The BASE nature (已結業)

Haven’t been to Tsuen Wan for a while and my friend who works here took me to The Base Nature for lunch today. They have quite a nice selection for lunch and we went for #2 and #7.I have to say, I was really impressed by the amazing bento with flatfish!The flatfish was perfect grilled to give the fish skin a crispy texture and the meat underneath remained super silky and smooth. The seaweed on top went very well with the kabayaki sauce and the rice.I added $10 for the set soup which was a very r

係荃新天地見到呢間新開餐廳，標榜天然就入去試下☺️☺️☺️店員先提供一樽排毒水Detox Water，一坐低已經有個好開始，服務夠細心。👍🏻怕麻煩叫Dinner Set最好😆南瓜湯跟餐Dinner Set包南瓜湯，南瓜湯味道夠濃。半發酵牛油法包法包多士細細件反而有驚喜，口感淋淋地但勁香麵包味，係會keep住食果種。😍灸燒澳洲黑安格斯頂級牛腹膜肉(8安士), 砵酒汁配忌廉焗薯 ($178)一上檯已經好吸引🤤用上印有餐廳logo的木盤，賣相加晒分。牛肉食落鮮嫩多汁而家牛味濃得黎又唔韌，無揀錯。😋澳洲草飼M級和牛肉醬芝士漢堡 ($178)友人揀左漢堡，漢堡加上有兩塊長煙肉/芝士/洋蔥/肉醬/生菜，我覺得肉醬有加分作用😎 令到成個包食得唔會好乾。另外芝士醬流左落薯格到，更加好味。👍🏻西柚檸檬冰茶 (+$8)個茶好Fresh又唔會好甜，真係原汁原味見到大半個西柚係入面。岩晒我呢類唔鍾意飲甜野的人。😆

近年香港越來越多餐廳用上100%全素嘅Beyond Meat 製作漢堡, 呢間位於荃新天地嘅The Base亦係其中一員。未來素食漢堡 $95 Beyond Burger外型同一般牛肉漢堡並無差異, 食落口感鬆軟, 肉汁不多但亦唔會太乾, 味道的確有點牛肉的影子, 如果你係素食者或者提倡多肉少菜嘅健康飲食者, 呢個Beyond Burger係不錯嘅選擇。套餐配有薯格、芝士燒烤菇同牛油果蓉, 其中薯格香脆可口, 水準不錯。跟餐另加$10可轉特濃朱古力凍飲。

上幾次經過依間餐廳，都覺得佢哋嘅裝修好靚，今次就嚟食下餐牌簡單易明，今次我地叫左2個set佢set既價錢係合理既，不會話太overcharge 我地加左28元試下個蕃薯chips,個chips 甜甜地，加上經過調味既咖哩醬，好食餐湯係包埋既，佢個湯非常足料，有蒜頭，蘿蔔，脆肉瓜，薯仔蕃茄等，一飲落去就知佢真材實料我叫左個南瓜藜麥飯，個刺身帶子用牛油輕輕煎二面，加上本身個飯有南瓜鮮甜味，佢仲加左好新鮮既菇一齊煮，食落幾fresh,有草原翻滾既味道😂依個飯，感覺好健康另一個叫左burger ,佢入面係有beacon , 蕃茄，牛肉，肉醬，生菜，芝士。佢地用好巧妙既方法，令到你咬落去d菜同蕃茄既水份唔會浸濕埋個包，好值得讚既係，佢個包本身唔硬唔軟，少少脆身，食得到佢用既材料都唔錯薯格新鮮熱辣有厚度，好食！同樣地，近排去嗰幾間餐廳，店員服務態度好好，依間都唔例外，店員勤力，反應快，有禮貌，人手足夠，好值得讚佢地

朋友介紹這間食brunch或All day breakfast。一早和朋友在荃灣西跑完步後，便到這間食早午餐，我叫左這個「灸燒煙三文魚配黑松露賓尼迪蛋」。第一啖入口已經有一種想再食第二啖的感覺，多士很脆，三文魚輕輕燒過，好淋好香，一切開，蛋黃流出來，很治癒，很好食。份量不算太多，作為一個早餐就很夠，如果當午餐可能會不夠飽。之後和朋友再加多一份甜品 —肉桂蘋果撻，配雲尼拿雪糕口感很特別，雪糕凍，撻底暖暖的，一啖有一冷一熱的感覺，而且味道不算太甜，share食也剛剛好。值得再試。另外一建議，職員態度有禮，如果多些笑容會較好。

朋友黎緊2個月要去個冇啖好食既地方, 所以就搵左哩間西餐同佢食返餐豐富既!😌😌😌餐廳個環境好舒服, 坐滿晒人每枱都有一支Detox water, 係之前好興將生果切粒再浸水, 話可以幫個身體排毒美顏。🤔 唔知係咪真係有效, 但對於唔鐘意水無味既我係勁吸引!😆南瓜湯將南瓜打成蓉再煮成既湯, 好濃郁好甜!👍🏻半發酵牛油法包2邊烤到脆脆地, 牛油味好重好香, 個法包唔係好硬果隻, 好味!😍澳洲草飼M級和牛肉醬芝士漢堡 ($178)個麵包皮烤過, 好鬆軟, 有少少好似提子包果種甜味一打開係2塊大大塊好脆既煙肉, 唔會太乾! 之後係肉醬同 一大塊既芝士半溶左係個漢堡上面, 個漢堡好厚身好juicy, 好有口感! 加埋塊芝士😍 果然食漢堡一定要有芝士🍔薯格好大塊好脆👍🏻炙燒澳洲黑安格斯頂級牛腹膜肉(8安士), 砵酒汁配忌廉焗薯 ($178)外層燒到好脆, 入面勁嫩滑! 完全冇筋, 好好食!😋😋😋個焗薯係一片片既薯仔, 幾特別! 仲有好多蔬菜做伴碟, 好健康👍🏻餐飲簡左熱朱古力 (+$20), 有拉花, 好濃郁既朱古力, 正!😎凍西柚檸檬冰茶 (+$8), 朋友鐘意佢夠酸, 好fresh😌

Weekend 永遠一起身已經過咗早餐時間, 真感激英國人發展出由早到晚都有得食嘅All Day Breakfast！Full Day Breakfast $108內容都幾豐富, 肉類有火腿、雞肉腸、豬肉腸同煙肉, 蔬菜有大啡菇、燒番茄、西柚沙田柚沙律同酸椰菜。當然仲有早餐必備嘅薯餅、雞蛋同茄汁焗豆！薯餅烤得夠乾, 香脆無比。雞蛋以63度煮至剛好凝固, 蛋黃完全保持液態, 蛋香迷人, 素食蟹棒外層尚算香口, 不過不失。麵包可選多士或牛角包, 牛角包蓬鬆感略有不足, 口感唔算鬆化, 但外層夠脆。 套餐+$5 可轉飲Mocha。

今日經過荃新天地見到呢間coffee shop THE BASE幾有格調😙 除咗有house blend coffee 仲有意式泡沫奶茶都好似幾吸引😙原來另一邊仲有做堂食餐廳😯😯 有brunch set pasta pancake burger都有 反正都未食野 所以就入去食個brunch先😛今日想食啲濕潤啲嘅食物 唔想食麵包🥯 所以就要咗唯一嘅意粉😂 黑松露雜菌菠菜米型粉配溫泉蛋 $82 (配一杯飲品)😛可能要係即煮 所以等左一陣15-20分鐘左右 上菜時間中等啦😂 米型粉配溫泉蛋賣相都已經幾好食 仲放左一片片cheese！😍😍 弄開溫泉蛋 蛋白同蛋汁即刻流出嚟 撈埋cheese食味道更加濃郁creamy 好好食呀！😍😋😋 米型粉比一般嘅米長少少同闊啲😯 口感都偏軟身 幾適合用黎配creamy既sauce wo！😯😯 而雜菌 菠菜就令到成件事有啲變化同口感😙 見佢雜菌都切得比較大粒同炒得乾身啲 相當唔錯！😋😋飲品我就試咗唔使加錢既 熱意式泡沫奶茶 (如果想飲茶 見佢都有勁多選擇 唔同嘅味道) 😂熱意式泡沫奶茶用矮闊杯上 好有style 影相都幾靚haha😙😙 泡沫有好多 都幾幼滑 不

今天跟朋友在荃灣荃新天地購物，看見這間主打自然風格的餐廳，午飯時間，雖然餐廳客人不少，但不需要等侯便能入座，於是前去一試。餐廳提供不同午市套餐，今次點了澳洲牛漢堡配薯格先來一個餐湯，是南瓜湯，非常濃郁南瓜口味，溫度亦夠熱。主菜的牛漢堡肉質非常鮮嫩，肉汁非常充足，而且擺放方式非常貼心，不會整個漢堡疊起來，可以用刀叉慢慢品嚐。牛肉熟到剛剛好，不會太熟或太生。配菜的薯格更加十分出色，是剛剛炸起的口感，非常香脆。最後來一杯除餐附送的檸檬梳打能夠在茫茫鬧市人海中品嚐到一點田園感覺的下午茶，是忙碌生命中的一點小點綴。泊車人士注意，荃新天地有免費泊車，不過需要$150才免一小時

住荃灣的好處系，衣食住行樣樣方便齊全。揾野食都超方便。今晚落單一人食自已。落去商場搵野食。簡簡單單食個西餐，The base糸不錯的選擇。有套餐供應，但系揀左散嗌。點左個燒原隻日本八戶魷魚釀墨魚汁意大利飯。賣相吸引，墨魚汁意大利飯整成好似飯團咁塞入魷魚入面，好大隻魷魚，fusion 好味。份量不俗，一個人食好滿足。鐘意佢個汁，不會太鹽，好鮮美海鮮味。肚飽左，但口未飽，又點左一份炸蕃薯條，好香甜番薯味，不太油，香炸可口。

今日係荃灣到做野 係荃新天地搵左間望落好green 嘅餐廳lunch set menu 都好豐富 我就揀左個risotto香煎日本刺身帶子配海鮮墨汁意大利飯 加$10 跟埋個蜜糖黑醋沙律沙律菜好新鮮 而且個沙律汁好開胃 酸酸甜甜講番個risotto 先 個煎帶子煎得好香 而且好厚身 食落啖啖肉嘅感覺😋😋墨汁意大利飯煮得都好好 飯嘅軟硬度適中 而且不會膩❤️餐飲叫左杯 芒果橘子綠茶 飲落好香芒果味我覺得值得一提嘅係呢到除左裝修得好有大自然嘅感覺之外每張格都放左枝水 入面仲加左兩片橙👍🏻👍🏻

新年食肥啲啲，新年後要食清啲？但要為食嘅貓人放棄美食，唔想咁樣，可以點樣？一間新開西餐廳，以大自然風味為主題，包羅一系列養生fusion菜及精緻健怡甜品，是荃灣區少有的新驚喜！這餐廳裝潢以木系為主調，配合啡色皮櫈， 結合面向商場走廊的透明落地玻璃，地方寛敞，簡潔明亮，但略為太開揚。入座後店員即帶來一樽充滿果香的detox water，為身體排排毒，並主動為貓人斟了一杯，服務貼心。看過餐牌，包括各式新派養生fusion或健怡菜式，例如：未來素食漢堡、松露蟲草花什菌米型粉配温泉蛋、芝士焗蕃茄大啡菇及北海道南瓜藜麥意大利飯。由於碰巧為下午茶近黃昏時段，貓人唯有在數款 tea set 裡，選擇了較具特色的「肉桂蘋果反烤撻配雲呢拿雪糕」連餐飲茉莉綠茶（HK$82/set ）。稍候十多分鐘，當店員端上來時，貓人忍唔住雙眼發亮！精緻的甜品呈現在猶如美食舞台般的黑石餐盤上，吸睛度飈升！熱烘烘的肉桂反烤撻酸酸甜甜，微微透出海鹽鹹味，撻邊有細細粒花生碎點綴，再配搭香滑的雲呢拿雪糕及朱古力醬。冷熱交融，少少鹹、多多脆、清新酸甜又不膩，口感層次很豐富，一啖啖大自然氣息，令貓人相當回味！希望下次encore有機

weekend來冇lunch set, 係brunch menu.牛肉漢堡拼薯格:我地第一枱客到，但hamburger也等好耐，約20 minutes.牛肉好juicy，也很厚肉．有bacon一片，tomato,菜一片，但菜有一点既野好似ant 甘大既size 係菜上爬❗❗很高興薯格冇辣，適合小朋友吃．mexico牛夾餅拼炸蕃薯條：炸蕃薯條好食，但太多salt.個夾餅看似好脆，以為一按壓會碎晒，但原來吾係的．好味．至於D餡，牛太少． 內裡太空心．吾抵食．但味道好食的．帶点酸味．多D牛和餡就perfect.coffee: 大杯．但好淡．milk bubble coffee: good. 但why is mini size 仲要另加$3.orange juice：大杯．環境：ok service： ok

星期四晚去到荃新天地，見到間好似唔錯嘅餐廳就入去試吓。叫過dinner set就啱晒，唔使煩，仲可以加小食同飲品，主餐嗌咗個低溫慢煮有機豬鞍，額外再加咗個芝士薯塊，飲品就叫咗有機高山蜜樹茶。等左一陣就上咗個蒜蓉包同埋蘑菇湯，蘑菇湯超級濃，同埋食到有啲蘑菇蓉超滿足，蒜蓉包個size亦都好啱啱好。再嚟就係芝士薯塊，熱辣辣勁香脆，估唔到咁好食，加埋啲熱熔芝士，食到停唔到口。主餐個豬鞍分量超多，面頭有啲香草包糠，加埋塊豬扒本身超juicy又冧，好好食，隔離薯菜都唔馬虎每一樣都好新鮮。一個full set基本上已經好夠一個男人食。最後仲有杯高山蜜樹茶解下膩。

經過荃灣，見到The base套餐餐牌好岩我食，減肥嘛，晤通真系要哩埋屋企煮一朵西蘭花🥦當飯咩？減肥唔一定要捱肚餓既。香煎日本刺身帶子配北海道南瓜藜麥飯套餐：餐湯+餐包+餐飲是日餐湯系濃郁的蕃茄湯，其實我原本系不鐘意食蕃茄的，但因為套餐配左呢款湯，先系試左一啖，結果居然超喜歡，原來蕃茄湯都可以咁好味，口感的綿密，不會太酸，有蕃茄蓉，層次豐富。藜麥飯擺盤吸引，整個組合都好健康有益，食物質素高，南瓜蓉帶少少酸，加上芝士薄片，令味道開胃，藜麥好易入口，有好幾款有益的蔬菜🥬真是減肥者之福音！最爱日本刺多帶子，煎左的帶子保留鮮甜之余，更香口。餐茶揀左茉莉綠茶，好清香！