The Market

呢度嘅選擇好多，又係時候俾我嘅小黑洞胃發揮下喇！！！行咗N咁多轉，食咗好多海鮮，仲有出名嘅榴槤甜品，啱晒我喇！！食左N轉海鮮食到夠本，鵝肝牛扒刺身都好味！我係嚟慶祝生日，所以酒店送咗個生日蛋糕比我，好靚啊！

熱食同埋榴槤好差之前見到咁多宣傳作為榴槤愛好者先去朝聖但係完全失望除非冇嘢做真係唔使特登去熱食放咗好耐唔新鮮榴槤又梅又細又唔新鮮只係急凍完 之後解凍 超市買一個仲好食過佢啲核仲大粒過啲肉

本身想食榴槤buffet，但係因為而家嘅我冇以前胃口都咁大，最後決定食下午茶🤭老公係個唔食榴槤嘅人，但係為咗哄我開心book埋同我食，好在有咸嘅食物，so far 好滿意，美足不足都係榴槤細舊反而個核好大🥹自己去買個榴槤返屋企食比較化算，其他食物都好味特別係個軟殼蝦，雪糕自己出去裝，我都裝得似模似樣㗎😆出面仲有得揀waffle配榴連雪糕加埋榴槤蓉都好正，唔配waffle淨係榴連雪糕加埋榴槤蓉都可以架！

終於等到食自助餐的大日子，自助餐時間：12：00 - 2：30pm最好提前30分鐘到達，方便職員核對資料！⭐⭐溫馨提示： 根據香港防疫政策，入座前必須出示24小時快速檢測證明相片， 相片必須附上，姓名，日期，時間！ ⭐⭐交通方面🚘： 個人認為最快路徑，紅磡港鐵站D1出口，行過天橋直達，步程約3分鐘！ 一入到去門口已經有個好大嘅甜品counter，好吸晴，花多眼亂👀！當然要睇下有咩回本食物啦，個人認為回本食物🌈第一位， 生蠔🦪，每次3隻，未見人龍，一直提供到兩點半🌈第二位凍海鮮🦞🦐🦀🦑🦪凍蟹鉗，青口，凍蝦，凍蜆，小龍蝦，凍蟹🌈第三位，刺身🦀🦞🦐三文魚，八爪魚，甜蝦，青魚，醬油榮螺🌈第4位，甜品區🍭🧁🎂🍿🍦🍧甜品區多不勝數，主打榴槤，推介榴槤雪糕加榴槤醬，正到不得了🌈其他熱葷，推介燉湯，即製清酒煮蜆，基本上樣樣都好味🌈飲品區：咖啡奶茶🥛🧃🧋🥤，檸茶檸水，橙汁，西柚汁，茅根竹蔗，任君選擇總結💝： 午餐呢個價位，比其他酒店相差$200，老實講真係有啲貴！職員招呼好，香檳任添，個個滿面笑容，食得好開心，值回票價！

呢間the Market出晒名難book我要提早成個月先book 到食物嘅種類都多特別係啲冷盤d 帶子刺身好新鮮同埋有開邊嘅龍蝦同埋長腳蟹仲要有我最鍾意既Godiva 雪糕 任食

刺身種類少 ，三文魚勁肥，正常去食千兩元氣都唔會俾d咁的部位客人 ，甜蝦係donki質素，燒羊扒勁生 ，燒牛肉正常 ，冷盤芝士可以 ，冷盤蟹蝦無食 ，蠔一食就吐左出黎 ，榴槤野係ok好食 ，gidiva雪糕最後去食的時候黑朱古力味已經無晒，得返白朱古力，700幾蚊食完覺得好失望，唯一要讚的係服務好好，但都唔會有下次。

The market每年都出榴槤下午茶🤗今年終於book位試下啦。網上訂座要先俾訂金，每人$100。Hotel Icon位置唔多就腳，尖東站一出要行十幾分鐘。餐廳座位比較逼，不過好好彩今日唔係太多客人，唔會每張枱坐滿曬。3點正準時入座，雖然一次過放大批客人入去，不過侍應仍然有禮貌地簡單介紹，提醒我地可以先拎榴槤雪糕食住先😉唔會帶完位粒聲唔出即刻走👍先上一客椰子榴槤燉湯。第一次飲，原本好擔心煲湯落榴槤會好奇怪，點知飲落清甜，唔會有榴槤味喧賓奪主😁加勒比海野生龍蝦尾🦞預先拆左肉，肉質實淨甚至有少少硬，室温唔熱。批發下午茶預左一次過整定，對熟食冇咩期望😂麥皮軟殼蝦，咬落少脆🦐泰式熟蝦杯普通。蟹肉魚餅配三文魚籽，努力扮fusion，不過效果未如理想，脆身多士加軟冧既魚餅同爆汁既三文魚籽，口感唔夾😕至於2條竹業包住既炭燒魚肉可以skip，食左一啖完全唔係我地口味。魚肉質地好似 霉左既鯪魚肉，賣相橙色一pat😢辣辣地好奇怪主題榴槤甜品🤗😘咁大個榴槤做裝飾幾有誠意😂榴槤斑蘭蝶豆花糯米飯💜藍色既糯米飯又靚又軟糯，斑蘭cream好香又重榴槤味👍榴槤椰子蝶豆花西米杯，椰絲好甜，杯size太細，榴槤蓉係底但

試過好多間酒店嘅自助餐， icon呢間最好味!呢間餐廳真係好犀利，幾乎樣嘢食物都好味，佢嘅老火湯最正，仲有我至愛嘅鵝肝，食極都唔厭！仲有好多款唔同嘅甜品，不過呢間餐廳好難book位😥😥😂

見到social media既報導，就諗住黎試下「榴槤飄香」星馬泰下午茶，每兩位$788另收加一服務費，點知超級失望，完全食物味道不達標同賣相相當麻麻！首先，係疫情底下，大家都坐得好密集不過，重點都係食品質素差，下午茶的湯「椰子榴槤燉湯」係凍既，鹹點味道非常一般，蟹肉魚餅、龍蝦、軟殼蝦全部都好似放左好耐，食落去又乾又凍，一點都𣎴愉快甜點個層，有一款榴槤，一食落口就有種反胃既感覺，有種奇怪既味道，唔知係咪食品保存得唔好，令榴槤變壞左！🤢總括而言，食完「榴槤飄香」星馬泰下午茶，覺得完全唔吸引，唔會推介比任何人，作為榴槤忠實粉絲既我都覺得今餐完全唔值8百幾蚊同質素真係令人大跌眼鏡😑👎🏻👎🏻👎🏻

一直食開lobby間餐廳都覺得不錯，之前見到社交平台篇文（須知係廣告）sell緊榴槤afternoon tea諗住無死試試啦，點知嚇死人，真心食到一肚氣，食垃圾之如2位埋單867。話說全部熱食既嘢全部凍既 ，應該放咗好耐，賣相差過大排檔，榴槤無特別，有一份仲要臭既，大佬呀，收人頭400幾都俾d effort吖，唔食得都要睇得啦，搞手水準差到一個點。食完之後感覺好似無食過嘢，隔離左右d人都有講黎晒譜。一個字形容：恐。以後邊咁試酒店其他嘢，都係食返lobby算。。。。。。。。。。。。。。。。。。。。

「榴槤飄香」星馬泰下午茶榴蓮粉絲每年活動  ，重點不變， 嗯自助餐出色啲好食既： 龍蝦尾麥皮軟殼蝦紅蝦 貓山王夠濃味 任食#榴槤 雪糕配果肉最出色🥰（ 番本重點） Godiva. 朱古力好味啲其他：有啲太辣 冇咩特別。 我件D101柔佛黃金榴槤酸酸地😂所以吾好食 。

雖然榴槤唔係個個人都岩食，但鍾意得既都係佢既Big Fans😛😛，本人都係其中一個，係好耐之前就book好出名既📍#themarket -「榴槤飄香」星馬泰下午茶🥹🥹今日終於到我去食榴槤🥹🥹個Tea有好多款野食，就講幾樣重點推介啦😛-真．榴槤肉⭐️⭐️⭐️⭐️⭐️每人有一份D197貓山王榴槤、D175紅蝦榴槤、D101柔佛黃金榴槤 😳職員有好細心咁建議，由最淡味既一款榴槤開始食起至最濃味，每款都有獨特既果香，榴槤控表示大滿足😭😭-自家製D197 & D24 榴槤混合雪糕⭐️⭐️⭐️⭐️⭐️另一個大滿足，因為無限量任食😍😍我食左total 5份😛😛每一份都有一球大榴槤雪糕+足料榴槤肉，比Ikea既榴槤雪糕更足料更creamy 更好味😋😋😋😋-椰子榴槤燉湯⭐️⭐️⭐️⭐️第一次飲榴槤燉湯，有驚喜😳個湯係椰子味為主，但又配合埋榴槤既香氣，係一個唔錯既新嘗試🤣🤣-炭燒馬來西亞烏達魚肉⭐️係全個tea set中一個美中不足既瑕疵🙈魚肉由竹葉包裹住，不美觀。而魚肉質感有點奇怪，味道亦不太好，食唔慣🙈總括而言，個High Tea係有質素既，食榴槤大滿足😍但要$788+10% for 2都唔平既，值唔值就視乎你對榴槤有幾熱愛啦🤭🤭

🍴唯港薈 The Market 一到榴槤季就會推出榴槤飄香下午茶！🕰佢供應時間係每日 3-6pm，食之前要預早少少上網訂位，📲因為大家都相當踴躍，兩位既話就要先比$200訂金留座 💳🫖「榴槤飄香」星馬泰下午茶（$867/2位 連加一）🫖🥣下午茶有一個湯，幾款東南亞鹹點同榴槤甜品。🍦一坐低大家就出去自助區拎佢地自家製D197+D24榴槤雪糕同Godiva軟雪糕，😍榴槤雪糕味道濃郁，加上啖啖榴槤果肉食真係無得頂，食多幾杯都唔覺漏🤩🥄等左一陣職員就開始為每檯送上椰子榴槤燉湯，🥥湯以榴槤殼、榴槤核、榴槤肉、椰子肉等熬製，飲落滋潤清甜，且榴槤味唔重😉🦞鹹點既炭燒龍蝦尾放嚮頂層好吸睛，龍蝦肉質爽甜彈牙，🤤配上秘製海鮮醬食非常滋味！🐟 而用蕉葉包住既烏達魚肉開出黎顏色雖然淺淡，但食落味道濃郁，🧄佢用左蔥蒜、辣椒、香茅等調味，辣得黎夠曬刺激又香氣十足🌶🍚到最期待既甜品環節，最驚喜竟然係榴槤班蘭糯米飯，🔵蝶豆花椰漿糯米飯做得十分出色，咬落軟糯，味道天然，同榴槤簡直係絕配👏⚱️底層既三款馬來西亞榴槤分別係D175紅蝦、D101柔佛黃金同D197貓山王，🤵🏻上架時職員有講解享用次序，由淡味既紅蝦食到濃味既貓山

同幾個鐘意食榴槤既同事𝐛𝐨𝐨𝐤咗𝐡𝐨𝐭𝐞𝐥 𝐢𝐜𝐨𝐧呢個榴槤飄香下午茶♥︎ 本身聽到有得任食𝐃𝟏𝟗𝟕同𝐃𝟐榴槤雪糕已經好期待 估唔到係連啲鹹點都好有水準ʕ´ڡ｀*ʔ 下次再帶𝐦𝐚𝐦𝐦𝐲黎食先 鐘意食榴槤既朋友唔好錯過呀!!講鹹點先啦～龍蝦尾好厚肉鮮甜 醃料係偏向泰式既 有微微既辣味麥皮軟殼蝦既外殼炸得好酥脆 連蝦殼一齊食口感好特別 有啲似食緊軟殼蟹咁๐•ᴗ•๐ 泰式蟹肉魚餅好足料 魚餅上面舖滿咗蟹肉絲同三文魚子 呢個配搭估唔到又幾𝐦𝐚𝐭𝐜𝐡~到重頭戲既甜品喇♥︎♡♥︎♡♥︎全部甜品 都 係 榴 槤 呀!!!!!!行政總廚親自過黎教每枱客人進食三款榴槤既順序總廚建議由淡到濃味黎食~先食面頭有金箔既紅蝦榴槤 再食顏色比較金黃既柔佛黃金榴槤 最後再試埋貓山王榴槤*⸜( •ᴗ• )⸝* 三款都好香好重榴槤味!! 個人都係最鐘意貓山王食完三款榴槤就記住出去拎雪糕喇!!!個榴槤雪糕超濃榴槤味!!!師傅仲會喺雪糕上面再筆一大羹榴槤蓉入口每一啖都係榴槤 好滿足呀!!!食到膩仲可以拎下隔離個𝐠𝐨𝐝𝐢𝐯𝐚黑白朱古力雪糕間住咁食就冇咁膩喇~✿「榴槤飄香」星馬泰下午茶 "𝐀𝐥𝐥 𝐀𝐛𝐨𝐮𝐭 𝐃𝐮𝐫𝐢𝐚𝐧" 𝐒𝐨𝐮

等到頸都長埋，今次終於食到！傳說中嘅榴槤自助餐。先講價錢，每人平均$950左右，其實都幾貴，事關比起其他酒店嘅自助餐，佢都差不多貴成$100，不過鍾意食榴槤就冇計啦，點都要朝聖一次。嘢食嘅款式唔係好多，不過質素好好！其中我最推介嘅係佢個蟹粥（可惜冇影相），羊架同埋佢啲刺身。生蠔反而中規中矩冇乜特別。不過係呢度，所有嘢都係其次，主要係食榴槤。佢一甜品有大部份都係榴槤製品，不過坦白講，一般般。但係大家唔好失望，因為佢嘅重頭戲係榴槤雪糕同埋任你拎嘅榴槤醬以及榴槤斑斕醬。榴槤味濃，又夠香甜，淨係食呢樣嘢都值回票價。同場加映，godiva黑朱古力雪糕，呢個又係必食！