑菇打至蓉質感香滑，食落好滑無渣，香濃黑松露菌香味～｜鮮濃蠔湯｜呢個正到不得了，鮮濃程度好似食緊蠔咁，鮮得來好甘香，配有香草麵包一流～｜燒春雞｜雞肉好嫩滑，皮薄肉靚～薯蓉都好綿滑香口～｜香蕉拖肥批｜估唔到呢個批唔膩喎，有大量香蕉，同朋友就啱啱好啦～

一段時間沒有食生蠔，朋友推介灣仔的The Oyster House。餐廳高朋滿坐，很具人氣。有多款 seasonal 生蠔，在餐廳店員細心推介下，選了3款，由淡至濃味逐一品嚐。Yellow stone - 味道較淡，清爽。Tomo - 來自日本的蠔，大隻、入口清甜兼creamy。還有充滿礦物味的 Irish rock。香蒜白酒煮蜆 - 蜆份量不少而且飽滿，配以白酒、牛油、蒜等煮成的醬汁，鮮味更提升。Oyster bisque - 湯煮得濃郁，每口都嚐到蠔的鮮味，還有原隻蠔，配著自家製的麵包很美味。海膽米型意粉 - 米型意粉口感少許煙韌，看似單調，但混了海膽 cream sauce，還有整片海膽，入口滿是海膽鮮味。香蕉拖肥批 - 最後點份甜品，香蕉足料，cream 不太甜，為晚餐劃上完美句號。

這日跟朋友到灣仔行街，晚飯時間，在謝斐道眾多餐廳中選了門面帶點歐式情懷的「 The Oyster House」 ，透過門外玻璃望見店內客滿，膽粗粗問店員還有2人位嗎？幸運地，還有一張2 人枱，可以馬上開餐～✨餐廳燈光較暗，枱上設有小型蠟燭，滿有浪漫情懷，餐牌除生蠔外，更有沙律，薄餅，牛扒，海鮮，鵝肝等，選擇豐富。🎯Yellow Stone M（美國蠔） $48/隻 店員介紹，店內每天都有10多款生蠔可以選擇，保證新鮮，先試這款美國蠔，蠔身軟滑潔白，質感爽甜， 海水味較淡。🎯Yukidoke（日本雪解蠔） $79/隻有「蠔中之王」之稱既Yukidoke 體型比 Yellow Stone 大，蠔身肉質飽滿，口感鮮甜肥美，海水味適中，不會太鹹，好食。🎯鮮海膽阿根廷紅蝦刺身 $89/件賣相高貴，似藝術品，色澤金黃的海膽入口好鮮甜，加上軟滑紅蝦刺身和咸鮮三文魚籽，鮮味在口腔爆發，令人很滿足！！🎯烤日本帶子配野菌木魚絲（四件） $149帶子熱辣辣上枱，牛油香四溢，熟成度剛好， 不會韌， 菇菌和木魚絲豐富了口感，香甜中帶焦香，很出色。🎯鮮蠔濃湯 $48（特價）作為蠔迷，來到蠔吧，又怎能錯過蠔湯呢，

久未和太座fine dine，是夜到灣仔一間小店蠔一番。店家以蠔為招牌，小試牛刀點了半打。Yellowstone十分清爽，日本Tomo香甜creamy，Irish Rock 礦物味較濃，鮮度十足。蜆肉以牛油蒜片和蕃茜煮香，肉質結實無砂。蘑菇湯香濃creamy，加入松露油配以自家製麵包，鬆軟又健康。主菜燒羊架充滿驚喜。表皮微焦香脆鹹香，肉身保持鮮嫩軟稔，配以軟滑有牛油香薯蓉，是區區吃過的起碼三甲之選。甜品香蕉拖肥批同樣高質，香蕉新鮮軟稔，拖肥醬濃郁，配以面頭的cream，轉瞬清碟，完美作結。

對上一次去蠔吧要數到兩年前，太太最近突然說想去蠔吧感受氣氛，便決定重臨久違兩年的這家The Oyster House位置：餐廳在謝斐道近通往會展的天橋位置，比較寧靜但卻相當方便，軒尼詩道走路過去只需5分鐘，巴士線眾多，而港鐵灣仔站A1出口步行前去同樣只需約5分鐘環境：餐廳用上傳統酒吧格局，座位頗多及密，氣氛挺好，環境較暗適合小酎及三五知己高談闊論因為餐廳座無虛席，所以也頗為嘈吵服務：侍應入座後會幫忙倒茶，不會追客人下單或結帳，見到鄰座的食客由我們進店至離席也沒下單或上菜，也沒給任何壓力，可以輕鬆地慢慢談天食物：作為蠔吧，當然以蠔為主打，亦提供不少西式小食及主食Yellow Stone M（美國蠔）～$48/隻每次食蠔，我們都喜歡性價比較高的美國蠔，肉厚滑嫩，能滿足喜歡蠔大隻的我們Yukidoke（日本雪解蠔）～$79/隻侍應推薦是日特選的雪解蠔，來自日本岩手縣，肥美鮮味，肉質口感爽脆帶點奶味，海水味適中，更有淡淡清香，頗不錯鮮海膽阿根廷紅蝦刺身～$89/件來自阿根廷的紅蝦色澤橙紅，肉質彈牙及鮮甜爽口，餐廳更在其上放上香濃的海膽，更覺高貴及多一份鮮甜美味烤日本帶子配野菌木魚絲（四件）～$

朋友推介話oyster house 嘅西餐不錯，又有蠔食，於是我地就相約一齊去食。先來半打蠔，我們選了三款，有日本嘅Tomo, 南非Rollex,愛爾蘭嘅Irish Rock, 以淡到濃嘅次序品嚐。好新鮮肥美，肉質飽滿，口感爽脆又creamy,滑嘟嘟。Kale and pumpkin salad $139好大件南瓜呀，南瓜夠熟夠甜，加上新鮮嘅羽衣甘藍，又有合桃，賣相吸睛又健康，藜麥和蜜糖芥末醋拌勻，灑上沙律上，好味又醒胃。Crab cake $139外層炸至金黃香脆，蘸上日本蛋黃醬，好味。切開可見一絲絲的蟹肉，仲有芝士係中間Truffle mushroom soup $79mushroom味好濃郁，亦好重忌廉味，兩者味道和質感互相中和，所以飲落好滑好香。Oyster Bisque $89鐘意蠔嘅呢個必點。味道超濃，啖啖都滿滿蠔鮮味要用幾多蠔熬製先會咁濃呢？🤔🤔spring chicken $239燒到恰到好處，切開好juicy, 肉質嫩滑，雞下嘅薯蓉吸收了雞汁，又香又綿滑Banoffee pie $69香蕉🍌為主體嘅拖肥pie，第一層係cream, 以硬餅底承托中間滿滿的香蕉，以少少鮮

今日週年紀念，太太喜歡食蠔經朋友介紹下來到灣仔一間食蠔的西餐廳慶祝下。入到店舖雖然餐廳不算很大，但環境氣氛，食物，高質素的服務都覺得不錯。服務員為我們介紹三款不同地方的生蠔。Tomo,Rollex,Krystale (三款生蠔）生蠔口感比較滑，有淡淡的海水味，蠔邊亦特別爽脆，不會太鹹，同時亦好新鮮！King crab meat 這碟菜式擺盤非常有心思，一共有三層，底層是牛油果，中層是新鮮蟹肉，肉質鮮甜，面層是珍貴魚子，魚子味濃郁，配合一齊食，口感豐富又美味🤤Truffle mushroom soup 磨茹打成蓉後，蘑菇味香濃，飲落很幼滑。Soft shell crab linguine軟殼蟹外皮炸得香脆可口，意粉軟硬度適中，調味配搭得不錯👍

今個星期日終於有時間去享受下，去咗灣仔食The Oyster House。餐廳環境舒適，彷彿像去了歐洲的餐廳一樣。愛吃蠔的我一開始先食三隻Tomo蠔，大大隻，肥大肉厚十分creamy又新鮮又有海水味，入口順滑非常美味！此外，想稱讚店員很有耐心，上菜時為我們介紹每一道菜。之後Starter我選擇食精選沙律配有火雞肉仲有健康嘅雨衣金蘭，加入香草醬味道十分清新，十分健康。再之後食Main Course，炭燒穀飼牛柳伴精選配菜，自家制迷迭香汁，牛非常有口感，軟硬度適中，又有手肉味又有肉汁慢慢溜出，切開夠粉嫰外面焼到有剛剛好，吃到我要求七成熟的味道。最後Dessert我選了香蕉拖肥批，第一次吃這個甜品，餅底非常香脆可口，香蕉味濃有食過番尋味的感覺。

星期日難得放假，又係時候出去搵d好嘢食，放鬆下。今次係灣仔搵左一間西餐廳，叫The Oyster House。出面裝修好歐陸式，好似去左歐洲一間餐廳。餐廳環境不大，但坐得好舒適😊我同朋友本身好鐘意食生蠔，所以一見到個lunch menu, 我地就預先order 左是日新鮮生蠔，每人3隻。一上枱，見到d蠔好大好肥味，個員工仲好細心咁介紹呢隻品種嘅生蠔，叫Tomo, 出產地日本，食落去好creamy，唔算好咸，口感豐富！之後食前菜，可以揀湯或者salad ，我選擇左湯，是日係周打海鮮湯，奶白色的湯底細膩幼滑，配上蜆肉及洋蔥配料，口感豐富，鮮味十足。另外，仲有一塊麵包，個staff話係佢地handmade,麵包加左洋蔥同Rosemary,味道唔係好濃，所以我配左d橄欖油同黑醋一齊食，雖然簡單但好味。主菜揀左慢煮咸豬手伴酸椰菜配青蘋果醬。豬手煮得剛剛好，好大隻，唔算好油，肉質好淋，配埋酸菜食唔會好溜😋最後我揀左是日甜品cheese cake ，件cake 細細件，食落有淡淡的芝士味，不錯！今餐大滿足，價錢適中，下次會再黎試吓其他生蠔!