The Lounge (香港JW萬豪酒店)

营业中

休息中

這裡自助餐設四大主題：沙律、粉麵、咖哩以及甜品。今次最意想不到的是粉麵。是中式湯粉麵，配料選擇固然多(各種肉類、肉丸、魚皮餃...)，不過，真正驚喜是番茄魚湯底，沒有在其他自助餐的地方見過，濃濃魚湯的甜，絕沒有腥味。另一意想不到的，是咖哩主題區的印度脆餅，從前都不懂選搭配料，今次在職員協助下加上各種香料及香葉、番茄、洋蔥碎粒，味道豐富得多。

早前週六食下午茶自助餐, 由下午一時食到六時, 好正! 我們早一星期訂位, 但人太多, 起初只被安排坐在吧房。二時後才安排轉去大廳Bar枱, 面向高樓底的落地玻璃，光猛開揚，感覺非常舒適。望住D靚車上山頂真不錯。食物方面不算非常多，但足夠, 最重要是食物用料好, 服務也好, 所以五小時的下午茶自助餐感覺良好, 回家後晚餐也不用吃! 溫馨提示: 如想坐Ｄ舒適sofa開揚位, 請早点Book位。緊記, 緊記!冷盤 –沙律、意粉沙律、羅馬生菜、Parma Ham、橄欖、車打芝士、藍芝士、冷面、壽司、魚生、腐皮卷、三文魚、果汁、西瓜加薑。我特別推薦西瓜加薑, 好fresh, 又健康。我飲了3大杯。當然他們還有其他果汁提供, 全部也是fresh make(新鮮)。羅馬生菜、魚生也好新鮮。熱食 - 雞翼、羊架、煮花蛤、Pizza、鮮蝦燒賣、鮮蝦粉果、咖喱魷魚、小籠飽。 推个是中式点心如鮮蝦燒賣、鮮蝦粉果很新鮮和夠熱、皮薄料足, 夠大隻。咖喱魷魚也好野味、而且他們添食物很快, 這點值得加分。我最鐘意的羊架也做得不錯, 加上芥末或薄荷, 吃了2塊。 甜品 - Haagen Dazs雪糕、班戟(香蕉

嘩! 好耐未食過自助餐la~~ 本來想食brunch架，不過星期六無好食嘅brunch，而生日朋友仔就星期日要去飛，所以改食自助餐囉。依度有幾個朋友係會員，哈哈，所以我地一行六人...比三個人錢就得la~~~ (當然大家都要比服務費嘅) 依度除左無生蠔之外，其他野一應俱全。食食食...大家都"全力以赴，食到最好"，戰後總括所有人平衡5碟以上，hehe~~~我選左兩個心頭好同大家分享:冷盤 - 必食蟹蓋依隻係加菲蟹，蟹肉不及隔離嘅花蟹鮮味，不過大大隻，好易食，適合我如此懶惰的人。大大隻嘅蟹蓋裡面盛滿蟹黃，可以一口一口用匙羹舀來食。蟹黃好稠，口感似奶油，有好重蟹味，有少少咸。最好係食完隻手好乾淨，唔洗洗手就可以食到其他野....hahaha~~其他冷盤海鮮如青口、螺、花蟹等都好食。沙律 - 羅馬生菜及cotta cheese沙律section有好多種生茶，有我鍾意食(但費...平時唔會食...)嘅羅馬生菜同火箭菜。乾煙肉同乾麵包粒都乾身同新鮮，睇得出係每次只做少量。有好多沙律汁選擇。可惜我最鍾意嘅凱撒沙律汁太稠，只好加些法國沙律汁"稀釋"。哈，食起上黎又唔錯wow~~ 最後使沙律增加食味，

今次係第二次來金鐘萬豪酒店大堂食呢個五粒鐘的下午茶自助餐，上一次係兩三年前，當時食得好開心，估唔到今次再食，水準依舊，絕對值得推薦俾大家。先講時間，呢個自助餐一點至六點，真係可以當三餐來食（午餐，下午茶同埋晚餐）。再講環境，落地玻璃加上高樓底，光猛開揚，而且呢度的客人多數係女性，又或情侶，無一家大細扶老攜幼的場面，就算坐滿晒人，都唔覺人聲嘈吵，又或搶野食的情況出現，感覺真係幾好。講番食物，呢度的食物選擇唔算好多（你唔會見到生蠔、鵝肝、魚子醬、海鮮拼盤等），但都必定滿足到大家的要求，包括：壽司、魚生、Parma Ham、沙律、乾果、煙燻食物、中式點心、即煮粉麵、生滾粥、甜品、果汁、Haagen Dazs雪糕等，要試勻全部真係無可能，我自己心水推介包括：＊即叫即榨的果汁雜飲：有四款任揀，全部係即叫即榨，我飲左四杯咁多，最正係西瓜加薑個款好清甜，唔太漏，仲有一款類似Pina Colada咁有香蕉、椰子、yogurt攪拌而成的特飲，不過幾漏，飲一杯已好飽肚。＊煮花蛤：食自助餐尤其下午茶，真係從未見過花蛤，呢度的花蛤好好隻，好肥美，食落肉質好煙韌，我同朋友食完再食，極度推介。＊中式點心：呢度有四

老公係星期四嗰日生日，於是放半日假去周圍逛逛食食當慶祝。去咗The Lounge from JW Marriot食下午茶自助餐。 落地大玻璃，舒服又光猛，空間感十足。 梳化型嘅櫈非常舒適，服務又好，值得再去。 食物選擇唔少，有壽司、刺身、點心、巴馬火腿蜜瓜、生滾粥、泰式薄餅、沙律、飽點、雪糕和西餅甜品，樣樣有d，味道平均都好好，唯獨甜品比較少，而且自己唔多喜歡食慕思，所以只食咗一件Brownie，普普通通。 其中，意大利豬扒飽、蟹肉蟹籽牛角飽、小籠飽、燒賣和砂糖scone係好正好美味。 仲包一杯單叫$60嘅飲品，價錢好合理。 有機會會再幫襯!

As always the food is always flawless at J Marriott’s Lounge.This was my second visit, hence I was better prepared.The problem is, the food is excellent from salad to desserts, so save some space for dessert.Last time I came, there wasn’t Abalone sashimi, but this time it was available, the abalone came in slices, and it tasted great on its own without sauce. It was very sweet.The fruit juices were refillable. Most importantly to finish of a good buffet is to drink a good tea or coffee.I didn’t

After weeks of exhausting hardwork at school my family and i decided to go to for a long and relaxing sunday brunch as a means of getting our bodies to rest. and a way of treating our tummies, of course. Tiffins@Grand Hyatt is where we usually go for sunday brunches, but given its rigidity and repetitiveness in its menu (we could basically recite the courses on offer there), we decided to go somewhere else for this comforting meal. We all love seafoods - and thus The lounge@ JW Marriott would b

與舊同學相約,因為要等他們放課也就我上班再一次選上這裡的下午茶自助餐. 環境不容致異,食物選擇也可以...竟然有羊架仔. 但一向非食力之人,都係要重點出擊.同學仔話要食熱嘢...我見有粥也有墨西哥餅Quesadillas(這個同學仔大讚) 而我就還未決定...於是食下起司先加少少火腿. 之後再巡,見到有舊燒腩肉走出嚟;原來是porchetta問下有咩內涵原來除了香草外還有肝醬....二話不說叫佢切嚟食. 原來下午茶時段這肥腩用作三明治.咁咪同''加州vintage''一樣!切開個包,加上黃油香草茄醬,dill草放入豬肉再以三明治機壓幾下.放一些沙拉菜作點綴加了些芥末醬.這是一個很精彩的簡餐.(我還要師傅給一塊腩面上的豬皮脆不至中式燒肉皮但有油脂香死了)甜點是有HD雪糕,但還是喜歡apple crumble.但有些失望因為唔香無牛油味. 對跟餐的咖啡沒些信心,還是看看有什麼茶好了.同學要了些甜甜的雲尼那茶,而我要了個聞落有少少藥水味的土耳其蘋果茶.但味道又可以喎.有劏劏病的卡有八折,但一個set 折完都要二百. 值唔值見仁見智啦.

一行4人新春團拜, 友人推介JW Marriot 的宵夜buffet, 雖然話係宵夜, 其實8:00pm就開始 (till 11:00pm)。 友人一早講明無凍海鮮食, 不過有鮑魚仔, 都ok呀, 話哂係宵夜, 又唔會太有expectation。我就食咗：煙三文魚：好味, 好大嚿, 起碼成2-3塊為之一嚿。三文魚刺生：ok肥美, 由師傅分發的　（已切）鰻魚卷：ｏｋ。pama ham 加蜜瓜：呢個好味，　pama ham唔會太肥／咸，　配蜜瓜就好正。鮑魚仔：細細隻，　都幾鮮甜。雖然一出就好快比人攞哂，　不過refill得好快。日式冷麵：ｏｋ。燒賣：ｏｋ。牛扒(即燒)：嚿肉本身ｏｋ，　不過佢over cook咗。西瓜：好大粒，　好甜。哈根大帥雪糕：有人serve 的, 食了coffee, chocolate, 好味, 另外可以自己加toppings。另外眼見有, 不過我已經食唔落：海南雞飯、擂沙湯團、蝦餃、竹筒飯、韓國人參雞湯、羊架 (即燒)、大量沙律配料、粥　（自選餸）、５－６款cake。環境：其實枱與枱之間都幾”close”，　不過窗口view　都幾好。Service　幾好，　雖然有個

萬豪除左中菜廳之外,經過今次都試過晒喇...5樓的cafe...加州廳既印象都非常好所以今次都抱住期待既心情來..不過都知道價錢差好多所以一定唔會好過上面..點都好今日有二人同行一人免費優惠(點解會有唔係好知),於是就來陪媽媽一齊食佢既生日飯...第一次來到G/F 行入去AREA俾想像中大..而且樓底比5/F的高...落地玻璃盡在眼前,陽光更是直射入室. 幸好今日陽光唔太猛否則都幾辛苦下... 服務員安排了3人位俾我地,可能見我地拿住好多野..冇計喇就聖誕...要去掃貨..而我只是做苦力... 坐了係一個大櫃旁邊,個櫃都幾高下,睇落去好震撼,上面放住一樽樽茶/粉 唔同味的!!行上旁邊樓梯就係食野既地方...總共來講分開 4邊Setting, 日式野,頭盤,甜品,同中間核心位的主菜! 先睇日式部,有三文魚 赤貝刺身 同幾款壽司 (鰻魚,三文魚卷,腐皮)當中赤貝刺身非常新鮮...值得再食..另外冷麵放了3種麵,原味,喬麥麵,綠茶麵...豉油自己另外加上..當中本人覺得喬麥麵最好味!! 而沙律吧我就冇咩興趣所以附相吧!頭盤部當然有煙三文魚,意大利火腿,芝士餅乾,但一堆乾果等...想要的還要麵

不嬲都係食開jw's california 同marriott cafe, 但聽朋友介紹左the lounge嘅香檳魚子醬海鮮brunch buffet 好耐, 但因為只得星期日所以一路都未得閒食. 見同朋友share張vip card 仲有幾次quota, 今次終於的起心肝出去大吃特吃！晨早11點唔夠就去到, 老公就加錢要左香檳紅白酒任飲, 我就咩都未落肚先黎杯奇異果汁, 一D都唔太甜又有好多奇異果粒粒,好醒胃！第一時間梗係去拿我至愛魚子醬, 有四款分別來自意大利,法國,德國, 一隻黑色, 一隻黑帶白,另外兩隻橙色, 食魚子要由淡味開始, 黑帶白個隻最淡, 跟住係黑色, 橙色就最濃, 食到都唔知邊隻產地打邊隻,因為d label太亂, 不過我食極都唔嫌多！只於海鮮龍蝦水準同cafe差不多, 魚生種類也算多, 有赤貝甜蝦油甘魚等, 一如既往好鮮甜！另外仲有parma ham, 鴨胸, 煎鵝肝.........最欣賞係個煎鵝肝, 係rougie, 肥而不膩, 夠香脆入口即溶, 正呀！食到好飽之後仲有waiter推出黑松露蛋同egg benedict, 忍唔住要左份egg benedict

朋友生日, 向來識飲識食既佢, 選定嚟JW Marriott 食佢出名既tea buffet作為同佢慶祝既生日飯...平日工作唔算忙, 但有壓力既我... 一嚟到就好喜歡個環境, 因為真係好relax, 而且我地坐既係window旁邊既位置, 所以感覺開揚d... 呢度既食物質素好其實我聽聞過好多次, 但食就真係未試過喇...!同朋友一樣, 一嚟地就一人食左碟沙律先...之後先食D SUSHI, 刺身, 冷麵, 仲有熱盤, 粥, DESSERT同埋HAAGEN DAZS既雪糕, 我地亦揀左D口味獨特既茶慢慢嘆... 是日既下茶食左差不多五個鐘呀, SO RELAX...好豐富既SALAD, 有八種沙律汁任君選擇... 仲有幾款CHEESE揀添... 我食左舊Camembert... 好味, 而飲品係士多啤梨加香蕉同埋唔知咩咩咩調製, 味道OK喇, 因為我本身係一個唔食生果既人, 所以都係抱住一試既心態拎左一杯嚟飲...壽司同刺身好味道呀~ 三文魚都叫新鮮...豬頸肉同雞翼幾好味, PIZZA 亦都唔錯, 隔離果舊酥皮入面係咖哩嚟既... 正~呢度既冷麵好味, 不過我更愛佢旁邊既腐皮..

今日同朋友去左食下午茶自助餐，其實香港幾難搵得到好既下午茶自助餐，而重要係平日食，但萬豪解決晒所有問題~環境正，服務好，食物方面有d人可能認為呢度提供得少，但我就認為好足夠，d野求其揀幾樣都係高質野，同果d提供200樣野比你揀但有90%同大xx差唔多既野，咁不如花幾十雞去食大xx好過啦。當日冷盤有....鮮果沙律，意粉沙律，蟹柳沙律，新鮮三文魚，煙三文魚.....鰻魚，蟹子，腐皮壽司.....冷面....自製沙律bar...巴馬火腿+哈密瓜，三種沙樂美腸，四種橄欖，西瓜，波羅...有車打芝士，藍芝士，紅椒芝士..熱野有....小籠包，魚翅餃，蟹子燒賣，糯米雞仔，炸豬扒，炒面，百花魚肚...一個counter有專人整包，切豬肉片夾沙律菜~一個counter整生滾粥，粥料有蝦，帶子，皮蛋，鹹蛋，魚柳.....一個counter整班戟，料有香蕉，哈密瓜，士多啤梨甜品有....朱古力蛋羔，朱古力慕絲，杏仁餅，柑橘jelly，提子鬆餅，蛋羔仔，麵包條....3點半hea到6點，連埋餐茶都係$210，但樣樣都唔錯，絕對係值~不過有d人食唔慣凍野可能會嗌無野食~重有哈根大小杯裝雪羔添呀~~~

為慶祝妹妹的結婚半周年, 一家人齊齊整整去了這兒的 tea buffet.在於我來講, 對上次來食這裡的 tea buffet 係是七月中的事情. 老實講, 當時食後對這兒的 tea buffet 真的不太恭維. 但今次為何仍要選擇她呢 ? 其實只是貪有較長的時間可以給我們坐下來, 相聚一番而已.今次吃罷後, 連妹妹也覺得差了很多, 食物的種類明顯地少了很多哩.我上次七月中來吃時, 仍有師傅分配魚生, 給人感覺較為整潔. 可是上星期六, 全部放了出來, 一堆疊似的, 有些混亂.這裡出色的係 brunch, 還是不要強求 tea buffet 會有同樣出色的表現了.雖說食物真的令人失望, 但我們一家可以開開心心地跟妹妹慶祝. 這才是最重要.最後, 祝妹妹跟妹夫甜甜蜜蜜, 恩恩愛愛. 還有係恭喜細細妹找到工作, 祝她工作順利愉快.

We came at 3:20pm and we were arranged to be seated in a sofa area. It was quite comfortable. For the salad, there were about five kinds of vegetables like lettuce, tomatoes, potatoes and some sorts of dried fruits like plum. They were so fresh. As for the main dishes, basically there were not too much to choose from, vegetables, fish, chicken, beef, among all those food, chicken wings and mushrooms were tasty and delicious but some vegetables and fish were always clear once they had been r