The Food Gallery

看了食評不錯去試吓呢間自助晚歺, 整体感覺有些失望, 星期ㄧ晚上, 差不多9成滿, 海鮮種類多, 但質素及新鮮度不過不失, 翡翠螺及青口最鮮甜, 生蠔是任攞, 不用每次只攞两隻, 但味道很淡及偏細隻, 凍蝦可以, 蟹有幾款, 松葉蟹脚偏咸, 皇帝蟹幾好, 另外剌生及壽司就不用試, 不夠新鮮, 整体覺得海鮮不夠鮮及凍。熱葷區沒有瀨尿蝦及炒蟹, 失望, 串燒雞肉串, 义燒及燒鴨偏乾, 是日燉湯杞子竹絲雞湯及中式老火湯覇王花冬瓜也不錯。甜品區的朱古力慕絲甜品最好味, 濃濃朱古力味, 不太甜, 但没有傳統的芝士餠。雪糕有八種味道的Haagen Dazs, 满足。歺前飲可橙汁, 紅/白酒, 汽水, 歺後選了熱檸茶, 茶不夠熱及濃, 檸檬就幾新鮮。不過服務幾好, 收碟很快, 結賬時不知h××c可享有67折, 服務員也肯取消舊單再出新單,感謝。

今次黎係慶祝父親節見到呢到自助午餐有33% OFF就卜位黎試下11點9去到塞著左係門口到 因為未準備好 所以都要等多10分鐘左右其實我未坐低就去影相拎野食番黎冇乜點影 比大家睇下個果到既擺位啦見到生蠔嗎大家? 唔係即開 所以第一轉就千其唔好拎第一轉就千其唔好拎第一轉就千其唔好拎而我就拎左4隻食.........最後3點幾排出水份蝦仔都唔錯中式檔 冇乜點幫襯 食左粒燒賣同蝦餃一般般啦沙律BAR 多料多醬 都算唔錯西式檔 食左炒魷魚鬚 一般串燒 一般 建議佢FILL左先再拎 PIZZA 呢個最好食脆卜卜 芝士又夠多 但一定要等佢新鮮出爐先去夾腸 有兩種 一種大 一種細 細果條好食D 似係台灣腸果種口感仲有燒牛肉 佢切出黎都幾大片 好生 可以兩個人食咖哩檔我就夾左D薄餅點下D汁 有3定4款 D汁都OK不過D餅都好似擺左好耐 硬哂 中伏或者冇乜人食所以冇FILL吧仲有D脆米通同蝦片既  蝦片如果係口痕先拎啦刺身檔叫左三文魚 吞拿魚 蛋 三文魚切到鬼死咁大塊吞拿魚雖然賣相麻麻 不過就最好食蛋就一般壽司反而幾好 如果係刺身就更好了 甜品檔好多都唔係幾岩我食仲有HAAGEN DAZS比較好D總評 味

提早同三個爸爸慶祝父親節，好彩唔難Book 位! 用Openrice coupon 有72折，好抵食！ 六點半去到即開餐，海鮮類有龍蝦、小龍蝦、面包蟹、長腳蟹、兩款生蠔、青螺、凍蝦等等，我地覺得龍蝦冇鮮味，反而生蠔及長腳蟹係有驚喜！雖然師傅開生蠔開到有d沙，但生蠔比較鮮甜肥美，食左好蟹轉！長腳蟹鮮甜，refill 得好快！刺身就一般般，熟食都好多選擇，其中鵝肝多士超級大件又好食，抵讚！海南雞飯幾好，岩晒小朋友食！ 咖哩蟹係我覺得熟食中最好食既！燉雞湯都幾好！整體熟食都唔錯！甜品不過不失，Häagen-Dazs™ 雪糕冇得輸！埋單$400一位，個個食到大滿足！

今日係小女子生日，老公一向都對食無咩要求，唯一喜好就係食海鮮，於是就選左The food gallery buffet係Open rice book左位，7點鐘我地就到達酒店，餐廳位於大堂，好易就搵到。一黎到Receptionist 好nice 咁問我地有無Coupon有折扣又有welcome drink, 好抵呀初初佢地安排位置我地唔太鍾意，好彩現場可以幫到我地轉位。一開波當然係食海鮮啦生蠔有幾款，好鮮，凍蟹好甜,凍湯好好味。但甜品就一般，梳乎厘太香無羊扒，羊肶好酥，又無mint jelly.牛扒好韌……食完一輪海鮮，已經好飽，果啲燒味魚蛋粉無食食左好多肉，食個沙律自我安慰下不過沙律Bar 有鮮磨菇，未試過生食蘑菇所以無落，無黑醋汁有啲失望，不過法式油醋汁酸酸地幾菜蔬好新鮮最驚喜係，竟然有個蛋糕仔送不過我果時啱啱食緊切餅……哈哈總括黎講環境好好，食物refill得幾快，唔洗搶

結婚2週年，好事梗係要慶祝多次，食多一餐好㗎啦。見呢間食評唔錯，又未食過，仲有72折coupon添。餐廳佈置大方，枱同枱之間有足夠空間，唔會逼。食物方面質素唔錯，款式亦啱我口味，好多都好滿意，而服務方面收碟快，職員態度友善，見你等緊，會主動問你想要啲咩。生蠔有兩款，大隻嗰種比較淡，而細隻嗰種蠔味較濃，雖然唔係即開但質素唔錯，而且Refill得快。鵝肝稍為唔夠肥美，無入口即溶感覺。麵包蟹及加拿大松葉蟹腳味道唔錯。加拿大石蟹唔新鮮，有少少霉。青口大大隻，波士頓龍蝦有膏㗎，另外龍蝦鉗，涷蝦，翡翠螺呢幾樣都新鮮，肉質夠爽，連平時少食嘅龍蝦仔都唔錯。另外熟食嘅叉燒唔太肥但唔會鞋。刺身夠晒新鮮，但壽司就真係唔好食，而且賣相唔得，好多未夾已經散。辣酒煮花螺唔太辣夠惹味，連唔食得辣嘅我都食到，仲有細細碗嘅迷你海南雞飯，唔係雞脾位但都滑㗎。燒牛肉同羊架好味，肉質夠嫩。下面係慢煮三文魚慕斯魚卷配檸檬牛油汁以及香燒羊仔骨配蜜糖芥茉汁兩樣我都覺得好味。三文魚好滑，完全無熟三文魚嘅鞋口，而另一種一入口充滿油香。魚有黃花魚，鱸魚，䱽魚，烏頭，可以揀頭或尾，只要拎枱上嘅Table card，做好職員會送上比你享用，

朋友生日咁岩見到呢度有七二折自助晚餐所以就一行七人尼試吓勒 我哋呢啲大食怪梗係一去到櫈都未坐就去攞嘢食啦 諗住食刺身先不過一見到佢哋嘅處理方法就唔係好想攞嚟食最後淨係攞咗三文魚 裝住刺身啲碟有好多水好似水浸刺身咁 唔緊要隔離有好多凍海鮮 生蠔比想像中好起碼唔係臭嘅 最好食係開邊龍蝦好多膏啲肉好甜好爽口我都忍唔住食咗三隻 之後轉戰沙律 沙律菜唔係好新鮮 大部份都生銹嘅 之後到芝士 反而芝士又幾好味 一共有四款 之後到熟食 鴨肝好大舊 即叫即煎既煎得幾香 負責煎既廚師都幾nice幾好傾 呢度仲可以自己揀魚 即叫即蒸 我哋揀咗條黃花魚又比想像中好食 條魚好滑 個個都讚 仲食咗好多野不過冇乜特別 同一般自助餐都差唔多 甜品選擇唔算多不過有八款H牌嘅雪糕 不過好似雪得唔係好夠凍一不上嚟已經溶溶地 計埋＋1就算有七二折都差唔多要＄500一個人 我就覺得唔係好抵勒

今年母親節同媽媽去食自助餐，我揀在評語不錯的food gallery, 而且位於尖沙咀好方便!環境不算很大，但食物種類也不少!首先揀黎間buffet其中一個原因係有生蠔，我急不及待拎在半打生蠔試，左邊係紐西蘭生蠔，右邊係美國生蠔可惜兩者都不是預期中甘好!好多沙，冇海水味，好腥，唔多新鮮!之後媽媽拎左黎碟， 長腳蟹超讚👍好鮮甜，螺肉大粒新鮮，阿媽話食左一打店內的廚師好好，我先試一小小鴨肝，覺得煮得好熟，第二次我要求唔好煮太耐，今次剛剛好，入口即溶，仲有三種醬比你揀，但我覺得配洋蔥醬配搭最温和最夾!海鮮蟹湯都好好飲!主題紐西蘭羊㗎又點小得，肉質鬆軟，配bbq source 好味!好多甜品，其實到尾聲已經好飽，連h字頭雪糕都食唔落!最後蛋糕賣相好靚，媽媽見到好開心好鍾意!而且真係好好味，raspberry 味蛋糕，中和甜味，所以最後就算好飽都仲食得落!環境不錯，整體大家都係滿意除在生蠔唔夠新鮮! openrice訂枱仲有72折，但記得print番張優惠卷，否則去到都係無折㗎!

又是一年一度生日的日子，與家人共聚吃一餐豐富的午餐，今次選擇了尖沙咀朗廷酒店吃午餐自助餐。餐廳氣氛和諧，適合一家聚餐，而食物與座位之間擺放的距離剛剛好，餐廳服務員態度親切有禮，收盤速度快，不會堆放餐碟在枱上。個人較喜歡熱盤食物，最特別的是有供應燜大腸，從未在酒店自助餐見到過。另外，值得推介的是即煮龍蝦湯，味道濃郁鮮甜，份量十足。最後，重點喜好的食物～甜品，雖然款式不算太多，但是我個人認為都是貴精不貴多，泡芙表面香脆，奶油香滑，令我忍不住多吃了兩個，其他甜品都可算中上之選。

環境不錯，服務很好，人不多，可以靜靜地慢慢食，雖然選擇不算很多，但簡而精，67折完加埋一先2佰頭，小朋友5歲以下不須收費，大家記得print openrice coupon 去試下👍👍👍

我會返轉頭原因其實好簡單，因為The Food Gallery無乜大陸人無大陸人呢點好重要，起碼環境清靜啲、可以慢慢享受食物！先嚟飲左個熱辣辣燉湯開吓個胃先，呢度嘅燉湯係必飲嘅，好正嘅，上次響螺雞，今次蘋果雞，同樣好果一。然後開始食沙律，呢度嘅煙三文魚，火腿同沙律菜亦係一定要食！煙三文魚同火腿夠味耐唔會太咸，我前後食左3轉再嚟就開始食海鮮，蟹鉗最好味！今次無琵琶蝦我唔制呀，上次食係超好味囉，食過咁多間dinner buffet除左洲際有之外我未撞過第二度有，但人地收緊個價錢貴呢度一截。翡翠螺都好好食，唔硬又有鮮味，good！龍蝦就正常，不過無雪味都應該係基本要求，佢做到。凍蝦好食呀，好鮮好甜，但我驚太飽就無瘋狂食啦。然後生蠔出場，今次有兩款。一款大隻啲較淡味，另一款就重海水味少少亦較為Creamy，兩者之間我寧願揀大隻，因個人來講麻麻哋Creamy燒牛扒我都係覺得要必食，呢個生熟程度啱我，啲鮮味肉汁一入口充斥住，實在係好開心

春夏交替之際去食自助餐應該是最好的時機, 因為此際就是大多數海鮮盛產豐收的時候。尖沙咀朗廷酒店的"The Food Gallery", 就以不同蟹類作為自助晚餐的主題: 螃蟹盛宴自助晚餐, 以蟹作招徠。星期一至四的Dinner Buffet 價錢為$598, 星期五、六、日及公眾假期則為$648, HSBC信用卡更有88折的優惠。價位於五星級酒店中屬中游位置, 尚算親民的可接受程度, 不過食物沒有因此而欺場, 除了主角的蟹外, 還有生蠔、龍蝦等海鮮, 更有鵝肝等較矜貴的食材。 身處老牌的酒店內, 走的還是華麗風格, 靠窗一旁的多為二人座, 同行多人的則安排於較正中位置, 相對地也靠近食物那邊, 周五晚上幾乎爆滿。 自助餐向來都是選擇甚多, 豐盛的程度敵不過胃納的有限, 精要的選取才是王道的吃法, 採取先遊走一圈視察再從中作出取捨的策略。 先是場面墟冚、非常貼題而選擇多多的海鮮區, 堆滿成小山丘般的海鮮成亮點, 冰鎮上的加拿大松葉蟹腳、加拿大石蟹、皇帝蟹、波士頓龍蝦、波士頓龍蝦鉗、紐西蘭青口、生蠔、翡翠螺、小龍蝦、凍蝦等, 精彩程度遠超想像, 十分目不暇給, 貨源從不短缺, 補貨添加的

侍應招呼還算可以，但食物種類少，不好吃。自助餐開始了半個鐘都沒人煎鴨肝，最後要捉住個廚師先有得食。生蠔沒味，食到打冷震。比其他酒店自助早餐還要差。最令人失望還是選擇很少☹️

朋友相約到這裡吃自助餐，今趟是以蟹為主題；難怪蟹痴朋友有這提議了。餐廳不時𨍭換食物主題，聽說下次是紐西蘭的草飼羊肉和自然放牧牛肉（由18/4 至 31/5），正合乎了港人貪新鮮的性格！環境也是極為開揚寬廣，施施然的進出取食，輕鬆自在。沙律菜是我毎次的首選，這裡有很多配菜可供選擇，不知不覺間，已拿了一整碟。加入了自己喜歡的配菜及油醋汁，相當滋味。看到這麼多爆膏麵包蟹、新鮮龍蝦、青口、鱈場蟹腳、美味生蠔....等，未吃下肚已在視覺上已先興奮了！麵包蟹多膏、肉質鮮甜；回本必食。翡翠螺亦是心水主攻；青口海水味濃。蒸魚是我至愛的食物之一，自助餐的蒸魚因一直置於熱盤子上，令致肉質過熟，可這裡最特別的，便是即叫即蒸魚，像今晚便有黃花魚、烏頭魚、黃立倉和加州鱸魚，魚肉嫩滑新鮮，加上蒸魚豉油，佳餚原來就是這樣簡單！刺身和壽司，選擇也真不少，每件吃少少也不為過呀。一向偏好體型細小的生豪，覺著味道更為鮮甜細緻，今次也是作了相同的選擇，味道果然比大隻的更對口味，但朋友就喜歡大大隻又Creamy的那款。荷蘭球形芝士、法國羊奶芝士、瑞士艾曼托芝士、法國布里芝士，喜歡吃芝士的我，當然要逐一品嚐，最後還是較喜歡羊奶芝

唔知有無人同我一樣，一個月，總會有幾日係特別肚餓，好想食下自助餐，放縱一下！3月尾，去尖沙咀The Food Gallery，有螃蟹盛宴自助晚餐！40款烹調方式及品質非凡的滋味蟹饌，包括鮮味無比的加拿大雪蟹、鄧傑內斯蟹肉沙律及香氣誘人的芝士釀焗鮮蟹蓋。睇見到想食落肚！來到The Food Gallery，先四處看看有什麼食物。食物種類豐富，由刺生、熟食、湯品、甜品、都有齊， 而食物是吸引我的~好似我鐘意的龍蝦、鴨肝、蟹腳都有，而蟹就是今天的精選，見到有好多啊~推介長腳蟹，好鮮味，殼又易拆！食完一round食物，我推介在The Food Gallery必食的有燉湯把食物的精華和甜味都燉了出來，我總共飲了4碗！蒸魚即叫即蒸~肉質新鮮嫩滑~讚鴨肝甘香口感，加上鬆脆多士，十分回味。甜品有驚喜的「小雲便便」其實是糖霜口感的東西，甜品種類都好豐富，細細杯可以細細品嚐，唔怕太飽食唔落。重點是任食多種口味的Häagen-Dazs雪糕食完一輪非常滿足，自助餐的好處就是可以選擇自己喜歡的食物，好開心。最後提提大家，自助餐菜式每天輪流供應，並因季節而有所調節，大家要自己留意了。今次自助晚餐時間：$598(1