The BASE nature (已結業)

突然好想食egg benedict，於是就搵荃灣邊度有。發現呢間新開嘅餐廳就膽粗粗去試吓。出面好多西餐廳質素都一般，尤其煮bruch 或all day breakfast 嘅好多都好hea，錢就俾咗但物非所值就失望啦。好彩！好彩！好彩！重要嘅事要講三次呢間絕對冇失望，因為食物真係有質素，用材全是對得住良心的👏🏻👏🏻先講環境, 餐廳可以選擇外面有玻璃窗嘅座位，睇住忙碌嘅街市，自己輕鬆嘆個brunch都幾自癒食物方面賣相不用解釋，靚！睇見蛋黃汁流出嚟就流晒口水，加上有黑松露，菠菜同三文魚，食落每樣食材都散發唔同層次嘅香味，冇得輸。加上泡沫般的hollandaise sauce就算凍左都唔會結晒，真有心思每樣食材都好新鮮，有佢本身應有嘅味道呢個慢煮雞胸野菌沙律都好好味餐廳有冇水準，廚師有冇功架，就係你食緊好簡單嘅食材，都能夠大比你無比滿足嘅味覺享受慢煮成效肉質夠嫩加上蜜糖芥末籽汁配合得天衣無縫 套餐包括的美式咖啡絕對冇失望，是味甘入口薄醇嘅咖啡下次一定回來試晚餐set最值得讚嘅係餐廳供應的水不是普通水,是有淡淡青檸薄荷葉檸檬的detox water!👍🏻👍🏻

作為荃灣街坊，見到荃新天地又有新餐廳進駐，當然要率先試下🤩一坐低就見到每一枱都有一支detox water，係誠意之作！睇完menu朋友都覺得個set dinner幾吸引，又啱晒兩個人份量，就嗌左一個set dinner+一壺花茶～南瓜湯好天然既濃郁，十分鮮甜，食得出係落足料。冇落cream都已經夠滑！法包唔會硬到咬唔開，而且成塊包充分吸收左牛油既香氣，食落好香，不過蒜蓉味就略為淡左d大啡菇大啡菇好juicy，加上蕃茄莎莎，十分清新～米形意粉米形意粉(orzo pasta)係香港既餐廳仲比較新，口感比一般意粉煙韌少少，幾得意。一上菜既時候就見到面頭既芝士份量好慷慨。店員建議將全部材料撈埋一齊食。溫泉蛋同溶左既芝士令成個意粉更加融為一體。一入口就食到好濃既黑松露味道，菠菜同蘑菇加強左成道意粉既口感～M6和牛我同朋友嗌左5成熟，一切開見到粉嫩既顏色。成塊西冷和牛油脂充分，加上慢煮烹調，每啖都好多肉汁～～～除左鹽之外，仲有「啤梨紅酒汁」可以點。酸酸甜甜既味道又意外地同牛扒幾夾，夾埋和牛既油脂食落好似有d蜜糖味～覺得好新鮮特別！整體而言覺得每道菜都切合餐廳個主題”nature”, 好好咁運用左

Happy Winter Solstice 祝各位冬至快樂 ☃️今日悠悠閒閒黎左荃新天地呢間新餐廳The Base Nature食lunch佢地裝修走大自然風格 坐得夠闊落同舒服Lunch menu選擇都好吸引-我好推介<蒲燒柚子比目魚滑蛋飯($98)>呢個餐走和風style比目魚燒到表皮脆卜卜 魚肉則非常嫩滑 配上日式滑蛋唔違和之餘亦相當好食-飲品方面 我好中意杯Iced caramel latte除左layered賣相夠靚外 飲落亦香濃順滑加少少錢都抵!-Taste: 👅👅👅👅Value for Money: 💰💰💰(on a scale of 0-5 emojis)-The BASE nature 地址：荃灣楊屋道1號荃新天地一期UG70號舖

係荃灣行完商場，經過見到新開小店，睇完menu，覺得唔錯，就同男朋友行入去食dinner我地叫左個2人set ,揀左黑毛安格斯做main course 之後小食我地揀左芝士薯格，真係要讚個芝士薯格，係炸後岩岩好，外脆內軟，係我食過最好食既，芝士唔會太多太小，份量好夠，而跟餐食日餐湯係南瓜濃湯2人set仲包括左個黑松露蟲草花米型粉，黑松露味十足，不過男朋友唔太喜歡黑松露，如果有多d選擇會更好Main course 上黎慢煮黑毛安格斯肉眼，扒屬正正常常，反而想一讚既係d配菜，好多不同既疏菜，而且十分十分好食，擺盤十分精緻總括來說，值得一試 ，不過就無好突出既感覺，聽講星期六日做brunch ,下次要來一試

今日去左荃灣探個朋友，順便係荃新天地食個飯。我行行下見到有間the bade nature，正正就是觀塘工廈the base既分店。我放假就會去工廈cafe坐低食個brunch休息下，觀塘總店環境好舒服，而且brunch價錢又唔貴，合哂我心意啊！荃灣分店環境更加迷人，吧枱位置有充足陽光，大玻璃開放度極高。menu有我最愛既all day breakfast，當然要order黎試下啦！再另外加錢叫左Ice Rose Latte！All Day Breakfast好豐富，當中以素蟹餅最吸引，小小一件好香脆，蟹味極濃郁，蘑菇溏心蛋最迷人！腸仔、煙肉煎得非常香口，另有炸薯餅，香脆完全唔油膩！沙律菜爽甜新鮮，茄汁豆夠哂香甜！好喜歡latte咖啡味濃香滑，有陣陣清香玫瑰味！

—枱上已經擺咗近年好興嘅detox water少少西柚檸檬味韓式牛肩肉中東烘包配蕃薯條($85)呢個推介 個包焗到脆身牛肉似肥牛質感但一d都唔肥醬汁幾惹妹 仲有大量椰菜絲蕃薯條唔太脆但甜甜哋 煙三文魚配黑松露benedict egg($85)典型brunch menu都有友人話聞到好大浸gas味 哈哈本身跟餐飲 果汁 花茶 都唔洗額外加錢 ————————————————————The BASE nature荃灣楊屋道1號荃新天地一期UG70號舖

作為hot wheels 忠實車迷，知道荃新天地搞咗個50週年嘉年華，我又豈可錯過呢? 當然要去朝聖打卡啦。玩咗成個下晏，都又攰又餓，就去附近搵嘢食。見到有間 The Base Nature 餐廳，應該是新嘢，望落好似唔錯，就入咗去。一個人食，唔可以叫太多，所以只叫咗個泰式沙田柚青木瓜藜麥沙律 $68、一個松露蟲草花雜菌米形粉配63度溫段蛋 $138，同埋一杯凍特濃朱古力 $42，慢慢歎。呢度啲餐具好講究，刀、叉都係墜手嘢，即係貴價嘢，單係呢樣都睇得出，餐廳做生意都係有要求，唔係只為錢去hea 做。平時去開啲餐廳只會提供白開水，呢度就唔同，提供西柚檸檬水，比起白開水，當然係好飲好多。今日，覺得口啖啖，想飲啲濃味嘢，但又唔想飲咖啡，所以，叫咗杯朱古力。杯朱古力，睇落去係分開三層，上層係好香滑的奶泡、中層係朱古力，底層係特濃朱古力。我喜歡將佢攪勻來飲，係好好飲。簡單得來好健康，而且營養豐富。青木瓜好清爽，沙田和車厘茄都有各自的甜味，再加上藜麥，令這個沙律增加咗口感。個樣好精緻，聞起來好香松露味。米形的意粉係第一次食，又幾特別。將溫泉蛋篤穿，勻和著米形粉來食，更增滑度。松露加上芝士，就令到個

黎荃新天地本為行街買聖誕禮物比屋企班細路，行行下肚餓，所以入左呢間餐廳食野。佢係半開放裝修，行大自然風。我中意佢地嘅餐具，一碟一碗都好有文青感覺，亦帶點原始風味。Lunch set嘅選擇都幾吸引，我地叫左7同9號餐，加$10有沙律。我對呢餐整體都好滿意。墨汁risotto賣相吸引，每啖意大利飯都浸住香濃嘅墨汁，面頭兩粒帶子亦好大size，冇overcook，口感夠爽。另一個set嘅比目魚飯仲正。好耐冇食過烤得咁香口嘅比目魚，表皮脆而魚肉嫩滑，極度推介👍🏻👍🏻👍🏻其實set salad都好fresh好好味，我個人中意蜜糖黑醋汁！酸酸甜甜，好開胃。btw我加錢要左杯Iced Caramel Latte，好滑身，賣相超photogenic，下次都會再加錢叫😙

前陣子來到尚在裝修，最近裝修完畢，可以一試。原來餐廳在觀塘有分店，口碑不錯。點了一個三至四人餐，四個人share，當中三位都是比較小遺袋之人，發覺其實不太夠飽。份量偏少，走精緻路線，大食朋友要注意了。每桌均有一瓶detox水，淡淡西柚味，自己在家也可以試泡泡看。雖說是三至四人餐，餐湯只有三份。是日南瓜濃湯，配脆多士，偏鹹，或者廚司不少心多加了鹽，朋友鹹得不能接受，沒喝。小食四選二，選了全是澱粉質系的芝士薯格和蕃薯條，現成食物，味道自然不會差。但餐廳亦有自己的twist，醬汁是咖哩蛋黃醬，挺對胃，加分。這個松露蟲草花雜菌米形粉非常特別，上面一隻流心蛋，下面乍看以為是飯粒，其實是意大利麵的一種，口感特別，少少彈牙，和意大利飯非常不同呢。四個人，大概分到一人一匙，少食份外覺得特別滋味（笑）主菜有幾個配撘可選擇，但我們誤會了以為是分開上的主菜。結果是一塊牛扒和一件三文魚塊在同一個盤子上... 正常人食糧的話，這頂多可以稱為二人餐吧？（還是我們太大食？）肉眼扒五成煎得剛好，味道濃郁，佐有啤梨紅酒汁，但我習慣就是不沾醬料享受肉的鮮味。吃得出是靚牛扒，用料方面十分認真。三文魚以味噌醬調味，少少偏鹹。

今日有時間來到荃新天地行商場，見到商場設置了一個即踏即充電位置，又可做運動又可充電又環保，一功三德呢。做完運動就試嚇在格離新張還在裝修的餐廳The BASE nature。餐廳位置不是很多，有一邊是卡位一排過的，裝修及座位都很舒適。枱上放置有柚子及橙茶自行添加任飲，都很方便。蒲燒柚子比目魚滑蛋飯,糖醋木耳$98。配飲品，+10配時令沙律，配柑桔柚子醋。沙律有車喱茄沙律菜及近期興起的健康菜雨衣甘藍，柑桔柚子醋令新鮮的沙律菜帶當柑桔，柚子及醋的味道，酸酸甜甜，非常爽口惹味。糖醋木耳另處裝上，糖醋帶少少甜甜酸酸的，令木耳爽口之余很是好味。蒲燒柚子比目魚滑蛋飯，面上有很多的紫菜絲，再下一層才是主角比目魚及滑蛋。滑蛋廚師煎得不錯，入口嫩滑帶蛋香。主角比目魚入口感覺帶煎的香味，皮非常脆，食落感覺魚肉新鮮，魚肉嫩滑有魚味。西柚檸檬冰茶。最喜歡西柚及檸檬，酸酸甜甜，冰冰凍凍的味道，健康得來又好味。

今晚跟朋友到新開餐廳晚飯，一入餐廳感覺好輕鬆，樓底高有空間感，食物都很健康，俾人一種天然既感覺。服務亦很貼心有禮，上菜下單都快而順利，好滿意。連水都有水果同香草浸過，係Detox water，橙有豐富維他命C，易溶於水，所以都對身體好，幾健康。南瓜湯配牛油法包，法包烘得暖暖而香脆，但也保留包心的鬆軟感，配甜滑南瓜湯，味道唔會過重，感覺剛剛好，而南瓜亦有好多纖維，也是較健康的。芝士蕃茄莎莎焗大啡菇，有四件的份量剛好，只係不算大啡菇，不過味道幾好，菇都厚身多汁，而芝士亦焗至香，用蕃茄酸甜來提味，幾開胃的前菜。爆炸藍椰子$48，好靚好大杯，原來爆炸係用爆炸糖，幾有創意。入口冰涼，有淡淡椰子香，飲品不太甜，食到爆炸糖時，口內霹靂啪喇的感覺，好飲椰子係口中爆發，感覺都幾特別。玫瑰拿鐵$35，漸層顏色好靚，底層有玫紅糖漿，中間係奶同咖啡，好頂是質感豐盈的奶泡，搞勻來飲，也飲到綿密奶泡，香濃咖啡同花香甜美的玫瑰花味，味道好好。松露蟲草花雜菌米形意粉伴溫泉蛋好香松露味，米形意粉食落都有幾分似米飯，不過粒粒分明，不會似飯一樣軟糯，由濃滑醬汁同蛋黃汁包住米形意粉，更香更滑，加上有健康蟲草花、雜菌同菜，夠哂

經常蒲荃灣嘅我, 知道 CityWalk 開左間食西餐嘅新餐廳, 一於今晚就去開餐｡呢間餐廳都幾特別, 每枱都會有一樽浸住水果 & 薄荷葉嘅水 For 客人飲用, 斟左一 Round 之後, 店員好快又 Refill 左一支｡晚市有提供 2人或 3-4 人 Dinner Set, 如果 Dinner Set 唔啱口味, 仲可以散嗌, 價錢都唔算好貴｡南瓜湯配牛油法包多士南瓜味超級濃郁, 香香甜甜, 質感較杰身, 啖啖都食到南瓜蓉｡ 個法包多士超級香脆, 而且黎到時仲係熱辣辣, 沾 D 南瓜湯一齊食仲正呀 !!芝士焗蕃茄莎莎大啡菇大啡菇肉厚多汁, 配搭香味清新嘅蕃茄莎莎, 再加上溶化嘅芝士, 味道帶點酸酸辣辣, 非常開胃｡松露蟲草花雜菌米形粉 配 63 度溫泉蛋米形粉望落似意大利飯, 上面放左隻溫泉蛋, 松露香味四溢, 未食已經流口水｡ 先將溫泉蛋攪爛, 同 D 米形粉撈埋一齊, 忌廉 + 芝士 + 松露味道非常濃郁, 溫泉蛋令成個粉食落去比較滑身, 雜菌更大大增加左口感｡慢煮穀飼黑毛安格斯肉眼扒 配香燒鴨肝穀飼肉眼扒油花豐富, 口感軟滑, 經慢煮後肉質更加柔軟多汁, 只需簡單加入少少海

荃新天地呢排新開左好多餐廳，同層而家仲開左The Base Nature！係西式餐廳，簡約裝修好有森林感覺既佈置，今日同朋友慶生，兩個女仔叫左個二人餐。頭盤係啡菇，上面酸酸蕃茄汁配芝士，醒胃又香口。湯就係南瓜湯，有少少蒜香加埋微辣。牛油脆包一流，香脆到有Ｄ似油炸鬼呀！介紹下我同朋友既飲品，如果叫set都會有十蚊discount．奇異果茉莉茶，有好多奇異果肉，清香帶點酸，好解渴。焦糖香橙咖啡新穎又有趣，上面有層薄脆焦糖，鐘意果香咖啡既你唔可走寶。米形粉好好食,一D都唔會覺得漏,好特別係佢有虫草花,fusion!!! MAIN我地叫左墨魚汁飯,本身都預左會食到個咀黑哂,點知佢個整法好特別~ 係用原條墨魚壤左D入去,D飯紫菜包住,好似韓式飯團咁,就唔會個口黑哂啦,真係又好食又細心呀!西餐真係好多,但如果講到細心同味道,去荃灣一定會揀base nature!

今日經過荃新天地一期，有間新開嘅西餐，又係試新野既機會。睇下有咩好食先，枱面有支水，裡面浸左橙，幾靚喎！平時檸檬水就飲得多，橙水都幾特別。是日餐湯係南瓜湯，飲到啖啖南瓜蓉，好味！泰式黃咖喱燴牛肉寬條麵，微辣，所以唔食得辣都可以一試，我就覺得係咖哩香，加幾滴青檸汁，味道更加鮮明。牛肉煮得好淋，加埋香脆既乾蒜同果仁，正！蜂蜜山楂蘋果茶，好有自家製味道，唔太甜，煲過既蘋果粒甜甜既，冬天甘乾燥，飲完都幾滋潤。

今次我哋一家人去咗#TheBaseNature 同寶寶慶祝一歲生日，雖然地方唔係好大、不過勝在坐的位置都夠闊落，呢間野新開、員工服務都唔錯、都係一班後生仔，熱血青年。🤣 喺呢度會見到好多植物嘅裝飾，枱面仍有杯好清新好靚嘅水樽，其實係俾我哋飲㗎！我就冇試過啦！不過我個妹話幾特別、有啲西柚味。 我哋叫咗好多嘢食，介紹下我最鍾意食嘅嘢啦！有個焦糖香蕉野莓班cake配雪糕令我最深刻、因為食完唔會覺得好流，配埋雪糕味道好夾、成個俾我食晒！ 另外仲有一款素食漢堡，入面有芝士燒烤菇🍄，牛油果🥑同薯格、我最鍾意就係食大菇、佢呢度啲菇燒得唔錯！成日食肉、有陣時食下素都唔錯㗎！