The BASE nature (已結業)

荃新天地開左新餐廳，經過即刻去食下，因為個dinner set都幾吸引，而且仲有靚靚甜品，環境舒適，好岩同朋友慢慢傾計食飯。餐廳超用心，連提供的水都是Detox water，用新鮮橙同薄荷葉浸飲用水，飲落好清爽又有水果香。當晚餐湯係南瓜湯，溫和甜美又濃郁的南瓜味，質感夠滑，仲有微辣味道，飲完好暖身。配用牛油焗到香脆的法式多士，進餐的好開始。芝士蕃茄莎莎焗大啡菇其實芝士焗得幾香，蕃茄莎莎微酸，都幾開胃的小食，但啡菇太細，沒預期般大，如果再大隻一點就更好。松露蟲草花雜菌米形粉配63度溫泉蛋，賣相好靚，看似意大利飯，但原來係米形意粉。刺開溫泉蛋，蛋黃汁流出，好誘人。拌勻creamy米形粉，味道更香濃。米形粉口感獨特，有意粉既滑，但一粒粒又似米飯。重點要讚呢道菜，夠健康又好味，用有益的蟲草花同健康雜菌，又有好香松露味。慢煮穀飼安格斯肉眼扒（8安士）$458 配香煎鴨肝 $50，上菜時傳來陣陣香味，特別加左鴨肝來配牛扒，係明智之選。牛扒用慢煮方法，所以冇特別要求熟度。肉質柔軟多肉汁，而且輕易切開牛扒，醬汁有果香，酸酸甜甜好夾牛扒，配埋外脆內軟且油潤豐腴的鴨肝同食，更添滋味的雙重享受。配菜有好多種

荃新天地最近開左新餐廳，便和朋友去了新餐廳吃午餐。餐牌有不少all day breakfast 供選擇。餐廳在每張桌上放了一樽水供飲用，裡面放了生果，味道清甜。Full-day breakfast :素食蟹餅，大啡菇，波菜，63度溫泉蛋，火腿，雞肉腸，豬肉腸，煙肉，薯餅，燒番茄，酸椰菜，西柚沙田柚沙律，牛角包或白多士（$105）嘩，真的非常豐富，好多野食。這個餐可選配牛角包或是白多士，我則選了牛角包。牛角包都幾大個，非常軟熟，而且送上來的時候仍然是熱的，非常好吃! 素食蟹餅是上圖中右下角圓形的那個小炸物，炸得幾脆，口感不錯。煙肉唔會太咸和太肥，對我來說味道剛好。薯餅更是非常好吃，夠熱。燒番茄燒得很香，加埋腸仔，火腿等配料，真的很夠飽。另外西柚沙田柚沙律味道幾特別，甜甜地，味道清新開胃。灸燒煙三文魚配黑松露賓尼迪蛋，法式牛油多士: 賓尼迪蛋有2隻，我覺得這份量是剛剛好，因為有時賓尼迪蛋吃多過2隻開始就會覺得溜，而它這個餐是配埋沙律同煙三文魚，咁就冇咁dry啦，煙三文魚咸咸地幾好食，同賓尼迪蛋幾夾。 賓尼迪蛋整得很香滑，幾正。飲品我選了洋甘菊菜，在餐廳一邊吃午餐一邊嘆花茶，感覺不錯。朋友則

今天在荃新天地走過這個剛開業的餐廳，在門外看了一下裝修的風格和餐牌裏的食物就很快決定要試一下了。坐下來看看餐牌裏面的內容很豐富。另外，餐具也很漂亮精緻，今天點了一個兩人套餐裏面有餐湯，牛油法包，芝士薯格，溫泉蛋米型粉，燒味增三文魚，湯很濃很好味，麵包很脆和牛油味配合得啱啱好。芝士薯格也是現做，芝士不太多，不會搶去薯格的味道，另外這個熱辣辣很好吃，而且份量也很大。溫泉蛋米型粉也是很清新，粉上小小芝士這米型飯更入味。燒味增三文魚的配以特別的醬汁感覺清新。整體看得出來這家是很有誠意的餐廳。絕對值得推薦。

之前係官塘食過，今日經過荃新天地新開張，真係好開心，荃灣又多一間美食啦餐廳枱與枱之間不算逼，有一定的距離，餐廳裝潢簡約，感覺好舒服，餐牌除左有2-4人套餐，餐牌都好多款式選擇，有湯、小食、沙律、意粉、漢堡飽、甜品等等。因為今日只有我自己食晚餐，所以我選了好耐冇食既Burger 澳洲M級肉醬和牛芝士漢堡漢堡包超大個，好足料，有煙肉、蕃茄、生菜、芝士、和牛，好豐富，麵包烘得微暖，入口軟熟，煙肉略為乾了一點，和牛扒只有6，7成熟，入口和牛味超濃，入口即溶，好滿足。

今日我地去荃灣行街，經過見到新開張，排長龍，我地又唔執輸，排埋一份。餐廳可容納24人左右，除了卡位，還有高枱選擇，可以望到街景。餐牌有Dinner set ，有二人同三至四人套餐選擇，我地選擇了二人選擇，有湯、小食、Pasta 、同埋Main Course ，仲可以加$20配荔枝青檸梳打/是日梳打或加$30升級配英國玫瑰紅茶/瑪莉洋甘菊紅茶（熱）今日餐湯：南瓜湯配牛油法包多士金黃香濃的南瓜湯，南瓜含有豐富的胡蘿蔔素、維他命B1 、 B2 、 C 以及食物纖維，美味又健康，配上牛油法包多士真係最佳組合芝士薯格份量超多，金黃香脆薯格加了芝士，芝士份量超多，帶濃濃芝士香，好邪惡松露蟲草花雜菌米形粉配63度溫泉蛋餐廳建議將溫泉蛋撈暈一齊食，米形粉，好得意，口感煙煙韌韌，配料有蟲草花、雜菌、菠菜，味道好好味，特別個汁，好快比我地清晒慢煮穀飼黑毛安格斯肉眼扒只有5成和7成熟選擇，我地選了5成熟，切出黎岩岩好5成熟，控制得好好，肉質好軟腍，牛味濃，而且還鎖住了肉汁，好juicy 荔枝青檸梳打荔枝和青檸配合得好好，味道好清新

行到好累, 係荃灣citywalk 上一層樓開左間Cage,店面裝修非常吸引, 見到有SOFA又有high chair bar檯, 裝修時尚, 就入去休息下先。有TEA有COFFEES 選擇, 傾計都唔錯喎!我就要咗個午餐蒲燒比目魚，等咗陣就有啦。燒得外脆內嫩，汁又夠好送飯，下面仲有炒滑蛋，正喎。旁邊有自己做嘅糖醋木耳，酸酸甜甜好開胃呀！最後忍唔住叫住杯沙冰，爆炸藍椰子，一聽就知勁嘢，真係好藍好爆炸好椰子呀！即刻同個招牌影張相先！

之前幫襯過他們觀塘分店，整體相當有質素。今日行過，原來荃灣新店剛剛開張。作為荃灣人，一於 ENCORE! Dinner Set (For 2) $458南瓜忌廉湯南瓜味道非常香甜、濃厚。配合脆法包同食，一流！芝士焗蕃茄莎莎大啡菇基本上芝士焗 Portobello 係相當普通嘅菜式。但呢度加上蕃茄莎莎同焗，甜甜酸酸的味道，加上半溶芝士和大啡菇本身的質感，令味道層次更豐富。松露蟲草花雜菌米形粉配63度溫泉蛋忌廉汁相當 Creamy, 混合溫泉蛋蛋汁，非常香濃。米形粉口感煙韌，食落有點似意大利飯。慢煮穀飼黑毛安格斯肉眼扒配香煎鴨肝高質素牛扒，無需要任何調味，只需要配上一點點岩鹽就足夠。Medium 做到剛剛好。肉味、油香皆充足，相對西冷牛扒比較軟諗。用 Chargrill 代替 Panfry, 非常出色！桂花蘋果反烤搭配海鹽焦糖汁、雲呢拿雪糕酸酸的蘋果、濃厚的海鹽焦糖汁配雲呢拿雪糕，會有唔好食嘅理由嗎?

英國朋友趁著冬季假期來港旅行，順便來探我。佢下榻如心廣場嗰間L Hotel。見面後，問佢想去邊，想買咩? 佢竟然答我，話想去Uliqlo，話啲嘢平，連佢偶像費達拿都著，所以佢都要著。我知到隔籬的荃新天地都有間Uliqlo，就帶佢去掃貨，可惜，原來間舖係無運動服裝賣的，不過，佢都買咗兩件薄羽絨，仲話好平。陪佢掃完貨，都係時候食晚飯了，就搵間舒服餐廳坐下，食住傾。雖然 “吧檯” 位嗰邊有大玻璃開揚景，但係，我哋兩個人，都係坐梳化位會好啲，傾計會方便好多。同朋友解釋，香港地，好興食套餐，如果兩個人，就興食二人餐廳，因為會較單點的抵食。我哋叫咗個二人餐，個main 揀咗 slow cook grain fed black Angus cube roll，加$10食泰式沙田柚青木瓜藜麥沙律，再加錢叫了兩杯咖啡和一個甜品。成餐飯都係600蚊左右，即係60英鎊左右。朋友覺得好平，因為，喺佢老家食，起碼要嚟個double。是日餐湯係南瓜忌廉湯，又香又creamy。餐包係脆脆的牛油多士，脆得來帶點煙韌。泰式沙田柚青木瓜藜麥沙律朋友話好少見，幾有風味，味道亦合佢口味。松露蟲草花雜菌米形粉配63度溫泉蛋味道

今日星期日一個人，經過荃新天地有新開嘅餐廳所以入去坐下，環境係好適合慢慢坐玩下電話咁，呢間以前係觀塘都食過， 不過今次喺商場入面就真係方便好多， 主要係食一啲比較精緻嘅西餐。我叫左個好多汁的芝士焗蕃茄莎莎大啡菇同一杯荔枝野飲。賣相同味道都好好，食完係有好滿足的感覺，只係價錢小貴，如果約埋朋友來食就相當可以。在menu仲有burger，好似好吸引，下次一定要試。夜晚有個set dinner, 平均每個人好似二百蚊到, 適合同朋友食好西嘅日子。