The Food Gallery

難得阿爸阿媽肯出街, 就決定同佢地好好地食一餐好的(我請)揀來揀去決定揀呢間, 貪佢位置方便, 最重要係OPENRICE  度可以PRINT 張7折優惠黎用.(其實係OPENRICE度 BOOK 枱都已經有折, 可惜我太遲BOOK, 唯有打電話BOOK啦)生蠔細細隻,好新鮮好好味, 同埋唔多人爭架, REFILL 好快, 蝦, 龍蝦仔,翡翠螺,青口合格壽司同刺身真係好一般, 食少D 留肚食其他野仲好甜品雪糕選擇都算多,味道真心唔差.

依間酒店的buffet 折實大概每位$500，星期日來說比其他酒店相對平少少，所以選擇左來試。自助餐區：海鮮龍蝦都多膏，蠔唔係太咸，只細左少少，應該品種問題。魚生其中一款魚生，我唔識，問切魚生師傅，佢唔識答😑凍盤類：巴馬火腿，都幾好食，唔會太咸。沙律：冇咩特別蒸魚，煮粉區：有幾款魚可以選擇蒸，烏頭，倉魚，鱸魚，黃花魚。只需要拎自己的檯牌，比師傅，選擇魚，蒸好就會有專人送上來。熱食區：本人對熱食冇咩特別，而且款式唔多，所以都冇食到。甜品區：甜品款都唔太多，連普通班戟都冇，雪糕係Haagen Dazs。提外話：每檯附送烤串一串肉質普通，但唔熱，最後都食唔晒以優惠價500蚊一個人，食物款式唔多，都係普通貨式，下次會選擇其他。

屋企人生日，平時食慣放題慶祝，今年呀爸話想轉一轉口味，唯有升級去做食自助餐喇，雖然選擇有好多，但見到匯豐信用卡有優惠，於是就揀咗朗廷酒店喇查實上網睇佢水準唔錯，而親身食落之後又的確唔差，熟食海鮮類都有水準，不過我主要都係吃海鮮，特別推薦蟹腳，好新鮮，有海水味但唔係好鹹，好好味，至於其他青口，龍蝦仔、生蠔、螺，凍蝦都好味，樣樣唔太鹹，家人都好like 另外食食下每枱有一串巴西燒烤送嚟，喺燒牛仔肉，個肉嚟到嘅時候仲熱，趁熱食個肉易咬口，味道都唔錯，最終全家人都吃得開心

來這裡慶祝老公生日,9月份是主打阿根廷烤肉,看過食物介紹有麵包蟹,最喜歡麵包蟹的蟹蓋,有好多蟹膏食落口中好滿足,但今晚去到卻沒有麵包蟹,令我感到非常失望,連我中意既Blue cheese都欠奉,今日真係唔好彩😩阿根廷烤肉幾好食,肉質軟腍再配埋附上既2款醬料好味!鴨肝煎的恰到好處,表面微焦,加上醃漬既無花果同洋蔥絲,擺入口度一咬即溶,油潤甘香,回味無窮!蒸左兩條黃花魚尾,火候都掌握的好好,魚肉鮮美!今次生蠔得一種比較細,雖然細但蠔都幾肥,蠔味淡小小。食唔到麵包蟹唯有食甜品洩憤,今日食左9球Haagen Dazs雪糕,真係好Crazy😆雖然冇食到麵包蟹同Blue cheese,但總體來講都算唔錯!都係比返個好評😉希望下次可以食到麵包蟹喇😋

周日的自助午餐，分兩個時段是聞所未聞。分別為11:45-13:45及14:15-16:15。我早於一星期訂座，也只能訂得第二輪吃。也許是因為openrice優惠券67折關係。原價成人$328+10%，折實$252.6；加上食物價格成正比，所以那麼多食客光顧！9月仍有此優惠，大家不防試試！新鮮肥美的生是搶手貨，凍青口味道麻麻。喜歡炒蟹，蟹鉗大大隻，微辣開胄！熟蝦是雪藏的，沒有味道。點心如燒賣、牛肉球只是粉糰，不吃也罷！蝦餃不錯，不過補充較慢。粉麵檔除了一般麵食，更有喇沙及生滾粥供應！甜品款式多，有些不太甜的，比較健康！菠蘿甜美，雪糕款式也多，最好是有職員舀埋！

午市。平日。大滿足頭盤: 選了海鮮及日式魚生海鮮還算新鮮，但款式比晚上少，中午沒有愛吃的生蠔第二轉: 選了偏向中式的燒多春魚，水煮魚，焗龍俐，咖啡蝦蟹等。不過不失，或許泰國地道咖啡蟹太令人難以忘懷，感覺這些差太遠了。冬陰湯很不錯👍微辣第三轉: 超喜歡紅菜頭沙律，不會過多沙拉醬而導致膩，但又配合得很開胃。喜歡紅菜頭的朋友不妨試試，家里吃不方便切，會令手沾滿紅汁。肉還可以。第四轉: 甜品款式多而又好吃，比正餐還吸引。我朋友還說焦糖燉蛋很好吃，看他夾了整整一大盤。。。我很相信他的話。

外國同學回來聚餐，見價錢實惠，去試試。環境和食物衛生都不錯。職員熱誠招待;食物種類都頗多，一般既有日本壽司和刺身，凍蝦，青口。沙拉也有幾款配搭，哈根大師雪糕更加不在話下。生蠔，長腳蟹就欠奉了。唯一美中不足就係要係門口等入席，未夠鐘要排隊，扣左印象分。

匯豐信用卡 67 折優惠吸引下， 一家大細嚟咗食自助午餐！ 基本上餐廳所有員工嘅服務都非常好，執枱速度亦都好快， 但畢竟自助餐嘅重點係食物！相比其他酒店嘅自助午餐，食物種類選擇大概只有其他酒店嘅一半， 大部份味道屬於中上，但絕對未達酒店水平！例如辣酒煮花螺，用嘅係價錢低一半嘅東風螺，而且完全食唔到花雕嘅味道， 大概只係用咗啲好cheap嘅廚酒。咖哩 corner，naan bread 係基本， 可能唔係即場做，塊餅非常油，口感唔好， 而且印度菜最基本嘅 papad 都冇提供！但火腿丶芝士丶麵包嘅 corner， 提供５款火腿， 包括價錢比較高嘅 parma ham，食得出係12個月以上嘅貨色， 呢個係加分位！ 提供麵包但唔提供烘麵包機就有啲奇怪， 因為我相信大部分人都比較喜歡食熱嘅麵包！反而全個自助餐最值得推介嘅係湯品， 是日有三個湯：蓮藕湯丶龍蝦湯丶冬陰功湯。 龍蝦湯算係多蝦肉， 雖然唔算好濃，但味道唔錯！ 冬陰功湯亦都算係出色，番茄同辣味之間取得平衡！最後，當然要講下大家都好關心嘅甜品！ 雪糕用 Haagen Dazs，提供八種口味， 但其他甜品嘅選擇少，只有約10款， 雖然如此，

6個人食，5個人痾‼共同食嘅嘢都係凍海鮮類‥估計係生蠔，因為食得最少生蠔嗰位朋友無痾‥其實服務係幾好嘅，好快收碟，所有食物有人長期睇住夠唔夠，熱唔熱，有人幫您攞埋熱辣辣嘅燉湯，服務方便真係超級讚嘅不過以凍海鮮嚟講，真係好多款式，生蠔，蟹，麵包蟹，螺，蝦，龍蝦，小龍蝦‼熱食最好味係即煎厚鵝肝，真係超讚雪糕係H 字頭嗰款，抵番哂‼價錢其實唔貴，係抵食，折實5舊水唔駛

近來天氣酷熱，最想是找一個涼快舒服的地方，約同幾個知己好友坐坐談談吃吃，到朗廷酒店的The Food Gallery吃自助餐就是一個很好的選擇。乘地鐵就可以去到，不用日曬雨淋，餐廳格調清雅，座位寬鬆舒適。食物集中擺放在另一邊，減少碰撞騷擾。至於食物方面，種類頗多，熱食、凍食、日式刺身壽司、沙律、甜品等樣樣齊備。當然，因為是中午自助餐，價錢不能太貴，故貴價貨欠奉，凍海鮮沒龍蝦生蠔長腳蟹，熱食也沒有即切燒牛肉豬鞍，但各類食物都新鮮好味，用心製作。其實花二百餘元，涼爽悠閒舒適吃喝坐談三小時，超值了！

好多BUFFET都好迫, 呢間算係幾闊落~ 唔會迫到好密, 又唔會好嘈, 可以舒舒服服咁食野傾計都坐滿, 但係拎野食既地方又唔會好多人生蠔, 魚生, 鴨肝嗰啲都唔洗等~呢度海鮮款式都幾多, 但係就唔算特別新鮮啦~ 熱食同甜品款式就相對比較少~食完海鮮都飽得7788, 冇乜點試~喺openrice book枱remarks左"生日"~有個蛋糕送呀原來~  都幾好食架~不過我地得2個人, 又食BUFFET, 呢個份量就多左少少啦~但係唔想浪費~ 我地都食晒咁濟...

超級伏 本來去到見到啲生蠔禁大隻同老公都好開心，同老公係我蠔之人。點知啲生蠔冇蠔味，重要有苦味全場最正係個燉湯，同海南雞啲飯（因為真係冇野食）我飲左三碗燉湯，一碗東陰公，一碗龍蝦湯平時去食自助餐未試過飲湯因為食其他野都食飽但今次真係冇野食選擇小 味差 冇下次，請我都五會去重要食完肚屙

平時我都唔會寫食評不過我覺得好嘢係要同人分享所以今次就寫吓食評,今日食完呢餐我同老公都覺得好滿足樣樣都好好食，食物品種唔算多但係樣樣都好食,海鮮好新鮮熟食又好食本人最鐘意食甜品呢間完全滿足到我，呢幾年都食過唔少其他酒店嘅自助餐呢間我就最鐘意,下次一定會再嚟呢間食

第一次係我生日果次食，第二次係老公生日，食物同價錢係成正比嘅。最正係生蠔同海鮮係自由攞嘅，唔使好似其他果d要排長龍攞仲限每人一次兩隻，勁無奈。以後想食自助餐嘅時候仲會繼續食呢間

用OpenRice 優惠67折，折左$460勁扺包兩杯飲品有紅白酒，海鮮種類多又新鮮，蠔，長腳蟹，龍蝦，麵包蟹等等，蠔有美國及澳洲，吾洗排隊配給，攞幾多都得，重有燉湯，鵝肝大大件不似其他洒店咁size得五元咁大塊，佢係兩隻手指長度，勁大件，蒸魚係自助餐一般都係蒸一大條成村人一齊分享，但呢到勁抵讚，揀邊條就蒸邊條俾你，送到你張枱到，熱食款式多甜品好精緻，有八款Häagen-Dazs雪糕，服務員態度勁nice，朋友話呢間係今個月飯堂！😏