The Oyster House (已搬遷) 新店位置

星期日要約朋友輕鬆下😊， 上網見到The Oyster House 好似幾吸引， 加上地點方便 ，位於灣仔謝斐道， 我哋就一行四人中午來試試。 店內環境裝修都好舊式， 細細間的小店， 我們一口氣吃了大約二十幾隻生蠔🦪， 試咗幾個國家， 日本生蠔海水味比較重， 非常咸有點重口味， 而另外南非、法國和愛爾蘭的生蠔都好新鮮亦好平均， 果然是Oyster House， 生蠔係幾好的👍🏻。 另外我們點了三份午餐， 有羊架、豬手和意大利飯， 味道正常， 但又不算出色。 還有三支白酒🥂， 入口帶點酸味。如果喜歡吃生蠔的可以來一試， 選擇多又新鮮， 埋單大約二千幾， 價錢可以接受。😉

很久沒有食西餐，今天晚上跟朋友慶祝，所以便選了這個地方，除了有美味的食物外還有最愛的生蠔。老闆亦很細心地為我們介紹生蠔品種，建議我們由淡味食到濃味。這款Tomo生蠔肥美，夠creamy,很美味。Today生蠔肉質較爽口鮮甜。Irish Rock 生蠔海水味重，蠔味濃郁。Sautéed prawn蝦肉新鮮爽口而且鮮甜，啖啖肉，配搭埋蒜片一齊食很惹味。Oyster Bisque蠔湯這樣烹調都是第一次食的，飲落蠔味香濃，喜歡食蠔一定喜歡這個湯。Grill Salmon三文魚扒本身魚皮部份煎得好香，油脂豐富，魚油帶香味，沙律菜新鮮爽口，酸酸地很開胃。Banoffe pie賣相很吸引，每一啖都食到香蕉🍌，餅底鬆脆美味。

一年前食過晚市 海鮮set買一送一 幾抵食 味道都唔錯。今次見有OpenRice 優惠90-60，可以用38蚊食到98蚊既lunch set (外賣自取）。諗住好抵食，點知大失所望！！！份量少到好難睇，感覺好小家！西餐廳仲小家過茶餐廳，收98蚊俾呢個份量？？！一個細食既女仔食完都唔飽既感覺，真係98蚊唔抵，38蚊都唔抵，我食兩餸飯39蚊連飲品起碼一定飽。真係寧願食outback😢午餐外賣明太子海蝦忌廉意粉連湯及茶98蚊打去餐廳同經理投訴，佢話就算堂食份量都係咁少，都唔係第一次有客投訴喎！如果你真係好好飲就話當寶啫，但都唔好飲，稀到似水，差過飲罐頭餐都要當寶俾咁少，收98蚊真係逆市搶錢價！佢話已經吩咐過外賣要俾多少少，好明顯廚房聽完就算。敢冇誠意既餐廳真係冇興趣再食！意粉份量都係正常偏少，個盒唔滿，有3分1既位淨，冇咩明太子味，忌廉ok,海蝦ok但連殼既。杯茶係普通Lipton 紅茶。睇番堂食要118🥶應該會多舊包同甜品既，講真唔係價貴，只係唔值！

好耐冇見到一間餐廳會全場爆滿⋯⋯感受到每一位客人都非常enjoy！嗰種氣氛真係好難得！The Oyster House 選擇呢間餐廳當然係為咗食生蠔啦⋯⋯知道呢度嘅生蠔特別出名而且特別新鮮👍⋯⋯最重要價錢超抵😬其實嚟到呢間餐廳，你唔需要自己選擇邊一款生蠔🦪就咁問店員佢就會介紹今日嘅signature & special😬😬Tomo ,Rollex,Krystale三款都非常肥美！而且非常新鮮！每一口都充滿海水嘅香氣！我哋又淡味至濃味！我同我個朋友都非常鍾意原味！完全冇落檸檬或者辣椒仔！咁樣先係最正！Kale & pumpkin salad羽衣甘藍加上蕎麥沙律🥗最愛羽衣甘藍嘅獨特嘅香氣，加上自製嘅沙律醬汁非常夾！仲有南瓜佢係吼過添⋯⋯特別香甜！Truffle mushroom soup湯頭非常濃郁香滑，配以黑松露獨特嘅香氣⋯⋯👍👍Spring chicken春雞來自法國🇫🇷肉質非常香滑！而且肉汁豐富！味道剛剛好！經過烤焗獨特嘅香味散發出來！

香港而家經濟逐漸恢復，之前因為疫情關係好多人都唔敢喺街食飯，而家卒之都過去，有時仲零確診添😍今日嚟到呢間餐廳，全場爆滿，可能因為食物質素高，價錢便宜👍尤其紅爆嘅生蠔🦪非常新鮮👍The Oyster House店員為我哋介紹咗三款生蠔🦪TomoRollex Krystale 由淡味到濃味如果要品嚐到真正嘅原味！而佢嘅生蠔係新鮮嘅話！大家係唔需要落任何野就會食到佢嘅原味！連檸檬都唔需要落！超新鮮！超級鮮甜美味！非常肥美！Oyster Bisque 每一啖都食到生蠔嘅鮮味！喺嘴裏便爆發餘韻⋯⋯鮮味到一個點！裏邊仲有一隻肥美的蠔添⋯⋯Oyster Orzetto對於蠔迷！呢個一定要食！有大量嘅廣島蠔切粒！然後配以米型意粉⋯⋯每一口都有蠔粒，超級鮮味⋯⋯配以一片脆巴馬火腿👍Banoffee Pie 呢個係有大量嘅香蕉組成！鍾意食香蕉嘅朋友唔好錯過！

當日係星期日，我哋book咗6:00。當時唔係太多人，到晚飯時間就差不多full house啦～ 而我哋都係第一次嚟嘅，主要係要試下生蠔。溫馨提示：每人要叫兩杯或以上酒，生蠔就可以半價。職員推介之下，我哋就試咗唔同種類嘅生蠔。首先推介Today special 日本的「令和怪物」，生蠔好大隻、海水味都唔太重，易入口！ 如果鍾意食Creamy嘅你可以考慮Spanish XL.另外，我地試左Hokkaido, Rollex, Gillardeau, Abalone. 我哋每人食咗六至七隻唔同款到啦！生蠔種類多好岩同朋友黎傾計食野之後我哋仲有叫到Pizza(half & half), Fish & chips,蜆意粉。下次有機會，試埋甜品先🍮

難得同老婆周年紀念，今晚一定要去食好d慰勞下我嘅寶貝。我哋揀咗oyster house，係一間法國餐廳，位於灣仔謝斐道，我哋7:30訂咗位，但已經全場爆滿，真係好彩有訂到位姐。首先頭盤嗌咗半打生蠔，分別係yellow stone,rollex 同lambert 職員會分別介紹唔同國家嚟嘅，而且味道係由淺食到深，隻隻都好creamy,係滿滿嘅海水味同蠔味係你個口度遊走。第二度就係羽衣甘藍加䊍麥同果仁，呢個沙律好特別，亦都好清新。下一度就係我哋分別叫左蠔湯同蘑菇湯，個蠔湯真係好鮮同覺得係十萬得蠔打碎黎整，係必點item。小食就叫左炸蟹餅，蟹肉好鮮甜，而且師傅炸得一啲都唔油膩，又係食過返尋味。最後先食個主菜 主菜就係燒春雞，雞肉十分嫩骨，外脆內嫩。最後最後就係不能抗拒的banofee pie ，cream加拖肥醬同香蕉真係一個絕配。

海鮮拼盆相當出色，餐廳名字叫The Oyster House，當然先試一試生蠔，法國蠔十分新鮮，不算很肥美，但甜美夾口，海水味不會太重，剛剛好。果然沒叫錯名字。磯煮鮑魚調味適中，能帶出鮮味，有驚喜。干貝和螺肉也很鮮甜。青口還好，味道沒什麼特別，可能其他海鮮太出色而顯得比較普通。重點是價格，如果星期一到二只要$99，性價比太高了吧。我一個人可以吃兩盆。Oyster Bisque拿蠔來煮湯是個很大膽的做法，如果用的蠔品質不好，或者調味拿捏不夠準確，很容易失敗，所以我特別欣賞這個湯，每一口都像在吃蠔，而且一點腥味都沒有，愛蠔的我表示十分滿足。Oyster Ozetto很上去很像意太利煮飯是不是？可是這是意粉，並不是飯，一般意大利飯煮久了有糊糊的感覺，用了意粉不但能吸收蠔味又不會糊掉，還是很有口感，要是喜歡有濃濃的蠔味必定要試。

今日同朋友去灣仔覓食，見到oyster house幾鍾意，決定入去試試。先黎個湯暖暖胃。黑松露野菌忌廉湯。相當濃郁，掛在湯匙上，每一啖都充滿蘑菇香味，有黑松露吊出鮮味，但又唔太搶鏡。炸雞翼。伴碟配菜好靚，雞翼炸成金橙色，色彩繽紛，灑上少少檸檬汁，既惹味又唔會令人覺得油膩。鮮海膽米型意粉。在一片金黃色海洋中，雪亮帶子鶴立雞群，作為亮眼點綴。米型意粉充份地吸滿海膽汁，粒粒飽滿，入口滋味無窮，令人齒頰留香。Seafood platter，上菜時已經覺得份量驚人。有法國黃金螺兩隻、生蠔兩隻、日本磯煮鮑魚兩隻、北海道帶子兩隻、紐西蘭青口四隻。肉質新鮮彈牙，份量十足，令人過足口癮，滋味！Tiramisu 係最有驚喜的！非常好味，咖啡酒味香濃 係傳統的口感同味道The oyster house坐得舒適，食物水準幾高，同朋友都食得盡興，下次會繼續！

一間有情調得來帶少少懷舊感覺的餐廳食物的選擇很多，有海鮮、Pizza、意粉、扒類及不同小食等等。我和朋友先叫了個uni prawn ($178)，看價錢可能會覺得有點昂貴，但點了絕不後悔。濃郁的海膽味，配上啖啖肉而鮮甜的蝦刺身，實在太令人滿足！接着點了一個鵝肝多士($119)，麵包看得很趣，鵝肝肥美，夠香，以煮過的車厘子作伴碟，fresh得來減低油膩感。黑松露野菌忌廉湯，中規中矩。接着要推介這個炭燒加拿大天然豬鞍，五成熟，口感又爽又Juicy！配搭芥末更惹味！很欣賞他的薯蓉，仍然咬到薯仔粒，很香。最後要分享這個比較少地方能夠吃到的香蕉拖肥批，餅底夠脆夠香！，cream不會太甜，塊焦糖燒到脆卜卜，很特別的一個甜品，但會比較飽肚！

今晚同朋友去灣仔謝斐道The Oyster House食晚飯，餐廳裝修比較懷舊，很有情調。聽個名就知這間餐廳主打食生蠔，如果不知道要選擇那款，可以向服務員查詢，今晚分別叫了Yellow stone、Rollex較creamy、Irish Rock海水味較重 ，非常新鮮，又大又肥美，喜歡食蠔的朋友一定不能錯過。黑松露野菌忌廉湯，好香蘑菇味， creamy。鮮蠔湯，蠔味好濃，湯入面也有蠔。Kale & Pumpkin Salad羽衣甘藍好新鮮，配有南瓜合桃藍莓，清新又健康。主菜是生蠔意大利飯，配脆巴馬火腿夠特別，與蠔的味道很配合。Port Chop豬鞍好厚，肉質鮮嫩，肉汁豐富，食完有好滿足的感覺。Bancoffee Pie用香蕉做底，加上幼滑的忌廉，感覺新鮮，甜度適中。

星期日去咗Oyster House食生蠔，佢地啲裝修有啲似舊式扒房，少少傳統feel。坐低叫咗三款生蠔都係店長推介，Tomo 喺日本生蠔，所以入口好爽好甜，size幾大隻，每個位置都好爽口，有少少青瓜清甜。Lambert 及另一隻法國生蠔，蠔肉薄身少少，入口有金屬味，少少回甘，海水味餘韻悠長，呢度生蠔溫度夠冰，入口全部都好新鮮又爽脆。前菜叫了燒帶子配香菇木魚絲，因為大家都係日本食材，所以味道幾配合，木魚絲帶出另一種鮮甜味。叫咗個黑松露蘑菇湯及生蠔濃湯，兩個湯都好濃郁，上枱聞到蘑菇香味撲鼻，混合黑松露獨有嘅香氣，非常出色。生蠔濃湯內有一隻生蠔，湯頭好濃郁豐富，每一啖都係生蠔嘅味道。廣島蠔脆巴馬火腿米型意粉，上枱似意大利米飯，原來係啲細細粒的短意粉，配上非常濃郁嘅蠔汁，裏面仲有好多洋蔥碎增加爽脆嘅口感，意粉上面有塊脆脆的巴馬火腿，帶點鹹香，撈埋意粉一齊食有提鮮作用。炭燒加拿大天然豬鞍肉，豬肉size非常大份，厚度差唔多有成吋厚，因為天然豬嘅關係，所以唔需要100%全熟，切開依然有肉汁，有肉味，不會有肉臊味，沒有醃料醃過，只有簡單調味及香草，完完全全吃出豬的原味。甜品係Tiramisu，用一

星期日又係出街食好啲啲嘅時候。今日決定去灣仔食生蠔。間餐廳叫做 The Oyster House，一聽個名都知係食生蠔㗎啦。咁通常食生蠔當前頭盤，之後都係食西餐。生蠔今晚試咗三款，分別係日本嘅Tomo，另外兩隻法國：Lambert，但另外一隻係Today Special，唔記得咗個名😅三隻中反而日本蠔鹹味最重，但鹹完之後很快就有甜味出，After taste亦長久，裙邊又爽脆，好食。另外Lambert就金屬味最重，還有淡淡的青瓜味，海水味亦濃。最後的Today Special就介乎兩者之間，鹹甜味都平衡，但餘韻就不是太長。第二道頭盤就點咗烤日本帶子配野菌木魚絲，帶子是用刺身級，所以沒有烤到全熟，裡面仍然帶生，令口感不會太死實，而木魚絲及野菌又出奇地合襯，起了特別的化學作用。再嚟就飲返兩個湯暖吓胃先，分別點咗黑松露野菌忌廉湯及鮮蠔濃湯。通常黑松露湯味道都好濃郁，但今次反而比鮮蠔濃湯搶過風頭，因為蠔味實在太出眾，喜歡食蠔嘅朋友實愛死🤩主菜就點咗廣島蠔·脆巴馬火腿米型意粉。呢個意粉口感好特別，根本就係米粒嘅口感，但係用意粉造成。而用嚟煮嘅汁同鮮蠔濃湯一樣濃郁，但仲更加杰身，裏面又有廣島蠔，再

今日難得收早同埋好想出街食飯就決定去遠少少位於灣仔一帶試吓一間西餐廳地理位置10分方便地鐵站行5分鐘就到達位於角落頭為都比較容易搵，餐廳間隔比較懷舊而且座位唔太多但係己有情調之後開始點餐頭盤我哋點左半打生蠔之後一個沙律，再點左蟹餅而且仲有西餐湯之後就主菜半隻燒春雞最後加我甜品，先講講前菜生蠔三種唔同味道有，味道由淺入深，每一隻號都附帶海水味道冇得輸，前菜沙律冇乜特別食落去開開胃位幾爽之後小食蟹餅煎得非常香口而且賠償醬汁係我鍾意食嘅味道，跟住到個細食湯係蘑菇黑松露湯配上麵包簡直冇得輸，個湯煮得非常香口而且黑松露味好重，而主菜燒春雞笑得非常香口，配料方便又薯蓉加上蘆筍非常配合，而且呢度嘅服務質素都好好店員會為你講解每一道餸嘅名稱而且會不停為你添加水間唔中都會同你傾吓計問吓食物好唔好食，燒春雞方面笑得非常香口雞汁多到冇得輸，下次一定會同屋企人再嚟過

同 #小秘書 相熟嘅朋友都應該知道我係 #蠔痴，無論將啲 #蠔 🦪 用嚟生食、定炆焗煮炸我都啱🤩 呢日朋友就帶我 #舊地重遊 嚟到 #灣仔 嘅「The Oyster House」，佢話呢次一定有驚喜🤤 餐廳嘅地方唔算太大，整體都以木色為主，入到門口見到每個服務員都充滿笑容，難得嘅happy team👏🏻👏🏻 因為第二朝大家都有嘢做，所以我哋呢晚無叫酒，將quota都放喺食物身上😉 嚟得呢度，當然要叫蠔🦪啦🥳 我比較鍾意creamy嘅口感，服務員話 #YellowStone, #Rollex 就最啱我，不過朋友就鍾意食濃味啲，幫佢order兩隻 #IrishRock 就應該冇錯😚 食 #生蠔 我一向都唔加醬汁，就係鍾意嗰種大自然嘅味道🤤 之後我哋要咗個 #羽衣甘藍沙律 清清個味蕾，廚師喺入面加嗰啲 #烤南瓜 同 #合桃肉，口感特別豐富🤤 再嚟嘅係 #蠔湯 同 #黑松露什菌湯，個蠔湯就梗係為我特別而設啦😉 大大隻蠔肉放喺湯裡面，充滿蠔嘅精華，食完一定好保啫🤣 飲完個湯，其實已經飽飽地，不過朋友話一定試埋佢哋嘅 #risotto、 同埋 #加拿大豬鞍 先至夠圓滿😅 risotto裡面有好多蠔