The Oyster House (已搬遷) 新店位置

星期日旁晚在湾仔建材舖买完嘢，本来唔知食什么但想起曾经在这区吃过有鲜蚝的餐厅，便去了吃晚餐。淡，中，浓味蚝Order 了三种蚝：南非Rollex, 法国Lambert 同埋爱尔兰 Irish Rock。三种都非常新鲜而且全部都好弹牙好有口感。其实第一种已经好有蚝味，但跟着果两种是更浓同更更浓，真是好正😋😋。之后，点了两个好耐都冇饮过的汤，蚝淐仲有黑松露野菌。蚝汤这一间做得最浓蚝味，最creamy。黑松露野菌汤是久违的味道，不是很多间能做得好，这是质素很好的一间。🥰前菜叫了黑鱼子蟹肉牛油果：蟹肉同黑鱼子好夹好鲜味。另外蒜香虾又是一味惹味的前菜。主菜点了烧春鸡。鸡烧得香口，鸡肉嫩而多汁。甜品叫了香蕉拖肥批。香蕉香味完全发挥出来而整件甜品并不好甜，赞👍👍

朋友介紹這間餐廳食物質素很高，所以約了朋友來試試，時間尚早人不太多，但到了7時左右已經坐無虛席，場面非常熱鬧。侍應推介我們試試新鮮即開生蠔，叫了3款～美國yellow stone、南非rollex、法國lambert，個人感覺美國的肉質咸中帶甜，南非就比較一般，而法國的較厚肉。之後就來了一份前菜沙律～羽衣甘藍南瓜藜麥沙律，南瓜好甜，藜麥和羽衣甘藍感覺很健康。烤日本帶子配野菌木魚絲～肉厚不韌豐富肉汁配上野菌很香很夾。鮮蠔濃湯～感覺用了很多隻蠔打成湯汁般，味道超濃郁太不腥。香烤原隻法國春雞～主菜來說是健康之選，皮脆肉嫰，好好味。最後叫了甜品～香蕉拖肥枇～邪惡嘅代表，代表超好味

今晚同老婆兩個人去灣仔食飯，餐廳晚市有生蠔優惠，只要每人惠顧兩杯house wine，就可以享生蠔六折，非常抵食。不過老婆唔食蠔，我自己一個人叫了幾隻過下口癮。Tomo ：來自日本的生蠔，海水味比較淡，不過蠔味突出，而且味道較清甜及滑。Irish Rock：來自愛爾蘭的生蠔，海水味濃，咸味感重，肉質爽口。鮮蠔濃湯：蠔湯應該加了大量的蠔肉打碎煮湯，所以味道極濃，鮮味極至，滿口蠔香。麵包：加上油醋，味道更佳。自家製蟹餅：蟹餅炸至金黃，外面香脆，中間一絲絲的蟹肉，鮮味無比。炭燒加豬鞍：豬鞍嫩腍無渣，煎至剛熟且保留了肉汁，十分juicy，旁邊還有些有咬口的薯蓉及翠綠的蔬菜伴碟。最後食返個平時甚少見到的香蕉拖肥批，香舊味濃又不會過熟，拖肥有點似花生醬，兩者配搭很夾。

少有地，和朋友出來“蠔”食一下。選擇困難症的我們見到餐牌上那麼多的選擇就頭暈，於是請店員幫忙推薦，最後選擇了三款不同產地地生蠔來嘗試一下。看上去隻隻都肥美飽滿，吃下去肉質清爽，順滑中帶點鮮甜，非常適合夏天的感覺。三款的味道還是吃得出有些微的不同的，這其中個人最愛法國的Lambert。羽衣甘藍烤南瓜藜麥沙律，南瓜又粉又甜，超愛，如果藜麥再多點好了。烤日本帶子配野菌木魚絲（4件），帶子鮮嫩又厚肉，一口一個大滿足。鮮蠔濃湯，試了一口，蠔味很突出，很鮮的感覺，感覺得出真材實料，還有一粒蠔藏在湯裡面。黑松露野菌忌廉湯，濃厚的黑松露和菇菇的味道，重口味超越蠔湯，令人意想不到。餐包，蘸湯很配。香烤原隻去骨法國春雞，雞肉柔軟嫩滑，份量很大，兩個人分享都綽綽有餘。香蕉拖肥批，樣子很漂亮，味道很驚喜，上層慕絲很順滑，中層原條香蕉就在其中，下層拖肥點睛，連本來說要戒甜的朋友都忍不住同我搶食，結束完美一餐。

這間位於灣仔的The Oyster House，主打一定是生蠔，當然不少得多款有特色的西式前菜及主食。今次就試了幾款生蠔，分別是宮城縣Tomo，蠔味濃郁，清甜又creamy。Lambert蠔味不及Tomo，但海水咸味較重，質感較爽。愛爾蘭Irish Rock反而海水味不及Lambert，蠔味則較濃郁。三款最正的是Tomo 。番茄羅勒水牛芝士水牛芝士煙韌，配上香甜的車厘茄，還有橄欖油及黑醋調味，清新開胃。黑松露野菌忌廉湯忌廉湯濃稠且幼滑，黑松露香味濃郁，配上鬆軟麵包。炭燒加拿大天然豬鞍豬鞍燒至燒面焦香，中間肉汁豐富，肉味濃郁，而且又夠腍。香蕉拖肥批本以為拖肥會好甜，但入口反而很香的蕉味，甜度尚可。

Oyster 🦪 拼盤首先梗係食佢最出名嘅蠔，我們叫了三款，味道從淡到濃，全部都好爽脆，絕對新鮮😍，好回味。蟹肉牛油果醬塔，黑魚子賣相已經好吸引，盤底有淡忌廉汁，最底層是牛油果粒，中間是厚厚的一層蟹肉，之後還鋪上黑魚子，仲有好清脆嘅葉片作裝飾。好欣賞蟹肉嘅味道，濃郁肉質鮮甜，跟牛油果和忌廉汁配合得好好。西班牙旋片辣椒炒蝦🍤蒜片、胡椒粒、少許辣，看出廚師好有心思，呢種味道嘅蝦還是第一次吃到。黑松露野菌忌廉湯&鮮蠔濃湯🍲蠔🦪湯真係好好味，好像將整碗嘅蠔打碎左一樣，黑松露湯都一樣，完全可以叫做特濃。香烤原隻去骨法國🇫🇷春雞呢隻法國去骨嘅雞好有雞味，經過燒烤之後皮脆入味，值得一試👍🏻Banoffee Pie 🥧 呢個甜品好似好簡單鋪一層餅底，加啲cream，加啲香蕉🍌，加啲焦糖，但係吃起來真係好似香蕉嘅Tiramisu一樣，令人回味。

諗住搵間好啲嘅餐廳慶祝兩個月快樂😙上網搵就見到一間食生蠔幾出名嘅西餐廳，餐廳係位於灣仔嘅，餐廳整個氣氛都非常輕鬆愉快，座位也非常歡堂闊落坐得舒服。我哋當天就淨係叫咗半打生蠔，松露蘑菇湯，生蠔湯美國豚肉斧頭扒，南瓜羽衣甘藍沙律🥗煮蠔意大利飯。見到啲人推介依度嘅生蠔係又平又新鮮，我哋就叫咗三款唔同嘅生蠔🦪佢哋餐廳每日都會有signature and Special，只要你問下餐廳嘅員工就會推介比你。今次叫嘅依三款唔同種類嘅生蠔🦪 分別有Rollex, lambert, 另外自己都想試吓一啲濃味嘅，就叫咗兩隻Irish rock，生蠔嚟到都非常肥美，食落口真係感覺鮮甜而且介紹不錯，頭兩款生蠔係比較creamy嘅口感。講返兩個主食，Risotto 真係好推介😜鍾意食生蠔嘅人一定要試吓！意大利飯食到啖啖蠔肉粒，米飯仲係脹卜卜，煮到粒粒分明，非常好食😋加埋個豚肉斧頭扒，一上嚟嘅時候見到斧頭扒嘅慳文都非常均勻，煮得剛剛好，肉質切落去嘅時候不會太煙韌。個羽衣甘藍南瓜沙律都非常清新，沙律嘅份量都好多，加上一些黑醋令到成個沙律感覺更開胃，係非常適合做頭盤😜由於餐廳知道我哋係慶祝兩個月，仲喺甜品嘅碟上高幫我

好多oyster bar啲蠔得，就 hot dishes唔得。有啲餐廳hot dishes得，就啲蠔唔得。🤷🏻‍♀️呢間真心性價比高，兩樣都得！P.S. 今晚大party, 嘈到其他人，非常唔好意思。🙏🏼🙏🏼😉

夏天食生蠔，感覺真係好夾。今日就約咗朋友去灣仔嘅Oyster House 食晚餐。我同朋友兩個人叫咗半打生蠔 有Rolex, Sentinelle, 同Irish Rock。Rolex 好滑好creamy， 一啖就可以吸入口，少少海鹽味。Sentinelle就相對鮮甜。而Irish Rock就有好濃烈嘅蠔味。之後正式食晚餐，現在有蕃茄羅勒水牛芝士，黑醋同埋 車厘茄中和咗水牛芝士，令佢食落去唔會好漏。然後叫咗烤日本帶子配野菌木魚絲，帶子好好肉地，食落鮮甜。野菌同木魚絲就起咗吊味嘅作用，呢個配搭都幾新鮮。海鮮配搭佢哋嘅house wine 澳洲白酒非常夾。餐湯我哋分別叫咗黑松露野菌忌廉湯同鮮蠔濃湯， 黑松露忌廉湯好香黑松露味，飲落去好creamy。鮮蠔濃湯就相對就比較清，但係蠔味好出。之後嚟嘅係炭燒加拿大天然豬鞍， 簡直驚為天人，豬肉一啲都唔乾，反而好juicy ，豬皮有濃濃嘅骨膠原，仲有少少焦香味。配菜嘅薯蓉亦都好creamy。甜品係香蕉拖肥批，焦糖味濃郁，用咗好多香蕉，足料而且有好香嘅蕉味。

周日本來約咗朋友行山，但係落雨，朋友話佢帶我去食餐好嘅午餐。餐廳好近灣仔地鐵站，出站後行約3分鐘便到。4個courses的午餐由$118起，加$68就有3隻美國Yellow Stone 生蠔🦪。我哋兩個都選咗$138的「香煎太平洋紅斑柳」，各加了$68加生蠔。🦪美國Yellow Stone生蠔入口帶輕海水味及清新甜味，肉質爽脆，做前菜一流😋。🥣蘆筍忌廉湯：個湯熱辣辣，配以自家製麵包，唔錯。🥙燒牛肉沙律：朋友選沙律，燒牛肉配新鮮蔬菜🥬，黑醋汁，很開胃。🐟香煎太平洋紅斑柳：賣相都幾靚，紅斑魚柳外皮煎得微焦香，肉質結實，伴以蘆筍、小紅蘿蔔🥕、長青豆、薯仔🥔，好味又健康，我鍾意。🍰甜品我的「香蕉拖肥批」分三層，面層的忌廉、中間的香蕉🍌及底部的拖肥批🥞，口感豐富，甜度適中。朋友的「草莓芝士蛋糕」🍓🍰，亦香甜幼滑。朋友飲black coffee，我就加咗$15 轉飲cappuccino ，一啖甜品，一啖咖啡，最佳拍檔💕。

週末朋友約我喺灣仔食晏，佢話要帶我食美味午餐，咁我當然係奉陪啦😆我叫咗 $158嘅 Lunch Set「香烤羊扒伴精選配菜，羽衣甘籃薄荷乳酪醬」，午餐包「精選沙律」或「是日餐湯」，仲有甜品同咖啡 / 紅茶，跟午餐加$68 嘅「是日新鮮生蠔🦪（三隻）」😆- 我揀咗「精選沙律🥗」，呢日係「燒牛肉沙律🥗」，沙律菜新鮮，燒牛肉薄切，肉質軟熟😋- 朋友同我都加咗 生蠔🦪，生蠔🦪呢日係嚟自美國🇺🇸，有濃郁海水味，好清新，極新鮮，兼肉質爽滑😋-「香烤羊扒🥩」肥瘦適中，大約烤到七成熟，肉質鮮嫩，又甘香，非常 juicy，好有羊味🐑，沾「羽衣甘籃薄荷乳酪醬」食，幾特別兼惹味又開胃😋；仲有啲蘆筍、長青豆、小紅蘿蔔🥕做配菜，幾清新😋- 甜品係「草莓拖肥批」，唔係好甜，簡單好味😋- 咖啡☕️幾香濃😋朋友好似叫咗個魚🐟，佢話都幾好味😋。我哋過咗一個懶洋洋又好味嘅中午😆

We went there after the peak of the lunch time and we all get ignored by the Phillipine waitress, so we just get inside and find a table. We ordered red shrimp with sea urchin but it's really disappointing, the sea urchin is quite bitter with a piece of tasteless red raw shrimp. We also ordered a seafood platter and some more oysters with 2 more homemade set lunches. Oysters are the iconic food for the restaurant and it is okay. The funniest thing is that they are willing to serve you bread with

今晚去到灣仔嘅The Oyster House，試吓佢哋出名嘅生蠔。一坐低，叫嘢飲，我要Strawberry and Lime Cider，我個妹叫咗Australian house wine。然後就食蠔喇，有三款蠔，待應教我哋順時針方向食，首先Rolex，跟住Sentinelle， 最後Irish Rock，味道又淡至濃。再嚟就係蕃茄羅勒水牛芝士。我最鍾意嘅水牛芝士，味道淡淡的，低調但又不可或缺！食完冷盤，就食一份烤日本帶子配野菌木魚絲，肥美嘅帶子，鹹鹹哋，燒烤味濃。食完前菜，就到黑松露野菌忌廉湯同埋鮮蠔濃湯，黑松露香味突出。主菜係炭燒加拿大天然豬鞍，配有時菜同埋薯仔加燒汁。豬鞍煮得比較腍，脂肪比例又適中，店員介紹點芥茉醬，非常好味。甜品就係香蕉拖肥批，超靚，香蕉味好出，餅底好正。

知我好鍾意食生蠔嘅朋友都熟悉我，知我係會四周圍搵啲專食生蠔嘅餐廳，又比我搵到間位於灣仔嘅，好多人都有推介佢哋嘅生蠔！除咗生食，聽仲可以有其他煮法，我哋當天就淨係叫咗半打生蠔，松露蘑菇湯，美國豚肉斧頭扒，南瓜羽衣甘藍沙律🥗煮蠔意大利飯。生蠔方面自己就比較鍾意食creamy d，餐廳嘅員工就推介左我是依三款唔同種類嘅生蠔🦪 分別有Rollex, lambert, 另外自己都想試吓一啲濃味嘅，就叫咗兩隻Irish rock，生蠔嚟到都非常肥美，食落口真係感覺鮮甜而且介紹不錯係比較creamy嘅口感!講返兩個主食，Risotto 真係好推介😜意大利飯入面有好多蠔肉粒，米飯仲係脹卜卜，煮到粒粒分明，非常好食😋加埋個豚肉斧頭扒，一上嚟嘅時候見到斧頭扒嘅慳文都非常均勻，Siu剛剛好，肉質切落去嘅時候不會太煙韌。個羽衣甘藍南瓜沙律都非常清新，它有加上一些黑醋，令到成個沙律感覺更健康和開胃，係非常適合做頭盤沙律的😜同朋友來慶祝點少得叫返個甜品🍮叫咗個都好多人推介嘅香蕉拖肥批，由於餐廳知道我哋係慶祝兩個月，仲喺甜品嘅碟上高幫我哋畫咗公仔，非常貼心！非常推介佢慶祝或者特別喜歡食生蠔嘅朋友去食，餐廳環境都坐得

品嚐生蠔先由最淡味的品種開始，再慢慢品嚐濃味的。Yellow stone肥美鮮嫩，沒有濃烈的海水及礦物味，輕鬆地表達出自身的鮮甜。宮城縣:有微微的海水味較淡，略為creamy，感覺清秀。京都蠔: 體形大、多肉肥厚入口由鮮甜味慢慢品嚐出海草的甘甜。Oyster Bisque真材實料，蠔味非常香濃，口感較稠。第一口都充滿海鮮香味，鮮味濃厚。Oyster Orzetto 廣島蠔配脆巴馬火腿米型意粉將脆巴馬火腿整碑再同米型意粉撈埋一齊食，咸香十足。醬汁濃度適中，蠔味很突出，食落負擔不重。米型比起條型的意粉掛汁能力更高。炭燒加拿大天然豬鞍肉質鬆軟有肉汁，完全唔乾，脂肪不多但肉質鬆化，加上炭燒香氣撲鼻，推薦。配菜的薯蓉口感幼滑，帶有忌廉的香。Banoffee Pie滑溜帶咖啡香的鮮忌廉中間夾住鮮香蕉同香甜的拖肥焦糖漿，餅底既鬆脆又帶有牛油香，食起黎好有層次感，甜而不膩。