The Market

早了去到，可以先報到，預派枱號。個receptionist好醒目，幾秒便 spot 到相關資料，帶位的又服務周到，一流。食物方面主打榴槤。榴槤系列做得非常好：榴槤班蘭卷、 榴槤奶凍、 炸貓山王、 榴槤芝士蛋糕...都有適中的榴槤濃味。 如果好彩的話， 揀中的榴槤奶凍杯內有 一絲絲榴槤肉， 超級香滑。 炸貓山王要即炸即取即食， 放多一陣時間， 炸粉部分會變得太煙靭。主打以外的食品都做得很高質素。例如抹茶奶凍， 每一杯有濃滑抹茶， 不像普通餐廳做的 eye candy (外表好看 ,入口完全冇味唔夠喉)。 刺身方面， 下午茶時段提供四款已經很不錯， 每款小塊而厚切， 入口新鮮, 就知道一流貨色。 另有泰式風味 , 沙律區有酸辣粉絲 , 車仔麵有冬陰功湯底。 廚師仲好有心機， 厚冬菇墨魚丸仲會幫你切粒， 方便你一口一粒。 坊間一碗普通車仔麵冬陰功湯底現都賣到$40一碗, 現在喺酒店食乾淨衛生好多, 最後來一碗車仔麵就係大滿足。另外,侍應都好醒目， 每次都係等客人離開座位去取食物時來收碟， 很有效率。 整體都做得好好， 可以投The Market 開飯熱店一票。

終於來試聞名已久的The market，它的buffet一直受大好評，預約長期排很滿，為了慶祝另一半生日，於是早3個月便在網上預約了，早2星期在網上看到某些日子其實還有位子，不過當然提早預約較安全。Lunch buffet時間是1200-1430，準時入座，場地採用了一些自然光很舒服，位子之間不會太擠。自助餐開始最受歡迎的似乎是片皮鴨，由專人即場包好鴨肉、醬汁和青瓜絲，長長的一條，味道OK，在自助餐有此菜式挺特別。魚生和蝦很新鮮，大推冷盤的蝦，很鮮味;長腳蟹不會太咸很好吃。沙律、芝士、火腿的選擇頗多，雖然鮮果沙律好像很普通，但本人十分欣賞，哈哈。熟食方面有德國豬手配上酸菜不錯吃，海鮮粥也很不錯，還有西冷和羊架等，味道都屬於中上。其實吃了一半正餐已急不及待要吃甜點，因為這才是主菜! 本來以為榴槤是下午茶才有，但竟然午餐也有很驚喜。最好吃的是榴槤雪糕! 他們推介配著炸貓山王吃，啖啖榴槤好滿足!! 因此其他榴槤製品顯得遜色，但其實它們的榴槤味挺足。其他甜點也出色，奶凍好滑溜，酒心朱古力不是蓋的; 當然較奇妙的是茉莉花蛋糕，真係好大陣花香味，喜歡與不見仁見智吧。

buffet couple又出動啦。其實已經係年頭既事,而家先得閒寫番出黎。我同老公不嬲都好鐘意試不同酒店既buffet,又聽聞呢間buffet好難book,咁就梗係要試下佢啦。不過其實都唔係大家講既咁誇,如果唔係咩特別日子,半個月前都應該book到既。環境唔錯,加上夜晚出面氣氛一流。當然場內咁多人,一定比較嘈。一黎到梗係要試下冷盤啦。龍蝦賣相唔錯呢,肉質都ok。不過始終名氣過大,同相像中會有點落差。不過刺身就有驚喜。帶子勁大粒又鮮甜,好好食呀,必試其中要推介呢個湯,足料又好飲。本身唔鐘意飲湯既我,都破格飲哂。其他冷盤呀,熱盤其實同其他buffet差唔多。所以就唔係到介紹。最後要介紹梗係甜品啦。礙於本人唔食榴蓮,不過鐘意既人一定要食呢間 因為他真係好多榴蓮甜品,有炸榴蓮啦,榴蓮布甸等。不過唔食好似我咁都冇問題,他既甜品真係唔錯。唔係得個樣個隻。以下既甜品都係推介,尢其係用旦形杯裝個2個。一個係抹茶,一個係甜酒埋單原來有polyu信用卡有折架。好彩當年有申請用到而家。

與一行七位朋友們於初四吃飯，大家在中午和晚上也要忙著周圍去應酬，不如就約下午茶那段空檔，來吃個豐富的開年buffet。之前也曾吃過the market的午市buffet，感覺不錯，所以向大家提議。幸運地，出名full booking的the market還有最後一桌大枱，新年假期也沒有特別加價($358+10%)。未到3時，餐廳外已經排滿顧客。因為這裏是「早到早享受」，所以大家都會選擇早點開始入座。沙律區、頭盤區對比其他餐廳，這裏的沙律區算是標準之上，提供了各式各樣的菜蔬和醬汁，感覺也頗新鮮。頭盤區有提供6-7款小吃，例如蝦多士、碎蛋三文治、呑拿魚麵包等，而且感覺是有心做好。其中推薦的是蟹肉多士，的確是啖啖肉，沒有偷工減料，頗有鮮味。所以大家記住不忘來取兩三款來試試，可能有驚喜。海鮮區、日式區自助餐的主戰場必定要數海鮮區，所以是一定要介紹的。The Market的必吃之點在於蟹腳，既鮮甜又肥美，取代一般自助餐主打的生蠔，正好適合我這些不吃蠔的人。各類海鮮去得快fill得快，不需擔心搶不到。其他海鮮包括：龍蝦鉗、青口、凍蝦等亦有供應，種類不少。至於日式區就不算受歡迎，主要是提供冷麵/冷烏

兩個月前預訂的下午茶自助餐，終於有得食啦 ! 懷著興奮的心情迎接這次的下午茶自助餐， 還未到時間 ，餐廳門外已經企滿了等入座的食客 ! 大家都很心急想盡快品嘗這出名的自助餐。 入到餐廳，下午茶自助餐有熟食，點心，北京填鴨，面檔有冬陰功湯底(好正宗),甜品， 沒想到居然還會有冷盤，蝦蟹青口都有。 飲品方面除了普通的咖啡和茶，還有越南咖啡， 甜品當然有最出名的榴槤甜品，及各式各樣的蛋糕和雪糕。食物種類多, 質素又高，難怪要兩個多月前預訂 !

當年，就是在Hotel Icon 中和我女朋友正式開始拍拖。近日，偶然發現Hotel Icon 的The Market的下午茶自助餐主題相當有趣，所以決定帶我愛人去回味。提早大約一星期訂位，訂位後要付訂金，每位100元，才會確認訂枱。The Market 由開業至今，晚上的自助餐基本要提早一個月訂位，所以一直想食一次，奈何自助晚餐確實太貴，下午茶只需三百六十多元，相比七百元的晚餐相宜得多。當天去到很快便被安排入座，入座後當然立即去看有甚麼食物。The market的下午茶自助餐主題是榴槤，所以一出去便看到甜品櫃上放滿各式榴槤甜品。不過當然由冷盤開始食，冷盤的海鮮有長腳蟹、青口等，沙律款式尚算齊全，但可惜沒有火腿。熱盤，重點推介花彫蛋白蒸龍脷柳，充滿酒香，但入口清淡，蛋白順滑。還有炸魚柳，金黃香脆，好食。湯面有冬陰公湯底，惹味但不太辣，勝過香港絶大多數的餐廳。簿餅類，點心類，相對遜色，不提也罷。飲品則具特色，除了有數款鮮榨果汁，更有絲䌩奶茶，越南咖啡。越南咖啡是使用越南濾壺冲泡，入口香醇，風味十足，如置身越南。最後，當然輪到主角。先到甜品櫃觀察，大約有三種甜品都跟榴槤有關，另外也有幾款雞

Hotel ICON 一向馳名榴槤甜品，今期引入了沙巴Borneo就有數款野山榴槤是二月份當造，有三款沙巴產的野生榴槤，包括紅寶石、黃小花及鹹蛋黃，以製作全新榴槤甜品，聽見都流晒口水，喜歡食榴槤的我就一定要去試新野啦。行到入酒店餐廳的時候已經聞到震震榴槤的香味。沙巴產的野生榴槤有三款甜品都好好味。榴槤杏仁千層酥，千層酥好鬆脆中間野生榴槤味道比較淡而清香。炭烤榴槤咖央多士，多士烘得好脆口，榴槤咖央加上牛油一起食好滋味。還有其他榴槤甜品，都係我的至愛。榴槤菠蘿包食完榴槤甜品，再吃了一碗冬陰公湯烏冬，酸酸辣辣好開胃。

我屋企既皇上(老豆) 一直對於別人的要求都好高. 無論我地買俾佢既野或媽咪煮既飯佢都奄奄尖尖麻麻煩煩. 今次到佢生日佢話要個蛋糕味道特別,不要花巧不要糖皮的仲要型一點. 我真係想買個雪芳蛋糕俾佢就算. 不過唔想一年的日子難過我都做左好多research, 有個朋友極力推薦呢個超水準蛋糕所以我都訂左. 打開皇上個樣有點扁咀因爲白雪雪樣子不太吸引, 不過一開盒就已經有一種芳香撲鼻既榴蓬味😂 呢個係呢間酒店出名的榴蓮蛋糕呀! 榴蓮肉唔算太多不過好香好濃郁的味道, 個頂有一點點的金箔特顯高貴. 總括個蛋糕好味用料靚而且又唔係好貴, 最重要呢個完全乎合晒佢既三個要求呀!!

半年以上，冇食自助餐，揀來揀去，就Hotel Icon既The Market啦，評語好，價錢唔算平，都咁多人讚，實冇衰啦 去到，感覺環境氣氛幾好，今晚入座冇9成都8成以上 一開始入座時，經過近門的甜品櫃，有陣榴槤氣味撲來，我本身都幾喜歡榴槤，但就留意到，該位置是甜品櫃，這……，未免少了點款式嗎？！ 都係試吓冷盤先啦，有龍蝦，小龍蝦，凍蝦，青口，墨魚仔，蟹鉗，應覺普普通通OK啦，但唔係最好，佢哋加添都算快，客人冇搶既必要，個個都好有秩序，跟住試試出名海南雞飯，好味，真係唔錯，前後食咗兩碗，唔係我大胃口，係佢每碗都好少，不過咁都好，可以試多些其他食物，湯有兩款，燉湯係紅棗杞子，西湯係海鮮濃湯，兩款味道都ok，唯西湯咸咗啲，跟係有肉眼扒同羊架，羊架普通啦，肉眼扒唔合格，過火，刺身試咗三文魚同帶子，不過不失，熱葷有多款，名就冇留意，支竹龍躉，茶餐廳味道，蟹粉炒芥蘭，普通，牛仔骨，好味，波蘿炒飯，咖哩，白汁意粉，讓响螺，普通，冇乜驚喜，沙律ok，芝士，火腿ok，生菓幾好味，餓肝，普通，魚子醬多士，ok啦，薄餅唔係我喜好，冇食，最後到甜品，炸榴槤……唔明，你直頭比舊榴槤我食好過啦

呢間The Market已經黎左好幾次，第一次黎真係覺得超級正，來了數次，其實只係食物新鮮取勝，自助餐係香港愈來愈多選擇的同時，價錢都愈來愈貴，唔知係咪因為各酒店都提高價錢，所以好幾間都有質素提高的關係，變左有競爭，令原本好突出的，相比下差距開始少左。當初好記得第一次食係週年紀念日黎食，要3個月前訂枱，正想係2018年5月再食，早d打電話去，酒店回應太早未有得訂5月住，希望到時品質無變！(5月食完會再更新食評期侍)講返幾個月前食個次，其實影左好多相(食量超級大的我，當然食左好多野)，可惜只能分享12張！去相！首先係冷盤！蟹腳有海水味，但絕對唔係太咸個種，食到蟹的鮮味，滿意的！蝦就無乜特別，最基本無霉的，新鮮，但未好到有鮮味，普通質素。到龍蝦，膏都算多嘅(當然每隻不一，有多有少)，肉有d乾身，係新鮮的，不過口感唔係我最喜歡的爽口，所以我就覺得好一般！食多幾碟，開始食下沙律個d，薯仔幾香，菜都有幾款選擇，都係新鮮的！另有巴拿馬火腿，不過我唔係好like所以無食。跟住到刺身，帶子鮮甜，牡丹蝦好新鮮，好多卵，每次排隊會比好少你，不過唔洗等好耐，每次1.2個人，我覺得咁樣仲好！保持食物係好的狀態

我們一行12人，酒店給我們留了一間獨立房，裝修精美又近甜品區，非常舒適，很方便我們傾計及拍照。那時正是榴槤主題，貨真價實，都是猫山王的甜點，果肉非常豐富，當中炸榴槤及榴槤布甸都是激讚，用料好，味道口感也很好。當日餐廳更特別做了一個榴槤 Pizza 給我們，是本來沒有的，給我們試試取些意見，很難得。其實其他熱盤冷盤也是相當好吃，凍蝦新鮮，煮青口很甜，碗仔翅味道好又足料，當中我最有印象是菜乾豬骨粥，豬骨肉入味到不得了，又稔又滑。剛好信用卡有折扣優惠，更抵食。

食物款式不多，只有甜品比較好味龍蝦湯雖然龍蝦味很濃，不過非常咸，飲左幾啖已經唔想再飲試過一次後唔會再食，因為唔抵食而且坐位較迫，坐得唔舒服另外收碟速度好慢，有待改善

期待已久 ，一直都聽好多人講，一定要食the market ，但係由於好難book，而且唔平，所以一直都冇試。見加咗人工，所以同老公就去食啦 ，總括嚟講好味嘅 ，但真係好貴， 所以佢性價比唔可以話好高 。海鮮唔錯，最怕食嗰啲海鮮冇鮮味、冇海洋嘅感覺，呢度嘅海鮮可以、唔錯，比較推介 蟹腳 。熱食都ok，因為唔係回本之作，所以唔係食好多。要數出最出色嘅食物，絕對係榴槤嘅食物。佢做榴槤嘅甜品好出色， 本身我好鍾意食榴槤，所以試勻曬佢所有嘅榴槤甜品，真係唔錯，我認為食榴槤係回本之作。甜品係the market嘅強項，所以我大部分嘅時間都係專心食海鮮同埋甜品。

又到了春節團圓的時候， 當然要找一家比較好吃的地方，大家都建議吃the market，當然就嚟試下啦~冷盤選擇都算多, 有龍蝦,蟹腳, 青口, 墨魚。 蟹腳唔算鮮甜， 質素可接受啦~又有北京填鴨 個人覺得中湯及西湯都好味, 西湯係海鮮龍湯, 非常濃郁, 中湯係燉鹿肉夠曬滋補 ~另外有星加坡蝦麵,星加坡喇沙~刺身選擇就比較少, 只有三文魚，吞拿魚，甜蝦 ，唔算太特色～甜品就真係值得一讚，喜愛榴槤嘅朋友一定要食貓山王，尤其是貓山王雪糕， 有榴槤肉絲食，仲有就係movenpick 嘅雪糕選擇唔算多,質素ok,中中挺挺啦~

Hotel icon 自助餐非常難預約留位，難得撞彩預約到就梗係去試試啦酒店氣派普通，不算有什麼格調，因此自助餐餐廳The Market的座位也比較擠迫焗促，主要取餐通道較窄，人來人往，很多時需要欠身借過，實為最大敗筆不過食物質素確實有水準第一時間當然試下海鮮先當日海鮮最主要有6種：灼墨魚仔，蝦，青口，龍蝦鉗，蟹鉗，小龍蝦最出色係蝦同蟹鉗，超級大隻而且絕大部分鮮甜爽口其次青口都不錯，完全無沙無腥味，可惜比較細隻。其餘海鮮則不過不失。同場都有個19壽司Bar，大部分係垃圾一般貨色，95%時間無人埋去而且個師傅仔好似好厭世好大怨氣咁，唯獨得八爪魚刺身尚算可取，質素約為壽司店$50六片貨色熟肉方面，非常有驚喜甚至拍得上灣仔Grand Hyatt級數，羊架燒到脆邊剛剛好，咬落仍有大量肉汁肉質鮮嫩但又無騷臭味肉眼扒都好有牛味，不過最好等初出就即食，否則擺耐左就會鞋口燉湯都係驚喜之一低頭一看才知爐底有明火燒住，因此盅湯係熱辣辣嘅得10度天氣飲落肚真係一流，味道好清甜滋潤，不過鹿肉肉質較實淨當然hotel icon 最為人所稱道嘅都係甜品啦，不過作為男士，我就唔識欣賞咁多嘞同場女士就讚到天上有地下無