The Food Gallery

食物不錯，在午餐能有不少的選擇！有生蠔、龍蝦仔、螺等海鮮！也有魚生，雖然不太新鮮，但以這價錢實在是可以接受的！冬蔭功和咖哩蝦片很好吃，大吃了很多！記緊到openrice 訂座有7折！

好驚訝星期日lunch buffet只有4圍枱既人食，我係食2:15-4:15 上一輪係11:45-2:00，感覺好似少人就會野食無咁新鮮咁，因為唔會點refill,冷盤有生蠔，小龍蝦，凍蝦，螺，青口。 D蠔唔太新鮮，拎左一次無再食，其他普通，呢期做泰國主題，所以有一個位主要係泰國野，冬蔭公，咖哩，薄餅各樣都有，最吸引我都係cheese corner,仲有蘑菇湯好足料，甜品同熱葷lunch buffet黎講都算多，仲有哈根大師最新既口味

我食野成日都唔記得相機食先 今次都唔例外🤦🏻‍♀️18:45到達入座 19:00開始多啲人座位舒適，燈光同氣氛唔錯食物種類唔算多，但整體味道唔錯👍🏻服務好好 抵讚泊車 消費$800/2hr其後俾錢 minimum charge $140/2hr今日推薦😂🙈：龍蝦、蟹鉗、燒牛肉（要師父切嗰種）、 燒牛片Parma ham 同芝士都ok但煙三文睇落麻麻🙈抵讚既係，keep住refills，冇停過海鮮～龍蝦、蟹腳、蟹鉗、翡翠螺 好食 鮮味十足 肉質結實彈牙 冇雪味 👍🏻👍🏻👍🏻生蠔有隻好淡、但有隻又好甜、又隻蠔味重偏鹹😂但ok既 新鮮既，冇限拎 凍蝦、青口今日麻麻...蝦唔得麵包蟹蟹蓋兩個6:45見完佢7:15就消失咗試咗舊身都ok膏甘香，肉質可以我覺得蟹蓋可以一分為二 我見隔離枱拎咗食咗半就狂俾佢個frd😂😂😂 一邊話好食一邊話太多🙈仲有刺身 新鮮既 但我會選擇食其他野😂仲有咖哩嗰啲 香味四溢 都ok燒牛片係燒好翻熱既...我覺得算ok感覺上有啲啲嘥咗塊牛🙈其他熱食味道都ok但燒牛肉就十分ok 鮮嫩多汁😆👍🏻👍🏻好少自助餐既燒牛係好食喱度有粉麵、蒸魚、湯、燒味燒味好食燒肉、义燒 油脂甘香肉嫩

晚上突發想食海鮮，沖沖忙忙打去問仲有無位，好彩仲有小量位置，接待員好有禮貌。前菜食生果同菜，好新鮮，燉湯唔濃，但勝在暖身，因為朗廷無飲品自助，只提供西，中湯，水，以及餐後飲品一杯。自制頭盤，有四種芝士:羊奶芝士，藍芝士⋯⋯唔少得一定食蠔，朗廷啲蠔真係好抵食有海水味又新鮮。但今次食啲龍蝦無上幾次食咁新鮮，細隻左，數量少左好多，而且我中意食有籽既龍蝦唔係成日有至於蟹，有長腳蟹同毛蟹(之前食幾次都無毛蟹架！好有驚喜)不過毛蟹好細隻，鮮味當然無日本既正，有誠意，在香港🇭🇰很難得。熟食方面，其實質素很普通，今期係澳州和牛，但原諒我對“澳洲和牛”興趣不大，和牛係本身燒熟了的，再加熱俾你，每次2塊，我覺得只是比一般牛扒既肉嫩，多汁，離日本和牛還是很遠，試左就算甜品一如既往是一般的，但雪糕有最新兩種口味，櫻花櫻桃，薰衣草，其他有紅桑子，芒果，焦糖，咖啡⋯⋯^-^

放工後才趕到尖沙呾, 7:15 入座已差不多全餐廳已FULL 晒, 但餐廳環境唔算大~神戶牛最回本是神戶和牛見佢有張證書 (KOBE WAGYU)感覺是好野~即場燒一細塊和牛, 很好味很軟棉棉~配上各式醬汁更好味~要食多幾舊~冰鎮海鮮 整體一般凍開邊龍蝦 - SIZE比其他酒店BUFFET 小, 雖沒有"霉"和雪味, 我食個隻就有少少腥味, 但友人就話好多膏好好食~ 雪蟹腳 -  都是SIZE比其他酒店BUFFET 小, 沒有雪味, 有海水味, 算好~凍蝦 - 新鮮~麵包蟹, 小龍蝦仔海螺  藍青口  生蠔 -雖然是已開定放係度, 但呢個新鮮, 好味~壽司有加州卷, 太卷, 蟹籽軍艦, 玉子壽司, 赤身壽司, 熟蝦壽司,  三文魚壽司等 很好味, 壽司飯口感適中,不會太軟和太硬~ 好味剌身款式只得幾種, 三文魚 - 一般, 還新鮮墨魚 各款風乾火腿 有巴馬火腿, 意大利腸, 煙燻三文魚~ 法式肝醬批, 法式香草豬肉批, 各款芝士可夾餅乾~自選沙律吧款式都係蔬菜為主自選湯粉麵 湯底選了豬骨上湯, 還有一款辣味湯底~自選材料都是蔬菜菇類, 有貢丸, 魚旦, 牛丸, 草菇等~還有神戶和牛~草

入到黎滿心期待，諗住價錢唔平衰極有限，我以生豪主打，一食就出事苦澀味重到呢，咁我就立刻樣樣試食先，想睇下有咩好食再食，結果簡直浪費時間，最好吃同飲都係個麵包布甸、和牛同碗湯🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️

Food was ok. Service was bad(don’t even feel like we are eating in a 5 stars hotel).Staff gave us bad attitude when asking them to take the dirty dishes away. One of the male staff even gave us “black face” and asked us to wait when we asked him to take a picture for us. We were there to celebrate a birthday and most of us were very disappointed at the service and became very unhappy at the of the meal.

今次已經係我兩個月內黎第二次了. 我第一次黎係上兩個月, 慶祝我生日飯. 今次係慶祝情人節 幾日之後又約左朋友去團拜聚餐1個月前見到openrice訂有優惠, 即時落訂啦 服務, 環境, 食物質素係超班! 我之前係另一間酒店既member, 食左果度3次已經唔想再去食, 浪費了我的會員費...佢啲海鮮超多選擇同新鮮, 好好味 2個月前既個刺身吧係無雪櫃既, 同埋由個印度人幫你切.....個感覺怪怪咁.....所以我上次一舊都無食過今次好好多了, 整返個雪樓, 又變香港人幫你切, 所以我今次有食魚生佢仲有即蒸既魚, 即燒既牛柳, 好多好多好美味既野食真係要去試吓!最開心既係, 如果你想任飲紅酒白酒, 而朋友唔飲酒, 你都可以自己一個加錢叫, 而唔洗全枱人叫哂! 真係好好既服務! 出面好多餐廳都要全枱加錢, 迫唔想任飲既人都要加埋錢, 但哩度唔會最後, 最可惜係上次有煎厚切鵝肝任食, 但今次無....期待下次再去時有鵝肝食

之前只係嚟 The Langham Hotel 食過下午茶（係唔錯嘅），經朋友推薦下再次到訪，原來晚市嘅自助餐都同樣有水準呀，仲有好好嘅 service 添！我自己本身唔係好食得辣，所以只係喺男朋友果碟每樣都夾少少嚟試下，例如係唔同香料做嘅咖喱，仲有川味前菜同埋麻辣湯麵。可能就返大眾化嘅口味，整體惹味得嚟又唔係太辣，我都接受到嘅。雖然係四川風味就主題，但係好似我咁唔食辣嘅朋友都唔使擔心，依然有非常多嘅選擇。前菜唔該比一打生蠔我先，仲要啲魚生呀。食得出真係好新鮮，切魚生果位師父仲好有禮貌。估唔到佢有唔想喺 buffet 見到嘅燉湯， 味道一流，係蘋果燉雞湯，夠晒清心潤肺。另外蒸魚都好味道，counter 揀好後即蒸，時間預得啱啱好，保持到肉質嫩滑。汁燒鮑魚係用細火喺你面前即烤，非常入味，記得要趁熱食。仲有羊架同埋焗帆立貝。羊架味道較濃，焗帆立貝就不過不失。壓軸嘅甜品當然都無令我失望，當中必試葡撻。（葡撻係男友至愛，佢攞咗一座山嘅葡撻返嚟，但唔知點解同啲蟹腳放埋一齊？！）精選咗幾款比較特別嘅甜品：藍莓-檸檬 panna cotta, almond puff, apricot tart 同埋

生完bb第一次出去食buffet。好耐冇食過生蠔刺生龍蝦parma ham la!! 我來了！朋友book嘅，佢食過話正，就睇下有幾正先！首先一去到啲staff 見我推住bb車，即刻安排咗一個靠窗比較闊落嘅位俾我，又問我要唔要highchair 餐具嗰啲。非常貼心！嘩，一開始我梗係target 咗海鮮先啦。小龍蝦！好新鮮呀！仲有龍蝦都好正，肉質好彈，我連吃了三舊！跟住就試下我至愛的生蠔啦。我鍾意依度啲生蠔放晒出嚟，唔駛排長龍等好耐先配給到三隻。實不相瞞我吃了起碼一打。哈哈雖然啲蠔唔算大隻，但係就好鮮甜唔腥，忍唔住攞完又攞。第一次見自助餐有得食蒸魚！有成五種魚選擇！蒸咗條黃花同埋鱸魚，幾滑又冇乜骨，正！仲有即燒鮑魚，熱辣辣甜甜的！燒味都好味，叉燒唔鞋，我都吃了好幾舊。非常喜歡飲湯嘅我，三種湯都試了，最正係個蘋果雪梨燉雞湯，我飲了兩碗！其他熟食都ok幾好味，沙律都有好多選擇！最後梗係要食甜品，so far 質素都幾好，唔會話太甜。雪糕係haagen dazs，有八隻味，都唔錯！

發現酒店今期好多以中菜做主題嘅自助餐，最後選擇咗 The Langham Hotel 嘅四川菜自助餐，諗住可以一次過食好多好多辣嘢！冷盤有勁多選擇，就算我唔太食魚生，依然有大量生蠔、龍蝦仔、蟹腳等等。生蠔的確好新鮮，拎到埋位都仲見到佢郁吓郁吓。不過 salad bar 就相對遜色咗少少啦。辣嘢主要都係熱食，而且係大眾化嘅辣，所以唔食辣嘅朋友都無問題。辣嘢通常都會有咖喱，仲有唔同香料同辣度嘅咖喱，配備埋薄餅添！麵食方面就有喇沙，亦有麻辣燙，配料都係平常嘅丸類或者蔬菜為主。小菜有香葉包雞、豬頸肉、蒸魚、水煮牛肉，都算應有盡有。甜品好似都幾多選擇嘅，只係唔係我嘅偏好，不過當中都有非常吸睛嘅迷你葡撻，堆到成座山咁高，同枱嘅朋友仔都一致讚好！另外見到雪糕係 Movenpick，仲有 ice-cream & sorbet，睇得出佢嘅誠意。最後都要讚吓佢嘅員工，招呼好好又經常面帶笑容！

之前星期六日嚟過 因為本人非常愛食生蠔這裏的生蠔雖然比較細但坊間200幾蚊有生蠔的地方不多所以團隊kick-off也想來這裏平日看見更加抵，有好像65折來到的時候便知道為什麼平日的價錢會更加便宜因為甜品種類明顯減少了，也變得較簡單以及生蠔也沒有， 老實說是有點失望，因為 我跟團隊說這裏的生蠔不錯但他們的頭盤凍盤優質高，食物種類也是多和優質的，parma ham，麵包熟食，做得非常出色200幾蚊的價錢這樣的環境係冇得彈

食自助餐當然要揾間五星有保證的，再睇埋食評，終於揀左朗廷做慶生！但可惜，大拿拿六百幾每位自助餐，係完全唔值！唔明點解有咁多好評！凍海鮮普通，刺身質素差(吞拿魚假，八爪魚咬唔開)，熱盤超普通(求其豬仔骨，無肉薑蔥炒蟹)，無味燒牛肉，酸味咖哩印度薄餅。全場最ok只有煎鴨肝同雪糕！仲要只包一杯野飲，就無任何水吧服務！揾杯茶都無，一係你俾錢！以呢個四星質素收一個五星價錢，只可以講一句:賺死佢！！！再黎服務非常唔ok，有個男侍應三次埋黎搶碟，明明都未食哂，問都唔問就想收！！第一日返工？問完客先收唔係基本禮貌嗎？轉頭招呼唔係食自助餐外國客就笑哂，用成十分鐘落單細心服侍！咁係乜野意思？環境黎講亦係buffet範圍細，坐位迫，嘈雜！唔該朗廷好好檢討下，收得客貴價唔該俾返相應服務同食物質素！生日飯食得非常唔開心！！！無論住房定餐廳都唔會再揀呢間酒店！！

一直很愛日式放題和自助餐，同時有多款式食物放在眼前，可以隨意食的滿足感實在難以抵擋。我會形容這幾個月都是酒店自助餐月, 因為屈指一算, 平均每月都吃2-3次。難得有他肯陪我癲 ，今晚我倆就來到朗廷酒店。今晚不知道是什麼日子，平常食的酒店自助餐都滿座了，看看時間，已經8pm了，大部分的自助晚餐都不夠時間食，但宵夜自助餐又要等很久，立即上Openrice求救，終於找到了 the food gallery。我倆準時8:30pm到達，自助餐到10:30pm，還有2小時，可以慢慢食。其實餐廳不是滿座的, 不知道是食客提早結賬離開還是...。餐廳面積不大, 燈光比較柔和昏暗, 環境方面是我到過眾多酒店中最寧靜舒服、氣氛最和諧的，食客們亦感覺特別悠閒。食物區不大是意料中事, 不過基本的前菜沙律區、凍海鮮區、熱葷區、現煮區、燒味粉麵區、壽司刺身區、芝士區和咖喱區都一應俱全。蟹腳、龍蝦、青口、生蠔、小龍蝦、凍蝦、翡翠螺，它的凍海鮮區陣容頂盛，款式之多實在令人意想不到！目標明確：蟹腳和龍蝦。蟹腳肉質有一點點梅，但味道又不錯，以往食的是海水鹹味較重的，今次的是鮮甜味較重，值得Encore！龍蝦肉鮮甜彈牙，

星期六的自助午餐：1. 選擇非常少，生蠔無味，無長腳蟹，魚生無味2. 味道差，幾乎全場找不到一樣好味的食物3. 地方細，食物種類不過三十款4. 服務態度一般，很多新人5. 午餐11:45-1:45, 11:45 才可入場總结： 不會再幫襯