The Market

聽聞這間自助餐好難book，我們提前三星期訂位，竟然星期五都有位，好期待，今日終於有機會來試試。因為係星期五，所以可以6點入場，吃到10:30，時間都好充足。食物擺放都幾企理，好寬敞唔會迫人。凍海鮮款式唔算多，主打應該係龍蝦，有糕新鮮，不過唔夠甜。長腳蟹味道比較淡，肉質有點霉，蝦彈牙，不過有黑色蝦腸。最可惜係咁貴的自助餐竟然沒有生蠔吃。熟食選擇亦唔算多，中式、泰式同印度菜都各有幾款，不過唔算吸引。中式燉湯只有一款，雪耳椰子燉雞，好大盅，好香椰子味。蟹粥都好好味，有膿膿蟹味，我忍唔住吃了兩碗。魚子醬多士，有驚喜，麵包烘到好脆，不過沙律醬多了少少。煎鵝肝好正，有脆邊，味道濃郁。飲品就比較少選擇，只有三款凍果汁，石斛竹蔗水幾特別，好飲，另外每人有一杯餐茶可以選擇。今期主推榴蓮甜品，雖然我好鐘意吃榴蓮，但就覺得甜品質素真係麻麻，好失望，真係唔似5星級酒店的水準。😛總結，無任何折扣優惠，$800一位的自助餐真心有點貴，食物質素有點失望，不過環境同服務都唔錯，如果無優惠，下次真係未必會再來了!

已聽聞The market的自助餐難book，所以已於九月在網上book定十月，終於到了期待已久的晚餐。一行7人於晚上6:00到步，服務員殷勤的款待，笑容滿面，讓人有relax親切的感覺。坦白說，以800元食一餐沒有生蠔的自助晚餐，的確有些貴，但論食物質素同環境，都是可以接受。這個市道，平一點的話，吸引度會再高些。細食的我，相信只試了一半食物，當中最令人印象深刻必選鵝肝，外皮煎得脆，內裡油香撲鼻，沒帶一點腥味，激讚! 另一推介是中式燉湯，椰子香氣清新，足料。刺身都很新鮮，海鮮粥充滿蟹膏香味，味濃。甜品有十幾廿款種類，其中榴槤控必食榴槤撻同班蘭榴槤蛋糕，好好味，飽到反肚都要食多兩件。 聽聞而家有好多優惠，其中有個連住宿包自助晚餐，應該化算好多，有興趣可試試，當度下假。

食the market 已經係好多年前既事，印象中係好難訂，要排隊一兩個月先訂到位，今次係Package形式訂房加自助餐，可能因為咁就唔駛排咁耐今晚都full House，主題又是榴連，甜品🍮熱盤都係榴連既菜先講海鮮，有龍蝦，長腳蟹，蜆，蝦，青口，海鮮好味既，夠鮮同清甜，如果有蠔就更好，不過而家都唔多自助餐做蠔生果方面有原粒紅毛丹，呢個都係少見，好清甜，都幾配合佢亞洲風既自助餐主題熱盤方面： 個人喜愛亮點有個燉湯，椰子雪耳雞，好清甜，無味精，雪耳淋到好正，但一開始佢用啲好似好中式既碗裝反而難飲，後來轉左個碗就好好多另外燒腩仔同鵝肝都好正，又係成餐飯另一亮點，雖然款種唔多，但總體來講係正

榴槤做既咸點也太精彩了!榴槤軟殼蟹，榴槤豆腐，榴槤魷魚圈!喇沙也非常好味，濃得來也不會太咸，好香椰味，麵條也爽口，蝦亦很新鮮，加埋森巴醬，香辣又惹味。勁可惜係冇哂榴槤雪糕，so sad!但lunch呢個價係抵食的!

依排hotel icon做緊香港人既優惠，所以係度住就順面試下the market既breakfast buffet!The market就係icon 2/F，非常易揾，breakfast buffet由0630-1030，可以食四個鐘咁耐！我地八點半到the market，已經坐左差唔多廿張枱，入到去可以order茶水。我地被編左係入面既位置，可以安靜啲！欣賞店員細心Buffet食物既類型好多，有西式既糕餅麵包、沙律、水果，去到日式壽司，鮮榨果汁corner，中式熟食，西式熟食，自製yogurt都有，另外仲有四個可以自己簡配搭既食物檔，例如粉麵、生滾粥、omelette 、pancake都可以自己mix and match! 飲品除左茶水外，仲有鮮榨果汁同柚子茶！我幾欣賞佢既自製yogurt，隔離有唔同材料可以加入，依個就係我整既配搭。中西式熟食例子：點心、炒粉、雜菌、炒蛋等等另一啲西式熟食：火腿、腸 等等另外都有唔同沙律菜同生果可以簡。另外有啲西式包，如牛角包，日式早餐如壽司，仲有中式既餃子。整體黎講：the market既breakfast buffet令人驚喜，好多唔同類型都有

今日特意選擇中午黎試一試佢既榴槤自助餐，一到達，巡視了一圈，我個人覺得好正，中午價錢可以食到好似夜晚晚餐既自助餐咁，有長腳蟹、蟹鉗等，仲有片皮鴨，中午黎講真係幾多野食👍🏻重點來了！！是榴槤！佢所有榴槤甜品都好好食！真係有榴槤肉！好香、好甜！全程自助餐淨食佢都好多款可以食！不過，食得多都幾膩下😂平時自助餐起碼食7-8圈既我，今日都係食左3圈就停曬手😂所以榴槤愛好者黎食先好，唔食既話可以唔洗黎食～

對上食個次都幾年前了，當時覺得好好味，今日滿心期待甘食個Dinner buffet,可惜真係好失望！凍海鮮：龍蝦唔好食 肉質有d膠 無鮮味；長腳蟹一樣 無咩味；其他藍貝個d細細隻 都唔想試。凍海鮮只試左龍蝦同長腳蟹各一隻就無encore 了熱食： 蒸魚太熟 乳鴿正常 鵝肝ok 乳豬幾好 幾脆 黑松露蟹肉多士好食；龍蝦湯正常；中湯ok甜品：失望...就算我甘中意食榴槤既人 都覺得麻麻總結：兩個人要成1600幾 仲要比訂 性價比好低；環境座位好迫 係service就幾好 員工醒目有禮貌。 不過我就無下次了註：無心機影相

The Market 嘅榴槤主題自助餐聽就聽得多，但就一直都未試過！今次終於Book到位去試！正！未入到去都已經聞到一陣陣獨特嘅榴槤香氣（怕榴槤嘅人奉勸你都係唔好去）雖然話係榴槤主題，但其實都有好多非榴槤食品，老實講榴槤主食只得3款：榴槤麥皮蝦、榴槤白汁魚手指、芝士榴槤炒排骨！而且榴槤味好淡，得麥皮蝦嘅味道叫做好食啲，其餘兩款都好一般，無乜特別！海鮮類：無乜驚喜，都係波龍、青口、蝦、小龍蝦、蟹腳，但個人覺得質素一般。主食方面，煎鵝肝、黑松露蟹肉多士配魚子醬、乳鴿，叫做比較高質同特別啲。即煎扒類：牛扒同羊扒都煎到好濃，牛扒整到好細件，基本上整到全熟。羊扒好少少嘅，但個面都係黑晒！另外仲有啲沙律、火腿、芝士、咖哩、蒸魚、水果，燉湯就只得1款椰子燉雞。講返重點！榴槤甜品！榴槤甜品大概有10款，佔整體甜品嘅一半！問咗職員，原來全部都係用D24嚟整！最好食同足料嘅，其實係擺埋一邊嘅榴槤蓉！每次都拎一大堆再另外加落啲甜品到！另一款必食嘅係榴槤斑蘭卷！中間係滿滿嘅榴槤蓉！外層蛋糕亦夠軟滑同有淡淡斑蘭香！另外仲有：榴槤咖央三文治、榴槤牛奶撻、榴槤菠蘿包、自家製榴槤雪糕、榴槤芝士撻 、 炸榴槤卷、炸榴槤

食過幾間酒店嘅自助餐，有平有貴，一分錢一分貨，平嘅質素當然冇咁好，但貴嘅亦未必一定能夠令人印下深刻印象。只有The Market嘅Buffet令我始終念念不忘♥️佢嘅優勢唔在於選擇特別豐富，老實講論選擇多嘅話點都唔到佢。但正所謂貴精不貴多，佢嘅食物質素係我食過嘅酒店Buffet之中最好👍🏻榴槤冷熱甜品一向係佢哋嘅主打，亦係先生嘅至愛，但我最欣賞嘅始終係佢哋嘅冷盤同熱薰。冷盤海鮮幾乎每間酒店自助餐都有，係大家打算食到番本嘅重點，正因為間間都有，最容易食出唔同嘅地方。佢哋海鮮零舍新鮮肥美，而且感覺格外乾淨。個人最鍾意長腳蟹，尺寸較一般自助餐嘅大之外，依然保留天然嘅海水鹹味😋另外龍蝦亦非常唔錯！大大隻開邊，隻隻都好多膏，特別有罪惡感😛北海道帶子原隻切半送上你嘅碟仔，鮮甜肥美，特別滿足☺️燒羊架5分熟，油香豐富，肉質嫩滑，一丁點都唔騷。焗螺配上芝士，香氣四溢，一啖一個😋當然唔少得我至愛嘅燉湯，今晚嘅湯水係椰子燉雞，鮮香濃郁，感覺非常滋補🥰以前食Buffet係食「量」，覺得食多啲唔好蝕底，但往往都捧住個大肚腩走，撐住肚皮反而搞到自己唔舒服。而家食嘅係「質」，學會欣賞廚師嘅用心，細心感受食物，未必要食

我叫Wendy Mok !我和我先生在2018年和2019年每隔2個星期至3個星期就會去Icon的Market食自助餐 !我和我先生係情有獨鍾和愛上了Market的自助餐 !我和我先生鍾情於Market自助餐的原因 :食物新鮮和食物好味道 !食物經常推出新款菜式 !甜品永遠令人回味 !Market的經理和服務員超級有禮貌 ! 笑容滿面 ! 親切 !所以我們食得好開心和好enjoy !The food and service are the best !

幾年前嚟過The Market食buffet就覺得呢度好多嘢食同好食，今次就帶阿媽阿姨嚟試下。阿媽見到咁多款式好開心，啱啱呢次係做順德主題，魚羹佢都食咗幾碗。我就梗係負責食海鮮同甜品，如果午餐都可以有燒牛肉會更完美囉

上週末去了這聞名不如見面且又有榴槤主題的自助餐廳來了個brunch。除了馬拉榴槤甜品比較有特色外，其實其他菜式只是一般，有些還在水準之下。譬如片皮鴨，不夠香，不夠嫩，最敗筆是，它有個幫客人把那個“烤鴨三文治”包起來的攤，很像外國的唐餐外賣檔，客人不能enjoy自己動手的過程。幾款流質食品包括湯和粥，其實味道不錯但不夠熱，失色。值得一提就是甜品吧，所有糕點都很出色，加上幾款榴槤甜品，加分。特別呢個榴槤冰奇淋（右），奶和榴槤的味道均衡，口感結實，很好。不知道大家有沒有留意，在炸榴槤球的角落有兩桶醬，其中一桶叫“榴槤醬”，但其實它是拆了肉的馬拉榴槤（上左），應該沒加添調料，我全程像盛飯一樣添了四五碗 ，很滿足。總結是，一個五百多塊的brunch，Sparkling Wine “Free Run”，在中午消磨了三個小時，和家人聊聊天，尚可，但與這名店的傳奇相比，有點名不如實。

公司難得高級既聚餐，同事都好興奮可以去聽聞好好食既The Market用餐環境係唔錯的，坐得舒服，都唔會迫促我地夜晚黎仲有夜景彩，望住個海景就係好加分，無得彈！食物種類個人認為算多，每樣食少少都夠你飽！首先講魚生，本身個人唔太好魚生，只叫左幾片，覺得正常無話特別新鮮，無encore另外仲有幾多款既冷海鮮🦞全部都新鮮既，螺無咩味，凍食仲韌韌地蟹肉就唔錯，好長一隻，而且拆開食條蟹肉一啖食晒真係好正，蟹肉微咸有海水味龍蝦覺得偏鞋，但味道都唔錯，係新鮮既，都有encore同事對於無生蠔有啲失望，好彩我唔食既，就無所謂.呢個黑松露蟹肉多士真係必食，我瘋狂encore黑松露好香，配上蟹肉同埋魚子醬，真係無得頂只有小小一件，一啖就食左，所以個個都食完都排隊再拎.咸食種類都幾多，味道都正常-好食，而且refill好快，唔洗等好耐.自助餐可能比較小人會拎pizza但呢到既pizza真心唔錯佢個批底唔厚，唔會食到好飽肚而且熱辣辣，啲芝士半溶咁食落微微拉絲蕃茄醬少酸幾開胃，辣肉腸脆脆地咁真係好好食！.呢到既甜品種類算多，而且質素都幾好！食左個幾款質素都好，水果新鮮唔會酸而且普遍唔會過甜，值得留肚食多幾件！.

依間之前已經食過lunch 同tea buffet, 比較下，個人鐘意tea buffet 多d, 因為食物種類唔係差好多，只係差左d 凍海鮮，但都係有足所有甜品今次生日關係，屋企人請食dinner buffet..甘岩撞正佢又開榴槤主題。。連熱食都有幾款係用榴槤煮成個人唔食榴槤，但屋企人話最右面榴槤卷好正，中間蝦無咩榴槤味，所以我都食左隻，肉質彈牙厚實，都ok因為都好多人食過或者post 哂相，我整係重點講邊d 係好食沙律最出食就係d ham...菜新鮮程度一般熱食只有椰子雪耳燉盅同蟹粥留下深刻印象，值得一試鵝肝家人話好肥膩。。。肉眼扒嫩，羊架我拎果件好多筋位魚子醬多士一般，食左一舊都唔會想encore凍海鮮。。龍蝦瘦左d, 後期refill 先有d 膏睇下，蟹拑無味唔掂， 蟹腳正常水準之後我已經轉戰甜品區，因為the market 甜品水準真係好高，基本上我可以食兩round蛋類肯定係好味，綠茶布丁好重綠茶味同埋唔甜，荔枝啫喱夠清新，芒果布丁芒果好甜有杏仁面果個有層朱古力脆皮，味道似金莎，like比較遜色係士多啤梨蛋卷同埋日式芝士蛋糕榴槤甜品我唔好，屋企人大讚，最後侍應有派新款榴槤

由於我阿嫂生日，所以我今日請咗佢去食buffet，而且我係超級鍾意食榴槤嘅人，所以選呢一間酒店係不二之選。呢間酒店嘅buffet除咗榴槤之外其他嘢都好好味好多選擇。我本身係OpenRice訂位但係估唔到原來有八五折㗎。喺呢度食過咁多第一次有discount 咋😍😁所以俾咗一次驚喜自己。可能環境因素嘅關係，我亦都係第一次見到冇爆到，以前好耐之前要book位㗎　睇吓佢啲榴槤甜品幾多，仲有榴槤雪糕😍😍除咗榴槤甜品之外，佢仲有好多其他唔同嘅甜品都好出色好好味，淨係食佢個甜品都可以值回票價佢嘅海鮮吧都好多唔同嘅種類嘅海鮮，有大蜆、龍蝦仔🦞、鮮蝦丶長腳蟹、蟹鉗等等😋😋由於我食得唔多野，平時淨係食海鮮丶甜品就已經飽啦，今日就攞咗個椰子燉雞同埋呢個海鮮粥兩個都好好味仲有我攞咗呢件片皮鴨，我反而覺得唔好食👎🏻覺得佢好唔新鮮食咗一小片就冇食啦最尾就梗係要食生果啦，西瓜就唔甜但係個哈密瓜非常之甜，另外果一碗係榴槤雪糕好好味呀由於我訂位嘅時候寫低咗叫佢幫我寫生日牌，送上嚟嘅時候我阿嫂非常surprise件紅梅餅都好好味喎，不過實在太飽食唔晒了最尾嘅餐飲可以叫Latte㗎,味道都唔錯不過我忘記咗影相☹️總括呢一餐