The BASE nature (已結業)

一家大細都喜歡的all day breakfast當日經過荃灣，同姨婆特登去試一試他們全日提供的ALL DAY BREAKFAST.覺得有少少遠要走20分鐘的路。😔今日到訪的這間餐廳, 門面設計簡潔鮮明。裏面環境非常闊, 冷氣充足。最緊要坐下來不會非常擠逼。而他們採用的採光設計很有臺灣的味道。😘😘你對面可以看到荃灣街市, 雖然沒有海景。1. 全部分量好豐富，份量好足。 絕對滿足到開胃一族。當中以金翠蟹餅最吸引。外邊炸得好香脆,係味極濃郁, 而他們的蘑菇鍋心蛋就最好食。而我轉咗炒蛋亦感覺唔錯。炒蛋好有芝士味。仲有，豬肉腸仔煙肉煎得非常香脆。腸仔及煙肉大都是德國入口, 安全品質絕對冇問題。煙肉雖然有小小過熟，但唔太影響感覺。最愛亦是炸薯餅, 又香又脆完全唔油膩。而且加埋茄汁豆簡直VERY GOOD!當媽媽口乾嘅時候，遞上一杯冰涼透心的青檸梳打， 將所有 油膩去得一乾二淨。最主要他們的brunch, 完全唔貴。經濟又實惠。個人消費大概一百文。最適合一家人食聖誕大餐或者團年飯。😘😊

三個人來到荃灣行下街，就快到聖誕，消費氣氛濃厚，哈哈，咁不如對自己好啲，食下好西先揀左食呢間新開的西餐廳，簡約的橫裝，感覺光猛乾淨。點了一個三人餐（$678）再加飲品，加一後約$260人頭。先來南瓜湯，很滑很有南瓜的香甜味，可惜略為鹹了少少。除湯附送的牛油多士，煙煙韌韌很有咬口。小吃揀了咖哩蕃薯條，滿滿一盤很吸引，炸得很香脆，但鹽巴亦是稍稍下多了一點。主食之一的松露蟲草花雜菌米形粉配63度溫泉蛋，抱歉，前兩者味道吃不太出來，但米形粉很有咬口，加上蛋汁跟芝士片，味道很好吃啦～雖然只有一口的份量，但滿滿都是菇片，濃郁的菌味呢。主食之二燒味噌三文魚+慢煮穀飼黑毛安格斯肉眼扒，8安士的肉眼也挺大塊呢，要了五成熟，果真做到半生熟效果，肉味很濃，牛扒不調味是最好吃的飲品沒有拍照就不多談了，總括來說，食物ok嘅，出品鹹了少許，可能餐廳還是新開張未能掌握太準，份量略少，朋友跟我都不飽，哈哈，正好留肚食甜品。新開張店員都在訓練階段，人數多到每枱一位，哈哈，緊迫人釘人戰術，好處是水不停fill滿新店好好加油啊～

某晚去了荃新天地行街搵野食，咁岩經過呢間新開的 The BASE nature，於是決定入去試試。店員帶了我坐在窗邊的高桌位，望住悠閒的荃灣舊街景，感覺都幾 chill。每個座位都免費提供香橙薄荷detox water，味道清新可口。店內部分菜式，食材可以轉為素食，素食人士又多個美味選擇了。芝士焗蕃茄莎莎大啡菇，擺盤精美，大啡菇肉質軟腍，保留到本身的鮮甜多汁，配搭了酸甜的芝士芝士焗蕃茄莎莎，都幾惹味。香煎日本刺身帶子配北海道南瓜藜麥「飯」，菜式以大量藜麥代替米飯，藜麥比米飯更有營養，雖然看似份量不大，但吃完後發覺和米飯一樣飽肚。藜麥混合了許多南瓜汁，粒粒既爽口又清甜。既配以大量蔬菜，又有煎得軟腍香口的帶子，感覺相當滿足。鮮花．野苺芝士蛋糕配紅桑子汁，造型相當鮮艷吸引，灑了一些糖霜和玫瑰花瓣，充滿飄雪浪漫的感覺。上層的芝士球很香軟，兩層野苺啫喱，夾了 creamy 的芝士蛋糕，味道酸酸甜甜，感覺開胃，吃到飽飽後又可以消消滯。用作配襯的士多啤梨、藍苺和蛋白餅等，再為這碟甜品的味道生色不少。意式泡沫茶 - 東方美人烏龍茶 (熱)，看起來好像一杯泡沫咖啡，但這當然不是咖啡，而是先在茶上打了奶泡

荃灣係我嘅地頭，最近就係我屋企附近開咗依間新嘅餐廳，一向鍾意試新野嘅我梗係同埋朋友一齊嚟試吓啦。而且見佢個餐牌都有認真整過，所以好期待。我哋揀咗呢個二人套餐，有湯小食同主菜，選擇都有幾多。呢個係南瓜湯，食物嘅擺設賣相都唔錯，南瓜湯味道甜甜地，仲有好濃郁嘅南瓜味道添。呢個係松露蟲草花雜菌米形粉配63度溫泉蛋，我係第一次食米形粉，賣相同質感都好似米一樣，但係係帶點煙煙韌韌嘅，味道好creamy, 而呢幾種嘢食配起嚟異常地配合，好味！！主菜我哋就揀咗燒原隻八戶魷魚配墨魚汁意大利飯，呢條魷魚真係好大條，差唔多有15 cm長，入面瀼左啲意大利飯，感覺好似飯卷一樣。魷魚整得好鮮味，面頭仲有啲木魚添

全日早餐FULL Day Breakfast受歡迎，今日跟朋友到了家樓下這新的食店一看，店內的裝飾充滿型格，很合年輕朋友到這裡聊天休息，也不忘叫喜愛之全日早餐喔。滿滿一大碟有蛋、炸薯、番茄、蘑菇、沙律菜和茄汁豆等等，顏色繽紛超悅目，未吃也很興奮了。因此愈來愈多餐廳重點推介ALL Day Breakfast，要突出就要有吸引別人眼光及感覺才行了～享受傳統的英式早餐，是每天的樂事兼充電時間。連伴碟的火箭菜也青脆嫩綠，用料新鮮！ Like*而且牛角包的味道好吃，感覺亦沒有太多油份，１口咬下！立刻進去與店員預留晚餐之位子喔，之後，以一杯果味很濃郁水果茶欣賞這環境很棒很舒適的食店。總的來看，煙肉很好吃，特別是FULL day breakfast不但滿足到三心兩意的人，而且煎過既腸仔，甚至滑煎蛋，亦要一試呢~很好的一個午餐。

今日朋友的家有活動，因此到了附近跟她吃午餐，食店的裝修有用心，而且座位非常的寬闊喔~聽說這食店最吸引是冰水果茶的~朋友很快就選All day breakfast，因為可以滿足其三心兩意的性格呢，賣相佳～我選主打的澳洲草飼牛肉漢堡配炸薯格，牛肉標榜澳洲草飼牛，還有薯格；薯格，分量非常多。另外點了一杯水果茶。草飼牛肉以天然方式餵養，豐富油脂，口感柔嫩。原味香煎夾漢堡或加少許鹽燒烤已可嚐到天然香濃的牛肉味～因此這店也用這方法，入口非常好，算是平價質素高。荃灣為美食勝地，誰想到在一個廣場， 新開的食店有如此高的質素，裝潢摩登，木材牆身貼上細緻的裝飾作牆紙，店內植物很美。客人可一邊吃漢堡，一邊聊天，透過玻璃門一瞥街景。非常的舒服，要來多回～

當日經過荃灣同家人去食聖誕大餐。特登去試一試他們全日提供的ALL DAY BREAKFAST.雖然位置有少少偏遠....1. 全部分量好豐富, 絕對滿足到開胃一族。當中以蟹餅最吸引。外邊炸得好香脆,係味極濃郁, 而他們的蘑菇鍋心蛋就最好食。跟去日本浸溫泉食嘅一樣。亦即是溫泉蛋。仲有腸仔煙肉煎得非常香脆。腸仔及煙肉大都是德國入口, 安全品質絕對冇問題。最愛亦是炸薯餅, 又香又脆完全唔油膩。而且加埋茄汁豆簡直VERY GOOD!當媽媽口乾嘅時候，遞上一杯冰涼透心的青檸梳打， 將所有 油膩去得一乾二淨。最主要他們的brunch, 完全唔貴。經濟又實惠。最適合一家人可以食聖誕大餐或者團年飯。😘😊

荃灣就成日黎citywalk真係少d好日唔黎一次就見到有新餐廳開張鍾意試新野既我就梗係要一試啦==============================呢到環境都幾優雅而且一黎就會送上一支果茶唔係淨係水咁簡單真係好有誠意今日黎食lunch選擇都唔少,價錢都唔算貴前菜揀左芝麻醬沙律沙律菜好新鮮芝麻醬都好香濃蜂蜜山楂蘋果茶唔會太甜而且飲到好香又好清新既山楂同蘋果味好有特色既一道飲品澳洲草飼牛肉漢堡,芝士肉醬煙肉配薯格首先我想講牛肉漢堡大大話話我都試過幾十間,當中貴過呢間既都大有人在但呢間係我食過幾十間入面最好食既一間先講漢堡可以見到有幾厚實而芝士,肉醬,同煙肉呢三個好朋友都好足料而最重要當然係塊漢堡扒睇下入面仲係紅色切開果陣可以見到好juicyd肉汁係必緊出黎煎得真係好好而且食落口,濃濃既牛味係口腔到爆發鍾意食牛既一定要試下唔好睇佢d蕃茄好似好乾咁但其實係好juicy佢既汁係鎖晒係入面而且好甜唔會酸唔好以為薯格係配菜佢就會馬虎呢個薯格完全唔係kfc之流可以媲美又香,又脆,入面已經冇多餘水分而且又保留到好香既薯味而且佢調味一流,有少少咸咸地咁好開胃=====================

<新店>今日放假，很有mood，見到這間新店開張，「The Base Nature 」的餐牌幾吸引。<detox water>首先見到每枱都放了瓶 detox water，夠晒有誠意，水有些西柚檸檬味，好喝，讚。<韓式牛肩肉中東碰包配番薯條>$85賣相非常吸引，包焗到很脆身，但唔燶，牛肉分量足夠，加上大量的椰菜絲， 最惹未試過醬汁，配搭起來很好吃。薯條粗幼適中，不太鹹。<焦糖香蕉野莓班戟配雪糕>$75這個賣相也非常吸引，班戟有三層，加上大大的士多啤梨在頭頂，士多啤梨醬汁隨隨流下來，視覺感受一流，就算唔食得都睇得，更何況味道很不錯呢！<套餐>2个套餐都包飲品，天氣好熱，叫了杯橙汁，另外仲叫左青檸梳打凍飲，hea左3個鐘，無敵大玻璃外見到的開揚景觀，感覺放鬆。

今晚試試位於荃灣荃新天地，新開張的西餐廳The Base，其總店在觀塘，名聲不錯，主打健康清新飲食。每張枱上均放著一瓶排毒水Detox water供客人免費飲用，排毒水內浸滿鮮果如西柚、橙等，富含維他命及礦物質等多種營養素，有益又好喝，有心思👍🏻晚餐點了慢煮黑毛豬鞍 配甜酸燘優質穀飼豬腩，肉帶粉紅嫩色的是慢煮豬鞍，外層焦香，油花甘香肥美，肉質幼嫩。另外還有以中式燘燒的西班牙豬腩，像是吃中菜的東坡肉般，肥膏瘦肉相隔，入口即溶。由於主菜份量不算多，肚子有位置再吃甜品了，一於吃個桂花蘋果反烤撻，桂花蘋果醬甜美濃郁，撻底反像是一層酥皮，跟想像中有點出入。配海鹽焦糖汁、雲呢拿雪糕，中和一下甜味，聰明的組合。

今日冬至，夜晚才要返阿媽屋企食飯，阿媽叫我去楊屋道街市鼎爺去開嗰檔魚檔買鯪魚肉返去打邊爐。因為時間尚早，便去隔籬個荃新天地打個轉，順便食個下午茶。原來呢度tea time時間唔收加一，我哋兩個人share咗一個brunch set，再加多一個特色Tea，都只係$135，無人趕，坐到下午五點先走，抵晒!熱特濃朱古力，要咗少甜。拉花好靚噃! 朱古力真係非常之濃郁，好味嘅!蜜糖風乾檸檬紅茶好有特色。係用咗一個長柄茶壺裝住啲紅茶，裡面仲有風乾咗嘅檸檬片。下面仲有一個小火爐，慶住啲茶添。茶味好出，而且有甜絲絲的蜜糖味。檸檬係唔酸的，被紅茶泡過之後，整杯茶飲落好舒服。韓式牛肩肉中東烘包配番薯條看得出很用心去做。牛肩肉醃得和味，麵包外層脆脆地，一啖咬落去，成個口腔充滿牛肩肉碎和中東包，好滋味。平時，多數食炸薯條，呢個brunch 卻做上番薯條，較炸薯條甘香好多。坐到5點，係時候去街市買鯪魚肉了。

今天是星期六，好朋友相約於荃灣見面，定必出席，今次朋友安排與大自然一同享受。餐廳裝潢，方面以木色為主調，配合烏絲燈膽黃光照射底下，充滿暖洋洋的感覺。我們到達的時間為下午十二時半， 正正是早午餐的時間，我點了“未來”素食漢堡，芝士燒烤菇，牛油果配脆薯格。 見到個名已經好期待，未來素食到底會是怎樣的。 熱辣辣新鮮送到臺上，外表和一般的並無大分別， 比一般做得外觀上更靚，沒想到內裏 餡料十足， 未來我們的看到會是這樣嗎？ 現在可能還不知道，但我可以肯定絕對是健康嘅首選。鮮水果茶， 水果量十足，內裏有蘋果，火龍果，鮮橙，士多啤梨，青檸等，由多種水果混合而成， 但茶底已經有甜味， 再配合先股嘅香甜，又是另一番風味。下次再食過。

最近老婆轉左荃灣返工，愛妻號既我，當然跟住喺荃灣出未，遇上做節既日子，大人交左任務俾我，要「食好野」我又唔熟荃灣，上網又搵唔到心水，唯有亂咁行，周圍搵，喺我蕩失路之際，見到間新開張既餐廳上網搵到既餐廳資料唔多，見到啲食物都幾特別，最重要有老婆最鍾意既咖啡，牛扒，膽粗粗試一試等到老婆收工已經8點，門口仲有人排隊好彩提前book左枱直接入得，第一時間梗係隊張餐牌俾老婆，最後叫二人餐，今晚餐湯係南瓜湯配多士，小食揀芝士薯格，意粉係蟲草花米形粉，主食揀安格斯肉眼扒，另叫左杯手沖咖啡俾老婆大人首先黎左個南瓜湯配多士，多士好脆好香，沾南瓜湯一齊食最滋味，飲完湯暖笠笠，湯好足料芝士薯格真係堅好食一啖咬落去成口薯肉，作為一個薯控真係投晒降松露松草花雜菌米形粉配溫泉蛋，撈左蛋汁似食緊意大利飯，配三款益菌，食得健康味道都好夾。安格斯肉眼扒，賣相一流，入口有濃郁既牛味烹調時間岩岩好，好juicy，咬落去有溶化既感覺個汁酸酸地幾開胃，我覺得唔洗加配料已經好好食。原來喺荃灣有得飲手沖咖啡既地方，少之又少，老婆話呢杯咖啡係哥斯達尼加既豆，飲落去有花香味，冷同熱呈現既口感都唔同，咖啡師沖得好好，仲好似幾靚女😂但我就

行街有啲攰，就想坐低嚟飲杯茶食個餐，係荃新天地入邊有間新裝修嘅餐廳，環境唔錯入去發現除咗有各式嘅咖啡之外，仲有好多種茶: 有英國玫瑰紅茶，地中海蘋果茶，蘋果薑茶，蜜糖桂花茉莉綠茶，瑪莉楊柑菊茶，柚子高山烏龍茶，等，而我就叫咗蜜糖洛神花茶，店員話係可以消脂幫助消化嘅，最啱我啦。呢個茶酸酸甜甜，茶色橙紅橙紅，非常之特別好飲。正餐方面都有好多種揀，我就叫咗慢煮黑毛豬鞍店員介紹呢個菜係用伊比利亞黑毛豬天然牧養，以橡果為食糧，成為世界最高級嘅豬种之一食完發現豬鞍油花均勻，甘香肥美，再以中式方法燜燒西班牙優質豬腩，做到入口即溶，以兩種烹調方法處理兩個不同豬嘅部位，燒豬鞍係標準嘅西餐風味，而豬腩肉就好似中式嘅東坡肉一樣，一次過品嚐中西兩種風味，值得推薦。

荃灣荃新天地開咗間#TheBaseNature，今日一於去試吓！我就最鍾意食肉，叫咗個澳洲草飼牛肉漢堡薯格，牛肉漢堡美味，唔會整得太熟，所以口感非常好，再配埋杯整得好有心思的拿鐵，心情即刻靚晒！朋友叫咗個煙肉火腿炒蛋芝士牛角薯格，整體都唔錯，一個餐大概$90左右，兩個人都係兩舊水有找。我見枱面有杯好靚嘅水樽，原來係飲得嫁！充滿果汁味的水水！味道唔錯！夠清新！#foodie #西式餐廳#美食#荃灣#荃新天地