The Food Gallery

係OpenRice 搵度尼間自助餐，睇度食評講幾好，就抱住去試下的心態。點知都不是食評講的咁好，食物品種少，又唔好食，食完D餐碟又遲遲不收，個餐廳咁細，都無坐滿人，唔知點解會咁的服務。成七百蚊一位，咁少野食。歷史以來食自助餐係最差的一次。有D酒店中午自助餐三百幾都豐富過佢夜晚自助餐仲要咁貴成七百蚊一位咁少野食。仲聽度隔離台有個食客話，七百蚊食D咁既野。咁樣做生意真係做壞自己招牌。係一次不愉快的用餐。

3位成人［一至四］買2送1！初春海陸饗宴自助晚餐［享生蠔、蟹腳、烤龍蝦] 已連服務費, $1,562最近見OpenRice有自助餐優惠，呢間酒店自助餐又有生蠔同龍蝦，早鳥優惠計返每人大約$520，覺得平日價錢吸引book嚟試吓。間餐廳喺酒店大堂嗰一層。餐廳範圍唔算好大，但係枱凳都冇放到好迫。平日嚟呢度食，只係大約一半坐滿。自助餐有個沙律，刺身壽司，凍海鮮，烤肉烤龍蝦吧，西式熱食，咖喱，中西湯，中式熱食，粉麵，甜品雪糕。間中有特別食品會敲鐘通知。凍海鮮我主要食生蠔。每人每次只可以攞兩隻生蠔細細隻但是夠鮮味。烤龍蝦每人可以每次最多攞兩隻。龍蝦有啲爆曬膏好好味，燒牛肉肉質好，好軟熟。西式熱食嘅烤羊架都一樣粉嫩好好食。甜品方面，全部都細細件，外表好精緻，食落味道好好，有創意，又唔會好甜。甜品吧有師傅即制可麗餅，配合埋雪糕好好食。雪糕係Movenpick味道有8種味。生果基本有四種：蜜瓜，西瓜，哈蜜瓜，菠蘿。呢度仲有熱咖啡，熱或凍英式紅茶免費任飲。有檸檬片可以加落去變做檸檬茶。總括呢個晚餐自助餐選擇尚算豐富，食物品質中上，空碟收得快，服務員態度好。值得再去食。

՞ټ՞💥 節日「蟹」逅自助晚餐！酒店今次主打生蠔、烤牛肉、烤龍蝦聽落已經夠嗮吸引!!!!!Fairy第一次食呢間🫣唔知驚喜定失望呢?🧚🏻‍♀️~~~~~~~~~~~~~~~~~~~~~~~~🧚🏻‍♀️〈 懶人包Rating🚶🏻‍♂️ 〉：款式🔴 / 味道🟡 / 環境🟡
🟡 —— 熱葷區
🆘 以$800價位而言, 整體款式非常少‼️款式, 食材, 味道, 質素均較一般！🌟最有驚喜：紐西蘭牛扒> 牛扒肉質呈粉紅色, 軟腍多汁, 質素尚可! ❎ 中伏之選> 限量供應食物：清酒煮蜆及海鮮湯味道質素好一般, 但令人感覺酒店好吝嗇食材> 吉列炸蝦 = 吉列炸粉* 粉葛赤小豆煲豬骨 / 壕皇菜膽鮑魚菇 / 薑蔥蒸石斑魚 / 川式水煮石斑魚 / 吉列炸蠔 / 紅酒燴牛肋條/ 鮮茄香煎鱸魚/ 網燒澳洲香草羊架 / 白酒忌廉汁煮青口 / 燒紐西蘭大骨扒 / 即煮粉麵檔 / 海鮮蟹粥 / 海南雞飯 / 泰式咖喱烤鴨 / 古法蒸魚 / 紐西蘭羊髀 等等………………🟡 —— 凍海鮮、刺身、冷盤區
🆖 生蠔唔creamy, 蟹腳海水味淡還可以
⭕️ 整體刺身質素不錯三文魚厚切油脂豐腴, 但帶子鮮甜味

種類唔算好多不過質數對得住價錢，除左啲生蠔細隻啲之外其他都okay小朋友生日book左4位食自助餐物有所值！服務態度非常好，值得一試地方闊落環境舒適距離自助餐位置又近。如果有優優可以再去。

網上快閃自助午餐星期六日大約280蚊一位，非常抵食，而且還可以食3個小時。還有生蠔，小龍蝦。雪糕係Movenpick, 甜品也是非常美味。這個價錢這個質數，超值。

1. 座位安排好差： 本人於 open rice 訂位, 準時到達, 但都被安排坐於角落, 而且有一邊係貼實另一張枱, 根本係坐唔到！2. 食物種類及質素有問題： 食物種類同一些三星級酒店的中午平價自助餐差唔多, 但本人要付出七百幾食一個如此這般的晚餐。另外是有龍蝦的供應, 但龍蝦供應的位置長期冇服務生, 只係當 decoration, 明顯係做樣。仲有就係其它食物的質素及種類已經唔掂, 而且仲要8pm前就無 refill.最後無嘢好食之後, 唯有食生果填胞個肚。真心無下次, 又貴又差又無野食, 安排又差。超伏！

如果喜歡食自助餐 里間位於尖沙咀既酒店餐廳係好選擇，價錢合理，熱食我最喜歡炒蟹鉗，好好食，香噴噴，間中有生蠔食，不過我冇試，甜品值得一贊👍🏻👍🏻，款式相當多，好豐富，而且放響餐廳最當眼位置，有法式，美式等等，細細件品唔會太大，可以樣樣都試少少，下次會再去👍🏻，另外有小熊熊cupcakes, 熊熊係朱客力做的，好得意，有唔同造型的公仔，除左熊啤啤仲有鴨仔，雪條都有好多品種，唔錯。如果熱食款式再多一兩樣 蔬菜比較好。

今次到The Food Gallery，位於尖沙咀北京道8號香港朗廷酒店大堂。 揸車到酒店泊車好方便，六點到達，自助餐剛開始🍽️。 首先飲碗栗子合桃花膠燉雞湯先， 每碗都有花膠， 清清地味道不錯。 凍盤有波士頓龍蝦、 加拿大雪蟹腳、 翡翠螺、 瑞典小龍蝦、 加拿大青口和太平洋海蝦， 仲有新鮮甜味的生蠔，每次一人可以攞兩隻😊。 然後食下刺身、壽司、 芝士、巴馬火腿、 牛扒、水蟹粥、羊架。 甜品有各款蛋糕、 法式焦糖燉蛋、 可麗餅、心太軟和雪糕等等。 飲品有檸茶、熱茶和咖啡， 仲可以無限添飲。 整體食物質素不錯，但熟食選擇不太多， 海鮮凍盤都做得幾出色。 。🏷️溫馨提示～ 整個用餐體驗均屬個人分享意見， 只作參考😊。

網上做優惠買二送一，晚餐時段只需要$1039，人均大約$346。等咗成個月終於有得食，對佢嘅期望自然大大增加！😝🦞冷盤方面，有即叫即開蠔、長腳蟹、波士頓龍蝦、蝦同埋青口，蠔時大時細，都係偏細粒，不過味道鮮甜爽口，係我鍾意食嘅口感。另外龍蝦方面大部份都有膏！刺身帶子好鮮甜，其他種類不過不失。🥘熱食方面，我鍾意佢一路加熱食物，炸蠔仲係脆卜卜，平日部份自助餐需要開蓋一路有倒汗水流入食物，會影響食物質素，款式方面有燉湯、蟹粥、乳豬皮、一啲家常小菜同埋印度食物等，試大部份食物後，我嘗試食炒飯，呢樣係我平時自助餐一定唔會食嘅嘢，但出乎意料地佢個蟹籽蛋白炒飯好好好好食！🍮甜品方面，焦糖燉蛋非常夠奶味同埋好滑，而且仲好夠凍，我忍唔住都食咗三個，另外心太軟亦都係非常出色，唔甜有好濃嘅黑朱古力味，啱晒我口味！當日入場人數只有餐廳一半，餐廳裝修冇咩特別，燈光比較昏暗適合聊天，而且可以由6點坐到10點，職員收碟同食物補給亦都非常快，雖然種類真係唔算多，但食物質素好，總括嚟講物超所值！

雖然上次來吃午餐時，遇到一些不愉快事件，不過酒店方面很快便作出跟進及適當的安排, 更安排我們再來品嚐美食。 今次我們選擇了晚餐，晚餐選擇非常多，真心推介：魚生很新鮮，海鮮有波士頓龍蝦😋😋😋（當時有美女員工為我挑選有很多膏的給我😄）, 海蝦，蟹鉗，翡翠螺等等，令人回味無窮😋😋😋。 主題是鮑魚，海鮮，又怎可以少了鮑魚呢？鮑魚質嫰，美味，還有燒羊架及燒牛肉更是我的最愛😋😋😋，另外更有花膠湯，這些午餐是沒有的。 沙律菜有種叫冰菜的比較特別，味道也不錯呀～ 最期待的當然是甜品了，有梳乎里班戟，Movenpick雪糕，海鹽抹茶撻，芝士蛋糕，意式奶凍等等，一定要試！

地方細小 晚上buffet沒有座滿 ，食物選擇不多，但海鮮算新鮮。取生蠔需要等，飲品有熱咖啡 奶茶和凍檸茶，糖水卻要問侍應提供。相比其他酒店,這間雖有OpenRice 8折，但感覺一般般，還有少少伏味！

食物較鹹，款式少，地方狹窄，攞魚生的時候，職員用手粗魯揸起放在碟上。剛坐下時，枱上面的叉是有食物黏着，叫職員更換，他只簡單抹過便歸還，還未清乾淨。最離譜的是--1:30時說可以出去取食物至1:45,很快又說1:45要清場，家人去洗手間途中聽到經理叫清潔姐姐快點出去吸塵，清潔姐姐說客人還未走，但經理說，就是他們還未走，你們就要快些出去吸塵，趕走他們。明明早前打電話查詢期間，我問過職員（她說她不是餐廳那邊的）她說自助餐時間是12:00-3:00,但為何餐廳要在1:45清場而事前沒有通知呢？

近期人氣之選嘅酒店自助餐，見到有網站做快閃買二送一，自助午餐只係824元三個人，每人280元樓下，真係算非常抵。雖然係平日，但顧客都非常多，食物種類唔算好多，但普遍都好有質數。凍海鮮有即開生蠔（每人每次限取兩隻）、小龍蝦（經理話係紐西蘭入口）、紐西蘭青口、凍蝦同翡翠螺。刺身有四款，包括帶子、吞拿魚、三文魚同赤貝。熱葷唔算多，有咕嚕肉、原條蒸石班、炒時蔬、有幾款泰式小食（豬頸肉、串燒雞豬同牛、蝦餅同魚餅）、幾款印度咖喱配油酥餅同薄脆、燒西冷牛肉、燒味有雞同义燒。冷盤有巴馬火腿配哈蜜瓜、煙三文魚、芝士、什肉火腿等。另外還有沙律、各式糕餅及八款口味雪糕。生蠔都飽滿但味道一般，翡翠螺就好好味冇沙。煙三文魚稍鹹，凍蝦好爽彈，青口肉多又好味，巴馬火腿配哈蜜瓜非常夾，好好味。刺身就最正係帶子，又大粒又鮮，解凍做得非常好，赤貝都好味，三文魚油脂夠都唔錯，吞拿魚就好一般。中湯係蟲草花雞湯，非常清甜，好飲！燒牛肉都好讚，牛肉粉嫩，邊位有啲油脂非常正！原條蒸石班，睇住佢熱辣辣攞出嚟，魚肉超滑，豉油又調得啱啱好，師傅火喉掌握得非常好！沙律菜都好新鮮，中和下其他食物都幾唔錯！泰式食物都有水準，可以一試。甜品只拎

呢間酒店自助餐是近期在網上看到介紹，本來只覺得試一下無妨，冇太高祈望😃😃但點知試完真係超滿足，無論佢地嘅食物質數同味道都真係好滿意，長腳蟹/法國生新鮮又開得乾淨，刺身都高質，乳猪/串燒/泰式小食味道都非常正宗又好味，就算係一杯餐後咖啡都非常認真去做☕️同分開比你嘅奶味道同熱度都做到最好，一D都唔會Hea你，最重要係服務真係非常貼心，佢地每個服務員都好細心同殷勤對待每一位客人👍👍，令到呢一次全家人用餐後都非常滿意同加分💯💯，真錦上添花，btw呢一次係 😁😁本人第一次有衝動去寫食評，去分享一下親身嘅體驗，希望多D人知道🥰🥰，唔會自私收埋！！

好耐冇去酒店食自助餐，之前咁啱Asianmiles就嚟到期，所以就揀咗去呢間餐廳度試吓。可能因為是中午的關係，所以一向lunch buffet都沒有晚餐的那麼豐富。自助餐主打東南亞菜式，但是說真的，選擇真的不是太多。尤其是壽司方面，選擇的只有三款，雖然廚師很好，給我厚切🔪刺身，但是味道都是一般。另外，生蠔尚算新鮮甜美，加一點點檸檬汁已經很好吃。但是海鮮的選擇也不算多🥲最後到了甜品區。同行朋友不吃榴槤，所以挑選甜品的時候也很小心，因為當中也有包括有榴槤的甜品。但是當他看到一個泡芙，沒有寫明是什麼，以為裏面的都是普通吉士。 一口咬落，滿口榴槤🥹🥹🥹🥹今次是用分換，所以對我來說還可以，但是如果是正價的話，可能未必會選擇這間餐廳😜